Dagur - 28.03.2000, Blaðsíða 2
2 - ÞRIÐJUDAGUR 28. MARS 2000
FRÉTTIR
*
I leikhúsmu gildir
bara dánarvottorð
Egill Ólafsson í hlutverki sínu í Kysstu mig Kata. - mynd: e.ól.
Egill Ólafsson, aðal-
karlleíkari í söng-
leiknum Kysstu mig
Kata í Borgaxleikhús-
inu, sleit vöðvafest-
ingar í fæti í miðri
frumsýningu. Eftir
meðhöndlun lækna í
nokkuð löngu hléi
hélt hann áfram eins
og lítið væri.
„Þetta gerðist rétt fj'rir hlé þegar
ég tók stökkið og Iínuskotið af
þrjátíu metra færinu. Þá slitn-
uðu vöðvafestingar. I hléinu fékk
ég síðan meðhöndlun hjá tveim-
ur læknum og hjúkrunarkonu
sem voru á sýningunni. Það vildi
svo heppilega til að hjúkrunar-
konan var með bólgueyðandi
efni með sér, eitthvað sem hún
greip með sér á síðustu stundu.
Þau settu líka ís á fótinn til að
kæla þetta niður, en dansararnir
í sýningunni eiga allt sem til þarf
við svona óhöpp," sagði Egill
Ólafsson, sem Ieikur aðal karl-
hlutverkið í hinni frábæru sýn-
ingu Borgarleikhússins á söng-
Ieiknum Kysstu mig Kata. Þetta
gerðist á frumsýningunni síðast-
liðið laugardagskvöld.
Leikhúsgestir urðu áreiðan-
lega ekki allir varir við þegar
óhappið gerðist, sennilega fæstir.
Síðan gerðist það þegar hléið átti
að vera búið að tilkynnt var að
það myndi af óviðráðanlegum or-
sökum lengjast um 10 mínútur
og að þeim liðnum um aðrar 10
mínútur. Það barst út meðal
leikhúsgesta að Egill hefði meitt
sig eitthvað. En síðan hófst síð-
ari hluti sýningarinnar og þá var
Egill kominn með staf og stakk
aðeins við. Meira var það nú
ekki. En hvernig í ósköpunum
gat hann haldið áfram sýningu
með slitnar vöðvafestingar?
Þetta var sárt
„I leikhúsinu er þetta þannig að
eina fjarvistarplaggið sem gildir
er dánarvottorð. Menn Ieika með
slitna vöðva, biluð bök og með
40 stiga hita. Eg hef gert þetta
allt saman. Eg minnist þess að
hafa leikið þegar ég gat í raun-
inni ekki gengið. Eg var bara
sprautaður niður,“ sagði Egill.
Hann var spurður hvort það
hafi ekki verið óbærilega sárt að
halda áfram en það skal tekið
fram að ótrúlega Iítið sást á Agli,
leikurinn var jafn góður eftir hlé.
„Jú, það var sárt að hreyfa sig,
ég skal játa það. I síðari hlutan-
um var ég kominn með staf, eins
og allir sáu, en átti ekki að vera
með hann,“ sagði Egill, sem lék
svo í sýningu númer tvö strax á
sunnudagskvöld, „á annari löpp-
inni,“ eins og hann orðaði það.
„Ég fékk strax góða ummönn-
un eins og ég sagði áðan en síð-
an fékk ég lækna landsliðsins í
handknattleik og sjúkraþjálfara
þcss til þess að annast um mig
og ég er því í góðum höndum,"
sagði Egill.
Hann sagðist vera dálítið
þreyttur eftir helgina en sagðist
vonast til að þetta versni ekki og
þá gæti hann leikið í næstu sýn-
ingu sem er á fimmtudag. En
hann benti á að auðvitað vissu
menn aldrei hvernig færi með
svona meiðsl. Það væri bara að
vona hið besta. — S.DÓR
SD^tr
Svo virðist sem fé hafi beinlínis
streymt inn í Búnaðarbanka ís-
lands í fyrra.
Innlánin ank-
ast um 33%
Innlán í Búnaðarbankann hækk-
uðu um 33% á síðasta ári (í 61
milljarð) á meðan útlánin jukust
aðeins 26% (í 81 milljarð), sam-
kvæmt ársskýrslu BÍ. Meira að
segja í krónum talið slagaði inn-
lánaaukningin (15,2 milljarðar)
hátt í útlánaaukninguna (16,9
milljarðar). Vegna tilmæla Seðla-
bankans segjast Búnaðarbanka-
menn hafa leitast við að halda aft-
ur af neyslulánum til einstaklinga,
sem jukust aðeins um 16,7% milli
ára, en lán til einstaklinga eru tæp
23% heildarútlánanna. Athygli
vekur, með hliðsjón af nafni bank-
ans, að útlánahlutfallið til land-
búnaðar er komið niður í 6,1%
eða aðeins um þriðjung þess sem
það var 1990 (17,2%) en hlutur
sjávarútvegsins óx á sama tíma úr
6,1% upp í 16,4% - enda lán bank-
ans til sjávarútvegs aukist um
116% á tveim árum.
Rekstrarhagnaður bankans var
um 1,7 milljarðar fyrir skatta, nær
93% meiri en árið áður, þrátt fyrir
lækkandi vaxtamun (3,37%).
Heildareignir Búnaðarbankans
jukust um þriðjung í fyrra og hafa
þar með næstum tvöfaldast á
þrem árum. — hei
Samviima HA og HÍ
Háskóli íslands og
Háskólinn á Akureyri
Iieíja samstarf um
fjarkennslu í hugvís-
indum.
„Nútíminn er trunta með tóman
grautarhaus," söng Egill Ólafs-
son í gamla daga með Þursa-
ílokknum og nú hafa Háskólinn
á Akureyri og Háskóli Islands
komið á fót þróunarverkefni í
fjarkennslu sem fer af stað í
haust. Þemað er tildrög og eðli
nútímans og verður þetta við-
fangsefni skoðað frá ýmsum
sjónarhornum. Samstarfsverk-
efnið markar ákveðin tímamót,
hvort tveggja út frá tæknilegu
sjónarmiði sem og frá sjónarmiði
hugvísindanna að sögn Þorsteins
Gunnarssonar rektors Háskólans
á Akureyri.
Námsbrautin verður inngang-
ur að námi í hugvísindum á há-
skólastigi og er ætlunin að hún
verði viðurkennd sem aukagrein
með öðru námi í heimspekideild,
félagsvísindadeild og guðfræði-
deild Háskóla Islands, og kjör-
Þorsteinn Gunnarsson.
svið í kennaranámi við Háskól-
ann á Akureyri og Kcnnarahá-
skóla Islands. Kennt verður með
aðstoð fjarfundabúnaðar, bæði
frá Akureyri og Reykjavík. Nám-
ið verður aðgengilegt öllum
Iandsmönnum sem aðgang hafa
að fjarfundabúnaði og þaðan
sem mynda má minnst fimm
nemenda hóp. I upphafi og við
lok námsins hittist allur hópur-
inn á helgarnámskeiðum í
heimavistarskóla á Iandsbyggð-
inni. Námsframboð á þessari
nýju braut verður blanda af nám-
skeiðum sem nú þegar eru
kennd við skólana og nýju náms-
efni sem tekur mið af þemanu,
sem er tildrög og eðli nútímans.
Þverfagleg samvinna
Aðstandendur námsbrautarinnar
telja hana mörgum kostum
gædda, meðal annars að þetta
nám muni vcita undirstöðu sem
fari vel saman við áframhaldandi
nám í heimspekideild, félagsvís-
indadeild, guðfræðideild eða
kennaradeild. Þá muni brautin
njóta góðs af sameiningu krafta
frá báðum stöðum og sérþekk-
ingu og reynslu kennara við báða
skólana. Námsbrautin sé þver-
fagleg, þannig að nemandinn
kynnist aðferðum og viðfangs-
efnum ólíkra greina. Slík almenn
menntun leiði oft til betri skiln-
ings á því fagi sem nemandinn
ákveður að sérhæfa sig í. Einnig
endurspegli þema námsins, nú-
tíminn, sumt af þvf markverðasta
sem er að gerast á þeim fræða-
sviðum sem að náminu snúa,
auk þess sem lögð verði áhersla á
þjálfun í akademískum vinnu-
brögðum og aðferðum. — hi
Friður 2000 minnir á sig
Ástþór Magnússon og félagar
hans í Friði 2000 sáu ástæðu til
þess í gær að senda frá sér frétta-
tilkynningu þar sem minnt er á
að samtökin bjóði enn ódýrustu
símtölin til útlanda. Þar segir að
Friður 2000 hafi verið fyrsti að-
ilinn hér á landi til að „brjóta
niður einokunarmúr" Pósts og
síma fyrir þremur árum með því
að bjóða allt að 80% ódýrari sím-
tök til útlanda en þá tíðkuðust.
Kvartað er yfir því að flestir fjöl-
miðlar hafi gleymt símaþjónustu
Friðar 2000. Sem dæmi úr verð-
skrá er nefnt að í gegnum síma-
þjónustuna kosti símtal til
Bandaríkjanna aðeins rúmar 1 5
kr. pr. mínútu. Það sé lægra verð
en nokkuð fjarskiptafyrirtæki
bjóði hér í dag.
Verðlækkuu á físki
Eftir samfellda verðlækkun á sjávarafurðum allt nýliðið ár hefur verð
verið nokkuð stöðugt undanfarna mánuði, segir í Hagvísum Þjóð-
hagsstofnunar. Mælt í íslenskum krónum var verð sjávarafurða um
3% lægra að meðaltali árið 1999 en árið áður. Þjóðhagsstofnun seg-
ir verð botnfiskafurða hafa verið gott að undanfömu og cngar hlikur
á lofti um að það lækki á næstunni. Loðnumjöl og lýsi féll í verði í
ársbyrjun 1999 og hefur ekki verið lægra síðan 1995. — hei
Ólafur fagnar Pútín
Forseti íslands, Olafur Ragnar Grímsson, sendi nýkjörnum forseta
Rússlands, Vladimir Pútín, heillaóskaskeyti í gærmorgun. í kveðju
sinni vísaði forsetinn til langrar og farsællar samvinnu íslands og
Rússlands á sviði viðskipta og menningar og áréttaði nauðsyn þess að
ríki í Evrópu sameinuöust um að tryggja frið, lýðræði og framfarir í
álfunni.
Stúlka á nítjánda ári dæmd vegna
fíkniefnabrots
Stúlka á nítjánda ári hefur í Héraðsdómi Norðurlands eystra verið
dæmd til að greiða 30 þúsund krónur í sekt, auk greiðslu málskostn-
aðar, vegna fíkniefnabrots. I október í fyrra var stúlkan handtekin og
Iagt hald á 0,73 grömm af hassi og 0,32 grömm af amfetamíni. Auk
stúlkunnar voru fjögur ungmenni einnig ákærð en málurn þeirra var
lokið með dómi í lok nýliðins árs. Vegna forfalla stúlkunnar var henn-
ar þáttur skilinn frá málum hinna.
Stúlkan hlaut á árunum 1998 og 1999 fjóra dóma, tvisvar átta
mánaða fangelsi sem skilorðsbundið var til þriggja ára, einu sinni tíu
mánaða fangelsi sem bundið var skilorði í tvö ár og að auki þrjátíu
daga fangelsisdóm sem skilorðsbundinn var í tvö ár. Með dómnum nú
er tekið tillit til þess að stúlkan var við fyrri brot sín aðeins sautján
ára þannig að eftir atvikum „...þykir mega dæma ákærðu í refsingu sér
í lagi, en láta skilorðiö haldast," segir í forsendum dóms Héraðsdóms
Norðurlands eystra. — hi