Dagur - 28.03.2000, Blaðsíða 12

12 - ÞRIÐJUDAGU R 28. MARS 2000
Ðu^ur
ERLENDAR FRÉTTIR
HEIMURINN
Pútín tryggdi
sér forsetastólinn
Pedro Almadovar kyssir verð-
launastyttuna.
Bandarísk
fegurð
Bíómyndin Bandarísk fegurð,
American Beauty, hfaut fimm
Óskarsverðlaun á athöfninni í
Los Angeles á sunnudags-
kvöld. Hún dæmdist vera
besta kvikmynd ársins og
Kevin Spacey hlaut Óskarinn
fyrir besta Ieik í aðalhlutverki.
Þá fékk Sam Mendes verðlaun
fyrir bestu leikstjóm, Alan Bell
íyrir besta handritið og Con-
rad L. Hall fyrir bestu kvik-
myndatöku.
Hilary Swank fékk hins veg-
ar Óskarinn fyrir besta ieikinn
í kvenhlutverki, en það var í
myndinni Strákar gráta ekki,
Boys Don’t Cry, sem gerð var
eftir sögunni um Brandon
Teena, unga konu sem allir
töldu vera karlmann. Verð-
launin fyrir aukahlutverk
komu í hlut þeirra Michaels
Caines, sem lék í myndinni
The Cider House Rules, og
Angelina Jolie, sem lék í Girl,
Interrupted.
Það var Spánverjinn Pedro
Almadovar sem fékk Óskarinn
fyrir bestu erlendu myndina,
Allt um móður mfna.
Kosningu Pútins
fagnað með því að
skjðta tveimur til-
raunaflugskeytum.
Leiðtogar Vesturlanda lýstu
flestir yfir ánægju sinni með
sigur Vladimírs Pútíns í forseta-
kosningunum í Rússlandi og
sögðust hafa vonir um að hann
muni styrkja lýðræðisþróunina í
Rússlandi. Hins vegar bættu
þeir við fyrirvörum um Téténíu-
strfðið og hvöttu Pútín endilega
til þess að vinna að varanlegum
friði þar ásamt því að koma lagi
á mannréttindamálin.
Kínverjar og Japanir voru
hins vegar ekki með neina slíka
fyrirvara á hamingjuóskum sín-
um til Pútíns. Bæði ríkin sögð-
ust vilja auka tengslin við Rúss-
land í kjölfar kosninganna.
Vladimír Pútín náði sigri
strax í fyrstu umferð kosning-
anna með rúmlega helmingi
greiddra atkvæða, nánar tiltekið
52,5%. Gennadí Sjúganov, Ieið-
togi Kommúnistaflokksins,
kom næstur á eftir með um
30% og sá þriðji var Grigorí
Javlinskí með um 7%. Hinir
frambjóðendurnir átta hlutu lít-
ið sem ekkert fylgi.
Alþjóðlegir eftirlitsmenn með
kosningunum sögðu þær hafa
farið eðlilega fram, verið bæði
frjálsar og sanngjarnar, en
gagnrýndu þó að kosningabar-
áttan hafi verið einhliða og lítt
Vladimír Pútín eftir að Ijóst var að hann hafði borið sigur úr býtum.
verið snert á pólitískum deilu-
málum. Sérstaklega var hlutur
fjölmiðla í því talinn áhyggju-
efni. Sjúganov hélt því engu að
síður fram að úrslit kosning-
anna hafi verið fölsuð og
Kommúnistar hafj í raun fengið
meira en 40% atkvæða.
Rússneski herinn fagnaði
kosningu Pútíns meðal annars
með því að skjóta í tilrauna-
skyni tveimur langdrægum
flugskeytum. Þeim var báðum
skotið úr kjarnorkukafbáti og
komu niður á Kamtsjatkaskaga
eftir um það bil átta þúsund
kílómetra flug.
Pútín hefur meðal annars
boðað breytingar á utanríkis-
stefnu Rússa. Samkvæmt henni
eiga Rússar að láta meira til sín
taka í heimsmálunum en gert
var á valdatíma Jeltsíns, en þá
segir Pútfn að utanríkisstefnan
hafi einkum einkennst af and-
ófi gegn yfirburðastöðu Banda-
ríkjanna.
Pútín þykir sterkur og ákveð-
inn stjórnmálamaður, en er
engu að sfður hálfgerð ráðgáta í
augum flestra Rússa og er-
lendra stjórnmálaskýrenda.
Hann hefur heitið því að „taka
á málunum" og mun vafalaust
gera það af röggsemi, en Mik-
haíl Gorbatsjov, síðasti leiðtogi
Sovétríkjanna, sá í gær ástæðu
til að vara menn við því að rugla
ekki skipulagi og reglu saman
við einræðisvald.
Einhliða brottför frá Siiður-Líbanon
ISRAEL - Israelsk stjórnvöld eru
byrjuð að undirbúa af fullum krafti
einhliða brottför herliðs síns frá her-
námssvæðinu í Suður-Líbanon, sem
Israelsmenn kalla verndarsvæði. Eft-
ir fund þeirra Bills Clintons Banda-
ríkjaforseta og Assads Sýrlandsfor-
seta í Genf á sunnudaginn varð ljóst
að Sýrlendingar ætla ekki á næstunni
að ganga til samninga við Israel. Ut-
anríkisráðherra Sýrlands sagði af-
stöðu Sýrlendinga enn vera þá að ísraelsmenn verði að halda sig
við landamærin við Gólanhæðir eins og þau voru árið 1967. Ehud
Barak, forsætisráðherra Israels, orðaði það svo að Sýrlendingar
væru enn ekki tilbúnir til að semja við Israel. ísraelsmenn hafa hót-
að hörðum árásum á Líbanon ef skæruliðar gera árásir þaðan á ísr-
ael eftir brottflutning ísraelska herliðsins.
Bill Clinton Bandaríkjaforseti
og Assad Sýrlandsforseti.
Jospin stokkar upp í stjómiuui
FRAKKLAND - Lionel Jospin, forsætisráðherra Frakklands, vék í
gær fjórum ráðherrum út ríkisstjórn sinni en tók átta nýja inn í
staðinn, þar á meðal Laurent Fabius, fyrrverandi forsætisráðherra
sem löngum hefur verið á öndverðum meiði við Jospin innan Sós-
íalistaflokksins. Einnig er Jack Lang, fyrrverandi menningarmála-
ráðherra, kominn inn í stjórnina, en bæði Fabius og Lang voru
stuðningsmenn Mitterands og tilheyra vinstrivæng flokksins.
Stjórnarandstæðingar segja Jospin fyrst og fremst vera að búa sig
undir kosningar með þessum tilfæringum, en Jospin segist vera að
styrkja stjórnina.
Þingkosniugax í Irak
ÍRAK - I gær voru haldnar þingkosningar í írak, en síðast fóru þar
fram þingkosningar árið 1996 og hlutu þá allir frambjóðendur
stjórnarflokksins Baath þingsæti. Að þessu sinni býður elsti sonur
Saddams Husseins forseta sig fram til þingsins. Hann er 35 ára og
er meiningin að hann verði forseti þingsins - ef hann nær kjöri.
ÍÞRÓTTIR
Vithjáimur Svan Vilhjálmsson og Edda Lovísa Blöndal með verðlaunagripina.
Meistaraxnir
vörðu titlana
Alls 48 keppendur
tóku þátt í íslandsmót-
inu í kata, sem frarn
fór í íþróttahúsi Haga-
skóla um helgina.
Keppendur í kvenna-
flokki voru í meiri
hluta, þar sem Edda
Lovísa Blöndal vann
meistaratitilinn í
sjötta sinn.
Þau Edda Lovísa Blöndal og Vil-
hjálmur Svan Vilhjálmsson urðu
um helgina Islandsmeistarar í kata
á íslandsmótinu í karate, sem
fram fór í íþróttahúsi Hagaskóla.
Bæðu voru þau að veija Islands-
meistaratitlana frá því í fyrra, þar
sem Vilhjálmur vann titilinn í
fyrsta sinn, en alls hefur Edda
Lovísa unnið titilinn sex sinnum.
Keppnin í karlaflokki var mjög
spennandi, þar sem þeir Vilhjálm-
ur Svan, Halldór Svavarsson, sem
nú var aftur mættur til keppni í
kata eftir nokkurt hlé og Jón Ingi
Þorvaldsson, háðu harða keppni
um Islandsmeistaratitilinn. Vil-
hjálmur hafði þar sigur eftir jafna
keppni, en Halldór lenti í öðru
sætinu og Jón Ingi í því þriðja.
Sigur Eddu Lovísu var nokkuð
öruggur, en hún hefur haft nokkra
yfirþurði f kvennaflokki á síðustu
árum og verið nær ósigrandi. I
öðru sæti lenti Björg Asmunds-
dóttir, en því þriðja Sif Grétars-
dóttir eftir harða keppni við
Björgu.
I hópkata karla sigraði A-lið
Þórshamars, B-Iið Þórshamars
varð í öðru sæti og lið Fylkis í því
þriðja. I hópkata kvenna sigraði A-
lið Þórshamars, í öðru sæti varð
lið Fylkis og í þriðja sæti B-lið
Þórshamars.
Martha Ernstsdóttir.
Martha
í 5. sæti
Martha Emstsdóttir, langhlaupari
úr IR, varð á sunnudaginn í fimm-
ta sæti í fimm mílna götuhlaupi í
Chicago í Bandaríkjunum. Hlaup-
ið var mjög ljölmennt og voru
þátttakendur um fjórtán þúsund
talsins.
Fimm mílur eru um átta kíló-
metrar og hljóp Martha á 27,12
mínútum, sem er mun betra en
hún gerði í Flórída í byijun mán-
aðarins. Margir fremstu hlauparar
heims voru meðal þátttakenda í
Chicago, en sigurvegari í kvenna-
flokki varð Colette Liss, sem hljóp
á 25,26 mín. Önnur í hlaupinu
varð Pauline Konga frá Kenýa, en
hún er einn besti langhlaupari
Afríku.
Martha undirbýr sig nú fyrir
þátttöku í Hamborgarmaraþon-
inu, sem fram fer 16. apríl, þar
sem hún mun reyna við lágmarkið
fyrir Ólympíuleikana í Sydney og
ætti árangur hennar að undan-
fömu að gefa góð fyrirheit.
Úrslit um
helgina og
næstu leikir
Handbolti
Úrvalsdeild karla — 8-liða úrslit:
Um helgina:
Haukar - ÍBV 27-21
UMFA-HK 18-12
Fram - Stjarnan 22-21
KA - FH 27-20
/ gærkvöld:
HK - UMFA 24-22
ÍBV - Haukar Frestað
Leikur ÍBV og Hauka fer fram í
kvöld kl. 20.00.
Næstu leikir í kvöld:
Kl. 20.00 Stjarnan - Fram
Kl. 20.00 FH - KA
Úrvalsdeild kvenna
4-liða úrslit:
Víkingur - Grótta/KR 23-25
Grótta/KR - Víkingur 23-13
FH - ÍBV 23-24
ÍBV - FH 22-23
/ gærkvöld:
FH - ÍBV Frestað
Leikur FH og ÍBV fer fram í kvöld
kl. 18.00.
Körfubolti
Úrvalsdeild karla — 4-liða úrslit:
Haukar - UMFG 67-59
UMFN - KR 84-67
Næstu leikir í kvöld:
Kl. 20.00 UMFG - Haukar
Kl. 20.00 KR - UMFN
1. deild karla — Úrslitaleikir:
ÍR - Valur 82-67
Valur - ÍR 75-70
/ gærkvöld:
ÍR - Valur 83-52
(ÍR-ingar unnu þar með meistara-
titil 1. deildar, en bæði liðin hafa
unnið sér sæti í úrvalsdeildinni á
næstu leiktíð.)
Blak
/ kvöld:
Bikarkeppni kvenna
8-liða úrslit:
KI. 19:00 KA - ÍS
Kl. 19:00 Víkingur A - Vík. B