Dagur - 03.02.2001, Blaðsíða 5

LAUGARDAGVR 3. FEBRÚAR 2001 - 29
EFSTÁ BAUGI
Hrókertngar boð-
aðar meovorinu
SIGURDÓR
SIGURDÓRS
SON
SKRIFAR
Þingið er nú í fríi en
kemur saman á ný í
næstu viku. Stjómmál-
in eru þó síður en svo í
fríi og umræðan er
kröfug á hinni óform-
legu dagskrá. Tvennt
virðist vera efst á baugi
í umræðuuni bak við
tjöldin meðal stjóm-
málamanna þessa dag-
ana, en það em annars
vegar fyrirhugaðar
hrókeringar í ríkis-
stjóminni og hins veg-
ar varaformannsslagur-
inn í Framsóknar-
flokknum.
I stjórnarsáttmála ríkisstjórnarinn-
ar er gert ráð fyrir ráðherrahróker-
ingum í ríkisstjórninni á miðju
kjörtímabili og þetta áréttaði Hall-
dór Asgrímsson, utanríldsráðherra
og formaður Framsóknarflokksins,
í helgaviðtali við Dag fyrir hálfum
mánuði. Þessar hrókeringar eiga
að eiga sér stað í vor en þá er kjör-
tímabilið hálfnað.
Dagur hefur fyrir því heimildir
að mikið gangi á bak við tjöldin
vegna þessara fyrirhuguðu hróker-
inga. Ráðherrar reyni að treysta sig
í sessi og þingmenn vilji velta sum-
um ráðherrum af stóli og fá hann
sjálfir.
I \aðtalinu við Dag taldi Halldór
Ásgrímsson engar Iíkur á því að
hann og Davíð Oddsson skiptu um
hlutverk. Þegar rætt er við frarn-
sóknarmenn um málið vilja þeir
allir að Halldór hætti sem utanrík-
isráðherra og komi heim til að
hressa upp á flokkinn og flokks-
starfið.
Halldór bendir á það á móti að
hvar sem hann er staddur í heim-
inum eigi menn aðgang að sér í
gegnum síma. Alltaf sé hægt að ná
í sig og vissulega er það rétt. Þess
vegna er afar ótrúlegt að Halldór
skipti um ráðherrastól nema þá að
það væri stóll forsætisráðherra.
Allt er þetta mál afar viðkvæmt
innan flokkanna og vildi enginn
viðmælenda blaðsins koma fram
undir nafni.
Margir kallaðir en...
Framsóknarmenn, jafnt almennir
llokksmenn sem þingmenn flokks-
ins gera ráð fyrir að Páll Pétursson
muni láta af ráðherradómi í vor.
Margir er kallaðir en fáir útvaldir í
einn ráðherrastól. Þeir þingmenn
sem Dagur hefur rætt við telja
Hjálmar Árnason standa næst því
innan þingflokks Framsóknar-
flokksins að fá ráðherrastól sem
losnar.
Margir benda líka á Kristinn H.
Gunnarsson, forniann þingflokks-
Magrir búsast við talsverðum hrókeringum í ríkisstjórninni með vorinu enda hafa þær verið boðaðar með afger-
andi hætti. Áður en til þess kemur mun þó verða skorið úr um hver verður varaformaður í Framsóknarfiokknum.
ins. Talið er víst að Kristinn bjóði
sig fram í Norðausturkjördæminu í
næst kosingum. Hann hefur mik-
inn áhuga á ráðherradómi (hver
hefur það ekki) og sækir fast á að
fá næsta stól sem losnar hjá
flokknum.
Það gerir Olafur Orn Haralds-
son, 1. þingmaður Framsóknar-
flokksins í Reykjavík, stærsta kjör-
dæmi landsins. Hann bendir á að
það nái engri átt að flokkurinn eigi
ekki ráðherra úr Reykjavík.
Eftir áfallið sem Ingibjörg
Pálmadóttir varð lyrir á dögunum
halda margir að hún muni draga
sig út úr pólitík í vor. Þeir hinir
sömu segja að hún ætli að koma
breytingunum á almannatrygg-
ingakerfinu í gegnum þingið á sín-
um forsendum og láta svo af emb-
ætti með reisn.
Ef svo fer telja flestir að Jónína
Bjartmarz eigi greiða Ieið í ráð-
herrastól. En það eru ekki allir jafn
trúaðir á það að Ingibjörg Pálma-
dóttir dragi sig út úr pólitík. Hún
muni í það minnsta ljúka þessu
kjörtímabili. En ef ráðherrar
Framsóknar yrðu að hafa stóla-
skipti yrði það mun auðveldara en
hjá Sjálfstæðisflokknum.
Allar þessar vangaveltur munu
síðan litast af því hvað gerist í vara-
formannsslagnum en að honurn
verður vikið síðar.
Bjöm sendiherra?
Sjálfstæðismenn eru flestir þöglir
sem gröfin þegar minnst er á
hrókeringarnar. Þó eru þeir til sem
segja að sögur gangi af því að
Björn Bjarnason menntamálaráð-
herra vilji hætta í pólitík. Aðrir
benda á að hann hafi lengi stefnt
að formannssæti í flokknum þegar
Davíð Oddsson hætti og það gæti
orðið íyrr en ýmsan grunar.
Björn hefur nú í tvö ár unnið
mikið og að sumra dómi „eins og
kjósa ætti eftir viku“ eins og það
var orðað. Hann hefur ferðast um
landið þvert og endilangt hvað eft-
ir annað. Menn segja hann hafa
verið að kanna bakland sitt til for-
mennsku, en sé ekki fyllilega
ánægður. Svipaö sé uppi á tenging-
um innan þingflokksins. Þess
vegna sé hann tilbúinn að skoða
þann möguleika að hætta og menn
benda á að ckki sé búið að ráðstafa
sendiherrasætinu í Washintgon,
en Jón Baldvin er sagður á förum
annað.
ættið í Framsóknarflokknum hefur
nú tekið umtalverðan kipp við það
að Olafur Örn Haraldsson, 1.
Guðni Kristinn H.
Ágústsson Gunnarsson
Erfið stólaskipti
Ef Björn hættir sem ráðherra er
talið víst að Sigríður Anna Þórðar-
dóttir eigi stól menntamálaráð-
herra vísan. Aðrir segja þetta með
Björn Bjarnason bara lausasögu
sem ekkert mark sé á takandi.
Það að ráðherrar flokksins skipti
um ráðherraembætti, hefur áður
verið gert hjá Sjálfstæðisflokknum.
En slíkar hrókeringar gætu þó orð-
ið erfiðar nú. Davíð situr kyrr.
Ótrúlegt er að Geir H. Haarde fari
í annað embætti. Árni M.
Mathiesen hefur staðið sig með
prýði í sjávarútvegsráðuneytinu
sem og Sturla Böðvarsson í sam-
gönguráðuneytinu. Þá eru eftir
þau Björn, og Sólveig Pétursdóttir
og tæplega skipta þau um ráð-
herrastól ef Björn kýs að vera
áfram ráðherra.
En það verður spennandi að
fylgjast með framhaldi þessa máls
þegar nær degur vori, en í millitíð-
inni mun annar pólitískur kapall
verða lagðiir í stjórnarliðinu. Sá
verður að vísu framsóknarmegin
og snýst um varaformennsku í
flokknum.
Varaformeimskan
Slagurinn um varaformanns emb-
þingmaður flokksins í Revkjavík
hefur lýst því yfír að hann gefi kost
á sér i embættið.
„Eg vil koma fram þannig að fólk
geti valið um þær áherslur sem ég
mun leggja fram í baráttunni og
þær sem aðrir kunna að koma
með. Það held ég að þjóni flokkn-
um vel að gefa fólki slíkt val. Mér
finnst líka að 1. þingmanni flokks-
ins í Reykjavík beri nokkur skylda
til, nú þegar kjördæmið er orðið
áhrifalaust í forystusveitinni, að
bjóða fram sína krafta og láta
reyna á hvort framsóknarmenn
vilji opna leið fýrir framsóknar-
menn í Reykjavík til áhrifa í for-
ystusveitinni," sagði Ólafur Örn
Haraldsson.
Guðni sjóðheitur
Því hefur verið haldið fram að þeir
sem áhuga hafa á varaformennsk-
unni hafí allir verið að bíða eftir
því hvað Guðni Ágústsson land-
búnaðarráðherra geri. Það er
vegna þess að fullvrt er af þeim
sem gerst þekkja til í flokknum að
hann muni hreppa embættið fyrir-
hafnarlítið gefi hann kost á sér.
Guðni hefur enn sem komið er tal-
að í véfréttastíl þegar hann hefur
verið spurður um málið.
„Ég mun taka mér helgina í
þetta mál og kynna mína ákvörðun
í næstu viku," sagði Guðni í sam-
tali við Dag í gær. Samkvæmt ör-
uggum heimildum frá nánustu
stuðnins- og samstarfsmönnum
Guðna mun hann hafa tekið
ákvörðun um að gefa kost á sér til
varaformennsku í flokknum.
Siv að skoða málin
Siv Friðleifsdóttir umhverfisráð-
herra hefur líka verið orðuð við
varaformannsframboð. Hún fór
fram gegn Finni Ingólfssyni í vara-
formannskjöri á síðasta flold<sþingi
og náði þá umtalsvert betri árangri
en fyrirfram hafði verið búist við.
Eftir því sem nær dregur flokks-
þinginu, en það verður haldið 16.
til 18. niars nk., mun áhugi Sivjar
hafa auldst á að fara í slaginn. Hún
sagði í samtali við Dag í gær að
hún væri að skoða málin vel og
vandlega og að hún teldi ekki tíma-
bært að gefa út yfirlýsingu um
hvað hún hyggðist gera.
Meiri líkur en minni
Kristinn H. Gunnarsson, formað-
ur þingflokks Framsóknarflokks-
ins, er einn þeirra sem talinn er
líkur til að gefa kost á sér í vara-
formannsslaginn. Hann sagði í
samtali við Dag í gær að hann
hefði enga ákvörðun tekið enn,
væri bara með þetta í kollinum til
að velta vöngum yfír.
„Það breytir engu fyrir mig þótt
Ólafur Órn sé búinn að taka
ákvörðun urn að gefa kost á sér. Ég
mun taka ákvöröun út frá mínum
forsendum og óháö því hvað aðrir
gera þegar þar að kemur. Það er
svo margt sem skoða þarf áður en
endanleg ákvörðun er tekin," sagði
Kristinn H. Gunnarsson. - Sam-
kvæmt heimilldum Dags eru meiri
líkur en minni á því að Kristinn H.
gefi kost á sér til varaformennsku í
flokknum.
Og svo Mnir
Fleiri hafa á undanförnum vikum
verið orðaðir við varaformanns-
slaginn. Hjálmar Ámason er einn
af þeim. Hann hefur hins vegar
sagt að ef Guðni Ágústsson gefi
kost á sér muni hann ekki fara á
móti honunt.
Ingibjörg Pálmadóttir sagði í
samtali við Dag fyrir nokkrum vik-
um að hún útilokaði ekkert í þess-
um efnum. Eftir áfallið á dögun-
um gætu rnálin hafa breyst. Engin
leið hefur verið að ná tali af Ingi-
björgu síðustu daga þannig að allt
er í óvissu mað hvaða fyrirætlanir
hún er með í pólitíkinni.
Því hefur verið haldið fram af
framsóknarmönnum, sem Dagur
hefur rætt við, að Halldór Ás-
grímsson formaður flokksins hefði
gjarnan vilja fá Ingibjörgu sem
varaformann, enda mun vera leit-
un að duglegri manneskju til póli-
tískra verka en henni.
Jónína Bjartmarz er nýjasta
nafnið sem nefnt hefur verið í
þennan slag enda hefur hún þótt
standa sig vel í stjórnmálunum í
vetur og er greinilega rísandi
stjarna innan Framsóknarflokks-
ins. Jónína var í gær stödd eiiend-
is í einkaerindum og ekki náðist f
hana í síma þrátt fyrir ítrekaðar til-
raunir.