Dagur - Tíminn Akureyri - 02.09.1997, Blaðsíða 2

STEFÁNSDC'nTIR
Vantar þig ráð?
Viltu spyrja um eitthvað?
Vigdís svarar í símann þriðjud. -
fimrntud. kL 9-10 f.h.
Vantarþig eitthvað?
Viltu skipta eða gefa?
Flóamarkaðurinn er fyrir þig!
Það kostar ekkert að hringja.
Sími: 563 1629
Faxnúmer: 551 6270
Tölvupóstfang:
Vissir þú tj
þetta? Cl JJCl/O Ct OCJ CLO
• Það eru meira en 2.5
milljón möguleikar á gjöf í
poker.
• Ef krani lekur einum
dropa af vatni á sekúndu,
eyðast við það 2700 lítrar af
vatni á ári.
• Krabbi nokkur hefur níu
augu og blátt blóð í æðum.
• Leonardo Da Vinci fann
upp skærin.
• Kettir geta gefið frá sér
um hundrað mismunandi
hljóð, en hundar aðeins tíu.
• Börn fæðast án
hnéskeija. Þær myndast á
aldrinum milli 2ja og 6 ára.
• Margar tegundir ham-
stra blikka aðeins öðru aug-
anu í einu.
• Hæsti punktur í Pennsyl-
vaníu er lægri en lægsti
punktur í Colarado.
• Aðeins ein manneskja af
tveimur billjónum verður
eldri en 116 ára.
• Um 100 milljón tré eru
felld til að búa til pappír sem
fer í ruslpóst í Bandaríkj-
unum á hverju ári.
• Meira en 90% stúdenta í
Ameríku segjast nota tölvu-
póst, en aðeins 64% segjast
nota tölvu.
• Mannsaugu eru í sömu
stærð frá fæðingu til dauða.
• 3. janúar ár hvert, er
jörðin um 9 milljón km. nær
sólu en 4. júlí.
Portkeri og Fagridalur
Þórhallur spurði um merkingu orðsins Portkeri, notað sem
starfsheiti eða eitthvað slíkt. Hann rakst á það í minningagrein
fyrir nokkrum árum en hefur ekki getað fundið merkingu þess.
Eftir að hafa leitað í öllum orðabókum og spurt allmarga fróða
menn og konur, þar á meðal orðabókanefnd, varð ég að játa mig
sigraða í þessu máli. Orðið finnst hreinlega ekki. Því er spurning
hvort orðið hefur verið búið til af viðkomandi eða hvort það hefur
einfaldlega verið rangt skrifað. Viti einhver lesandi betur, þá er
hann vinsamlega beðinn um að hafa samband við Dag Tímann.
Þórhallur vildi líka vita hvar hægt væri að nálgast sögur og
sagnir um Fagradal hjá Fagradalsvatni austur af Laugarvatni.
Það virðist ekki vera mikið til um þennan dal, en helst hefur
verið bent á Sunnlenskar sagnir.
Vettlingabókin
Spurt var um hvort og hvar hægt væri að fá bók sem gefin var
út fyrir nokkrum árum og heitir Vettlingabókin.
Að líkindum er hér um að ræða bókina „Tvíbanda vettlingar“,
sem gefm var út af Heimilisiðnaðarfélagi íslands árið 1981. í henni
er að finna margar uppskriftir af tvíbanda vettlingum, sem unnar
eru út frá gömlum
vettlingum í safin
Heimilisiðnaðarfélagsins, af
Kristínu Schmithauser.
Bókin fæst hjá félaginu og
er síminn þar 551 7800.
Einnig er hægt að nálgast
hana í bókasöfnum.
Ráðagóða hornið
Að þessu sinni eru hús-
ráðin gömul og gegn.
Þau eru úr bókinni
„Hvernig get ég sparað
peninga“, sem gefin var út
árið 1937 af Jakobi Rucert,
prentuð í Prentsmiðju Björns
Jónssonar á Akureyri.
En hér koma ráðin, sem eru
af ýmsum toga og sum eru
kannski svolítið skrítin í okkar
augum.
Útrýming mels.
Appelsínuhýði er sett í fell-
ingar á stoppuðum húsgögn-
um - eða þar sem melur er og
sett í smá poka og hann svo
hengdur upp í klæðaskápinn.
Fótraki og sviti undir
höndum.
Takið meðalstóran lauk,
skerið hann í tvennt og núið
iljar og aðra staði er svitalykt
leggur af með laukpörtunum,
kvöld og morgna. Árangurinn
verður undraverður.
Hárlos og hárflasa.
Kakósmjör 1/8 úr pundi er
blandað með nokkrum drop-
um af baðmolíu eða viðarolíu.
Blanda þessi er góð við slrku
og eykur hárvöxtinn.
Líkþorn og hörð húð.
Á kvöldin, áður en gengið er
til hvílu, er strokið yfir lík-
þorn og harða húð, með
grænsápu. Á
morgnana skal
svo taka sér
heitt fótabað. Ef góður árangur
næst ekki strax, skal þetta
endurtekið.
Mygla á blautum veggjum.
Myglu sem oft kemur á þá veggi
sem eru rakir er auðvelt að
yfirstíga. Blandið saman við 5/6
af spíritus, 1/6 af saltsýru og
vætið svo mjúka tusku í þessum
lút og núið yfir myglublettinn.
Myglan hverfur strax og
veggiriúr mygla ekki í langan
tíma á eftir.
Að halda lökkuðum og mál-
uðum gólfum glansandi.
Hægt er að halda lökkuðum og
máluðum gólfum glansandi með
því að strá á þau einu sinni í
viku, hálfþurrum kaffikorg. Þá
skal láta korginn vera á gólfinu
dálitla stund, en setja svo mjúkt
stykki utan um gólfskrúbbinn
og nudda gólfið vel og sópa svo
korginum saman.
Brak í skóm.
Til að ráða bót á hinu
leiðinlega braki í skóm, þarf
ekki annað en að bera nokkra
dropa af heitri olíu, helst
línolíu, meðfram sólanum og
láta það þorna vel inn í
saumana. Brakið hverfur
alveg og sólarnir halda betur.
Akureyri
24.-31. ágúst
Um 200 verkefni bárust til lög-
reglu sl. viku og má því segja
að vikan hafi verið frekar ró-
leg. T.d. gerði lögreglan ekki
nema ljórar skýrslur um
árekstra en að vanda var
nokkuð um að slík mál væru
afgreidd með tjónaskýrslu af
ökumönnum sjálfum.
Síðdegis á sunnudag varð
umferðarslys á Drottningar-
braut við Þórunnarstræti er
bifreið og mótorhjól rákust
saman. Var ökumaður hjólsins
fluttur á FSA en meiðsli hans
reyndust ekki vera alvarleg.
Allir
töldu sig geta ekið
Eins og vanalega voru ýmis um-
ferðarlagabrot stór þáttur í Iög-
gæslunni og voru 48 manns
kærðir fyrir hin ýmsu brot. Þar
má nefna að 15 voru kærðir
fyrir of hraðan akstur, 3 fyrir
að nota ekki bílbelti, 3 fyrir að
aka án lögboðinna ljósa og 3
höfðu ekki ökuskírteini með-
ferðis.
Þá var einn að aka þrátt fyrir
að hann nafi verið sviptur rétti
til aksturs. Og annar ók án
þess að hafa öðlast rétt til slíks.
Sá lenti í árekstri og ók á brott
en náðist fljótlega og viður-
kenndi brot sitt.
Brenndi
bara skrjóðinn
Númer voru tekin af sex bif-
reiðum vegna vanrækslu á
skoðun og af einni bifreið tók
lögregla númer þar sem henni
þótti ástand bifreiðarinnar vera
frekar bágborið. Sú ákvörðun
virðist hafa verið á rökum reist
því kvöldið eftir var tilkynnt
um að bifreið væri að brenna
við veg að öskuhaugunum og
var þar um að ræða fyrnefnda
bifreið. Eru líkur leiddar að því
að eigandanum hafi vaxið í
augum viðgerðarkostnaðurinn
og ákveðið að farga bifreiðinni
með þessum hætti.
Ekki skýrslufær
Ölvun var ekki mjög mikil um
helgina enda veður farið að
kólna og því færra fólk á ferli
eftir dansleiki.
Aðfaranótt laugardags var
ráðist á mann í miðbænum og
hann sleginn í götuna og að
sögn vitna sparkað í hann liggj-
andi. Var talið að þar hafi 2-3
piltar verið að verki og er málið
í rannsókn. Sá er varð fyrir
árásinni var fluttur á slysa-
deild með áverka á andliti en
fékk að fara heim eftir að-
hlynningu þar.
Aðfaranótt sunnudags var
allstór rúða í Borgarbíó brotin
en ekki var farið inn að því er
séð varð.
Þá sömu nótt var mikið ölv-
aður maður tekin við akstur
bifreiðar skammt utan við Ak-
ureyri.Var hann svo ölvaður að
ekki reyndist unnt að taka af
honum skýrslu fyrr en hann
var búin að sofa úr sér vímuna
í fangahúsinu.
Fátt gott
Rannsóknarlögreglumenn sátu
ekki auðum höndum og upp-
lýstu á einu bretti 21 mál um
helgina, þar af 18 innbrot, 2
fíkniefnamál og eitt réttinda-
leysi við akstur. Var hér um
nokkuð langt samansafn mála
frá þessu og síðasta ári að
ræða og eins og oft vill verða
upplýsast slík mál gjarnan í lot-
um. Stærstu málin sem upp-
lýstust voru innbrot í Kjörbúð-
ina í Kaupangi frá því í júlí s.l.,
þar sem brotist var inn í pen-
ingaskáp og stolið verðmætum
fyrir um 700 þúsund krónum,
og innbrot í Gúmmívinnsluna
hf. í sumar þar sem stolið var
peningaskáp með allmiklum
verðmætum. Önnur innbrot
voru smærri í stigum. Alls
komu 11 einstaklingar við sögu
í þessum málum og tengdust
með mismunandi hætti.
Samkvæmt venju verður ekki
fjallað um góðu fréttirnar hér
enda þykir slíkt víst lélegur
fréttamatur. IS
Reykjavík
29. ágúst -1. sept.
Töluvert annríki var hjá lögeglu
þessa helgi. Alls voru 348 mál
fær til bókunar. Höfð voru af-
skipti af 45 aðilum vegna ölv-
unar.
Kynþáttfordómar
Lögreglu var tilkynnt um 18
eignarspjöll um helgina.
Skemmdaverk voru unnin er
slagorðum með kynþáttafor-
dómum var sprautað með
málningu utan á Háteigskirkju.
Lögreglu er kunnugt um
fimm líkamsmeiðingar um
helgina.
Til ósættis kom milli bræðra
utan við skemmtistað. Þegar
dyravörður reyndi að skilja
mennina að réðust þeir að hon-
um og bitu. Þeir voru farnir er
lögreglan kom en skömmu síð-
ar voru sömu menn með há-
reisti á slysadeild og réðust þar
að starfsfólki. Þeir voru hand-
teknir og fluttir í vörslu lög-
reglu.
Unglingahópar
4 ára stúlka féll í tröppum
strætisvagns og varð að flytja
hana á slysadeild.
Um helgina bar nokkuð á því
að kvartað væri undan hópum
unglinga sem safnast saman. í
sumum tilvikum eru unglingar
undir áhrifum áfengis, en svo
er ekki í alltaf. Algengara er að
þegar lögreglan er kölluð til að
unglingarnir séu prúðir og
ekkert út á framkomu þeirra að
setja.
„Ég á þetta dót“
Lögreglu var tilkynnt um 11
innbrot um helgina.
Karlmaður var handtekinn
er hann hafði brotist inn í íbúð í
miðbænum. Hafði brotamaður
týnt til það verðmætasta og
gerði sig líklegan til að kasta
eign sinni á hlutina er eigand-
inn kom á staðinn. Sá gerði lög-
reglu aðvart og var brotamað-
ur handtekinn.
Átta ökumenn voru stöðvaðir
grunaðir um að aka bifreiðum
undir áhrifum áfengis. Þá voru
11 umferðaróhöpp en ekki slys
á fólki í þeim.