Dagur - Tíminn Akureyri - 24.09.1997, Blaðsíða 2

2 - Miðvikudagur 24. september 1997
^JDagur^EÍOTtrai
F R É T T I R
Heiti Potturinn
Kozyrev, fyrrverandi utan-
ríkisráðherra Rússa og
þingmaður frá Múrmansk
hefur verið hér í heimsókn
og hitt marga fyrirmenn að
máli. Það vakti athygli
manna sem fylgdust með
heimsókn ráðherrans fyrrver-
andi að hann virtist hafa
frekar einhæfan fatasmekk
því tvo fyrstu dagana var
hann alltaf í eins fötum. í
pottinum kunnu menn skýr-
ingu á þessu, þvf taksan
hans hafði ekki skilað sér
með flugvélinni og því var
hann alltaf í sömu ferðaföt-
unum.....
Pottverjar segja augljóst
að Kvennalistinn sé kom-
inn í hrossakaupin, eftir síð-
ustu vendingar í útvarpsráði.
Kvennalistakonan greiddi at-
kvæði með Helga H. gegn
Elínu, Kristínu og Jóhönnu
Vigdísi. Konur í stjórnunar-
stöður? Nei, ekki ef faglegt
mat ræður.
Eða hrossakaup. Ásdís Ól-
sen (kona) fékk á móti
fjögur atkvæði í stöðu fram-
kvæmdastjóra Sjónvarps
gegn fulltrúa Sjálfstæðis-
flokksins. Nú fær Pétur Guð-
finnsson það skemmtilega
verkefni að greiða öðru sinni
atkvæði gegn meirihluta út-
varpsráðs, og vera samstíga
Birni Bjarna í þeim efnum,
sem fljótlega skipar fram-
kvæmdastjóra. Þrjár topp-
stöður mannaðar hjá RÚV
þar sem Sjálfstæðisflokkur-
inn fær sitt, einn gegn öllum.
Nema Pétur velji Helga?
Og í pottinum skemmta
menn sér yfir örlögum
frjálshyggjunnar, hvar væri
hún án ríkisvaldsins?
Sandgerði ■ Borgarráð

Það er hluti af menntaátaki Sandgerðisbæjar að kenna öllum grunnskólabörnum á tölvur. Myndin sýnir áhuga-
sama nemendur og kennara Framtíðarbarna. Myn&.pök
Tölvukennsla keypt af
Framtíðarbörnum
Sandgerðisbær ver
tæplega þremur millj-
ónum króna í þriggja
ára átak við tölvu-
kennslu allra grunn-
skólabarna bæjarins
og hefur gert samn-
ing við einkafyrirtæk-
ið Framtíðarbörn.
Sandgerðisbær hefur samið
við tölvukennslufyrirtækið
Framtíðarbörn um tölvu-
kennslu í grunnskólanum og er
samningurinn sá fyrsti sinnar
tegundar hér á landi. Gert er
ráð fyrir því að grunnskóla-
kennararnir annist kennsluna
sjálfa, en að þeir verði þjálfaðir
af Framtíðarbörnum, sem auk
þess útvega allt námsefni.
Sandgerðisbær hefur fest
kaup á 12 tölvum, sem kemur
til viðbótar kostnaðinum við
tölvukennsluna. Tölvukennsl-
unni er ætlað að ná til allra
290-300 nemenda grunnskól-
ans og segist Sigurður Valur
Ásbjarnarson bæjarstjóri ekki
vita til þess að annar grunn-
skóli á landinu bjóði upp á slíkt.
Hann tekur fram að tölvu-
kennslan eigi ekki að auka
kennslumagnið í heild og undir-
strikar að hún sé aðeins eitt af
mörgu, sem eigi að gera til að
bæta stöðu skólans fyrir sam-
ræmdu prófrn.
„Við ákváðum að bregðast
með einhverjum áþreifanlegum
hætti við útkomunni úr sam-
ræmdu prófunum og þetta stór-
átak varð niðurstaðan. Pað
fylgir þessu vissulega nokkur
kostnaður, en við erum að von-
ast til þess að þetta skili sér vel
á endanum. Það er síðan
ómaksins vert að stuðla að því
að tölvan sé eitthvað annað og
meira en bara leikjatölva í
höndum yngri barnanna," segir
Sigurður Valur.
Baldvin Valtýsson, fram-
kvæmdastjóri Framtíðarbarna,
segist vera mjög ánægður með
samninginn. „Þetta sýnir mikla
framsækni. Ég er sannfærður
um að við séum með frábæra
vöru í höndunum, einmitt fyrir
skólana og við erum mjög
spenntir að sjá hvernig þetta
kemur út.“ fþg
Borgar-
mála-
punktar
Borgarráð hefur sam-
þykkt breytingar á
reglum um bók-
menntaverðlaun sem
kennd eru við Tómas Guð-
mundsson skáld. Sam-
kvæmt því er skilafrestur á
handritum til 1. maí 1998.
Borgarráð hefur ákveðið
að veita Náttúrufræðistofn-
un íslands 200 þúsund
króna styrk vegna „Hvals
2000“. Það er vinnuheiti á
náttúru- og vísindasýningu
sem ætlunin er að halda í
Reykjavík árið 2000. Áður
hafði Atvinnu- og ferða-
málanefnd samþykkt er-
indið fyrir sitt Ieyti.
Þá hefur Ólafur Þórðarson
sótt um 500 þúsund króna
styrk frá Atvinnu- og ferða-
málanefnd vegna kynning-
ar- og markaðsátaks hjá
umboðsskrifstofunni Þús-
und þjalir. Hún er í eigu
Ólafs sem sjálfur hefur lagt
3 milljónir í fyrirtækið.
Borgarráð hefur einnig
samþykkt úthlutun styrkja
frá fþrótta- og tómstunda-
ráði að upphæð 1.920 þús-
und krónur. Það skiptist
þannig að íþróttafélag
heyrnarlausra fær 500
þúsund krónur og sömu-
leiðis Taflfélagið Hellir.
Skáksambandið fær 400
þúsund kr. vegna skóla-
móta, fræðslu- og þjón-
ustudeild kirkjunnar 350
þúsund vegna starfs með
nýbúum og skáksveit Hóla-
brekkuskóla 170 þúsund
krónur. - grh
jFRÉTTAVIBTALIB
Ekki á leið úr pólitík
Guðmundur Bjarnason
varaformaður Framsóknar-
flokksins og ráðherra
Sterkur orðrómur hefur
heyrst um að Guðmundur
Bjarnason sé að hœtta í
pólitík Hvað segir hann
sjálfur?
„Neinei, það má segja að sögur af
því séu stórlega ýktar. Það er hins veg-
ar gaman að velta þessari umræðu í
blöðunum um það fyrir sér. Ég kannast
ekki við neina alvöru umræðu um það.“
- Að allt öðru. Pegar viðtalið birtist
hefur útvarpsstjóri vœntanlega skipað
nýjan fréttastjóra hjá Sjónvarpinu.
Stjórnarflokkarnir hafa verið mjög
áberandi í umrœðu um þá stöðu.
„Útvarpsráð er náttúrlega kosið
pólitískri kosningu, þar sitja fulltrúar
flokkanna. Alltaf þegar svoleiðis háttar
til má búast við að pólitíkin ráði. Ég tel
þó að almennt eigi að huga að verð-
leikum manna til að gegna verkefnum,
hvort sem um ræðir fréttastjóraemb-
ætti eða eitthvað annað.“
- En þetta hljóta að vera tvö ósam-
rœmanleg hlutverk. Annars vegar að
neyðast til að greiða pólitískt atkvœði
og hins vegar að huga að besta um-
sœkjandanum?
„Þetta er alltaf vandasamt, hvar
sem maður situr, hvort sem er í
útvarpsráði, ráðherrastól eða á Al-
þingi. Menn verða að meta aðstæður
og taka skynsamlegar ákvarðanir.
Auðvitað geta pólitísk sjónarmið haft
áhrif á flestum stöðum í þjóðfélaginu.
Pólitískur flokksstimpill á ekki að ráða
umfram annað í þessu efni, en heldur
ekki að koma í veg fyrir að menn njóti
hæfileika sinna.“
- Pað hafa verið pólitísk átök milli
stjórnarjlokkanna vegna ráðninga hjá
hjá RÚV.
„Ég hef ekki tengst þeirri umræðu
sjálfur en við vitum að afgreiðslu út-
varpsráðs var ítrekað frestað. Það er
sýnilegt að atkvæði hafa fallið þannig á
einstaklinga að stjórnarflokkarnir voru
ekki samstíga hvað varðar fréttastjór-
ann. Annað hef ég ekki um það að
segja."
- Pú kannast ekki við sundurlyndi í
stjórnarsamstarfinu vegna þessa?
„Nei ég tel að svona mál geti ekki
verið af þeirri stærðargráðu að valda
erfíðleikum í stjórnarsamstarfi."
- Nú spyr ég þig sem ráðherra um-
hverfismála. Kísiliðjan við Mývatn hef-
ur verið umdeild frá upphafi. Stendur
það þér fyrir þrifum að þú ert líka
þingmaður Nl.kjördœmis eystra?
„Nei, það held ég ekki þótt enginn
sé dómari í eigin sök. Það er skylda
mín að huga að öllum þáttum málsins,
umhverfísmálum sem og hagsmunum
annarra atvinnugreina. Það bendir
flest til að líftími verksmiðjunnar sé
skammur."
- Ilvað finnst þér um hugmyndir um
nýjar vinnsluaðferðir?
„Mér finnst ábyrgðarlaust að skoða
ekki hvort tæknin leyfir einhverja
möguleika. Þetta hefur þó ekki komið
með formlegum hætti til ráðuneytis
enn.“
- Leggurðu dóm á framtíð Kísiliðj-
unnar?
„Engan nema að það er ekkert nýtt
í stöðunni. Verksmiðjan er búin að fá
þau leyfi sem ég tel líklegt að hún fái.
Það yrðu væntanlega gríðarleg átök að
tryggja henni vinnslu í vatninu ef ekk-
ert nýtt kemur til. En þarna eru miklir
hagsmunir í húfi.“ BÞ