Dagur - Tíminn - 21.09.1996, Blaðsíða 6

18 - Laugardagur 21. september 1996 |Dagur-®«nmn
í fiskeldi á Hólastað
„Núorðið er ekki óalgengt að hjón þurfa að vinna í sitt hvorum landshluta og
jafnvel sitt hvoru landinu, ef þau œtla að fá vinnu við hœfi sinnar menntunar.
Þannig starfa ég hér norður á Hólum, en konan mín í Reykjavík. Þetta er vel
mögulegt, en dýrt - og ekki tekur skatturinn tillit til þessa. En í samskiptatœkni
heimsins eru sífellt fleiri möguleikar að opnast. Til að mynda er engin frágangs-
sök orðin að reka hér á Hólum í Hjaltadal kennslu- og rannsóknarsetur á sviði
fiskirœktar, sem starfar á alþjóðlega vísu, “ segir Helgi
Thoroddsen, fisklífeðlisfrœðingur að Hólum íHjaltadal.
að er Helgi Thorarensen,
fiskh'feðlisfræðingur við
Bændaskólann að Hólum í
Hjaltadal, sem hefur orðið.
Hann kom frá Nýja-Sjálandi til
starfa á Hólum snemmsumars á
þessu ári. Helgi lauk doktors-
námi í Kanada fyrir um tveimur
árum og eftir það fluttu hann og
íjölskylda hans til Nýja-Sjálands.
A meðan þau voru þar í landi
fékk kona hans, Guðrún Helga-
dóttir, starf hér á landi - og er í
dag aðstoðarskólastjóri Mynd-
lista- og handíðaskóla íslands.
Sé ekkert gert...
Helgi segir að í fyrstu hafi ekki
litið út fyrir að hann fengi vinnu
við sitt hæfi á íslandi, enda þótt
kona og börn væru farin heim.
Um skeið starfaði hann við fiski-
rannsóknir á Nýja-Sjálandi, en
réði sig snemma á þessu ári til
starfa við Háskólann í Árósum í
Danmörku. Hinsvegar greip
hann tækifærið strax þegar starf
bauðst á Hólum í Hjaltadal,
enda óneitanlega styttra þangað
til konu og barna í Reykjavík en
sé farið frá Nýja-Sjálandi eða
Danmörku snemma á þessu ári.
Með Helga dvelur að Hólum
Jóhanna, tíu ára gömul dóttir
hans og Guðrúnar, konu hans.
Syðra dvelur Ólafur, sonur
þeirra, hjá móður sinni.
„Við vorum í svipaðri stöðu
og fjöldi fólks sem hefur verið
við framhaldsnám erlendis.
Annað eða bæði hjóna troða
marvaða í útlöndinn meðan þau
leita starfs á íslandi. Sé ekkert
gert eigum við á hættu að missa
mikinn fjölda af vel menntuðu
fólki úr landi - einsog til dæmis
rektor Háskóla íslands hefur ný-
lega bent á,“ segir viðmælandi
okkar.
Eldið aðlagað með
rannsóknum
Meginstarf Helga við Bænda-
skólann að Hólum verður
kennsla og rannsóknir á sviði
fiskeldis, en rannsóknir verða æ
stærri þáttur í starfinu á Hóla-
stað. Á næstunni munu til dæm-
is fara af stað rannsóknir og til-
raunir með endurnýtingu vatns í
fiskeldisstöðvum. Dælingar- og
hitunarkostnaður þess er stór
liður í rekstri stöðvanna, og
betri vatnsnýting myndi þýða
jafnframt peningasparnað.
„Það er enginn vafi á því að í
upphafi fóru menn of greitt í
fiskeldið og að undirbúningur að
rekstri fiskeldisstöðvanna var
ekki nægur. Það er hinsvegar
fjarri því að eldið sé dauðvona
atvinnuvegur einsog margir
virðast halda. Með aukinni
reynslu fiskeldismanna og rann-
sóknum hefur tekist að aðlaga
fiskeldi að aðstæðum á íslandi.
Ennþá er þó ýmislegt ógert í
þeim efnum. Aðlaga þarf eldis-
tækni og finna nýjar tegundir í
eldi til þess að þær aðstæður
sem hér eru fyrir hendi nýtist
betur. Rekstur fiskeldisfyrir-
tækja gengur bærilega í dag þó
stofnkostnaður sé enn of hár til
þess að verulegur vöxtur geti
orðið í greininni á næstu árum.
Þar sem réttar aðstæður eru fyr-
ir hendi getur bleikjueldi hentað
vei sem aukabúgrein,“ segir
Helgi Thorarensen.
Þekking og
frumkvæði
Hólaskóia hefur verið mörkuð
skýr stefna í starfi sínu. Þar er
lögð áhersla á kennslu í hrossa-
rækt, fiskeldi og ferðamálum.
Fjórir nemendur, allt konur,
munu stunda nám við ferða-
málabrautina í vetur, en þetta er
í fyrsta sinn sem boðið er uppá
kennslu í ferðamálum á Hólum.
„Við munum leggja áherslu á
að mennta fólk til starfa við
ferðamál í dreifbýli. Þörf er á
fólki sem getur nýtt þá mögu-
leika sem bjóðast á hverjum
stað og hefur frumkvæði að
stofnun nýrra fyrirtækja. Við
leggjum ekki eingöngu áherslu á
veitinga- og gistirekstur, heldur
einnig uppbyggingu á hverskon-
ar afþreyingu fyrir ferðmenn,"
segir Helgi, sem talsvert hefur
komið að uppbyggingu ferða-
málanámsins. „Á jafn litlum stað
og hér á Hólum getur sérhæfing
í kennaraliðinu aldrei orðið al-
gjör - og það er skemmtilegt,"
bætir hann við.
Matarheimspeki
Á ferðamálabraut Hólaskóla
verður í náminu í vetur lögð
áhersla á það að ferðaþjónustu-
fólk bjóði öðru fremur uppá ís-
lenskan heimilismat á greiða-
sölustöðum. „Ferðamenn vilja
gjarnan borða það sama og inn-
fæddir, eða að minnsta kosti
ekki brasaða hamborgara og
rjómalagað gumms. Það er eng-
inn skömm af því að bjóða uppá
íslenskan heimilismat. Þvert á
móti eigum við að leggja áherslu
á að bjóða uppá t.d. soðinn fisk
og kartöflur, kjötbollur, kjöt-
súpu, grauta af ýmsu tagi, slátur
og formkökur.
Svona mat færð þú hvergi
nema á íslandi, en þessi matar-
ff />Frr/> rxx/ v//ga//a/m
srr/ Forsrjór/A/N FFÁ'UF? ^
Helgi Thorarensen og Jóhanna dóttir hans fyrir utan skólahúsið á Hóla-
stað. „Engin frágangssök að reka hér á Hólum í Hjaltadal kennslu- og
rannsóknarsetur á sviði fiskiræktar, sem starfar á alþjóðlega vísu,“ segir
Helgi meðal annars hér í viðtalinu. Mynd: -sbs.
gerð hefur einhverra hluta
vegna ekki þótt fín. Því fer samt
fjarri, þó auðvitað verði að að-
laga framleiðsluna að kröfum
nýs tíma með því að draga úr
fitumagni. Það er einnig full
ástæða til þess að ferðamenn fái
tækifæri til þess að kynnast
þjóðlegri matargerð og ýmsu
góðgæti sem tengt er tilteknum
svæðum. Reyktur svartfugl í
Skagafirði, lundi í Eyjum og fýll í
Mýrdalnum eru hluti af þessari
matarheimspeki sem í hávegum
skal höfð,“ segir Helgi Thorar-
ensen að lokum. -sbs.
iDagxir-CÍIttititm
- besti tími dagsins!
Faxnúmer
auglýsingadeildar
Akureyri 462 20 87
Reykjavík 563 16 40