Dagur - Tíminn - 08.10.1996, Blaðsíða 11

jDagur-ÍEmrám
Þriðjudagur 8. október 1996 - 23
FÍNA FRÆGA FÓLKIÐ
Kenny finnst ijómandi að vera á
föstu með Wöndu þótt hún sé
helmingi yngri en hann - en hjóna
band; nei takk.
Hikandi við 5. hjónabandið
Vinír Kenny Rogers hafa
hálfpartinn átt von á
boðskorti frá honum í 5.
brúðkaupsveisluna - og
kannski að vonum þar sem karl
hefur nú í hálft ijórða ár verið á
föstu með Wanda Miller, sem er
bæði gullfalleg og helmingi
yngri en Kenny, eða aðeins 29
ára. En karl hefur nú kveðið
upp úr með það að hjónaband
sé ekki á dagskrá. „Við höfum
svo sem rætt um hjónaband og
ég sagði Wanda að ég hræddist
það ekkert (enda sannað það
með hinum fjórum). Ég hræðist
hins vegar mistök og nenni ekki
að lenda í skilnaði einn ganginn
enn“, segir kappinn.
Kenny viðurkennir að ungur
aldur vinkonunnar spili þarna
inn í. „Wanda er á þeim aldri
að hana langar örugglega til að
eignast börn innan næstu 2ja til
3ja ára eða svo. En ég er á
þeim aldri að það væri hreint
ábyrgðarleysi af mér að fara að
eignast fleiri börn“.
Skilnaður Kennys frá 4. eig-
inkonunni situr líka enn í karli,
sérstaklega vegna augasteins-
ins; sonarins Christophers. „Eitt
það allra erfiðasta við skilnað-
inn var að færa syninum frétt-
irnar. En ég lofaði honum að
við mundum samt eyða saman
jafnvel enn meiri tíma en áð-
ur“. Sagt er að Kenny hafi stað-
ið við þetta loforð sitt, enda
skín af honum stoltið þegar
hann minnist á soninn, sem nú
er 14 ára.
„Hann er er 6 feta (183 cm)
hár og þegar orðinn körfobolta-
leikari á heimsmælikvarða.
Hann fer fjórum til fimm sinn-
um á ári að horfa á leiki með
Michael Jordan og ver sjálfur
einum fimm klukkutímum á
dag í leiki eða æfingar. Hann er
hreint ótrúlegur“, segir sá
gamli hreykinn.
Nær
óþekkjanleg
án „eyeliners“
Eitthvað kunnugleg er það
ekki, en....? Jú, þótt
ótrúlegt sé mun þetta
vera hin eina og sanna Liza
Minnelli, sem aldrei þessu vant
hefur hér farið út á lífið án
sinna höfuðeinkenna: Svörtu
augnlínurnar og gerviaugna-
hárin hefur hún skilið eftir
heima að þessu sinni.
Liza auðsjáan-
lega á leið í
„djammið" á
skemmtistaðn-
um „Regnboga
og stjörnum",
en með hverjum
fylgir ekki sög-
unni.
Teitur Þorkelsson
skrifar
Bósasaga
Berorðustu kynlífslýsingar
í íslenskum fornbók-
menntum má finna í
Bósasögu og Herrauðs frá 15du
öld. Bósi beiðist gistingar á
bóndabæ og daðrar við bónda-
dóttur sem gengur um beina.
Um kvöldið fer Bósi til rekkju
bóndadóttur og lyftir klæði af
henni. Hún spyr hvað hann vilji,
en hann svarar og segist vilja
brynna fola sínum í vínkeldu
hennar. En hann er eigi vanur
slíkum brunnhúsum sem ég
hefi, segir hún. Ég skal leiða
hann áfram og hrinda honum á
kaf, ef hann vill eigi öðruvísi
drekka, segir Bósi. Folinn er á
millum fóta mér, ástin mín, og
tak þú á honum, og þó kyrrt því
hann er mjög styggur. Hún tók
nú um göndulinn á honum og
strauk og mælti: Þetta er fim-
legur foli og mjög rétt hálsaður.
Sjá nú fyrir öllu, segir hún. Ligg
þú sem gleiðust, kvað hann og
haf sem kyrrast. Hann brynnir
nú folanmn heldur ótæpilega
svo hann er allur á kafi. Bónda-
dóttur varð mjög dátt við þetta
svo hún gat varla talað. Muntu
ekki drekkja folanum? sagði
hún. Svo skal hann hafa sem
hann þolir mest því hann er
mér oft óstýrinn fyrir það að
hann fær ekki að drekka sem
hann beiðist. Skemmta þau sér
nú sem þeim líkar og var
bóndadóttir ýmist ofan á eða
undir og sagðist hún aldrei hafa
riðið hæggengari fola en þess-
um.
Í.D.L. - Fundur
Deilarfundur hjá íþróttadeild Léttis verður haldinn í
Skeifunni fimmtudaginn 10. október kl. 20.30.
Fundarefni: Sameiningarmál L.H. og H.Í.S.
Vetrarstarfið.
Mótahald 1997.
Önnur mál.
Stjórnin.
Barnaskóli Akureyrar
Sími: 462 4172. Fax 461 1267
Aðalfundur
foreldra- og kennarafélags Barnaskóla
Akureyrar, verður haldinn á sal skólans
þriðjudag 15. október kl. 20.30.
Venjuleg aðalfundarstörf.
Stjórnin.
s 'n
AKUREYRARBÆR
ÚTBOÐ
Akureyrarbær óskar hér með eftir tilboðum í að end-
urnýja eldhús á Dvalarheimilinu Hlíð.
Helstu verkþættir eru: Frárif, uppsetning nýrra veggja,
endurnýjun gólfefna, málun, endurnýjun vatns-, frárennsl-
is-, loftræsi- og raflagna og tilflutningur á tækjum.
Útboðsgögn verða afhent hjá FORM ehf, Kaupangi
v/Mýrarveg, sími 462 6099 frá og með þriðjudeginum 8.
október.
Tilboðin verða opnuð þriðjudaginn 15. október kl. 11.00
hjá Byggingadeild Akureyrarbæjar, Geislagötu 9, 4. hæð.
Byggingadeild Akureyrarbæjar.
J
Fræðslumiðstöð
Reykjavíkur
auglýsir:
AUSTURBÆJARSKÓLI
Bekkjakennara vantar í 2. bekk vegna veikindaforfalla, % til 'Á
staða.
Upplýsingar veita skólastjóri og aðstoðarskólastjóri í síma 561
2680.
ÖLDUSELSSKÓLI
Vegna forfalla vantar bekkjarkennara í 6. bekk árdegis, til loka
yfirstandandi skólaárs.
Upplýsingar veitir skólastjóri í síma 557 5522.
LANGHOLTSSKÓLI
Starfsmann vantar í heilsdagsskóla.
Upplýsingar veita skólastjóri og aðstoðarskólastjóri í síma 553
3188.
STUÐNINGSFULLTRÚAR
Starf stuðningsfulltrúa felst meðal annars í að vera nemendum
til aðstoðar, fylgja þeim í kennslustundir og um skólahúsnæðið
og vera í samvinnu við sérkennara.
Við Selásskóla og vantar stuðningsfulltrúa í hálft starf eftir há-
degi.
Nánari upplýsingar veita skólastjóri og aðstoðarskólastjóri í síma
567 2600.
í Melaskóla vantar stuðningsfulltrúa í fullt starf.
Nánari upplýsingar veita skólastjóri og aðstoðarskólastjóri í síma
551 3004.
Umsóknum ber að skila til Ingunnar Gísladóttur, deildarstjóra
starfsmannadeildar Fræðslumiðstöðvar Reykjavíkur, Tjarnargötu
12, eða til skólastjóra viðkomandi skóla.
4. október 1996,
Fræðslustjórinn í Reykjavík.