Dagur - Tíminn - 30.11.1996, Blaðsíða 1

Laugardagur 30. nóvember 1996 - 79. og 80. árgangur - 230. tölublað
FRÆKNASTA FRÖKENIN
M:
'ikið verður um að vera í
íþróttahöllinni á Akur-
.eyri í kvöld. Átta föngu-
legar stúlkur munu keppa inn tit-
ilinn Ms. Fitness. Allar hafa þær
æft af miklum krafti undanfarnar
vikur, sumar jafnvel í mánuði, og
því von á spennandi keppni.
Þetta er í þriðja sinn sem Ms.
Fitness keppnin er haldin hér á
landi en í fyrstu tveimur keppn-
unum sigraði Anna Sigurðardótt-
ir. Anna verður fjarri góðu gamni
í þetta sinn þar sem hún hefur
nú flust til Svíþjóðar og kennir
þar þolfimi.
Tvær af stúlkunum átta sem
nú keppa tóku einnig þátt í
keppninni í fyrra, þær Sigurbjörg
Ágústsdóttir og Freydís Árna-
dóttir. Báðar segjast vera í betra
formi en í fyrra og stefna ótrauð-
ar á toppinn. „Reynslan hefur
mikið að segja og ég hef notfært
mér það við þjálfunina núna,“ seg-
ir Sigurbjörg og nefnir m.a. að hún
hafl tekið sér lengri tíma til undir-
búnings en í fyrra. Freydís hefur
sömu sögu að segja. „Ég hvíldi mig
aðeins eftir keppnina í fyrra en fór
síðan strax að lyfta aftur og er búin
að vera að æfa markvisst fyrir þessa
keppni síðan í byrjun surnars," segir
hún.
Aðrir keppendur eru þær Auður
Rafnsdóttir, Harpa Hauksdóttir, Jóhanna
Karlsdóttir, írena Óskarsdóttir, Margrét
Þorvaldsdóttir og Ingveldur Ingveldar-
dóttir og verður gaman að sjá hvernig
þeim gengur í kvöld.
Keppnin fer þannig fram að í fyrstu
lotu stíga keppendurnir á svið í kvöld-
kjólum og halda stutta ræðu, í annarri
lotu koma þær fram á bikini og í þriðju
lotu gera þær frjálsar æfingar. Mikið
verður í kvöldið lagt og auk keppninnar
verða ýmis önnur atriðið eins og þolfimi,
vaxtarrækt, ballett og tískusýningar.
Umsjónarmaður keppninnar er Sig-
urður Gestsson í Vaxtarræktinni á Akur-
eyri. Auk þess að sjá um Ms. Fitness hef-
ur Sigurður séð um þjálfun stúlkna sem
taka þátt í fegurðasamkeppnum og er
einnig öllum hnútum kunnugur í vaxtar-
ræktarkeppnum, bæði sem keppandi og
þjálfari.
Hann segir Ms. Fitness keppnina að
sumu leyti vera milliveg fegurðarsam-
keppni og keppni í vaxtarrækt og það út-
lit sem þar sé verið að sækjast eftir sé
eitthvað sem flestum þyki ásættanlegt.
Aftur á móti séu gerðar meiri kröfur í
þessari keppni en báðum hinum því
keppendur þurli að vera fjölbreyttum
hæfileikum gæddir. „Þær þurfa að hafa
gott útlit, góða framkomu, góðan vöxt,
vera í góðu formi og geta skilað þessum
frjálsu æfingum vel. Þær þurfa líka helst
að geta tjáð sig þokkalega þar sem hluti
af keppninni er að halda stutta ræðu.“
AI
Akureyrarmærin í
hópnum, Freydís Árna-
dóttir, ber keppendurna
frá Suðvesturhorninu á
höndum sér og býður þær
velkomnar á sinn heimavöll.
Stúlkurnar á myndinni eru:
(Aftari röð frá vinstri) Margrét
Þorvaldsdóttir, Jóhanna Karls-
dóttir, írena Óskarsdóttir og Sigur-
björg Ágústsdóttir. (Fremri röð frá
vinstri) Auður Rafnsdóttir, Ingveldur
Ingveldardóttir og Harpa Hauksdóttir.
MAÐURVIKUNNAR
Bergsveinn Bergsveinsson, markmaður íslenska
landsliðsins í handbolta, er maður vikunnar. Hann
hélt dönsku skyttunum í hœjilegri jjarlœgð frá því
að tryggja sér farmiða á heimsmeistaramótið í
Japan á nœsta ári, og gaf strákunum okkar von um
að fara í þeirra stað. í leiknum á miðvikudagskvöld
var það Bergsveinn sem gekk berserksgang í teign-
um að hœtti fornra kappa og því eiga íslendingar
enn von - í leiknum í Danaveldi á morgun. Okkur
nœgir jafntefll Tap á fullveldisdaginn er ekki í
myndinni, landsliðið okkar er ekki á því að lœkka í
metorðastiga handboltaþjóða með því að missa
takið sem við höfum haft á gömlu herraþjóðinni í
mörg ár. Bergsveinn og félagar bíta frá sér - 600 ís-
lendingar verða á leiknum og nokkrir tugir þús-
unda hér heima með aðventuljós og Áfram ísland
jólaskreytingar við tœkin. 1. des. er dagurinn;
Bergsveinn, Guðmundur, Dúndranúna og Geir
og... allir hinir... áfram!