Dagblaðið Vísir - DV - 01.09.1984, Blaðsíða 16

16
DV. LAUGARDAGUR1. SEPTEMBER1984.
ROKKSPILDAN ROKKSPILDAN
Kukl:
FIMM
STJÖRNUR
í SOUNDS
Nýjasta plata hljómsveitarinnar
Kukl, The Eye, fær frábæra dóma í
breska tónlistartímaritinu Sounds sem
er eitt útbreiddasta tímarit sinnar
tegundar í Bretlandi. Fær platan fimm
stjörnur hjá gagnrýnanda blaðsins
sem á vart orð til að lýsa hrifningu
sinni.
t umfjöllun Sounds um piötuna er
sagt m.a. að hún minni léttilega á plöt-
una The scream með Siouxie and the
Banshees sem löngu er orðin klassisk á
sinu sviði. Besta lag plötunnar segir
Sounds vera lagið Assassln sem það
kallar „rosalegt”.
I umfjölliuiinni segir svo: „Merki-
lega góð plata og rós í hnappagatið
fyrir ótrúlegt albúm Dada Nana og
fyrir Crass-merkiö sem endurnærir
hugann en ekki heilaþvær hann eins og
önnurmerkigera”.
Kukl hefur að undanförnu verið á
tónleikaferðalagi um Bretland og
komið fram á einum tug staða ásamt
hljómsveitinni Flux of Pink Indians. I
því tölublaði Sounds sem birtir gagn-
rýnina er einnig umf jöllun um eina af
tónleikum Kukl og þar segir m.a. að
tónlist þeirra sé eitruð og spaugileg til
skiptis... „Hvílíkir tónleikar...”
hefst greinin á og í henni segir svo aö
Kukl sé ein af fimm bestu Anarcho-
pönk hljómsveitum í heiminum. Tón-
leikar þeir sem hér um ræðir voru
haldnir í Conway-Hall í London.
Ferðalag um Evrópu
Eftir helgina fer Kukl frá Bretlandi
og yfir til Hollands en í Evrópu mun
hljómsveitin troða upp víða. Dagana
4.-6. september kemur Kukl fram í
borgunum Utrecht, Hom og Middle-
burg í Hollandi og heimsækir svo
landið aftur þann 22. september þar
sem Kukl kemur fram á Pandoras
Box, stærstu tónleikahátíö Hoilands,
sem haldin er í Rotterdam.
Frá Hollandi liggur leiðin til Berlín-
ar þar sem Kukl kemur fram í
klúbbunum NOX og KOB auk þess að
leika á Metropolluft sem mun vera
aöalnýbylgjustaöurinn þar í borg.
Þann 14. september er Kukl svo í-
París þar sem sveitin kemur fram á
Eldorado-tónieikahátíðinni ásamt
hljómsveitunum Spear of Destiny, X
Mal Deutschland og Sisters of Mercy
en X Mal. . . átti fyrir skömmu plötu í
efsta sæti breska „independent-list-
ans”.
Frá París halda þau til Barselóna en
þegar þetta er skrifaö voru dag-
setningar á tónleikum þar ekki á
hreinu. Kukl kemur fram á tvennum
tónleikum þar í borg dagana 16,—19.
september. Síðan fara þau aftur til
Hollands eins og áður hefur verið
greint frá en þaöan fara þau til Ham-
borgar og koma fram í Knust-klúbbn-
um en eftir þaö verður haldið til
Norðurlandanna og byrjað í Club 7 í
Osló.
Frá Osló fara þau síöan til Kaup-
mannahafnar og- leika þar, m.a. á
Loppen.
-FRI
DAS SAFARI
„Skreppum í Safari og hverf-
um aftur til sjötta áratugarins,”
sagði einn af gestum á tónleik-
um Das Kapital í Safari á
fimmtudagskvöldið, setning
sem lýsir tónleikum þessum
mætavel, Das Kapital er að
grunni til hrein og bein rokk-
hljómsveit eins og þær gerðust á
þessum tíma og fer það nokkuð
vel, að minnsta kosti var gaman
að sjá Björgvin Gíslason í einu
af sínum nettu sólóum á þessu
sviði.
Það var töluverður fjöldi fólks sem
kom í Safari að berja augum þessa
nýjustu hljómsveit Bubba Morthens
og hlusta á rokk þeirra kryddað blús
og fönk-lögum. Blúsinn var í stíl
Billie Holliday en fönkið frábærlega
mjúkt og gott, kom hreyfingu á fólkið
en einhvem veginn kem ég ekki orð-
inu gettófönk úr heilanum á mér sem
nánari lýsingu á því.
Tónleikar þessir voru öðru fremur
hugsaðir sem kynning á væntanlegri
plötu Das Kapital þótt eitt besta lag
þeirra þetta kvöld „Love will tear us
apart” veröi sennilega ekki á henni,
enda samið af öðrum.
Um fagmannlegar hliðar þeirrar
tónlistar, sem flutt var af Das
Kapital, þarf lítið að efast, miðað við
það sem gengur og gerist hér, enda
er hljómsveitin samansett af pott-
þéttum spilurum, Bubbi meira að
segja plokkandi gítar nær allt pró-
grammið í gegn, en hún hefur á sér
gamaldags blæ sem sumum finnst
eflaust þreytandi, og jafnmörgum
heillandi og sem stig í þróun ferils
Bubba verður að telja hana millibils-
ástand meðan kappinn leitar sér
nýrra leiða í tónlist sinni.
Hvað um það, margir bráð-
skemmtilegir punktar voru í pró-
grammi Das Kapital, enkum blús- og
fönk lögin. Hvaö rokkið varðar telur
undirritaður það ávallt hina traust-
ustu skemmtun, hver svo sem flytur
það.
-FRI
Fjörorka
Hljómsveitin Fjörorka er með
nýrri nöfnum í hljómsveitabransan-
um um þessar mundir en hún var
stofnuð í upphafi þessa árs af Bjarna
Sveinbjörnssyni bassaleikara.
Hljómsveitin lék svo til eingöngu í
veitingahúsinu Klúbbnum fram á
vor en hefur borið hér og þar niður
síðan, þó aðallega á Suðurnesjum.
Fjörorka er danshljómsveit og hefur
á efnisskrá sinni vinsælustu lögin
hverju sinni svo og gamlar lummur í
bland.
Núverandi skipun hljómsveitar-
innar er þessi: Jón Þór Gíslason
söngvari, Baldur Þórir Guðmunds-
son hljómborösleikari, Hafsteinn
Valgarðsson bassaleikari, Ivar
Sigurbergsson gitarleikari og Olafur
J. Kolbeinsson trommuleikari.
Gítarskólinn
í gang aftur
Gítarskólinn „Gítar-Inn” verður
formlega settur á ný í dag laugardag
kl. 2 eftir hádegi með tónleikum í
Hljóðfæraversluninni Tónkvísl að
Laufásvegi 17.
„Gítar-Inn” hefur verið starfræktur
í eitt ár og hefur það sýnt sig að mikill
áhugi er hjá öllum aldurshópum á
námi þar.
Á fyrsta árinu var kennt á Raf-gítar,
bassa og trommur en á þessu ári er
ætlunin að bæta við kennslu á hljóö-
gervla.
Það sem má telja til nýjunga við
kennslu er notkun video, þar sem ekki
ómerkari menn en t.d. Steve Gadd,
Ritcard Tee og John Scofield leiða
nemendur i sannleikann um hvað
hljóðfærið er í raun og veru og hversu
gífurlegum árangri er hægt að ná meö
skipulögöum æfingum.
Reynsla síðasta vetrar sýndi aö 2ja
mánaða annir mæltust vel fyrir hjá
nemendum og verður svo áfram í
vetur.
-FRI