Dagblaðið Vísir - DV - 14.12.1985, Blaðsíða 12

64
DV. LAUGARDAGUR14. DESEMBER1985.
Jólaleikiv ogjólaföndur
Beðið eftirjólum með helgavblaði D V
Það getur verið gaman að bíða
eftir jólunum. Sérstaklega ef
maður hefur eitthvað skemmti-
legt fyrir stafni. Tínið nú til litina
ykkar, skæri, lím og pappír og
fylgið síðan leiðbeiningunum
sem fylgja hér á eftir. Ef ykkur
vantar hjálp þá kallið þið bara á
pabba, mömmu eða einhvern
fullorðinn eða hringið bara til
DV. Við erum líka að bíða eftir
jólunum.
1.
SKRÝTINN JÓLASVEINN
Þetta er leikur fyrir tvo eða
fleiri. Náið ykkur í pappír og
brjótið hann saman eins og sýnt
er á myndinni. Svo er að teikna
byrjun á jólasveini, brjóta saman
og svo teiknar næsti sinn hluta
án þess að vita hvað hinn gerði.
Þegar upp er staðið eigið þið
örugglega skrýtnasta jólasvein í
heimi.
2.
EGGJABAKKAHAUSAR
Klippið skálamar neðan af
eggjabökkum og gerið síðan eins
og sýnt er á myndinni. Það er
enginn vandi að búa til jóla-
sveinahúfuna og nefið á köttinn
getið þið gert úr leir.
3.
JÓLAPOKI
Setjið stóran bolla ofan á papp-
ír og strikið hring umhverfis
hann. Reyndar tvo hringi og
skemmtilegast er að hafa þá sinn
í hvorum litnum. Brjótið síðan
hringina saman og límið eins og
sýnt er á myndinni. Hankann
má svo búa til úr pappírsræmu.
4.
JÓLASVEINAANDLIT
Skerið gat á pappír og teiknið
síðan jólasvein á. Gatið kemur
þar sem höfuð jólasveinsins á að
vera. Sá sem kíkir í gegnum gatið
verður þá eins og jólasveinn í
framan.
5.
JÓLAGJAFALEIKUR
Einn sest á gólfið með bundið
fyrir augun. í höndunum hefur
hann upprúllað blað og fyrir
framan hann er raðað fulit af
jólagjöfum. Hinir eiga svo að
reyna að ná jólagjöfunum á
meðan sá sem er með bundið fyrir
augun slær með blaðinu í allar
áttir. Sá. sem verður fyrir höggi
sest þá niður með bundið fyrir
augun og heldur leiknum áfram.
6.
JÓLAFUGL
Strikið blað eins og sýnt er á
myndinni; 5x6 ferninga. Teiknið
síðan fuglinn og klippið rifu í
miðjuna. Þar stingið þið pappír
í gegn og þá eru komnir vængir.
Munið að brjóta pappírinn. Sté-
lið er siðan klippt eins og sést
og fuglinn hengdur upp á vegg
eða í glugga. Hann fer einnig vel
ájólatré.
7.
HAUSAVEIÐAR
Teiknið jólasveinahausa á
þykkan pappa og brjótið eins og
sýnt er á myndinni. Skrifið svo
mismunandi tölur á hausana og
svo snýst leikurinn um hver
„veiðir“ flesta hausana í 10 köst-
um. Ágætt er að nota teygju við
„veiðarnar“.
8.
GRÍSAKORT
Grísakortið er gert eins og sýnt
er á myndinni. Munið eftir grísa-
halanum vegna þess að honum á
að stinga í gegnum rifuna sem
klippt er í munninn. Svo er hægt
að skrifa jólakveðjur á bakhlið-
ina, loka kortinu og senda vinum
og félögum. Munið bara að svona
kort verður að setja í umslag ef
pósturinn á að bera það út.