Dagblaðið Vísir - DV - 31.01.1987, Blaðsíða 19

LAUGARDAGUR 31. JANÚAR 1987.
61
Kvikmyndir

Top Gun var vinsælasta myndin 1986.
Clint Eastwood kom með nýja jólamynd, þ.e. Heartbreak Ridge.
Hverj ir slógu í gegn?
Top Gun reyndist vera vinsælasta myndin vestanhafs á því herrans ári 1986
Jólin og sá frítími sem samfara
er jólahátíðinni hefur alltaf reynst
kvikmyndahúsaeigendum vel.
Skólar eru lokaðir og því flykkjast
unglingarnir í kvikmyndahúsin til
að berja augum nýjustu afsprengi
kvikmyndavera Hollywood. Því er
það svo að kvikmyndaframleiðend-
ur jafnt sem kvikmyndahúsaeig-
endur leggja sig fram um að bjóða
upp á nýjar, spennandi myndir
enda er mikið í húfi. Ef einhver
myndanna slær í gegn má búast
við að hún haldi áfram á nýja árinu
að mala gull fyrir alla aðstandend-
ur.
í Bandaríkjunum voru um þessi
jól frumsýndar 13 myndir sem
sýndar voru um öll fylki Banda-
ríkjanna. Er þetta álíka fjoldi og í
fyrra. Einnig er svo frumsýndur
fjöldi mynda sem aðeins eru sýndar
í ákveðnum fylkjum. í fyrra voru
það fimm jólamyndanna sem veru-
lega slógu í gegn en það voru
Rocky IV, The Color Purple,
Out Of Africa, The Jewel Of The
Nile og svo Spies Like Us. Það
er athyglisvert að allar þessar
myndir hafa verið sýndar hér á
árinu 1986 og má því með sanni
segja að íslenskir kvikmyndahúsa-
eigendur séu farnir að fylgjast vel
með sem er auðvitað sjálfsagður
hlutur.
Hörð samkeppni
En hvernig gekk um þessi jól
vestanhafs? Kvikmyndahúsaeig-
endum leist best á myndimar Star
Trek IV og svo nýjustu myndir
þeirra Clint Eastwood, Chevy
Chase og Eddie Murphy. Þeir voru
nokkuð sannspáir því allar þessar
myndir gengu vel og eru nú í byrj-
un janúar mjög ofarlega á listanum
yfir best sóttu myndir mánaðarins.
En það voru einnig aðrar myndir
sem gengu vel þótt þeim hefði ekki
verið spáð eins mikilli velgengni.
Það var Star Trek IV sem bar
sigur úr býtum f jólamyndakapp-
hlaupinu. Hún bar undirtitilinn
Heimferðin eða The Voyage
Home og var leikstýrt af Leonard
Nimoy. Hér er um að ræða mynd
fyrir unglinga og sú fjórða í röð-
inni. Er hún byggð á vinsælum
sjónvarpsþætti og fjallar um skip-
verja geimskipsins „Starship
Enterprise“ og ferð þeirra aftur í
tímann til ársins 1986, nánar tiltek-
ið San Francisco, til að bjarga
jarðarbúum.
Eddie Murphy
Næstvinsælasta jólamyndin
reyndist The Golden Child. Þótt
myndin hafi hlotið nær eindóma
neikvæða gagnrýni virðist sem til-
vist Eddie Murphy í aðalhlutverki
hafi verið nógu mikið aðdráttarafl
fyrir kvikmyndahúsagesti. Murphy
hefur ekki leikið i kvikmyndum
síðan hann gerði Beverly Hills
Cop en það virðist ekki hafa
minnkað vinsældir hans. Murphy
leikur miskunnsaman bjargvætt
sem tekur að sér að bjarga „gull-
barninu" frá illum öflum. Þetta er
dæmigerð ævintýramynd sem
Michael Ritchie leikstýrir. Myndin
gerist víða um heim, allt frá suður-
hluta Kaliforníufylkis yfir til
afskekktra hluta Kínaveldis.
Clint Eastwood virðist alltaf eiga
sinn fasta aðdáendahóp. 1 nýjustu
mynd sinni, Heartbreak Ridge,
sem hann leikstýrir, framleiðir og
leikur í, fer hann með hlutverk
herskólaagaðs harðjaxls sem fær
það hlutverk að koma hópi misind-
ismanna og aumingja í bardaga-
hæft ástand. Eins og að venju fer
Clint létt með verkefnið. Þetta er
fyrsta mynd kappans eftir Pale
Rider árið 1985.
Stórstjörnur
Upphaflega voru vöflur á for-
ráðamönnum Fox kvikmyndavers
ins hvort þeir ættu að setja nýjustu
mynd leikstjórans Sidney Lumet
í hina hörðu samkeppni um jólin.
Þeir gerðu það og þurfa varla að
sjá eftir því. The Morning After
er með þeim Jane Fonda, Jeff
Ein vinsælasta jólamyndin vestan-
hafs var The Golden Child með
Eddie Murphy í aðalhlutverki.
Bridges og Raul Julia í aðalhlut-
verkum og fjallar um morðgátu.
Fonda leikur fyrrverandi leikkonu
sem ásökuð er um morð sem hún
telur sig vera saklausa af. Jeff
Bridges er sá sem fellur fyrir henni
og reynir að hjálpa til að leysa
málið. Þessi söguþráður minnir
meira á efnivið margra eldri mynda
sem sýndar hafa verið í íslenska
sjónvarpinu og virðist vera fátíður
í nýrri myndum.
Um þessi jól var einnig frumsýnd
myndin Little Shop Of Horrors
eða Litla hryllingsbúðin. Hér er
ekki um að ræða endurútgáfu af
samnefndri mynd sem Roger Cor-
man gerði 1960 heldur kvikmynda-
útgáfu söngleiksins fræga sem enn
er sýndur í New York og var ný-
lega settur á svið hérlendis. Það
er Rick Moranis og Steve Martin
sem fara með aðalhlutverkin undir
leikstjórn Frank Oz.
Kunnugleg nöfn
Three Amigos er nafnið á nýj-
ustu mynd John Landis sem m.a.
leikstýrði myndinni An American
Werewolf In London. Steve
Martin fer hér einnig með eitt aðal-
hlutverkið ásamt þeim Chevy
Chase og Martin Short. Þeir leika
þrjár stjörnur úr þöglu myndunum
sem sendar eru til lítillar borgar í
Mexíkó til að ráða niðurlögum
bófaflokks sem angrar íbúana. Sá
hængur er á að „amigóarnir" telja
þetta vera leik frá upphafi til enda.
Engin jól eru án teiknimynda frá
Walt Disney. Síðan Lady Ánd The
Tramp var frumsýnd 1955 hefur
hún verið sýnd yfirleitt yfir jólahá-
tíðina. Það tók 150 teiknara óra-
tíma að teikna þær tvær milljónir
teikninga sem þurfti til að kvik-
mynda þá 110.000 myndramma sem
myndin samanstendur af. Einnig
var frumsýnd um þessi jól myndin
The Nutcracker eða Hnetubrjót-
urinn. Hér er um að ræða kvik-
mynd af samnefndum ballett. Það
er Carroll Ballard sem leikstýrir
sem m.a. leikstýrði hinni gullfal-
legu mynd Black Stallion. Það er
Pacific North West ballettflokkur-
inn sem fer með aðalhlutverkið í
myndinni en sviðsmyndin er unnin
af barnabókahöfundinum Maurice
Sendak. Þótt furðulegt megi virð-
ast þá er þetta í fyrsta sinn sem
þessi vinsæli ballett er kvikmynd-
aður.
Af öðrum myndum, sem ekki
hlutu eins mikla náð fyrir pyngju
kvikmyndahúsagesta, má nefna
Solarbabies sem Mel Brooks leik-
stýrir en hún var að vísu frumsýnd
í lok nóvembermánaðar, King
Kong Lives, sem er framhalds-
mynd af apanum fræga, og No
Mercy sem er rómantískur tryllir
með Richard Gere í aðalhlutverki.
Vinsælast1986
Árlega birtir Variety, tímarit
bandaríska skemmtanaiðnaðarins,
lista yfir vinsælustu myndir allra
tíma og svo vinsælustu myndirnar
ár hvert. Eru tölurnar miðaðar við
aðsókn í Bandaríkjunum og
Kanada. Ef við lítum á árið 1986
Aemur eftirfarandi í ljós.
Vinsælustu myndirnar 1986
í Bandaríkjunum ogKanada
1. Top Gun - leikstjóri T. Scott.
2. The Karate Kid Part II
- J. Avildsen.
3. Crocodile Dundee - P.Fai-
man.
4. Star Trek IV: The Voyage
Home - L. Nimoy.
5. Aliens - J. Cameron.
6. The Color Purple
- Steven Spielberg.
7. Back To School - A. Metter
og E. Endler.
8. The Golden Child - M. Ritc-
hie.
9. Ruthless People
10. Out Of Africa - Sidney
Pollack.
11. Ferris Bueller’s Day Off
- J. Hughes.
12. Down And Out In Beverly
Hills - P. Mazursky.
13. Cobra G.P. Cosmatos.
14. Legal Eagles - I. Reitman.
15. An American Tail -
Anim: D. Bluth.
Eins og sést á þessum lista er
búið að sýna héma flestar þessara
mynda. I lokin skal svo birtur listi
yfir best sóttu myndir allra tíma í
Bandaríkjunum og Kanada.
Best sóttu myndir allra tíma
í Bandaríkjunum og Kanada
1. E.T. TheExtra-Terrestrial
- S. Spielberg - 1982.
2. Star Wars - G. Lucas - 1977.
3. Return Of The Jedi
- R. Marquand - 1983.
4. The Empire Strikes Back -
I. Kershner - 1980.
5. Jaws - S. Spielberg - 1975.
6. Ghostbuster - I. Reitman -
1984
7. Raiders Of The Lost Ark
- S. Spielberg - 1981.
8. Indiana Jones And The
Temple Of Doom
- S. Spielberg -1984.
9. Beverly Hills Cop
- M. Brest - 1984.
10. Back To The Future
- R. Zemeckis.
Baldur Hjaltason