Dagblaðið Vísir - DV - 12.02.1987, Side 11

1
FIMMTUDAGUR 12. FEBRÚAR 1987.
11
dv Útlönd
ísraelsk réttarhöld
vegna stríðsglæpa
í ísrael hafa staðið yfir frá því í haust réttarhöld yfir bandarískum bílasala,
sala, John Demanjuk, sem sakaður er um að hafa verið fangavörður nasista
í einum útrýmingarbúðum þeirra í síðari heimsstyrjöldinni. Eru þetta fyrstu
striðsglæparéttarhöldin í ísrael í aldarfjórðung. Bandarisk yfirvöld framseldu
Demanjuk að kröfu ísraelsmanna og á grundvelli þess að hann hefði ekki
sagt rétt til um fortíð sína þegar hann fékk bandarískan ríkisborgararétt upp
úr striöslokum. Demanjuk (66 ára), sem hér á myndinni sést leiddur af tveim
ísraelskum fangavörðum í Ramle-fangelsinu í ísrael til réttarhaldanna í Jerúsal-
em, segir að hann hafi verið tekinn i misgripum fyrir annan mann.
Simamynd Reuter
Útfúðmeðal
ffanskra kennara
Frönsk skólayfirvöld eru með á prjónunum áætlanir um að auka umboð og
völd skólastjóra og yfirkennara i grunnskólum til þess að auka afköst og herða
aga. Mælist þetta svo illa fyrir meðal kennara að tugir þúsunda þeirra efndu
til mótmæla í Paris í gær með kröfugöngum og útifundum. Þeim mun bregða
við ef nýju áætlanirnar koma til framkvæmda þvi að fram til þessa hafa
franskir skólastjórar í grunnskólum litil afskipti haft af kennslustörfunum og
meira verið sem framkvæmdastjórar eða skrifstofustjórar sinna skóla. Stéttar-
samtök kennara hafa látið málið mjög til sin taka og líta á áætlanimar sem
tilræði við kennarafélögin.
Simamynd Reuter
Engín venjuleg summa, heldur fýsíleg fúlga,
sem allír eru æstír í. Treystír þú þér tíl að
vera ekkí með núna?