Dagblaðið Vísir - DV - 11.04.1987, Blaðsíða 8
54
LAUGARDAGUR 11. APRÍL 1987.
Austurstrætið breytist mikið nái tillagan um skipulag Kvosarinnar fram að ganga. Þessi
hús, sem einkennt hafa Austurstrætið frá því á síðustu öld, eiga að hverfa og í staðinn á
að rísa bygging næstum jafnhá og hús Bókaverslunar Eymundssonar. DV-myndir GVA
■i
Þannig er ætlunin að umhorfs verði í Austurstrætinu. Teikningar úr Kvosin ’86
Tillaga að nýju skipulagi Kvosarinnar:
Mörg fornfræg hús
hverfa úr miðbænum
Enn hefur verið gerð tillaga
um að breyta miðbænum. Að
þessu sinni heitir tillagan
Kvosin ’86 og er gerð í fram-
haldi af tillögu sem kölluð var
Kvosin 1983 og var breyting
á skipulaginu sem samþykkt
var 1981 og . . . Hugmyndir
af þessu tagi má halda áfram
að rekja nánast svo lengi sem
menn lystir.
Hvað sem líður öllum tillög-
unum þá blasir það við að
miðbærinn er býsna skörðótt-
ur og sundurleitur. Þegar
hugmyndir um endurbætur
hafa náð svo langt að fram-
kvæmdir hæfixst þá hefur
þeim aldrei verið lokið. Nokk-
ur hús hafa verið rifin og fyllt
í skörðin með stórhýsum sem
eftir því sem andinn blés
mönnum í brjóst hverju sinni.
Árangurinn þykir mörgum
furðulegur.
Nýjasta tillagan gerir enn
ráð fyrir að gömul hús hverfi
og öllu nýtískulegri — og
hærri — rísi í staðinn. Nái
þessar hugmyndir allar fram
að ganga má búast við að
svipmót miðbæjarins verði
ekki eins sundurleitt og nú er.
Á hitt ber þó að líta að til
þessa hefur aðeins tekist að
byrja á breytingunum en
minna farið fyrir framhald-
inu. Þetta hefur orðið til þess
að menn hafa fyllst efa þegar
þeir sjá nýjar tillögur og
spyrja hvort ekki fari nú sem
fyrr.
Höfundar tillögunnar, sem
nú hefur verið sett fram, eru
arkitektarnir Dagný Helga-
dóttir og Guðni Pálsson.
Tillagan bíður þess enn að
vera samþykkt sem hluti af
aðalskipulagi Reykjavíkur.
Kynningu hennár er lokið og
eftir að nauðsynlegar lagfær-
ingar hafa verið gerðar má
búast við að hún verði sam-
þykkt í sumar.
Hér í opnunni eru dregin
fram nokkur dæmi um breyt-
ingamar sem verða á yfir-
bragði miðbæjarins — nái
tillagan fram að ganga. Þó
nokkur alþekkt hús, sem til
þessa hafa sett svip á mið-
bæinn, hverfa fyrir fullt og
allt. -GK