Dagblaðið Vísir - DV - 27.06.1987, Side 11

LAUGARDAGUR 27. JÚNÍ 1987.
57
Þessar myndir voru teknar á hundrað ára afmælinu fáeinum dögum áður en Mabel andaðist. Hún var vel uppáklædd, hatturinn og blússan í skærbleikum lit og piisið rósótt í stil.
Mabel Sigurjónsson:
Heiðurskona
í hundrað ár
„Eg hitti Mabel fyrst þegar hún
kom í apótekið til mín fyrir fjölda-
mörgum árum og ætlaði að kaupa
fölsk augnhár. Hún vildi fá svört
augnhár en það voru aðeins til
brún. Hún sagði bara „No probl-
em“. Hún myndi bara lita þau.
Seinna þegar ég kynntist Mabel
betur komst ég að raun um að
þannig var hún einmitt. Aldrei nein
vandræði. Það mátti alltaf bjarga
öllum málum við.“
Þannig lýsti Stella María Jóns-
dóttir, sem afgreiðir í Ingólfs
apóteki, Mabel Sigurjónsson fyrir
blaðamanni DV er sú síðarnefnda
átti aldarafmæli fyrir stuttu.
Á hundrað ára afmælisdaginn
var Mabel áreiðanlega í hópi elstu
Bandaríkjamanna, sennilega sá
elsti sem búsettur var utan heima-
landsins. Mabel flutti til íslands
árið 1953.
Sérstök snyrtikona
Mabel Sigurjónsson var um
margt mjög sérstæð kona og
óvenjuleg. Hún lagði alla tíð mikið
upp úr því að líta vel út. Á hundr-
að ára afmælinu var hún bæði með
varalit og langar lakkaðar neglur,
að vísu ekki með fölsk augnhár en
með skærbleikan barðastóran hatt.
Fjöldi manns mætti til þess að
heiðra Mabel á aldarafmælinu,
meðal þeirra bandaríski sendiherr-
ann á íslandi, fjöldi samlanda
hennar á Keflavíkurflugvelli og
konur úr Vinahjálp. Þá var einnig
fjöldinn allur af innlendum vinum
Mabel mættur. Unglingakór frá
Keflavíkurflugvelli söng henni til
heiðurs.
Síðustu árunum eyddi Mabel á
öldrunardeildinni í Hátúni 10B,
þar sem hún naut sérstakrar
umönnunar og var hún vinsæl
meðal starfsfólksins.
Snarráöur forfaöir
Mabel fæddist í Cambridge,
Massachusettes, 27. maí 1887. For-
eldrar hennar voru Dr. Howard
Ayers og kona hans Pauline Shaff-
er Ayers. Mabel hlaut skírnarnafn-
ið Mabel Theodora Ayers.
AyerQölskyldan átti ættir að
rekja langt aftur í aldir.
Einn af forferðrum hennar, sá
sem bar nafnið Ayers, tók þátt í
baráttunni við Hastings árið 1066.
Sagan segir að eitt sinn hafi Vil-
hjálmur sigursæli dottið af baki og
hafi hjálmur hans farið yfir andlit
hans þannig að hann gat ekki fjar-
lægt hann og ótti erfitt með
andardrátt. Forfaðir Mabel sá hvað
orðið hafði, stökk af baki og bjarg-
aði Vilhjálmi undan hjálminum.
Talið var að hann hefði þannig
bjargað lífi Vilhjálms. í þakklætis-
skyni var Ayers aðlaður.
Móðirin úr Svartaskógi
Faðir Mabel, Dr. Ayers, lagði
stund á nám yið Harvad háskóla
þar sem hann síðar kenndi líf-
fræði. Hann var sendur af háskól-
anum í námsferð til Evrópu og á
skipinu sem hann ferðaðist með
hitti hann tilvonandi eiginkonu
sína, Pauline Shaffer. Hún var þá
á leið til Þýskalands til þess að
heimsækja fjölskyldu sína sem bú-.
sett var í Svartaskógi.
Pauline var píanóleikari og hélt
hljómleika um borð í skipinu. Ma-
bel hefur sagt frá því að móðir
hennar hafði strax haft orð ó því
hve henni leist vel á dr. Howard.
Þau héldu sambandi sín á milli og
giftust síðan.
Strax á unga aldri fór að bera ó
miklum tónlistarhæfileikum Ma-
bel. Hún var ekki nema þriggja ára
þegar móðir hennar fór að kenna
henni að leika á píanó. Hljómlistin
kom mikið við sögu síðar á lífsleið-
inni.
Mabel hafði mikinn áhuga ó
skólanámi og hafði sérstakt dálæti
á líffræði og stærðfræði. Mabel
útskrifaðist úr menntaskóla aðeins
fimmtán ára og var efst í sínum
bekk. Þá hóf hún strax háskólanám
en um þetta levti var faðir hennar
rektor háskólans í Cinncinnati,
Ohio. Mabel var vngsti nemandi
skólans. Síðar sagði hún:,. Ég hef
ekki alltaf verið elst af öllum. þótt
ég hafi verið það lengi."
Á háskólaárunum fór Mabel í
söngtíma og söng opinberlega með
systur sinni Paulu. Eftir að há-
skólanámi lauk lagði Mabel stund
á hraðritun og vélritun í einka-
skóla Miss Littleford. Eftir það
hélt hún til Chicago þar sem þún
lagði stund á tónlistarnám. svið-
setningu og tungumál. Meðal
kennara hennar var Umberto Bed-
uschi, ítalskur söngvari sem
Puccini hafði sjálfur valið til að
fara með aðalhlutverkið í einni af
óperu sinni.
Á meðan á náminu stóð vann
Mabel við að selja plötuspilara og
hljómplötur bæði hjá The Edison
Shop og Adam Shaft Company.
„Þetta þóttu alveg sérstaklega
góðar hljómplötur, miklu betri en
Victor plöturnar sem áður voru
allsráðandi á markaðnutn," sagði
Mabel í samtali við DV fyrir tveim-
ur árum. Hún sagði að henni hefði
gengið vel við hljómplötusöluna
því hún hefði sungið með er hún
var að selja. „Þá söng ég alltaf
milliröddina og þótti bara nokkuð
góð,“ sagði hún.
Á þessum tíma stjórnaði Mabel
einnig fámennum leikhóp og lék
auk þess sjálf með í nokkur ár.
Eiginmaðurinn prestlærður
og skáld
Fvrstu kvnni Mabel af Islandi var
er hún hitti tilvonandi eiginmann
sinn. Lárus Sigurjónsson. árið 1920
í Chicago. Lárus var fæddur árið
1874 í Húsavík í BorgarQarðar-
hreppi. Lárus lauk prófi frá Presta-
skólanum árið 1906. Hann var við
nám í Danmörku í eitt ár. en fór
þá til Kanada til að heimsækja for-
eldra sína sem höfðu sest að í
Winnepeg. Heimsóknin dróst á
langinn því hann var í Kanada til
ársins 1920 að hann flutti til
Chicago þar sem hann hitti Mabel.
Sex mánuðum síðar gengu þau í
hjónaband. á aðfangadagskvöld
• 1920. Stofnuðu þau hjónin tónlist-
ar- og söngskóla í Chicago sem þau
ráku til ársins 1939.
Mabel kenndi á píanó í skólanum
og stjórnaði honum á tímabili. Eft-
ir að faðir hennar dó flutti móðir
hennar og síðar tvær svstur inn á
heimili þeirra hjóna i Chicago.
Mabel og Lárus dvöldu saman eitt
ár í Washington þar sem Mabel
vann fvrir sjóherinn. 1943 hélt Lár-
us heim til Islands þar sem hann
vann að útgáfu ljóða sinna.
Mabel flutti þá með móður sinni
og systur til San Diego í Kalíforníu
þar sem hún bjó í nokkúr ár. Hún
heimsótti bónda sinn nokkrum
sinnum hingað til íslands en eftir
að móðir hennar lést, árið 1953,
flutti Mabel alkomin til landsins.
Ekkja í 20 ár
Mabel missti mann sinn árið
1967. Hún bjó áfram hér á íslandi
innan um vini sína sem jafnan voru
fjölmargir. Mabel kenndi á hljóð-
færi auk þess sem hún kenndi
íslendingum ensku, sem hún gerði
raunar alveg fram á síðustu ár.
Allt sitt líf lagði Mabel stund á
Biblíulestur og kristilegt líferni.
Hún sagði í viðtali við undirritað-
an fynr tveimur árum að hún
ráðlegði öllum að lesa Biblíuna og
brevta samkvæmt Guðs vilja. Það
sagðist hún hafa gert eftir bestu
getu allt sitt langa líf.
Mabel stóð fyrir stofnun félags-
skaparins Vinahjálp sem í eru
konur starfsmanna sendiráða. Hún
tók þátt í góðgerðarstarfsemi og
hafði unun af því að spila bridge.
Seinustu árin dvaldi hún á öld-
runardeildinni í Hátúni 10B og var
við ótrúlega góða heilsu miðað við
hve háum aldri hún náði.
Allt fram á það síðasta hafði hún
ánægju af því að hlusta á alls kon-
ar tónlist. ekki síst'söngleikjatón-
list. Hún sat þá gjarnan með
hevrnartól og hlustaði á tónlistina.
dillaði sér í takt og söng lágum
rómi með. sennilega milliröddina
sem hún söng svo vel hér á árum
áður.
Haldið var upp á aldarafmælið
með kaffisamsæti í samkomusaln-
um á efstu hæðinni í Hátúni.
Nóttina fyrir afmælið svaf Mabel
illa og var talið að það væri vegna
þess hve hún hlakkaði til afmælis-
ins. Klukkan tíu um morguninn
var hún tilbúin að taka á móti gest-
um sínum. En þeir voru ekki
væntanlegir fyrr en kl. 3 um dag-
inn. Þá var hún orðin úrvinda og
þótt hún mætti í afmælið vel til
höfð stóð hún frekar stutt við.
Fáeinum dögum seinna hlaut hún
hægt andlát. Mabel Sigurjónsson
verður jarðsungin frá Dómkirkj-
unni mánudaginn 29. júní kl. 13:30.
Blessuð sé minning hennar.
-A.BJ.