Dagblaðið Vísir - DV - 04.09.1987, Blaðsíða 11
FÖSTUDAGUR 4. SEPTEMBER 1987.
11
Utiönd
Málaferls
Það heíur verið sagt um Bandaríkjamenn
að þeir hafi mesta dálæti á málaferlum af
ýmsu tagi og hjá dómstólum þeirra fari
mikill tími í að útkljá efni sem öðrum geta
fundist næsta lítilvæg. Einkennileg mála-
ferli rísa þó víðar og nú eru ein slík fyrir
rétti í Sao Paulo í Brasilíu.
Talandi páfagaukur, sem heitir Louro,
mun hafa lært eitthvað af fúkyrðum um
dagana og notar þau að sögn óspart. Ein
nágrannakona eiganda gauksa hefur nú
höfðað mál á hendur eigandanum og krefst
skaðabóta vegna svívirðilegra ummæla
páfagauksins. Ekki fylgir sögunni hver þessi
ummæli voru.
Réttað verður í máli Louro í dag og hugs-
anlega skýrist málið þá eitthvað. Máls-
höfðunin hlýtur þó að teljast viðvörun til
páfagaukaeigenda um að huga betur að
orðbragði fugla sinna.
Kraftaverk
Það eru fleiri en múslímar sem flykkjast
í pílagrímaferðir til helgra staða. Einn af
helstu helgistöðum kaþólikka er i Lourdes
í Frakklandi, þar sem guðsmóðir er sögð
hafa birst saklausri sveitastúlku árið 1850.
Sveitastúlkan var síðar tekin í tölu heilagra
og nefnist heilög Bemadetta.
Árlega hópast milljónir pílagríma og ann-
arra forvitinna ferðamanna til Lourdes,
þeirra á meðal tugir þúsunda sjúklinga og
fatlaðra sem vonast eftir kraftaverkalækn-
ingum.
Fullyrt er að lamaðir hafi gengið og blind-
ir fengið sjón eftir heimsókn til Lourdes,
sumir eftir að hafa baða sig í laugum við
bæinn. Geta þeir fengið staðfestingu á lækn-
ingunni hjá sérstakri læknamiðstöð, sem
síðan gerir tillögur um það hvort lækningin
skuli teljast kraftaverk. Fleiri eru þó hinir
sem farið hafa til baka jafnilla staddir og
við komuna.
Kúaparadís
Gríska prinsessan Irene vinnur nú að
mikilli herferð sem stefnir að því að fá
umframkýr i Evrópu fluttar til Indlands þar
sem þær fengju notið stöðu heilagra með
indverskum kynsystrum sínum. Prinsessan
vill með þessu móti bjarga tveim milljónum
evrópskra kúa sem hún segir ella verða
slátrað vegna offramleiðslu á mjólk.
Prinsessan hefur þegar fengið vilyrði ind-
verskra stjómvalda fyrir því að tuttugu
þúsund evrópskum kúm verði veitt dvalar-
leyfi á Indlandi og fara fyrstu hundrað
kýmar áleiðis þangað nú innan skamms.
Áætlanir hennar hafa þó mætt mótstöðu,
meðal annars hjá dýravemdunarsamtökum.
Afmæli
Starfsmenn bandarísku geimvísindastofii-
unarinnar héldu mikla veislu nú í vikunni,
en þá vom liðin tíu ár frá því geimfarinu
Voyager 2 var skotið á loft.
Voyager átti upphailega að bera mynda-
vélar og önnur rannsóknartæki til plánet-
anna Satúmusar og Júpiters og átti ferðin
að taka fimm ár. Eftir að hafa skilað ætluðu
hlutverki sínu með prýði reyndist geimfarið
hins vegar fullfært um að halda áfram og
með smávægilegum breytingum á fyrirskip-
unum í tölvum þess stefndi það áfram út í
geiminn. í janúar á síðasta ári fór farið hjá
Úranusi og skilaði miklum upplýsingum
þaðan, þótt árangur þessi félli í skuggann
af áfallinu sem stofhunin varð fyrir þegar
geimferjan Challenger fórst, aðeins fáeinum
dögum fyrr.
Stýrimann, vélstjóra
vantar strax á 80 tonna rækjubát frá Ólafsfirði, 450
ha. aðalvél.
Upplýsingar í símum 96-62256
96-62484
96-20426
UMBOÐIÐ Á SIGLUFIRÐI
Blaðbera vantar strax víðs vegar um bæinn.
Upplýsingar gefur umboðsmaður DV, Friðfinna
Simonardóttir, í síma 96-71208 eða 96-71555.
Deildarritari
Óskum eftir að ráða deildarritara í fullt starf nú þegar
á handlækningadeild 3B og gjörgæslu.
Upplýsingar veittar á skrifstofu hjúkrunarstjórnar alla
virka daga frá kl. 10-16.
Reykjavík, 3. september 1987.
FUNDUR UM
SAMGÖNGUMÁL
Samgönguráðherra, Matthías Á. Mathiesen, efnir til
funda með sveitarstjórnarmönnum um samgöngumál
á þeim stöðum sem nánar greinir í auglýsingu þessari.
Á fundunum flytur ráðherra framsöguerindi um sam-
göngur í viðkomandi landshluta en síðan verða
almennar umræður.
I för með ráðherra verða fulltrúar stofnana er heyra
undir samgönguráðuneytið og munu þeir taka þátt í
umræðunum, svara fyrirspurnum og veita upplýsingar
eftir þörfum.
Fundirnir, þ.á m. fundarstaður og tími, verða nánar
kynntir síðar í samráði við forystumenn landshluta-
samtaka sveitarfélaga.
VESTFJARÐAKJÖRDÆMI:
I Reykjanesi við Isafjarðardjúp í tengslum við ársfund
Fjórðungssambands Vestfirðinga, föstudaginn 4.
sept., kl. 1 3.00.
SUÐURLANDSKJÖRDÆMI:
Á Selfossi, fimmtudaginn 24. sept., og í Vestmanna-
eyjum, föstudaginn 25. sept.
NORÐURLANDSKJÖRDÆMI EYSTRA:
Á Akureyri. þriðjudaginn 29. sept.
NORÐURLANDSKJÖRDÆMI VESTRA:
Á Sauðárkróki, miðvikudaginn 30. sept.
AUSTURLANDSKJÖRDÆMI:
Á Egilsstöðum, þriðjudaginn 6. okt., og á Hornafirði,
miðvikudaginn 7. okt.
VESTURLANDSKJÖRDÆMI:
I Stykkishólmi, föstudaginn 9. okt.
REYKJANESKJÖRDÆMI:
I Keflavík, þriðjudaginn 13. okt., og í Kópavogi,
fimmtudaginn 15. okt.
Reykjavík:
Fundur með borgaryfirvöldum, föstudaginn 16. okt.
Samgönguráðuneytið