Dagblaðið Vísir - DV - 20.11.1987, Blaðsíða 12

12
FÖSTUDAGUR 20. NÓVEMBER 1987.
Neytendur
Það hafa sprottið upp mörg smærri flugfélög en þau hafa ekki haft bolmagn til að skáka risanum.

r ^
Athugun á
flugfaigjöldum
Lögð hefur verið fram á Alþingi
þingsályktunartillaga um athugun á
flugfargjöldum og er flutningsmaður
hennar Hjörleifur Guttormsson
(Abl). Lagt er til að Alþingi feli ríkis-
stjóminni að láta fara fram athugun
á flugfargjöldum hjá íslenskum flug-
félögum með sérstöku tilliti til hárra
fargjalda í innanlandsflugi. Einnig
er gert ráð fyrir aö gerður verði sam-
anburður á fargjöldum á flugleiðum
jafnt innanlands sem til útlanda, og
milli Evróþu og Norður-Ameríku
með viðkomu í Keflavík.
í greinargerö með tillögunni eru
raktar forsendur hennar. Ein helsta
forsendan er að íslendingar noti flug
sennilega meira en nokkur önnur
þjóð í heiminum, jafnt innanlands
sem og til útlanda. Ástæðurnar eru
lega landsins og bágbornar samgöng-
ur á landi.
Svo fremi sem viðkomandi flugfé-
lag sé fært um að uppfylla flutnings-
þörf hefur samgönguráðherra leyfi
til að úthluta því sérleyfi á ákveðnum
flugleiðum. Þegar slíkt er gert hefur
viðkomandi flugfélag í raun fengið
einokun á viðkomandi flugleið í
ákveðinn tíma. Það er svo í verka-
hring viðkomandi ráðuneytis að
stýra fargjaldaverði.
Að mati flutningsmanns skortir
nokkuð á að eftirlit með þjónustu og
fargjöldum flugfélaganna sé sem
skyldi og tillagan því lögð fram.
í greinargerð með tillögunni er
mikiö af upplýsingum og verður kaf-
að nánar í þær hér á síðunni. -PLP
Flug hefur löngum talist til forréttinda hinna ríku. Hér á landi er hins vegar litill valkostur, flugið er einn
helsti burðarásinn i samgöngumálum hérlendis. Þvi vekur furðu hve hátt fargjaldaverð er.
Atlantshafsflug:
LágfaigjöMfyrirútlendHiga
Einhverra hluta vegna er ódýr-
ara að fljúga til íslands heldur en
frá því. Þetta kemur fram í greinar-
gerð fyrir þingsályktunartillögu
um athugun á flugfargjöldum sem
flutt er af Hjörleifi Guttormssyni.
í greinargerðinni segir orðrétt:
„Fargjöld á Norður-Atlantsleið-
inni eru kafli út af fyrir sig, ekki
síst sú staðreynd að farþegi sem
flýgur milli New York og Luxem-
borgar greiðir frá 3. nóvember 1987
almennt fargjald sem svarar 14.530
íslenskum krónum, en farþegi sem
flýgur frá Keflavík til New York
greiðir 17.840 krónur, og frá Kefla-
vík til Luxemborgar 21.850 krónur
(hvort tveggja án flugvallar-
skatts).“
Að auki kemur fram í greinar-
geröinni að íslensk flugfélög bjóða
upp á ýmis afsláttarfargjöid erlend-
is, en þau gilda ekki alltaf fyrir
farþega sem ferðast frá íslandi.
Þessi mismunur vekur að sjálf-
sögðu undrun og snerum við okkur
því til Flugleiða. Steinn Logi
Björnsson, formaður upplýsinga-
deildar, varð fyrir svörum:
„Þetta er mjög flókið mál og vil
ég helst ekki ræða einstaka þætti
þingsályktunartillögunnar fyrr en
henni verður svarað í heild. Ég
geri mér hins vegar fulla grein fyr-
ir því aö þessi verðlagning getur í
fljótu bragði virkað órökrétt, en
eins og fyrr segir er málið flókið
og ekki hægt að segja neitt um það
að svo stöddu." -PLP
Hvemig er
ódýrast
að ferðast?
Dagblaðið Dagur á Akureyri var
með forvitnilegan samanburð á
ferðakostnaði á dögunum. Blaðið
reiknaði út að mun ódýrara væri
að taka leigubíl frá Akureyri til
Reykjavíkur heldur en að fljúga
með áætlunarflugi. DV kannaði
málið aðeins nánar.
Samkvæmt Degi þá kostar leigu-
bíll milli Akureyrar og Reykjavík-
ur um kr. 9.000 fram og til baka á
dagtaxta og er þá ekki reiknað með
að stoppað sé í Reykjavík. Ef bíllinn
væri fylltur þá myndi farið kosta
kr. 2.250 á manninn sem verður að
teljast nokkuö vel sloppið. Fargjald
fyrir einn með Flugleiðum er kr.
6.836 fram og til baka. Sé hins veg-
ar tekin langferðabifreið kostar
það kr. 3.000 fyrir manninn. Ódýr-
asti kosturinn er þó einkabíllinn,
en samkvæmt útreikningum Dags
kostar það um kr. 2.300 að keyra
sjálfur þessa leið.
Einn kostur enn er þó fyrir hendi.
Hann er að taka flugvél á leigu
ásamt flugstjóra. Ef tekin er níu
farþega flugvél hjá Flugfari kostar
ferðin kr. 36.800 fram og til baka.
Ef níu manns slá sér saman um að
leigja flugvél myndi farið kosta kr.
4.088 á mann. Þá er ekki reiknað
með neinni viðdvöl en sé vélin látin
bíða getur tíminn farið upp í allt
að kr. 1.500. Það er þó hægt að
semía um það atriði. Ef leigð er vél
hjá Vesturflugi er fast tímagjald á
fimm manna vél kr. 15.000, en það
tekur tæplega klukkutíma að fljúga
þessa leið.
Hjá Þotuflugi var til skamms
tima hægt að leigja níu farþega
þotu. Hún stendur þó ekki til boða
eins og er þar sem hún er í Banda-
ríkjunum. í sumar kostaði hún þó
um 60 þúsund á tímann, en með
þotu tekur flugið til Akureyrar
mun skemmri tíma.
Það eru sumsé ýmsir kostir í boði.
Einnig eru ýmsir afslættir í boöi
hjá flugfélögum. Flugleiðir bjóöa
upp á nokkra slíka og eru þeir
skýrðir hér á eftir.
Þar er hægt aö fá fjölskylduaf-
slátt en hann miðast við að farið
sé fram og til baka. Þá greiðir ann-
að hinna fullorðnu fullt verð en
hitt þá aðeins hálft. Á leiðinni
Reykjavík Akureyri gæti því dæ-
mið litið einhvern veginn þannig
út:
Annar hinna fullorðnu kr. 6.836
Hinn kr. 3.518
Barn á aldrinum 12-21 kr. 3.518
Barn undir 12 kr. 1.759
Barn undir tveggja ára aldri kr. 680
Sem fyrr segir er þessi afsláttur
miðaður við að farið sé fram og til
baka, en þó mun vera heimilt að
selja farmiða til Sauðárkróks,
Hornaflarðar og Vestmannaeyja
aðra leiðina með flölskylduafslætti.
Þessi afsláttur er þó ekki nýttur
sem skyldi því síðasta sumar voru
þaö aðeins 11,4% farþega sem flugu
á þessum kjörum.
Aðrir afslættir eru einnig í boði.
Þannig flugu 14,4% allra flugfar-
þega í sumar á afslætti sem ætlaður
er aðildarfólki ÍSÍ. Hann nemur
35% og verður íþróttafólkið að
framvísa beiðni. í sumar sem leiö
virðist íþróttafólk hafa verið tals-
vert á faraldsfæti því alls nýttu sér
þennan afslátt um 14,4% farþega.
11,2% flugu á nemenda- og ungl-
ingaafslætti sem er 25%. Flugfarið
til Akureyrar kostar því náms-
manninn kr. 5.177.
APEX fargjald er í gildi á öllum
leiðum Flugleiða. Það gefur 40%
afslátt en er háð ströngum skilyrð-
um. Miðann verður að bóka og
greiða minnst fimm dögum fyrir
brottfór. APEX gildir aðeins fyrir
báðar leiðir og er þá skilyrði að
vera lengur en flóra daga en skem-
ur en 21. Einnig er aöeins hægt að
fljúga á vissum dögum.
Enn er ótalið svokallað hopp-
fargjald sem gildir aðeins milli
Reykjavíkur og Akureyrar. Það
gefur 50% afslátt fyrir fullorðna og
75% afslátt fyrir böm undir tólf ára
aldri. Til Akureyrar er aðeins hægt
aö taka síðustu vél að kvöldi þriðju-
daga, fimmtudaga og laugardaga.
Til Reykjavíkur verður svo að taka
fyrstu vél að morgni mánudaga,
miðvikudaga og fóstudaga. Þetta
er „standby" fargjald, þ.e. ekki er
hægt að bóka farið, það verður
bara að treysta því að til séu laus
sæti.
Hér á undan hafa verið taldir upp
ýmsar leiðir til þess að ferðast mflli
Akureyrar og Reykjavíkur. Er Ijóst
að allt hefur þetta talsverö útgjöld
í för með sér en til að komast hjá
þessum kostnaði er líklega aðeins
ein leið fær en hún er sú aö ferðast
á puttanum. Sá ferðamáti er hins
vegar ótryggur en ýmsir ferðast
engu að síður þannig. -PLP
Risinn i íslenskum flugmálum er Flugleiðir. Segja má að félagið sé
nánast einrátt á markaðnum.