Dagblaðið Vísir - DV - 15.01.1988, Side 2

2
FÖSTUDAGUR 15. JANUAR 1988.
Fréttir
Vinnumálasamband samvínnufélaga:
Býður verkalýðsfélögum
6% kauphækkun á árinu
Vinnumálasamband samvinnu-
félaga virðist búið aö ákveða hvaða
kauphæækun það ætlar að bjóða
verkalýðshreyfingunni í komandi
kjarasamningum. Á samninga-
fundi, sem fulltrúar þess áttu með
Verkalýðsfélagi Húsavíkur í fyrra-
dag, buðu þeir 4% kauphækkun
strax og 2% um mitt ár. Þar með
virðist línan vera lögð um fyrsta
boð Vinnumálasambandsins í
komandi kjarasamningum.
Aðalsteinn Baldvinsson, stjórn-
armaður í Verkalýðsfélagi Húsa-
víkur, sagði í samtali við DV aö
menn nyrðra hefðu fyrst og fremst
orðið hissa á þessu boði. Það væri
svo broslega lágt að ástæðulaust
væri að móðgast. Hann sagði að
kaupkröfur Verkalýðsfélags Húsa-
víkur væru á milli 35% og 40%, auk
krafna um leiðréttingu á ýmsum
réttindamálum.
Hann sagði að nokkru fyrir jól
hefði verkalýðsfélagið kosið samn-
inganefnd sem hefði unnið mjög
vel og lagt vel unnar og ítarlegar
kröfur fyrir fulltrúa Vinnumála-
sambandsins. Þeir hefðu ekki verið
til viðtals um nokkum hlut nema
þessa tvískiptu 6% kauphækkun
og því hefði að sjálfsögðu shtnað
upp úr viðræðum og fleiri fundir
væru ekki fyrirhugaðir í bráð.
-S.dór
Bankaráð Landsbankans i upphafi fundar í gær þar sem ákveðið var að ráða Sverri Hermannsson bankastjóra í stað Jónasar Haralz. DV-mynd GVA
Svenir Hemtannsson alþingismaður:
Engin regla að sendisveinar vinni
sig upp í bankastjórastöður
„Vissulega eiga bankamenn að
eiga jafnmikla möguleika og aörir á
að vinna sig upp í bankastjórastöðu
en þeir geta engan forgang átt. Það
getur ekki orðið regla að sendisvein-
ar vinni sig upp í bankastjórastöður
á starfsaldri. Um átökin, sem átt hafa
sér stað um þessa stöðuveitingu, er
það að segja að slíkt kemur alltaf upp
um mikilvægar stöður, þótt þetta
hafi verið með mesta móti,“ sagði
Sverrir Hermannsson alþingismaö-
ur í samtali við DV í morgun.
Sverrir var ráðinn bankastjóri
Landsbankans í gær eftir mikil átök,
eins og skýrt hefur verið frá í DV.
Sverrir benti á að ríkisvaldið réði
þessu og hann teldi að breytinga
væri þörf þannig að ríkisstjórnin réði
bankastjóra en ekki bankaráðin. Þau
ættu að vera eftirlitsstofnanir. Slíkt
myndi koma í veg fyrir uppákomur
eins og áttu sér stað í bankaráði
Landsbankans á dögunum og væru
ekki til aö auka veg Landsbankans.
Sverrir sagðist þá ekki skilja málið
ef þaö ætti að útiloka menn frá
bankastjórastöðu að hafa verið al-
þingismenn eða ráðherrar. Það hlyti
að fara eftir því hveiju sinni hvort
þeir væru hæfir til starfans. Hér
væri ekki um neinar úthlutanir eða
kvóta að ræða.
Hann sagðist ekki kvíöa köldu við-
móti þegar hann mætir til starfa í
bankanum í vor. Það væri eðlilegt
að starfsfólkið styddi einn af Sínum
mönnum í þessu máli.
Sverrir sagðist fyrir allnokkru hafa
ákveðið að fara ekki aftur í framboö
til Alþingis og því hefði hann haft
áhuga á að reyna sig í þessu starfi.
Það væri bara slúður sem sagt hefði
veriö að þetta væri einhver sárabót
fyrir ráðherrastól. Slíku sagðist
hann visa alfarið á bug.
-S.dór
Steingrímur Hermannsson utanríkisraðherra:
Líkir fjármagnsmark-
aðinum við ófreskju
Fjármagnsmarkaðurinn er orð-
inn ófreskja. Fjármagnsmarkaður-
inn er óheilbrigður. Þessi orð og
fleiri lét Steingrímur Hermanns-
son utanríkisráöherra falla um
fjármagnsmarkaðinn á fundi hjá
Framsóknarfélagi Reykjavíkur 1
gærkvöldi. Sagöi Steingrímur að
nú væri verið að vinna að nýrri
löggjöf um flármagnsmarkaöinn.
I máli Steingríms kom fram að
lánsvextir fjármagnsfyrirtækja
væru allt að helmingi hærri en
bankanna. A meðan Seölabanki
bindur 13 % af innlánum bankanna
eru engar kvaðir lagðar á fjár-
magnsfyrirtækin. Steingrímur
sagði að ekki væru heldur gerðar
kröfur um tryggingar fjármagns-
fyrirtækja og að þeir sem versluðu
við þessi fyrirtæki væru á engan
hátt tryggðir ef illa færi fyrir þess-
um fyrirtækjum.
Steingrímur sagði að raunvextir
banka í fyrra hefðu veriö 9,5%.
Raunvextir verðbréfakaupafyrir-
tækja hefðu verið 14 til 20 % og 18
til 20 % hjá kaupleigufyrirtækjun-
um. Hjá ávöxtunarfyrirtækjum
væru affóll 5 til 20 % á mánuði auk
vaxta.
Hann nefndi einnig að kaupleigu-
fyrirtækin virtust geta tekið
óendanlegt fjármagn aö láni er-
lendis. „Til hvers erum við að
samþykkja lánsfjárlög þegar fjár-
magn streymir inn fyrir milligöngu
þessara fyrirtækja," sagði Stein-
grímur.
Steingrímur sagði að tillögur
Framsóknarflokksins væru: Aö
gera upplýsingaskyldu þessara fyr-
irtækja algjöra. Að allur markaö-
urinn veröi samræmdur. Að öll
verðbréf veröi gefin út á nafn. Að
öll fjármagnsfyrirtæki veröi gerð
skattskyld, þar eru veðdeildir
bankanna meðtaldar. Að verð-
bréfakaup og ávöxtunarfyrirtæki
verði ekki á sömu hendi. Að vextir
veröi lækkaðir með opinberum aö-
gerðum. -sme
DV
Jökull á Höffn:
Hundrað
manns lagði
niður vinnu
og mætti á
félagsfund
í gær boðaði verkalýðsfélagið Jök-
ull á Höfn í Hornafirði til almenns
félagsfundar klukkan 13.00 eða í
miðjum vinnutíma. Vinnustaðirnir
tæmdust og mætti um eitt hundrað
manns á fundinn. Þar var samþykkt
ályktun þar sem skorað er á stjórn
og trúnaðarmannaráö félagsins að
beita verkfaUsvopninu ef samningar
nást ekki með öðrum hætti. Einnig
var skorað á Alþýðusamband Aust-
urlands að endurskoða kröfumar frá
því í haust í ljósi verðhækkana á
matvælum vegna matarskattsins.
Björn Grétar Sveinsson, formaður
Jökuls, sagði að fólk væri ólgandi af
reiði nú þegar áhrifin af matarskatt-
inum væru að koma í ljós. Hann
sagði að þaö væri eins og fólk hefði
vaknað upp af svefni við þetta högg,
eins og hann orðaði það.
Pétur Sigurðsson, formaöur Al-
þýðusambands Vestfjarða, tekur
mjög í sama streng og sagði í sam-
tali viö DV að allt virtist vera breytt
eftir tilkomu matarskattsins enda
væri fólk alveg rasandi hans vegna.
Aðalsteinn Baldvinsson, sem sæti
á í stjóm verkalýðsfélagsins á Húsa-
vík, sagði það sama. Fólk á Húsavík
væri bæði hissa og reitt vegna verð-
hækkanna á matvælum. Það hefði
staðið í þeirri trú að þetta væri lítil-
ræði en svo kæmi þessi gusa. Hann
sagði að kröfur verkalýðsfélagsins
nú eftir matarskattinn væru 35% til
40% kauphækkun, ekkert minna
kæmi til greina. -S.dór
Steingrímur Hermannsson:
r?Róm
brennur“
„Það verður að draga úr fjárfest-
ingu. Við höfum fjárfest miklu meira
en við öflum,“ sagði Steingrímur
Hermannsson á vel sóttum fundi
Framsóknarfélags Reykjavíkur í
gærkvöldi.
Lýsti hann miklum áhyggjum yfir
ástandi efnahagsmála og að það yrði
að stöðva þensluna og grípa til að-
gerða sem fyrst. „Róm brennur,"
sagði Steingrímur og taldi brýnt að
ríkisstjórnin héldi fundi með for-
ráðamönnum þeirra sveitarfélaga og
fleiri aðila sem hyggjast leggja í dýr-
ar og miklar fjárfestingar. Nefndi
hann meðal annars borgarstjóm
Reykjavíkur. Tók hann sem dæmi
ráðhúsið og fyrirhugaðan veitinga-
stað á heitavatnstönkunum á Öskju-
hlíð.
Meðal brýnustu aðgerða, sem gera
þyrfti, nefndi Steingrímur að koma
þyrfti á stjóm og samræmingu fjár-
magnsmarkaðarins. Að samið yrði
um kaupmátt lægstu launa. Að staöa
atvinnufyrirtækja verði tryggð með
opinberum aðgeröum. Hann sagöi að
fjármagnskostnaöur væri orðinn
brjálæði og að leita þyrfti leiða til að
lækka hann. Steingrímur taldi einnig
óumflýanlegt að söluskattur yrði
endurgreiddur að fullu þó að stefnt
héfði verið að því að endurgreiöa
hann aðeins að hálfu og að breyta
þyrfti sköttum, svo sem launaskatti,
úr veltuskatti í tekjubundinn skatt.
Skuldbreytingu taldi Steingrímur
óumflýanlega.
„Fastgengisstefnan er grundvöllur
fyrir hjöönun verðbólgu. Ég vil hafa
gengið sem fastast. Þó ekki svo aö
atvinnulífið hrynji. Ég er ekki að
boða gengisfellingu. Það verður að
reyna hinar aðgerðirnar fyrst,“ sagði
Steingrímur Hermannsson utanrík-
isráðherra.
-sme