Dagblaðið Vísir - DV - 01.02.1989, Blaðsíða 25
MIÐVIKUDAGUR 1. FEBRÚAR 1988.
25
Lífsstíll
P Steypuskemmdir:
Uttekt nauðsynleg vegna
viðhaldsframkvæmda
Oft ‘lenda húseigendur í vandræð-
um þegar taka skal tilboðum í við-
gerðir vegna skemmdra veggja af
völdum alkalískemmda og annarra
viðhaldsframkvæmda. Dæmi eru um
aö húsfélög og eigendur hafi fengið
fjögur tilboð þar sem kostnaðurinn
var áætlaður á bilinu 50-200 þúsund
krónur. Var þá ekki best að taka
bara því ódýrasta? Þegar svona er
komið er betra að hafa vaðið fyrir
neðan sig og leita til hlutlausra
kunnáttumanna. Það er hægt að gera
með ýmsu móti, oftast kostar það
einhver þúsund en það er líka hægt
að fá ókeypis ráðgjöf.
Verkfræðistofur með tækni- eða
hönnunaraðstöðu taka sumar hveij-
ar að sér ráðgjöf og úttekt á skemmd-
um húsum. Einnig hefur Bygginga-
þjónustan við Hallveigarstíg allmikl-
ar upplýsingar um verktaka sem
taka slíkar framkvæmdir að sér. í
Byggingaþjónustunni er líka hægt
að njóta ókeypis ráðgjafar verkfræð-
inga sem sitja fyrir svörum almenn-
ings frá kl. 16.00-18.00 á miðvikudög-
um. Þannig er hægt að fá ábendingar
um hvernig á að snúa sér. Með því
móti er aðstæðum lýst eins og kostur
er og verkfræðingamir geta sagt fyr-
ir um til hvaða aðila skal leita, bæði
um úttekt og jafnvel um verktaka.
Aðilar frá Rannsóknastofnun bygg-
ingariðnaðarins sjá um álitsgerðir
vegna skemmda á húsnæði og mun
þáveraumtímavinnuaðræða. -ÓTT
Húsnæðisstofnun:
Viðgerda-
lán til
eldri
húsa en
15 ára
Hjá Húsnæðisstofnun ríkisins
fengust þær upplýsingar að við-
gerðalán til eldri húsa en 15 ára sé
hægt að sækja um hjá stofnuninni.
Gildir það um almennar viðgerðir
vegna glers, þaks, klæðninga og
steypuskemmda.
Heimilið
Sömu skilyrði eru sett fyrir við-
gerðarlánum og húsnæðislánum
varðandi lífeyrissjóð. Lágmarks-
kostnaður viðgerðar verður að ná 471
þúsund kr. og lánar stofnunin 70%
af þeirri fjárhæð, eða 329 þúsund kr.
Lán verða þó aldrei hærri en
2.357.000 kr.
Ef lán er hærra en 842 þúsund kr.
líða 6 mánuðir á milli fyrri og seinni
útborgunar. Til að fá fyrri hlutann
útborgaðan skulu 50% framkvæmda
vera lokið en til aö fá seinni hlutann
greiddan verða 80% framkvæmda að
vera lokið. Sé greiðsla hins vegar í
einu lagi skal framkvæmdum vera
lokið sem nemur 80 prósentum af
viðgerð. Biðtími eftir þessum lánum
mun vera um 2-2 'A ár.
-ÓTT
- hvaða tilboði á að taka?
DV-mynd Brynjar Gauti
Þegar þarf að láta gera við vegna skemmda er skynsamlegt að fá hlutlausan ráðgjafa til að leggja mat á umfang framkvæmda.
Bjöm Marteinsson:
Uppbyggingunni lokið og
nú tekur viðhald við
„Umfang væntanlegra viðgerða á
íbúðarhúsum er rosalegt. Uppbygg-
ingunni í landinu er að mestu lokið
og nú tekur viðhald við,“ segir Björn
Marteinsson, deildarverkfræðingur
hjá Rannsóknastofnun bygginga-
riðnaðarins, en hann hefur sem
kunnugt er rannsakaö umfang
þarfra viðgerða á skemmdum hús-
um. Hann telur að viðhald húsa
vegna alkaliskemmda og fleiri þátta
muni kosta marga'milljarða á næstu
árum. DV leitaði álits hans á þvi
hvernig húseigendur eigi helst að
snúa sér með væntanlegar viðgerðir
í huga, t.d. vegna alkalískemmda.
Frumskilyrði að fá úttekt
„Það er frumskilyrði að fólk geti
gert lýsingu á skemmdum húsa
sinna,“ segir Björn. „Best er að leita
til ráðgjafa með þekkingu á þessu
sviði sem getur gert lýsingu á kröfum
sem þarf að gera til viðgerða og um-
fangi þeirra,“ segir Björn. „Án út-
tektar af aðila með nægilega kunn-
áttu er ómögulegt að láta gera raun-
hæft tilboð í skemmdir í veggjum og
þess háttar. Þaö þarf talsvert mikla
kunnáttu til en það eru aðilar sem
annast skýrslur af þessu tæi. Oft er
það svo að fólk reynir að taka skyn-
samlega lágu tilboöi en áttar sig ekki
á hvað felst í því. Svo kemur fólk
kannski til verktaka eftir viðgerð og
spyr: Hvers vegna var ekki gert við
hdnar og þessar sprungur?, Þá hefur
tilboðið kannske falið eitthvað allt
annaö í sér en eigendur héldu. í
þessu tilliti er langbest að sá sem
gerir úttekt á skemmdum fylgi mál-
inu eftir og sé fólki innan handar
með að yfirfara tilboð og segja hvað
í þeim felst. Með það fyrir augum
ætti viðgerö að vera fullnægjandi.
Hvað snertir ijármögnun á viða-
miklum viðgerðum þá held ég aö
aðalfjármögnunaraðilarnir séu bara
bankamir. Sjálfsagt er best að fólk
reyni að útvega sér lánsloforð hjá
Húsnæðisstofnun og útvega banka-
lán til 1-2 ára í framhaldi af því.
Annars er um að gera að byrja að
safna sem fyrst og reyna aö hefja
framkvæmdir þar sem það á viö.“
-ÓTT
Er tími til kominn að einbeita sér að viðhaldi íbúðarhúsnæðis?