Dagblaðið Vísir - DV - 15.03.1990, Qupperneq 3

FIMMTUDAGUR 15. MÁRS 1990.
3
Fréttir
18 ára gömul íslensk au pair-stúlka slasaðist 1 bílslysi 1 Kanada:
Varð það til Iffs að
hún svaf í aftursætinu
- lá meðvitundarlaus þegar björgunarmenn klipptu bílflakið í sundur
Ása Valgerður Sigurðardóttir, átj-
án ára gömul au pair-stúlka í
Kanada, slapp naumlega frá því að
slasast lífshættulega í slysi sem varð
í mikilli þoku á Trans-Canada hrað-
brautinni fyrir nokkrum vikum. Ása
lá meðvitundarlaus í eina klukku-
stund á slysstað áður en björgunar-
mönnum tókst að klippa hana út úr
bílflaki og var síðan flutt á sjúkrahús
þar sem hún lá í eina viku.
Ása var að koma úr innkaupaferð
í bíl með hjónum sem hún býr hjá í
Gladstone. Hún sat aftur í en ákvað
að halla sér í aftursætinu á leiðinni
heim. Mjög þétt þoka var á hrað-
brautinni og ökumaður stórrar vöru-
flutningabifreiðar, sem ók á eftir,
varð ekki var við bílinn, sem Ása
var í, fyrr en of seint. Stóri flutninga-
bíllinn ók aftan á bílinn og yfir far-
angursrýmið með þeim afleiðingum
að aftursætisbakið lagðist yflr Ásu
og klemmdi hana. Hún missti með-
vitund og var strax kallað í sjúkrabíl
og björgunarsveit. Hjónin sakaði
ekki. Tókst síðan að bjarga Ásu Val-
gerði út úr bílflakinu með tækjum
björgunarsveitarinnar og var þá
klukkustund liðin frá því að slysið
varð.
Ása var flutt á Brandon General
sjúkrahúsið og kom þá í ljós að hún
hafði brákast á hálsi og baki. Hún lá
í eina viku á sjúkrahúsinu og þurfti
svo að ganga með kraga en nú er hún
svo gott sem búin að ná sér eftir slys-
ið.
Orsökin slyssins var sú að bílstjór-
inn á flutningabílnum, sem er 21 árs
gamall, varð ekki var við þann sem
ók á undan honum í þéttri þokunni
fyrr en einni sekúndu áður en hann
keyrði yfir afturhluta bílsins. Að
sögn Ásu Valgerðar varð það henni
til lífs að hún lagði sig í aftursætið
áður en slysið varð. Þegar Vestur-
íslendingar í Kanada lásu um slysið
í blaðagrein brugðust nokkrir þeirra
skjótt við og heimsóttu stúlkuna á
sjúkrahúsið.
-ÓTT
Enginn vill innheimta bifreiðagjöldin:
Lögin um bifreiða-
gjöldin eru gölluð
- segir Karl Ragnars, forstjóri
„Lögin um innheimtu á bifreiða-
gjöldunum eru einfaldlega gölluð.
Það veit enginn fyrir víst fyrr en í lok
hvers tímabils hver gjöldin eiga að
vera. Ríkið eitt getur lagt á gjöld
þannig að við getum ekki farið að
reikna þau út og fá svo að vita það
eftir á hver þau eiga að vera,“ sagði
Karl Ragnars, forstjóri Bifreiðaskoð-
unar íslands, um óreiðu sem verið
hefur á innheimtu bifreiðagjalda síð-
ustu misseri.
Síðustu vikur hafa menn, sem
keyptu nýja bíla á síðari hluta síð-
asta árs, verið að fá bakreikninga
vegna bifreiðagjalda sem þeir sluppu
við að greiða við skráningu og vissu
ekki aö væru útistandandi. Reglan
er sú að gjöldin á að greiða við skrán-
ingu en bæði bifreiðaumboðin og
Bifreiðaskoðunin vísa frá sér að inn-
heimta gjöldin.
„Það er rétt að engar skýrar starfs-
reglur eru til um hver á að inn-
heimta bifreiðagjöldin. Við höfum
gert það í nauðvörn að leggja þau á
í lok hvers tímabils en óneitanlega
kemur það nokuð harkalega út,“
sagði Guðjón Ríkharðsson hjá Ríkis-
bókhaldinu um innheimtuna.
„Bæði umboöin og Bifreiðaskoðun-
in hafa allar forsendur til aö reikna
gjöldin út en þau verða þá að gera
það sérstaklega. Nákvæma tölu hafa
þau hins vegar ekki,“ sagði Guðjón.
Bifreiðagjaldið á nýskráða bíla fyr-
ir síðari hluta síðasta árs var ekki
reiknað út fyrr en nú í byrjun janúar
og enn er óljóst hvert gjaldið verður
fyrir fyrstu mánuði þessa árs. Til
stóð að hækka það verulega en hætt
var við það vegna nýgerðra kjara-
samninga.
Enn eru nýir bílar því skráðir án
þess að gjaldið sé greitt enda vill
enginn taka að sér innheimtuna.
Arthúr Sveinsson, deildarstjóri hjá
tollstjóraembættinu, sagði að auðvelt
væri að annast innheimtuna þar um
leið og bílar eru tollafgreiddir en
reglur kveða ekki á um að svo skuh
vera og umboðin hafa verið ósátt við
að greiða gjöldin af bílum sem ekki
eru seldir fyrr en síðar. -GK
Landsbanki eykur hlut sinn í Samvinnubanka:
Upp á millígramm sama
verð og Sambandið fékk
- segir Sverrir Hermannsson
Landsbanki íslands er þessa dag-
ana að kaupa fleiri hlutabréf í Sam-
vinnubankanum og eignast þar með
um 76 prósenta hlut í bankanum.
Sverrir Hermannsson, bankastjóri
Landsbankans, segir að greitt sé
sama verð fyrir þessi hlutabréf og til
Sambandsins á sínum tíma en þau
bréf voru keypt á 2,78-fóldu nafn-
verði. „Þetta er vigtað mjög ná-
kvæmlega, alveg upp á millígramm."
Bréfin, sem Landsbankinn er að
kaupa, eru hlutabréf KEA, Olíufé-
lagsins, Vátryggingafélagsins, Líf-
eyrissjóðs samvinnumanna og Kaup-
félags Borgnesinga.
Samtals nemur hlutabréfaeign
þessara félaga í Samvinnubankanum
24 prósentum. Fyrir á Landsbankinn
52 prósent í bankanum.
Sverrir Hermannsson, bankastjóri
Landsbankans, segist eiga von á að
búið verði að ganga frá kaupunum
eftir viku til tíu daga.
Að sögn Sverris eru þessi viðbótar-
hlutbréfakaup núna til þess að hægt
verði að framkvæma samruna bank-
anna, Landsbankans og Samvinnu-
bankans. Til að hægt sé að ákveða
samruna bankanna þurfa að minnsta
kosti tveir þriðju hluthafa, 67 pró-
sent, að vilja það.
„Næsta skref verður að bjóða öll-
um þeim hluthöfum í Samvinnu-
bankanum, sem eftir eru, að kaupa
þeirra bréf. Ætlunin er að Lands-
bankinn eignist öll hlutabréf í Sam-
vinnubankanum," segir Sverrir.
Hlutabréfaeign félaganna flmm í
Samvinnubankanum skiptist svona:
KEA 5%, Olíufélagið, Essó 5%, Vá-
tryggingafélagið 6%, Lífeyrissjóður
samv. 6%, Kaupfélag Borgfirðinga
2%.
Landsbankinn greiddi 605 milljónir
króna fyrir 52 prósenta hlut Sam-
bandsins í Samvinnubankanum.
Þessir hlutur var að nafnverði 217
milljónir. Sölugengi hlutabréfanna
var því 2,78-falt nafnverð.
Landsbankinn mun því greiða 558
milljónir fyrir 48 prósentin, afgang-
inn af hlutabréfaeigninni. Það þýðir
að félögin fimm, sem eiga 24 prósent-
in, fá samtals um 279 milljónir króna
fyrirþennanhlutsinn. -JGH
Eskifjörður:
Emil Thorarensen, DV, Eskifirði:
Framboðslisti sjálfstæðismanna á
Eskifirði vegna bæjarstjórnar-
kosninganna í vor hefur verið
ákveöinn. Sjö efstu sæti listans
skipa:
1. Skúli Sigurðsson verkstjóri. 2.
Hansína Halldórsdóttir skrifstofu-
maður. 3. Hrafnkell A. Jónsson,
formaður Verkamannafélagsins
Árvakurs, forseti bæjarstjómar
Eskiijarðar og varaþingmaður
sjálfstæðismanna á Austurlandi. 4.
Andrés Elísson rafiðnfræðingur. 5.
Úlfar Sigurðsson vörubílstjóri. 6.
Guðrún Karlsdóttir húsmóðir. 7.
Svanur Pálsson kranamaður.
D-listi sjálfstæöismanna á nú
einn mann í bæjarstjóm, það er
Skúla Sigurðsson, en Hrafnkell A.
Jónsson bauð sem kunnugt er fram
óháðan hsta við síðustu kosningar
og fór inn með tvo menn. D-listinn
galt þá hið mesta afhroð, fékk að-
eíns einn mann en hafði þijá menn
áður.
MEIRA FYRIR MINNA VERÐ
5% SIAÐGREIÐSLUAFStÁTTOR
SÉRIUBOB HEGÁRMAR
NÚ LlKA I BREIÐHOLTI
Þú þarft ekki aö leita lengra
Grundarkjör
Opiö: Mánud.-fimmtud. Föstud. Laugard. Sunnud.
REYKJAVÍKURVEGI72, HAFNARFIRÐI, S. 53100 9-20 9-21 10-18 11-18
GARÐAT0RGI1, GARÐABÆ, S. 656400 9-19 9-20 10-18 11-18
FURUGRUND 3, KÓPAVOGI.S. 46955 OG 42062 9-20 9-20 10-18 11-18
STAKKAHLÍÐ 17, REYKJAVÍK, S. 38121 9-20 9-20 10-16 Lokað
BRÆÐRABORGARSTÍG 43, REYKJAVÍK.S. 14879 9-20 9-20 10-16 Lokað
EDDUFELLI8, REYKJAVÍK,S. 71655 9-19 9-20 10-18 Lokað
VERSLANIR FYRIR ÞIG