Dagblaðið Vísir - DV - 04.05.1991, Side 27

LAUGARDAGUR 4. MAÍ 1991.

ill
:

V--:
■..

Stefán Hilmarsson og Eyjólfur Kristjánsson voru kampakátir áður en þeir héldu til Rómar en þá boðuðu þeir til sérstaks blaðamannafundar. Hljóðið er annað í þeim félögum núna en þeir segja
Sjónvarpið hafa staðið mjög illa að allri framkvæmd keppninnar. DV-mynd Brynjar Gauti
á því að við skulum senda inn lag sem
er ekki beint Eurovisionlegt. Við sjálf
erum auðvitað öll mjög ánægð með
lagið og ætlum að gera okkar besta.
Ég yrði ánægður með öll sæti fyrir
ofan miðju.“
- Þarftu að bera einhvern kostnað
af þessari ferð sjálfur?
„Sjónvarpið er búið að skera niður
peningastyrk í ferðina og það er ljóst
að með þessari frammistöðu sinni er
ekki hægt að vænta mikils árangurs.
Ég hef borið töluverðan kostnað þar
sem ég er með sex manns á launum.
Ekki get ég beðið fólk að koma með
mér hingað út launalaust í fulla
vinnu. Ég þarf meira að segja að
borga Helenu Jónsdóttur, sem sér
um sviðsframkomuna, laun og hún
þurfti að borga farmiðann sinn sjálf
því Sjónvarpið neitaði að gera það.“
- Þarftu þá að heimsækja banka-
stjórann þegar þú kemur heim?
„Nei, nei ég er búinn aö bjarga
þeim málum. Ég fékk styrk frá Is-
lenska-ítalska verslunarfélaginu
þannig að ég býst við að ná endum
saman. Ég þurfti að kaupa alla bún-
inga en fékk 50% afslátt af þeim í
versluninni Sautján."
Meö allt á hreinu
Eyjólfur segir að allir íslendingar
sem fram koma í kvöld séu með sitt
á hreinu og þau ætla ekki að klikka.
„Ég skal lofa ykkur því að ekkert
klikkar. Sviðssetningin verður dálít-
ið öðruvísi en heima enda ekkert
drasl að þvælast fyrir okkur hér.“
- Hvernig leggst keppnin svo í þig?
„Hún leggst vel í mig. Það er gaman
að taka þátt í keppninni og kynnast
þessu. Ég er alis ekkert stressaður
og lít á þetta eins og hvert annað
starf.“
- Hefurðu heyrt hin lögin í keppn-
inni?
„Aðeins þrjú þeirra. Ég heyri þau
öll á lokaæfingunni. Síðasta æfingin
hjá okkur er fyrir hádegi á laugar-
dag. Það er mjög erfitt að vera núm-
er tvö því Júgóslavarnir sem eru á
undan taka allan okkar æfingatíma.
Þegar þeir eru loks búnir þá eru ein-
ungis tíu mínútur eftir af okkar æf-
ingatíma og okkur hefur nánast ver-
ið fleygt út af sviðinu. Þannig jafna
þeir út tímann. Við höfum ekkert
æst okkur út af þessu því við erum
hvort eð er með þetta allt á hreinu.
Eina áhyggjuefnið er hvernig hljóm-
sveitinni tekst til. Jón Ólafsson er
frábær stjórnandi og hefur fengið
þessa menn til að sýna brosviprur
enda er hann frábær húmoristi."
Hugsum til
þjóðarinnar
- Þú ert þá nokkuð bjartsýnn með
kvöldið?
„Ef þetta tekst vel hjá okkur og
allir gera sitt eins og þeir eiga að
gera þá getum við ekki annaö en
verið ánægð. Ég vona bara þjóðar-
innar vegna, svo stoltið fari ekki veg
allrar veraldar, að við verðum í
sæmilegu sæti,“ sagði Eyjólfur
Kristjánsson beint frá gistiheimilinu
í Róm og vildi koma á framfæri þakk-
læti til samferðamanna. Hópurinn
kemur aftur til landsins á morgun.
- Verður þú feginn að koma heim?
„Það fyrsta sem ég geri er að fara
upp í Sjónvarp og gefa þeim skýrslu.
Þetta gengur ekki svona í framtíð-
inni. ísland á að fá sömu fyrir-
greiðslu og aðrar þjóðir og fá jafna
möguleika á að koma sér á fram-
færi. Við eigum ekki að vera eins og
þriðja flokks þjóð. Ef Sjónvarpið
væntir einhvers árangurs í þessari
keppni þarf það að standa betur að
öllum undirbúningi. Það þýðir ekki
að spara einhvern 70 þúsund kall í
hótelkostnað. Ég segi minni styrkur
- minni árangur, án þess að ég sé að
hóta einhverju í kvöld.“
Þess má geta að þó veðbankar spái
að íslenska lagið verði neðarlega var
það einnig svo í fyrra. Þá spáðu
blaðamenn hins vegar íslenska lag-
inu í fyrsta sæti. í fyrra spáðu veð-
bankar Bretum fyrsta sæti, Júgó-
slavíu öðru, Spánveijum þriðja en
síðan komu Frakkar og Danir. Raun-
in varð hins vegar sú að íslendingar
höfnuðu í fjórða sæti þjóöinni til
mikillar gleði. Þau Grétar Örvarsson
og Sigríður Beinteinsdóttir unnu hug
og hjörtu manna í Júgóslavíu og voru
mjög vinsæl fyrir og eftir keppnina.
Að þessu sinni eiga íslendingarnir
þó erfltt uppdráttar, eins og Eyjólfur
segir, vegna staðsetningarinnar.
Þetta er í sjötta skiptið sem ísland
keppir með í Eurovision. í fyrstu
þrjú skiptin höfnuðum við í sextánda
sætinu og töldum okkur eiga það
sæti þegar Valgeir Guðjónsson hafn-
aði óvænt í botnsætinu árið 1989
þjóðinni til mikillar skelfingar.
Stjórnin lyfti okkur þó heldur betur
upp í fyrra svo nú snýst spurningin
um hvar í röðinni við lendum þetta
árið.
Alls taka tuttugu og tvö lönd þátt
í keppninni þetta árið og er það svip-
að og verið hefur. Með Eyjólfi Kristj-
ánssyni eru Stefán Hilmarsson, Eva
Ásrún Albertsdóttir, Erna Þórarins-
dóttir, Eyþór Amalds og Richard
Scobie. Hljómsveitarstjóri er Jón Ól-
afsson úr Bítlavinafélaginu. Svo er
bara að bíða og sjá hvað gerist í kvöld
en keppnin hefst klukkan 19.
-ELA