Dagblaðið Vísir - DV - 17.08.1991, Blaðsíða 19

LAUGARDAGUR 17. ÁGÚST 1991,
Vísnaþáttur
Byrgir völlinn húmið hljótt
Einhver spekingur hefur oröað það
svo að svefninn sé vopnahlé
mannsins í baráttu hans fyrir til-
verunni og víst má þáö til sanns
vegar færa. „Rökkrið sígur hægt
yfir/dagurinn er löngu lið-
inn/timinn hefur seitt hann til
sín/inn í djúp hins liðna/þaðan
verður engu skilað aftur/Nóttin
býður þér faðm sinn/faðm
gleymskunnar: svefninn/og breiðir
yfir þig/svart sítt hár myrkursins/-
Blundaðu vært/unz nýr dagur/k-
yssir þig sólheitum kossi/vekur þig
til að halda/ferðinni áfram/til að
hefja nýja göngu“. Svefn nefnist
þetta ljóð Málfríðar Einarsdóttur
frá Munaðarnesi og í því er at-
burðarásinni lýst eins og flestir
vildu að hún væri, en tiltölulega
fáir njóta. En hvað veldur? Orsak-
irnar eru óteljandi og ein þeirrá
gæti verið eftirfarandi skilgreining
ókunns höfundar: „Sólarhringur-
inn hefur sína eigin hrynjandi. Við
notum átta klukkustundir til að
vinna fyrir peningum, átta klukku-
stundir til að eyða eitt hundrað og
fimmtíu prósentum þess sem unnið
var fyrir og átta klukkustundir til
að furða okkur á því að viö skulum
ekki geta sofnað".
Vísuna, sem fer hér á eftir, fann
ég á lausum miða, en það vantaði
höfundinn. Ég læt hana þó flakka
(í þeirri von að einhver geti frætt
mig um höfundinn) því hún sýnir
að það er fleira en peningaáhyggjur
sem geta rænt mann svefni:
Enginn getur þinnar þreytu
þunga lagt á vogarskál.
Enginn getur andvökurnar
álnað. - Það er vonlaust mál.
Ekki virðist svefnleysið hafa
hrjáð Svein Bergsveinsson, pró-
fessor í Berlín, ef marka má þessa
vísu hans:
Gjörvöll skepnan gleðst er lifir. -
Gott er líka að una hag,
þegar svefninn sígur yfir
og sofa eftir liðjnn dag.
Jósep Húnfjörð frá Illugastöðum
á Vatnsnesi gefur þessari stöku
sinni heitið Svefn:
Byrgir völhnn húmið hljótt,
hugum snjöllum verður rótt,
brags í fóllum bilar þrótt
býð ég öllum góða nótt.
Stefán Kr. Vigfússon, bóndi á
Arnarstöðum í Presthólahreppi í
N-Þing., hefur trúlega verið í svefn-
rofunum þegar hann kvað:
Ég vaknaði upp af værum blundi,
velti mér og þungan stundi
yfir því að þurfa á fætur.
Því eru ei hafðar lengri nætur.
Það myndi eflaust margur sofna
Vísnaþáttur
fyrr að kvöldi ef hann gæti hagnýtt
sér þá aðferð sem Margrét á Hrólfs-
stöðum í Blönduhlíð í Skagafirði
lýsir hér því „Það er betra að sofa
á því sem maður hefur hugsað sér
að gera, en vaka yfir því sem mað-
ur hefur gert“:
Skyldi nú drottinn ei senda mér
svar
og svefn, er á nóttina líður,
ef ýti eg úr huganum öllu sem var
og öllu sem framundan bíður.
Og ekki myndu fyrirbænir Jó-
hannesar Arnar (Örn á Steðja)
neinu spilla:
Soföu rótt og sætt í nótt,
sorgin frá þér streymi.
Huldan vin og vonarskin
vona ég þig dreymi.
ívar Björnsson frá Steðja í Reyk-
holtsdal, síðast kennari við Verzl-
unarskólann í Reykjavík:
Svefns og drauma sæluhlýja
seiði mögnuð hrífur þá,
sem í vöku verða að flýja
veruleika sínum frá.
Karl Friðriksson brúarsmiður
kallar þessa stöku sína Ágústkvöld:
Hverfur uggur allt er hljótt
eins og huggun finni
hljóðum skuggum hlúir nótt
hægt í ruggu sinni.
Ekki veit ég um höfund þessa
stefs, en hefði gaman af að kynnast
honum:
Vöggulag kvöldsins
sefandi syngur blær.
Svefnhöfgans dásemd
nóttin í fangi ber.
Draumur um vor,
sem var hér á ferð í gær,
vitjar á ný síns upphafs
og gleymir sér.
Einari Friðrikssyni, innheimtu-
manni í Reykjavík, áður bónda og
útgerðarmanni á Hafranesi í Reyð-
arfirði, hefur ekki orðið svefnsamt
þegar hann kvað:
Flest vill orðið fyrir mér
íjöri og heilsu spilla.
Þeim sem synjað svefnsins er
sannlega líður illa.
Ríkarður Jónsson myndhöggvari
tekur í sama streng:
Andvakan er ekkert spaug,
örg og hvimleið vofa.
Ég má glíma einn við draug,
er aðrir fá að sofa.
Mér finnst eiga vel við að ljúka
þættinum með stefi Sigurðar Jóns-
sonar, kennara frá Brún í Svartár-
dal, sem hann nefnir Kvöldbæn:
Fel þú mig Svefn
í svörtum þykkum dúkum,
sveipa mig reifum
löngum, breiðum, mjúkum,
réttu svo strangann
þínum þögla bróður.
Þá ertu góður.
Torfi Jónsson
Athina, erfingi Onassis-
auðæfanna, hamingjusöm
Sviðsljós
Athina á siglingu með föður sinum, stjúpmóður sinni, Gaby, hálfsystkinum
sínum, Sandrine og Erik, og fjölskylduvini.
Erfingi hinna miklu auðæfa Onass-
is, Athina, er nú á frönsku Rivíer-
unni með föður sínum, Thierry Rou-
ssel, og stjúpmóður, Gaby Landhage.
Athina er dóttir Christinu Onassis
en hún lést þegar Athina var þriggja
ára. Eftir lát hennar hefur hún búið
hjá föður sínum, stjúpmóður og
tveimur hálfsystkinum, Erik og
Sandrine. Gaby, sem gengur nú með
þriðja barn sitt og Thierrys, hefur
reynst Athinu mjög vel og verið
henni sérlega góð móðir. Kunnugir
segja að þetta sé í raun fyrsta sinn
sem Athina hafi kynnst raunveru-
legu fjölskyldulífi. Hún virðist vera
búin að jafna sig eftir fráfali móður
sinnar og er mjög hamingjusöm.
Gaby og Christina voru mjög góðar
vinkonur þrátt fyrir að Christina
væri fyrrverandi kona Thierrys og
Gaby segir að sér hafi ætíð þótt mjög
vænt um Christinu.
Fjölskyldan, sem er mjög samhent,
dvelur nú á sólarströnd og bíður þess
að enn einn meðlimur bætist viö.
Gaby og Thierry reyna eftir megni
að veita þessari litlu móðurlausu
stúlku, sem er erfingi einhverra
mestu auðæfa heims, heimili og heil-
brigða og hamingjusama æsku þar
sem hin neikvæðu áhrif mikilla
auðæfa hafa ekki áhrif.
SJÓSTANGAVEIÐI OG SKEMMTISIGLINGAR
FRÁ REYKJAVÍK
Ms. Árnes (áöur Breiöafjarðarferjan Baldur).
Góð aðstaða um borð. Léttar veitingar i farþegasal. Fastar ferðir og
einkaferðir fyrir einstaklinga, fjölskyldur og starfsmannahópa.
Áætlun: Laugardag kl. 10 og 15, sunnudag kl. 10, uppselt kl. 15.
Upplýsingar og pantanir í s. 28933 og 985*36030.
Úranus hf.
Losaðu þig við garðúrgang á auðveldan hátt
Nýttu garðúrganginn aftur sem gróðurmold með
sérstökum rotílátum frá HIRÐI. Þú safnar laufi, grasi o.fl.
í ílátin, þar sem það rotnar og nýtist aftur sem frjósöm
mold í garðinn.
ílátin eru með loftgötum og raufum svo loft leikur ávallt
um úrganginn. Á botninum er rist sem vökvi rennur
niður úr í sérstakt hólf, þar serri hann safnast fyrir.
ílátin eru úr firnasterku
plasti, á hjólum og því
létt og meðfærileg.
Nýttu garðúrganginn
á auðveldan hátt með
rotílátunum frá HIRÐI
Hafðu samband í síma
67 68 55.
;;
HIRÐIR
UMHVERFISkJÖNUSTA
Höfðabakka 1,110 Reykjavlk
simi 67 68 55, lelefax 67 32 40