Dagblaðið Vísir - DV - 23.08.1991, Blaðsíða 4
4'
FÖSTÚDÁGUR 23. ÁGÚST 1991.
Fréttir
Setti bréfmiða í stað 5,7 miUjóna í Landsbankanum á Seyðisfirði:
Gjaldkeri í tíu mánaða
fangelsi fyrir fjárdrátt
pappir fannst í peningabúntum 2-3 árum áður en málið upplýstist
Fyrrum aöalgjaldkeri Landsbankans á Seyöisfirði var bæði sakfelldur fyrir fjárdrátt og brot í opinberu starfi í
ágóðaskyni.
Fyrrum aðalgjaldkeri Landsbanka
íslands á Seyðisfirði hefur verið
dæmdur í tíu mánaða fangelsi fyrir
að hafa dregið sér tæplega 5,7 millj-
ónir króna úr seðlageymslum úti-
búsins á árunum 1986-1988. Maður-
inn tók 6 milljónir króna úr íjórum
seðlabúntum með eitt og fimm þús-
und króna seðlum en lét í staðinn 326
þúsund krónur í peningaseðlum auk
tilsniðins pappírs sem leit út fyrir að
vera seðlar. Maðurinn var annar
tveggja lykilhafa að seðlageymslum
útibúsins. Hann var bæði sakfelldur
fyrir fjárdrátt og brpt i opinberu
starfi í ágóðaskyni. Ólafur Börkur
Þorvaldsson, settur héraðsdómari á
Austurlandi, kvaö upp dóminn.
Skar pappírinn
til með dúkahníf
Upp komst um fjárdráttinn 13. júní
á síðasta ári. Starfsmaður útibúsins
fór þá inn í peningageymsluna ásamt
trúnaðarmanni Seðlabanka íslands
til aö ná í peningabúnt. Aðalféhirðir-
inn var þá í fríi. Þegar eitt búntið var
opnað kom í ljós að yst voru peninga-
seðlar en inni á milli voru aðeins
pappírssneplar. Endurskoðendur
Landsbankans, sem voru staddir á
Seyðisfirði, geröu lögreglu viðvart.
Við yfirheyrslur hjá RLR játaði
aðalféhirðirinn á sig verknaðinn sem
hann sagðist hafa unnið á árunum
1986-1988 í tæplega tíu skipti. Kvaðst
hann hafa skorið fólsku seðlana til
meö vinkli og dúkahnif í bílskúr
heima hjá sér. Einum til tveimur
dögum síðar kvaðst hann hafa tekið
peninga úr seðlageymslunni að við-
stöddum trúnaðarmanni Seðlabank-
ans. Peningarnir voru færðir í gegn-
um sjóð útibúsins. Maðurinn skipti
síðan á pappírsbúnti og seðlabúnti
næst þegar lækkað var í sjóði og
færa átti peninga aftur í geymsluna.
Maðurinn kvaðst hafa notaö pen-
ingana sem hann dro sér til að greiða
skuldir fyrirtækis á Seyðisfirði.
Hann gat þó ekki sýnt fram á reikn-
inga þar sem hann hafði hent þeim.
Búnt vantaði árið 1969
Við rannsókn RLR kom fram að
síðasta athugun Seðlabankans á
seðlageymslunni á Seyðisfirði hafði
verið gerð athugasemdalaust rúmum
þremur vikum áður en máliö komst
upp í fyrra. Voru starfsmenn Seðla-
bankans þá að koma með nýja seöla
frá Reykjavík í geymsluna en tóku
ónýta seðla til baka.
í bréfi Seðlabankans til Rannsókn-
arlögreglu ríkisins, þar sem ýmsum
spumingum RLR vegna rannsóknar-
innar var svarað, kom einnig eftir-
farandi fram:
„Athugasemdir voru gerðar í eftir-
litsferð árið 1969 eftir fyrirvarcdausa
könnun á birgðum seðla í geymsl-
unni. Þá rak Útvegsbanki íslands
útibúið á Seyðisfirði. Um leið og lyk-
ilhafar opnuðu geymsluna lét lykil-
hafi útibúsins seðlapakka inn í
geymsluna sem hann sagði eiga að
vera þar. Hann bókaði samt ekki
þessa breytingu á seðlabirgðum en
gaf þá skýringu að nokkrum dögum
áður hefði trúnaðarmaður Seðla-
bankans þurft að vera við bifreiða-
skoðun á Egilsstöðum. í stað þess að
láta varamann sinn fá lykilinn að
geymslunni hefðu þeir lykilhafarnir
komið sér saman um að taka þennan
seðlapakka úr geymslunni, án bók-
unar fyrir bankann, til að grípa til
ef með þyrfti. Trúnaðarmaður stað-
festi að rétt væri frá skýrt.
Seðlabankinn lét trúnaðarmann-
inn hætta en samþykkti að láta
bankastjórn Útvegsbankans ákveða
hvað gert yrði við lykilhafa útibús-
ins. Stjórnin ákvað að gera ekkert í
málinu."
Lykilhafi útibúsins á þessum tíma
var hinn fyrrverandi aðalgjaldkeri
sem hóf störf hjá Útvegsbankanum
árið 1951.
Yfirmönnum ekki
sagt frá pappír
Við lögreglurannsókn kom fram að
tveir starfsmenn útibúsins á Seyðis-
firði höfðu árið 1987 eða 1988 orðið
varir við pappírsbúnt í stað seðla-
búnts. Yfirmenn voru þá ekki staddir
á staðnum. Tilkynntu starfsmenn-
irnir þá umræddum gjaldkera um
búntið sem sagðist ætla að athuga
málið. Yfirmennirnir fengu aldrei að
vita um málið.
Við ákvörðun refsingar var tekið
tillit til þess að sakborningurinn
hafði ekki sætt refsingu áður og að
maðurinn játaði brot sitt skilmerki-
lega. Hann hefur misst stöðu sína og
hefur að eigin frumkvæði greitt fé til
Landsbankans aftur. Til aö afla fé til
þess hefur hann selt fasteign sína.
Manninum var gefinn 14 daga frestur
tii ákvörðunar um áfrýjun.
-ÓTT
Afbrotafólkið, sem bíður eftir réttargeðdeild, komið á þrjá staði:
Geðsjúka manndrápskonan
færð úr Hegningarhúsinu
- Þverholtsfanginn, sem er mjög geðsjúkur, losnar í haust
Einn þeirra geðsjúku afbrota-
manna, sem bíða eftir að komast inn
á réttargeðdeildina að Soghi, hefur
verið færður úr Hegningarhúsinu
við Skólavörðustíg og aftur í ein-
angrunarfangelsið í Síðumúla. Var
þaö gert þar sem fanginn, sem er
kona, þótti ekki aðlagast öðrum föng-
um í húsinu enda er hér um að ræða
andlega vanheilan einstakling.
Kona þessi réð sambýlismanni sín-
um bana meö hnífi í húsi í Bleikar-
gróf í febrúar síðastliðnum. Þarna
var um að ræða annað manndrápið
á hennar sakaferli. Eftir verknaðinn
í febrúar var konan vistuð í Síðu-
múlafangelsinu en var síðan færð í
Hegningarhúsið í júlímánuði - af
mannúðarástæðum. Einangrunar-
fangelsið þótti ekki viðeigandi staður
fyrir sjúka einstaklinga.
Tveir aðrir geðsjúkir afbrotamenn,
sem voru dæmdir fyrr í ár fyrir mjög
alvarleg ofbeldisverk, voru einnig
færðir úr Síðumúlafangelsinu í sum-
ar eftir margra mánaöa einangrun-
arvist. Annar þeirra, sá sem réð
stúlku bana í Njórvasundi í vetur,
var færður í einkahúsnæði í Reykja-
vík. Aðstandendum hans eru greidd
laun fyrir að gæta hans. Þriðji geö-
sjúki aðilinn, sem stakk fóður sinn
með hnífi í austurbænum í vetur, var
hins vegar færður úr Síðumúlafang-
elsinu í fangelsið að Litla-Hrauni. Sá
maður er nú vistaður á eins konar
einangrunardeild í því fangelsi
ásamt þremur öðrum geðsjúkum af-
brotamönnum.
Einn þeirra, sá sem misþyrmdi
ungri stúlku hræðilega í Þverholti
fyrir nokkrum árum, verður lögum
samkvæmt laus úr fangelsinu í
haust. Sá fangi er mjög alvarlega
sjúkur á geði og hefur hann gefiö út
yfirlýsingar innan veggja fangelsis-
ins þess efnis að hann muni halda
áfram að fremja ofbeldisverk þegar
hann losnar.
DV hafði samband við Matthías
Halldórsson aðstoðarlandlækni
vegna þessa máls. Var hann spurður
hvort ráðstafanir heföu verið gerðar
til að vista þennan fanga á öruggum
og viðeigandi stað, svo sem réttar-
geðdeildinni að Sogni, er hann slepp-
ur í haust. Matthías sagði9t ekki
ræða mál einstakra sjúklinga við
fiölmiðla.
-ÓTT
Verkalýðsfélagið Eining:
Ráðamenn þrengja að launþegum
Gylfi Kristjánsson, DV, Akureyri:
„Stjórn Verkalýðsfélagsins Eining-
ar átelur það, hve mjög er nú þrengt
að kjörum launþega með ýmsum
ráðstöfunum af hálfu ráðamanna í
þjóðfélaginu," segir m.a. í yfirlýsingu
sem Verkalýðsfélagið Eining í Eyja-
firði hefur sent frá sér.
í yfirlýsingunni er rætt um stór-
hækkun vaxta án þess að nokkur
haldbær rök hafi legið þar að baki.
„Vaxtahækkunin leggur svo þungar
byröar á fiölda einstaklinga og heim-
ila að vandséð er að undir þeim á-
lögum verði staðið. Ættu þó allir að
sjá að gjaldþrot heimilanna eru orðin
fleiri en góðu hófi gegnir. Þá leggjast
vextirnir einnig með ofurþunga á
velflest fyrirtæki í landinu sem gerir
þeim erfitt með rekstur og dregur
úr möguleikum þeirra að greiða
starfsmönnum eðlileg laun. Þessu
vaxtaokri mótmælir stjórn Einingar
harðlega," segir í ályktuninni.
Þá er hækkun lyfiakostnaðar rnót-
mælt. Loks er í ályktuninni rætt um
niðurskurð á aflakvóta fiskiskipa.
„Stjórn Einingar sér sér ekki fært
að mótmæla niðurskurði á aflakvót-
um en gerir þá kröfu til stjórnvalda
að þau láti ekki fljóta sofandi að
feigðarósi, heldur taki hiklaust
ákvörðun um fullvinnslu alls afla
hér heima.“.
Nú er unnið hörðum höndum við að helluleggja og fegra umhverfi Alþingis-
hússins en þingheimur kemur væntanlega saman 10. október. DV-mynd Hanna
Vigdís heimsækir
Skagfirðinga
Vigdís Pinnbogadóttir, forseti ís-
lands, fór í morgun í opinbera heim-
sókn í Skagafiarðarsýslu og Sauðár-
krókskaupstað í boði Héraösnefndar
Skagfirðinga.
Heimsóknin hófst í morgun með
móttökuathöfn á Alexandersflug-
velli. Að loknum morgunverði var
gróðursett tré í Sauðárgili, opnuð
sýning á málverkum skagfirskra
listamanna, íbúar Lýtingsstaða-
hrepps heimsóttir, kirkjan á Víði-
mýri skoðuð og skátar heimsóttir í
skála þeirra.
Á laugardagsmorgun bjóða Fljóta-
menn til morgunverðar í félagsheim-
Oinu Ketilási með íbúum sveitarinn-
ar. Því næst verður bjálkahús að
Hofsósi skoðað og klettamyndanir í
Staðarbjargavík, helgistund í Hóla-
kirkju að Hólum í Hjaltadal, gróður-
sett tré á skógræktarsvæði og
Glaumbær skoðaður.
íbúar Skelfilsstaöahrepps taka loks
á móti forsetanum á sunnudgsmorg-
un í félagsheimilinu Skagaseli og því
næst þiggur forsetinn hádegisverð
hjá bæjarfógetahjónunum á Sauðár-
króki. Síðan verður helgistund í
Sauðárkrókskirkju, kirkjan á Sjáv-
arborg skoðuð, öldrunarheimilið
heimsótt og loks fer forsetinn á
íþróttavöllinn á Sauöárkróki þar sem
hann afhendir verðlaun á Króks-
móti.
Heimsókninni lýkur með kveðjuat-
höfn á Alexandersflugvelli klukkan
18.30 ásunnudag. -ingo