Alþýðublaðið - 29.06.1967, Blaðsíða 3

Hverjar eru atvinnuhorfur unglinga á þessu vori og
sumri? Bersýnilegt er, að þær eru engan veginn góð-
ar, og enn mun talsverður hópur af skólaæksunni
ganga atvinnulaus. Alþýðublaðið hefur leitað til nokk
urra aðila, sem gerzt mega þekkja til þessara mála,
og spurt þá um atvinnuhorfur unglinga á þessu sumri.
Fara svör þeirra hér á eftir.
I5LAÐIÐ átti tal við' Ragnar Jóns-
son, forstöðum'. Ráðningarskrifst.
Rvíkurborffar og innti hann eftir
atvinnuástandi unglingra og horf-
um í þeim málum, en eins og
kunnugt er hefur verið mjög- erf
iðleikum bundið fyrir fólk að fá
vinnu nú I vor. Ragnar sagði að
enn hefði ekki tekizt að útvega
um 70 skólaunglingum á aldrinum
16-20 ára vinnu. Hann kvað það að
niörgu leyti skiljanlegt, þar sem
skólarnir hætta starfi sínu allir
á svo til sama tíma og þá yfir-
f.vlltu nemendurnir vinnumarkað-
inn og það væri liðin tíð að beðiö
væri eftir þeim til hinna ýmsu
starfa, þar sem nú sæti fullorðið
fólk fyrir vinnu.
Undanfarið hefði líka verið sér
lega lítið um að vera við höfnina
vegna verkfalls yfirmanna á
kaupskipaflotanum og væru nú
skipin sem óðast að láta úr höfn
og kæmu flest ekki aftur fyrr en
eftir hálfan mánuð og þá kæmist
uppskipunarvinna í eðlilegt horf.
Mjög mikið væri um að beðið
væri um vinnu hjá borginrii og
værj fjöldi ungs fólks að störf
um hjá borgarfyrirtækjum og ung
lingum innan 16 ára væri séð fyr
ir vinnu á vegum Vinnuskóla
Reykjavíkur við alls konar störf
á leikvöllum, iþróttavöllum og
hreinsun á opnum svæðum, enn-
fremur gróðursetningu og garð-
yrkjustörf, en erfitt væri að finna
vinnu, sem hentaði fyrir alla.
Hvað byggingarvinnu snerti
sagði Ragnar, að mjög mörg hús
Væru á byrjunarstigi og eigend-
nrnir ynnu margir hverjir til
sparnaðar við grunna og sökkla,
en þegar frá liði þyrfti fleiri
menn.
Um fiskvinnu sagðist Ragnar
ekki vita nerna af afspurn, hrað
frystihúsin réðu fólk sitt mest
beint, en sagði það álit sitt að
takast mundi að útvega öllum
vinnu innan skamms.
Guðmundur J. Guðmundsson um
unglingavinnuna.
NÆST ræðum við við Guð-
mund J. Guðmundsson, starfs-
mann Dagsbrúnar og spyrjum
ihann um atvinnu' unglinga í vor.
Ástandið hefur verið slæmt í
vor, en eitthvað virðist vera aÖ
rætast úr fyrir þeim undir það
síðasta. Verzlunarskólinn hefur
forskot, honum er fyrst lokið og
nemendur hans koma fyrstir á j
vinnumarkaðinn. Menntskælingar |
sitja illa í því, einkanlega stúdent
arnir, sem síðast koma. Annars
hefur verið minna um vinnu 'hér
í vetur og vor en oft áður og kem
ur margt til, veðurfar slæmt, ver-
tið léleg, togurunum fækkar, fláir
leggja 'hér upp og ekki eins mikill
skortur á vinnuafli og fyrri ár,
þegar bókstaflega var beðið eftir
skólafólkinu.
Nú hafa að vísu hafizt bygging-
ar í Fossvogi, sem veita munu
mörgum skólapiltinum vinnu,
afli togaranna hefur glæðzt, og
það eykst vinnan i frystihúsunum,
sem mörg undanfarin ár 'hafa að
miklu leyti verið rekin af skóla-
fólki, einkum eru stúlkurnar
margar, sem þar vinna. í*á er
einnig meira að gera við uppskip-
un á nýjum fiski og útskipun á
frystum flökum. Fælckun togar-
anna hefur hins vegar alvarlegar
afleiðingar fyrir atvinnulífið,
ekki aðeins hafnarvinnuna, held-
ur einnig fyrir togarasjómenn og
unga pilta, sem ráðizt hafa á tog-
ara á sumrin, enn fremur bitnar
fækkunin á smiðjunum, en þar
hafa alltaf starfað margir skóla-
piltar.
Ég tel, sagði Guðmundur ekki
of mælt, að í vor er skólum lauk,
hafi annar hver unglingur verið
atvinnulaus. Þetta hefur breytzt
að minnsta kosti fyrir 17 ára og
eldri, vegna aukinna fram-
kvæmda og aukins afla. Stúlkur
eru þó verr settar en piltar og
mjög erfitt er að íá hentuga
vinnu fyrir 14-15 ára stráka. Þeir
hafa á undanfömum árum verið
settir í vinnu, sem þeir eiga ekki
erindi við vegna langs vinnutíma,
vinnuhraða, ennfremur vélavinnu,
sem þeir hafa ekki þroska til.
Þetta hefur alltaf verið vanda-
mál og réttmætlega verið gagn-
rýnt. Nú eru erfiðleikar að fá
vinnu fyrir skólapilta allt að 19
ára aldri.
En eins og ég sagði, sagði Guð-
mundur, er eitthvað að rætast úr
þessu og þótt erfitt sé að fá skips-
rúm á síldarbátum, sem nú eru
miklu betur mannaðir en áður
og yfirleitt búið að skrá á þá
snemma í vor, fara margir til sjós
á dragnóta- og humarbáta, vega-
•/innu- og símavinnuflokkar eru
að fara út um þessar mundir, en
hins vegar er engin vinna hafin á
síidarplönum og mun minna er
umleikis á Austfjörðum nu en á
undanförnum árum, mörgum
verksmiðjubyggingum lokið, enn-
fremur byggingu bryggja og
plana.
í Straumsvík og við Búrfell er
töluvert af skólapiltum í vinnu,
en útlendingar kunna ekki að not
færa sér hið mikla vinnuafl, sem
bvr í unglingunum, skilja ekki
sumarleyfi skólanna. Sannleikur-
inn er sá að laginn verkstjóri með
hæfilega marga stráka, getur náð
alveg ótrúlega miklu út úr slíkum
vinnuflokki og margir sækjast
eftir frískum strákum í vinnu.
Ég fer ekki í launkofa með það
að ég óttast lengingu skólatímans
að nokkru leyti, óttast að hún
slíti tengslin milli menntamann-
anna og vinnustéttanna í landinu.
Sannleikurinn er sá að flestallir
menntamenn hér á landi hafa
stundað verkamannavinnu og
kynnzt hinum ýmsu störfum þjóð-
félagsins. Ennfremur er hætta á
því að unglingar frá efnalitlum
jfjölskyldum hafi ekki bolmagn til
j að stunda nám, ef sumarleyfið
styttist og atvinna minnkar.
í stuttu m'áli, sagði Guðmund-
ur, aðalástæður fyrir atvinnuleys-
inu í vor, er almennur samdráttur
í atvinnulífinu, skortur hefur ekki
verið á vinnuafli og svo það að
stærri og stærri árgangar koma
úr skólunum með ári hverju í
fyrra um 4000 nú um 4200.
Rafimar Júlíusson, skólastjóri
Vinnuskóla Reykjavíkur.
ÞÁ ræddum við við skólastjóra
Vinnuskóla Reykjavíkur og sagði
hann okkur, að nú störfuðu um
500 unglingar í 20 flokkum ó veg-
um Vinnuskóla Reykjavíkur.
Unglingarnir eru á aldrinum
13-16 ára, og vinnutíminn yfirleitt
frá kl. 8-16. Um er að ræða bæði
pilta og stúlkur, en verkefnin af
ýmsu tæi og má þar nefna gróð7
ursetningu í Heiðmörk, griðastað
Reykvíkinga, vinnu við golfvöll-
inn í Grafarholti, snyrtingu og
lagfæringu garðsins að Silunga-
polli, þar sem borgin rekur barna
heimili, á Öskjuhlíð er verið að
rækta og gróðursetja og í Saltvík
á Kjalarnesi er verið að dytta að
bæjarhúsunum og mála þau, e*
bærinn hefur verið í eyði s.l. tvö
'ár, en er sem kunnugt er í eigu
Reykjavíkurborgar. Auk þessa
eru flokkar að taka til á íþrótta-
völlum og opnum svæðum í borg
inni, stúlkur annast garðyrkju-
störf í Hljómskálagarðinum o.fl.
Kennarar eru verkstjórar ungl-
inganna og er yfirverkstjóri Er-
lingur Tómasson.
29. júní 1967 - ALÞÝÐUBLAÐhÐ 3