Dagur - 26.01.1982, Blaðsíða 4
ÚTGEFANDI: ÚTGAFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlNIAR: 24166 OG 24167
SÍMI AUGLÝSINGADEILDAR OG AFGREIÐSLU: 24222
RITSTJÓRIOG ÁBYRGÐARM.: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Er byggðaröskun
að hefjast á ný?
Samkvæmt bráðabirgðatölum Hagstofu ís-
lands voru íslendingar 231.608 1. desember
síðastliðinn. Hafði þeim fjölgað um 2.823 frá
1. des. 1980, eðaum 1,23%. Fjölguníbúa var
mjög mismunandi eftir landshlutum, lang-
mest á Suðvesturlandi.
Á höfuðborgarsvæðinu voru um síðustu
áramót 122.806 íbúar og hafði þeim fjölgað
um 1.941 frá sama tíma árið áður, eða um
1,61%. Reykvíkingar voru 84.469 1. des. sl.
og hafði þeim fjölgað frá fyrra ári um 1.020
eða um 1,22% á milli ára. í öðrum sveitarfé-
lögum á höfuðborgarsvæðinu voru samtals
38.337 manns og hafði fjölgað um 921 eða
um 2,46%. Á Suðurnesjum, Kjalarnesi og í
Kjós bjuggu 14.093 1. desember sl. og hafði
fjölgað um 359 eða 2,61%, sem er mesta
fjölgun á einu svæði milli ára.
Á Vesturlandi bjuggu 14.093 um síðustu
áramót og hafði fjölgað um 122 á árinu eða
um 0,82%. Á Vestfjörðum bjuggu 10.518 ocj
fjölgunin milli ára var 72 eða 0,69%. A
Norðurlandi vestra bjuggu samtals 10.713
1. desember sl. og fjölgaði á milli ára um 56,
sem er 0,53%. Á Norðurlandi eystra bjuggu
samtals 25.890 manns 1. des. sl. og hafði
fjölgað um 190 eða 0,74%. Á Austurlandi
bjuggu samtals 12.940 manns og hafði fjölg-
að um 41 frá fyrra ári, eða um 0,32%. Á
Suðurlandi bjuggu 19.656 manns 1. des-
ember og hafði fjölgað þar um 28 frá fyrra
ári, eða um0,14%.
Þessar bráðabirgðatölur frá Hagstofu ís-
lands benda til þess, að ástæða sé til að vera
uggandi um byggðaþróunina. Margir hafa
látið í ljósi þá skoðun, að ef ekki komi til
veruleg uppbygging atvinnulífs á lands-
byggðinni, muni byggðaröskun hefjast á ný.
Á sínum tíma tókst að bregðast við þessu
vandamáli með stækkun og endurnýjun
tækja til fiskveiða og fiskvinnslu á lands-
byggðinm. Vegna þeirra takmarkana sem
stærð fiskistofna setur okkur í dag, er ekki
hægt að bregðast við þessari nýju byggða-
röskun með sama hætti. Fara verður nýjar
leiðir.
Leita verður nýrra atvinnutækifæra, en
fyrsta skilyrði er að halda þeim atvinnu-
greinum gangandi sem við höfum í dag.
Finna verður fleiri aðferðir til að nýta hráefni
okkar og gera það verðmætara, t.d. með líf-
efnaiðnaði, eins og bent hefur verið á hér í
Degi. Ýmiskonar iðnaður sem notar mikla
orku verður að vera inni í þessari mynd, þó
þannig að fyllstu kröfum um að koma í veg
fyrir hvers konar óæskileg áhrif, s.s. mengun
lífríkis, verði framfylgt.
Stóraukin þjónustustarfsemi á lands-
byggðinni er ekki síst mikilvæg, til að bregð-
ast við byggðaröskuninni. í þeim efnum hef-
ur hvað mest verið gengið á hlut lands-
byggðarinnar.
100 ára
afmæli
Samvinnu-
hreyfingarinnar
MATTUR HINNA M0RGU
Samstarfsnefnd um
afmælishald
Kaupfélag Þingeyinga var stofnað
20. febrúar árið 1882 að Þverá í
Laxárdal. Kaupfélag Þingeyinga
og samvinnuhreyfingin öll fagna
því 100 ára afmæli sínu nú á þessu
ári.
Það er að sjálfsögðu miklum
áfanga náð þegar ein stærstu og
fjölmennustu félags- og viðskipta-
samtök landsins fagna aldaraf-
mæli og verður þessa afmælis
minnst á ýmsan hátt. Framkvæmd
afmælishaldsins er á vegum sam-
starfsnefndar Kaupfélags Þingey-
inga og Sambands íslenskra sam-
vinnufélaga.
í nefndinni eiga sæti þessir
menn: Frá Kaupfélagi Þingey-
inga: Böðvar Jónsson bóndi,.
Finnur Kristj.ánsson kaupfélags-®’
stjóri og Hreiðar Karlsson kaup-
félagsstjóri. Frá Sambandi ísl.
samvinnufélaga: Haukur Ingi-
bergsson, Hjalti Pálsson fram-
kvæmdastjóri og Kjartan P.
Kjartansson framkvæmdastjóri.
Formaður nefndarinnar er Finnur
Kristjánsson en framkvæmda-
stjóri nefndarinnar er Haukur
Ingibergsson.
Máttur hinna mörgu
Hannað hefur verið sérstakt
merki sem mun verða notað á
margvíslegan hátt innan kaupfél-
aganna, Sambandsins og sam-
starfsfyrirtækja á afmælisárinu. Á
merkinu eru eftirtalin einkunnar-
orð: „Máttur hinna mörgu“. Vill
nefndin á þann hátt benda á að
máttur hinna mörgu getur áorkað
ótrúlega miklu og að margar
hendur vinna létt verk. Eru þessar
staðreyndir sífellt að sannast í
samvinnustarfinu, jafnt er frum-
herjarnir voru að stíga sín fyrstu
spor á Húsavík sem í dag er um
42.000 samvinnumenn um land
allt leysa ýmis hugðarefni sín á
samvinnugrundvelli.
Afmælisdagurinn
20. febrúar
Hinn 20. febrúar munu flest kaup-
félög landsins fagna afmælisdeg-
inum með því að hafa „opið hús“
hvert á sínu félagssvæði. Áfmælis-
barnið sjálft, Kaupfélag Þingey-
inga, mun verða með stjórnar-
fund árdegis að Þverá í Laxárdal
en síðdegis mun kaupfélagið taka
á móti gestum að Hótel Húsavík.
Um kvöldið verður svo árshátfð
starfsmannafélagsins.
Hátíðisdagar í Þingeyjar-
sýslu 18.-20. júní
En þótt afmælinu verði fagnað 20.
febrúar þá verður hápunktur af-
mælishaldsins dagana 18.-20. júní
í Þingeyjarsýslum.
Þá verður aðalfundur Sam-
bands íslenskra samvinnufélaga
haldinn á Húsavík 18. og 19. júní
og á þeim fundi er m.a. gert ráð
fyrir að afgreiða nýja stefnuskrá
samvinnuhreyfingarinnar sem
þúsundir samvinnumanna hafa
tekið þátt í að móta sl. eitt og hálft
ár.
Daginn eftir, 20. júní, verður
100 ára afmælis samvinnuhreyf-
ingarinnar minnst með hátíðar-
samkomu að Laugum í Suður-
Þingeyjarsýslu. Verður mjög
vandað til dagskrár og er búist við
að samvinnumenn víðs vegar um
land muni sækja þessa hátíðars-
amkomu.
Fortíð - nútíð - framtíð
Við skipulagningu sérstakra verk-
efna á afmælisárinu hefur sam-
starfsnefndin að jöfnu lagt
áherslu á fortíð, nútíð og framtíð.
„Liíandi“ safn á Húsavík
Fyrstu verslunarhús Kaupfélags
Þingeyinga á Húsavík munu
verða nokkuð í sviðsijósinu á af-
mælisárinu. Áformað er að færa
húsin í sitt upprunalega horf og
búa þau, eftir því sem kostur er,
gömlum verslunaráhöldum. Þótt
húsin verði á þennan hátt eins
konar safn verður þó kappkostað
að í húsunum verði lifandi starf-
semi og iðandi mannlíf.
Betri vinnustaðir - betra
mannlíf
Hinn 15. maí-15. júní munu
starfsmenn og stjórnendur sam-
vinnufyrirtækja víðs vegar um
land taka höndum saman um fegr
un og snyrtingu vinnustaða sinna
innan dyra sem utan. Er þetta
átak skipulagt sameiginlega af
Landssambandi íslenskra sam-
vinnustarfsmanna og samstarfs-
nefnd um afmælishald.
í tilefni afmælisins munu kaup-
félögin, Sambándið og ýmis sam-
starfsfyrirtæki verða með marg-
vísleg og fjölbreytt tilboð á vörum
og þjónustu. Verða þau í formi
lækkaðs vöruverðs, aukinnar
þjónustu eða á öðrum sviðum,
t.d. munu Kaffibrennsla Akur-
eyrar gefa 40 aura til Fram-
kvæmdasjóðs aldraðra í tilefni af
ári aldraðra, af hvérju kílói kaffis
sem selt er 20. febrúar-20. mars
og einnig í desembermánuði.
Almenningstengsl -
kynningarstarf
Nefndin mun stuðla að sérstöku
átaki samvinnuhreyfingarinnar í
bættum almenningstengslum með
auknu kynningarstarfi.
í undirbúningi er að gera kvik-
mynd eða videómynd um sam-
vinnuhreyfinguna, skipulag
hennar, stefnu og störf auk marg-
víslegs annars kynningarefnis sem
gert verður og gefið út. Þá kemur
út á árinu bók Andrésar Krist-
jánssonar um Kaupfélag Þingey-
inga, þar sem rakin er 100 ára saga
félagsins.
Á árinu mun koma út frímerki
hjá Póst- og símamálastjórn að
verðgildi 10.00 kr. og verður á
frímerkinu mynd af fyrstu versl-
unarhúsum kaupfélagsins á Húsa-
vík.
4-*-DAGUR2£vjanúar.ip&2