Dagur - 12.02.1982, Side 12

Munið kaffihlaðborðið
alla daga í neðri sal
Bautans frá kl. 14,30-16,30.
Verð kr. 40 pr. mann
og kr.25 fyrir börn.
Akureyringar, bæjargestir.
Komið í Smiðjuna og lítið á
nýju setustofuna okkar, en
hún er aðeins fyrir
matargesti.
sönúum
1941
Enn flettum við gömlum ein-
tökum af Degi, og beram að
þessu sinni niður árið 1941.
Snemma árs háðu Akur-
eyringar og Reykvíkingar
keppni í símaskák, og stóð
keppnin yfir heila nótt. Ak-
ureyringarnir töpuðu 4 skák-
um en gerðu 8 jafntefli og
urðu úrslitin því 8:4 fyrir höf-
uðborgarbúana. Ekki vitum
við hver kostnaðurinn við
símanotkunina var, en eins
gott hefur verið að skrefa-
gjaldið var ekki komið til
sögunnar. . .
I mars varð Itnuveiðarinn
Fróði fyrir skothríð úr þýsk-
um kafbát eða öðru vopnuðu
skipi eigi allfjarri Vest-
mannaeyjum. Hlutu fimm
menn á línuveiðaranum
bana af. . . Þessi atburður
var aðeins einn af nokkrum
öðrum svipuðum sem í
kjölfarið fylgdu, og í Degi
þann 27. mars er skýrt frá því
að öllum siglingum hafi verið
hætt í bili vegna hinna villi-
mannlegu morða sem framin
hafa verið á íslenskum sjó-
mönnum að undanförnu....
„Júgóslafia beygir sig“
sagði í sama blaði í fyrirsögn
og var þar skýrt frá því að
stjórnin í Júgóslafiu hefði
gerst aðili að þríveldabanda-
laginu og skrifað undir
skuldbindingu þar að lútandi
eftir langvarandi áróður af
hendi Þjóðverja . . .
Auglýsingar frá þessum
tíma eru skemmtilegar af-
lestrar sumar hverjar, lítum
til dæmis á þessa frá því í
apríl: 100 grömm vegur ein
hespa af Gefjunar-kamb-
garni. Það ættu konurnar að
festa sér í minni . . .
Og önnur: Sólrík stofa til
leigu strax eða frá 14.
maí. . .
Húrrahróp
Karlakórinn Geysir kom
úr hljómleikaför úr höfuð-
borginni. Við heimkomuna
efndi kórinn til næturhljóm-
leika í Nýja-bíó og hófust
þeir kl. hálf eitt næsta dag.
Var talsvert um ræðuhöld í
lok tónleikanna, áhorfenda-
skarinn reis á fætur og hróp-
aði húrra fyrir kórfélögum
og söngvararnir svöruðu
fyrir sig með því að hrópa
húrra fyrir Akureyrar-
bæ . . .
Glæpaverk framið
Hjón ein úr Reykjavík
fóru í berjamó ekki langt frá
höfuðborginni. Er þau voru
á leið heim til sín um kvöldið
urðu fjórir bandarískir
hermenn á vegi þeirra og
slógu þeir karimanninn
niður en nauðguðu síðan
konunni hver á eftir öðrum.
Hafðist upp á þessum
þokkapiltum og voru þeir
færðir fyrir herrétt og hafa
væntanlega fengið harða
refsingu . . .
Kynnisferð
í júní sagði Dagur frá því
að tíu íslendingum hafi verið
gefinn kostur á því að kynna
sér enska tungu og enskt
þjóðlíf að kostnaðar-
jausu . . .
Vegagerð á
Öxnadalsheiði
í júlí ákváðu eigendur
Krossanesverksmiðjunnar
að hætta starfsrækslu hennar
það sumarið. Kom þetta hart
niður á íbúum Glæsibæjar-
hrepps, einkum þeim er
bjuggu í Glerárþorpi sem
notið höfðu mikillar vinnu
við verksmiðjuna. Stefán
Sigurjónsson bóndi á
Blómsturvöllum og oddviti
Glæsibæjarhrepps fór þá á
fund ríkisstjórnarinnar og
fór fram á að ríkisstjórnin
beitti áhrifum sínum í þá átt
að verksmiðjan yrði rekin
áfram í atvinnubótarskyni.
Til vara lagði hann áherslu á
að stórfelld vegalagning yrði
framkvæmd á Oxnadals-
heiði. Féllst ríkisstjórnin á
hið síðarnefnda . . .
Við gerðum góða
verslun í dag
Við fórum í Amaró og keyptum okkur
öll þau eldhúsáhöld,
ergotteldhúsþarfáaðhalda.
Auk þess heimsent samdægurs.
Þetta erþjónusta.
Við mælum með
Helga Ámadóttir og Hulda Ásgeirsdóttir.

Oragglega gaman að
vinna á svona stað
Tvær ungar stúlkur úr Gagn-
fræðaskóla Akureyrar voru í
starfskynningu hjá okkur á
Degi í síðustu viku. Þær heita
Helga Árnadóttir og Hulda Ás-
geirsdóttir. Á meðan þær voru
hjá okkur spreyttu þær sig við
ýmis störf á blaðinu, og síðasta
daginn brá Helga sér í hlutverk
blaðamanns og tók viðtal við
Huldu sem fer hér á eftir:
Hulda er dóttir hjónanna Ás-
geirs Jónssonar og Guðrúnar
Hartmannsdóttur. Þau fluttust til
Akureyrar 1978. Hún stundar
nám í 2. bekk viðskiptasviðs í
Gagnfræðaskóla Akureyrar.
- Hvernig finnst þér að búa á
Akureyri?
- Það er alveg ágætt að búa
hér, en ég var lengi að kynnast
fólkinu hérna.
- Hvað getur þú sagt okkur um
námið?
- Ég hef haft mjög mikið gagn
af því að vera í skólanum, það er
líka gaman að læra þetta. Auðvit-
að eru alltaf einhverjar greinar
sem manni finnst leiðinlegar, en
hjá því verður ekki komist, hvort
sem ég hefði farið í þessa braut
eða einhverja aðra.
- Hvað hefur þú hugsað þér í
framtíðinni?
- Ég hef ekkert ákveðið um
það ennþá, auðvitað reynir
maður að vinna eitthvað hliðstætt
náminu. Ég ætla ekki í skóla aftur
næsta vetur, heldur reyna að fá
mér góða vinnu einhversstaðar.
- Nú hefur þú verið í starfs-
kynningu á Degi í viku, getur þú
sagt okkur frá því?
- Já það er búið að vera mjög
gaman og starfsfólkið hefur verið
mjög vingjarnlegt og farið' með
okkur um ailt og kynnt okkur
starfsemi blaðsins. Við höfum
fengið ýmis verkefni og reynt að
leysa þau eftir bestu getu, en auð-
vitað verða þau ekki fullkomin
svona í fyrsta skipti. Ég hefði
aldrei trúað því, að óreyndu, hvað
það er ofboðslega mikil vinna á
bak við svona blað.
- Gætir þú hugsað þér að vinna
við blað?
- Já, það gæti ég. Ég veit ekki
hvað helst, það er allt hérna mjög
athyglisvert. Samt held ég að ég
tæki filmugerðina framyfir annað,
hún er mjög skemmtileg. Það er
örugglega gaman að vinna á svona
stað.