Dagur - 26.02.1982, Blaðsíða 8

Snjólaug Bragadóttir
Um allt og svo
sem ekkl neitt
Illa gat ég neitað þegar Dagur leit-
aði til mín um efni öðru hvoru.
Bæði er að vaxandi blað rúmar
meira efni og fjölbreyttara en áður,
og svo hitt, að Dagur hefur alltaf
verið mér kær. Það má segja að ég
hafi lært að lesa á hann og einnig
starfaði ég þar á ritstjórinni í
nokkra mánuði fyrir allmörgum
árum.
- Þú mátt skrifa um hvað sem
er, var mér sagt. - Bara eitthvað,
sem þér dettur í hug. Mér leist iila á
það og hugsaði til lesendadálka
sunnanblaðanna, þar sem aðalmál-
in eru Dallas eða ekki Dallas,
hundahald, kvenréttindi eða jafn-
rétti, harðvítugar deilur um Skalla-
popp og annað popp og nú síðast
eru öll blöð farin að lykta af póli-
tík.
Til að afgreiða allt þetta frá mér,
þá er mér nákvæmlega sama um
Dallas, sá lítið af því hvort sem var.
Hundahald er háð aðstæðum
hverju sinni og að sjálfsögðu á fyrst
og fremst að taka tillit til hagsmuna
hundsins. Ég er ekki rauðsokka og
er mjög á móti sumu, sem þær vilja
að karlmenn geri. Reyndar gæti
farið svo, að ég minntist á þau mál
seinna, ef tilefni gefst. Popp er
misgott, en það hlýtur að vera
smekksatriði hvers og eins og því
ekki hægt að kveða upp neinn
endanlegan dóm um gæði. Að lok-
um skal jíess getið, að ég er viðrini í
pólitík og engin von til að það lagist
með aldrinum, héðan af.
Um hvað á þá að skrifa? Mér
verður hugsað til tveggja ágætra
manna, sem báðir skrifuðu langt
mál um að þeir hefðu ekkert til að
skrifa um. Annar gerði úr þessu
prýðilega ritgerð, en hinn kom
saman heilli bók, aldeilis ágætri af-
lestrar.
Eitt er að minnsta kosti víst, ég
ætla ekki að leysa nein þjóðfélags-
vandamál (mikið lifandis skelfing
er þetta útþvælt og leiðinlegt orð).
Ég ætla ekki einu sinni að reyna að
vera hátíðleg, heldur vaða úr einu í
annað og gera stundum góðlátlegt
(vonandi) grín að hinu og þessu.
Útvarp og sjónvarp hafa löngum
verið kærkomið efni, þeim sem
sitja andlausir við ritvél og eiga að
skrifa eitthvað. Það er best að grípa
til þess núna og hrósa útvarpssög-
unni. Seiður og hélog, heitir hún og
er framhald af Gangvirkinu, sem
lesin var fyrirnokkrum árum. Eftir
hlustunina þá, labbaði ég mig á
fornbókasölu, keypti Gangvirkið
og hef síðan lesið það ótal sinnum,
til heilsubótar á sálinni. Það er
langt frá því, að ég hafi lesið allt
eftir Ólaf Jóhann, en ekkert af því,
sem ég hef þó lesið, hefur gripið
mig eins og Gangyirkið.
Nú, nú, þetta átti ekki að vera
bókmenntagagnrýni, en þar sem ég
les mikið, væri ég vís til að minnast
einhverntfma seinna á bók, sem
mér finnst þess virði að vera lesin.
Hins vegar læt ég aðra um að níða
bækur niður.
Fólk fjasar mikið um hvað sjón-
varpið sé lélegt. Þó held ég nú, að
þar sé að finna eitthvað við allra
smekk. Það er engin skyldugur til
að horfa á liði sem hann hefur ekki
áhuga á. Þeir sem það gera, verða
sér bara úti um vont skap. Afnota-
gjaldið getur stundum verið vel
þess virði að hafa rétt til að slökkva
á apparatinu, eða læða sér inn í
annað herbergi með góða bók,
þegar einhver annar vill horfa.
Éinni efnisuppsprettu var ég
næstum búin að gleyma, eða öllu
heldur tveimur, Ifklega áf því að
þæí eru stöðugt í kringum mig. Það
erubörnin mín, þriggja og fjögurra
ára. Á þessum aldri eru böm sem
óðast að kynnast lífinu og mynda
sér eigin skoðanir á því. Iðulega
detta upp úr börnum hreinustu
gullkorn, svo ég fer að leggja betur
við hlustirnar.
Það er best að ljúka þessum byrj-
unarörðugleikum sem dálkahöf-
undur með samræðum okkar
mæðgna síðan í dag, þegar sú litla
kom heim, eftir að hafa verið að
leika sér inni hjá vinkonu sinni:
- Mamma hennar Jonnu er
þvottavél.
- Nú, á hún þvottavél?
- Nei, mamma kjáni, hún bara
er þvottavél! Málið var útrætt.???
Loks rann upp ljós. Mamman
heitir Alda.
MATUR
Margrét Kristinsdóttir:
Veislumatur
rícit ny svínastéik
Soðnir eplahelmingar með
ribsberjahlaupi
Rauðkálssalat með ananas
Brúnaðar kartöflur
Sósa og sætsúrt grænmeti
Soðnar sveskjur
ískalt ávaxtasalat
Eftir á'uu s pa r i íuua F t i 11 oj^U fíí 2I" I
síðasta þætti, liggur beinast við að
snara sér í sparimatinn.
Sumir eru feimnir við að bjóða
fólki í mat, aðrir eru eins og fæddir
gestgjafar og eiga mjög auðvelt
með að taka á móti fólki.
Þeir fyrrnefndu skulu þó muna
það, að ekki er allt fengið með því
að eiga glæsilega borðstofu, postu-
lín og kristall og fjórréttaða máltíð
tilbúna í eldhúsinu, heldur er
elskulegt viðmót, þannig að gest-
unum finnist þeir velkomnir,
númer eitt og smávegis skortur á
borðum og búnaði er ekki ástæða
til að neita sér um ánægjustund á
heimilinu með vinum og kunn-
ingjum.
Ef gefa ætti nokkur ráð á þessu
sviði, gætu þau litið einhvernveg-
inn svona út:
Fáist nýtt svínakjöt er óþarfi að
vera með forrétt, svo að fólk geti
notið steikarinnar.
Uppskriftirnar eru miðaðar við
12 fullorðna.
Svínasteik
1 læri með beini, ca. 7 kg.
Salt, piparkorn, lárviðarlauf og
negulnaglar
Til að fá pöruna stökka þarf að
hvolfa lærinu fyrst í ofnskúffu með
vatni í og sjóða í ofni í ca. 20 mín.
Síðan er lærinu snúið við og sett á
rist. Skerið nú í pöruna með beitt-
um hníf með 2-3 cm. millibili og
svo aftur þvert á. Stráið 2-3 tsk. af
salti yfir og stingið piparkornum.
lárviðarlaufi og negulnöglum í
skorurnar. Steikið nú kjötið við
150°C í 6-7 klukkustundir, setjið
svolítið vatn í skúffuna og ausið þvi
öðru hverju yfir. Þegar paran er
orðin mátulega brún er álþynna
sett yfir.
Síið svo soðið og fleytið alla fitu
ofan af. Bakið upp sósu úr smjöri,
hveiti og soði, bragðbætið með
rjóma. Eðlilegast er að húsbóndinn
á heimilinu standi við steikina og
sneiði niður á diska gestanna.
Frönsk salatsósa
1 Vi dl olía
3 msk. edik
salt, pipar
1 hvítlaukshólf, pressað
'A-l tsk. sinnep
1 msk. sítrónusafi
lk tsk. sykur
ögn af Worcesterhiresósu
Allt hrist vel saman
í svona tilvikum er upplagt að
flysja kartöflurnar hráar daginn
áður og geyma þær í köldu vatni,
þá þarf ekki að gera annað en að
sjóða. þær, hella vatninu af og
skella þeim í brúnunguna. Það má
reikna með 200 g á mann eða 2-2lh
kg-
Setjið svo í litlar skálar: Sætsúrt
grænmeti og soðnar sveskjur og
e.t.v. tómata, gúrkur og rauðrófur.
1) Ákveðið fjölda gesta og mat-
seðil með góðum fyrirvara.
2) Hafið matseðilinn ekki fyrir-
ferðarmeiri en svo að auðvelt sé
að ráða við matreiðsluna ogsem
minnstum tíma þurfi að eyða í
eldhúsinu eftir að gestirnir eru
komnir.
3) Veljið saman rétti sem eru bæði
léttir og þungir (ekki bara
þungir), forðist til dæmis maj-
onessósu með forrétti, uppbak-
aða sósu með aðalrétti og
mikinn rjóma með ábæti. Mun-
ið eftir litasamsetningunni ogað
ofhlaða ekki matinn með
skrauti.
4) Veljið gott hráefni, helst ófros-
ið kjöt eða fisk. Oft má semja
við kaupmanninn á horninu um
að kynna sér t.d. hvenær væri
hægt að fá nýttsvína-eða nauta-
kjöt, panta síðan og tímasetja
boðið eftir því.
5) Hafið réttina frekar færri en
fleiri og forðist nýjar og óreynd-
ar uppskriftir og um leið óþarfa
áhyggjur af matseldinni.
Þá skulum við líta á einfaldan og
fljótunninn matseðil.
Soðnir epla-
helmingar
Þá má gera daginn áður.
Kljúfið 6 rauð epli í tvennt
(þversum), takið kjarnahúsið úr
með teskeið og sjóðið eplin í ca. IV2
1 af vatni, safa úr 1 sítrónu og 1 dl.
af sykri í 3 mínútur á hvorri hlið.
Hvolfið þeim á diskbarm. Setjið
eplin í bakka, strengið plastþynnu
yfir og geymið. Setjið svo hlaupið
í ekki fyrr en 2-3 tímum fyrir mat.
Rauðkálssalat
með ananas
1 heil dós ananas
800-1000g nýtt rauðkál,
fínt skorið
100 g Ijósar rúsínur,
mega vera venjulegar
1 laukur, í örþunnum sneiðum
8 msk. frönsk salatsósa
salt og nýr pipar
4 msk. ananassafi.
Ath. Þetta salat má alveg gera hálf-
um sólarhring fyrir máltíðina,
geyma það bara vel lukt í kæli.
Avaxtasalat
f það má velja hverslags niður-
soðna ávexti og bæta svo nýjum í.
Setjið til dæmis í lögum í skál:
2 ds. blandaðir ávextir
V2-I melónu í bitum
500-600g af vínberjum
2-3 msk. afkókosmjöli
Setjið 1-2 dl. af ávaxtasafa yfir,
gjarnan bragðbættan með sherry
eða líkjör. Kælið salatið í 6-8 tíma.
E.t.v. má bera góðan vanilluís
með, en það er ekki nauðsynlegt.
Fyrir þá sem vilja hafa vín með
matnum, má benda á að þurrt,
þýskt hvítvín, t.d. Bernkasteler
Anheuser, fer vel með Ijósu svína-
kjötinu.
Þá þykir mörgum notalegt að
dreypa á Iéttum kokkteil á meðan
steikarilmurinn kitlar nasavæng-
ina. Þar sem á að bera vín með
matnum, þykir spilla að hafa sterk
vín í kokkteilnum á undan.
Reynið til dæmis að blanda
saman til helminga, Dubonnet og
þurrum Wermouth og hella yfir ís-
mola í skál. Látið standa um stund.
Ausið síðan í glös (skiljið ísmolana
eftir), skerið naglarstóra flís af
sítrónuberki og kreistið yfir hvert
glas.
8 - DAGUR - 26. fébrúar 1982