Dagur - 07.05.1982, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Látum ekki stilla okkur
upp við vegg
Öflugt atvinnulíf er undirstaða allra framfara.
Megináhersla er lögð á þetta atriði í stefnu-
skrá framsóknarmanna á Akureyri fyrir kom-
andi sveitarstjórnarkosningar. Jón Siguðar-
son, fimmti maður á lista framsóknarmanna á
Akureyri segir í grein í Degi á þessa leið: „Að
mati framsóknarmanna er það höfuðatriði við
lausn aðsteðjandi vanda í atvinnumálum Ak-
ureyrar, að þeim fyrirtækjum sem þegar eru
starfrækt í bænum verði skapaður rekstrar-
grundvöllur, sem geri þeim kleift að fjárfesta
og auka umsvif sín og þar með atvinnufram-
boð“.
Framsóknarmenn á Akureyri telja rétt að
innlend orka verði notuð til að efla atvinnulíf
og bæta enn afkomu á Eyjafjarðarsvæðinu.
Þeir vilja að haft verði mið af því, að lífríki
svæðisins er viðkvæmt, meta verði félagslega
röskun og kanna hagkvæmni stórfyrirtækja
bæði fyrir þjóðarheildina og Eyfirðinga alla.
Þeir vilja með öðrum orðum meta þær hug-
myndir sem koma um orkufrekan iðnað á Eyja-
fjarðarsvæðinu. Þeir vilja athuga þær hug-
myndir sem nú eru uppi um álver, en benda á
að leita þurfi fleiri hugmynda um orkuiðnað
sem hentað gæti við Eyjafjörð. „Við megum
ekki láta iðnaðarráðuneytið stilla okkur upp
gagnvart tveimur valkostum, álveri eða eng-
um orkufrekum iðnaði", segir Jón Sigurðarson
m.a. í áðurnefndri grein.
Akureyringar verða nú að gera það upp við
sig, hvort þeir vilja umhugsunarlítið varpa frá
sér þeim hefðum og þeirri rótgrónu atvinnu-
starfsemi sem þróast hefur á undanförnum
áratugum í nánum tengslum við sjávarútveg
og landbúnað á Eyjafjarðarsvæðinu, eða hvort
þeir vilja hlúa að því sem fyrir er og taka yfir-
vegaða afstöðu til nýrra atvinnufyrirtækja, án
þess að láta stilla sér upp við vegg. Akureyr-
ingar verða að gera það upp við sig, áður en
þeir ganga að kjörborðinu, hvort þeir vilja taka
undir hræðsluáróður sundurlyndra sjálfstæð-
ismanna og grípa athugasemdalaust til „ál-
versbjarghringsins", eða hvort þeir vilja
styðja stefnu framsóknarmanna um yfirveg-
aða en uppbyggjandi og farsæla þróun í
atvinnumálum.
Að styðja til sjálfshjálpar
Stefna framsóknarmanna á Akureyri er að fé-
lagslega aðstoð eigi fyrst og fremst að veita til
að styðja fólk til sjálfshjálpar og jafna aðstöðu
manna til eðlilegrar þátttöku í félags- og
atvinnulífi. Fyrst og fremst á að huga að þörf-
um barnanna sjálfra, þegar dagvistarmál eru
til umræðu. Sama gildir um aldrað fólk og
sjálfsákvörðunarrétt þess, þegar málefni þess
er annars vegar. Þegar þessir yngstu og elstu
borgarar hafa verið til umræðu hefur of mikið
borið á því að verið sé að leysa einhver vanda-
mál aðstandenda þeirra. Þetta er rangt sjón-
armið. Það er réttur hinna ungu og öldnu og
þeirra sem minna mega sín, sem berjast á
fyrir. Þeir mega ekki líða fyrir lífsgæðakapp-
hlaup hinna.
4 - PAGUR - 7.' rtiaí 1982
FERÐAFÉLAG AKLJREYRAR:
Með okkur
ferðast fólk
á öllum aldrí
s
- segir Jón Dalmann Armannsson formaður félagsins
„Ég er ekki búinn að ákveða í
hvaða ferðir ég ætla í sumar, en
ég er að vísu búinn að fara í eina
nú þegar,“ sagði Jón Dalmann
Ármannsson formaður Ferða-
félags Akureyrar, en nýlega
kom út ferðaáætlun félagsins
og að venju er úr mörgu að
velja. Jón var því spurður hvert
hann gæti hugsað sér að fara -
ef hann mætti velja eina ferð
með FFA í sumar. „Ég er meira
fyrir öræfaferðirnar, enda hef
ég oft verið fararstjóri í slíkum
ferðum. En ég geri ráð fyrir að
ég myndi velja ferð í Hvanna-
lindir - Kverk fjöll og Hvera-
gil, enda er langt síðan ég hef
komið þangað. Þetta er ákaf-
lega athyglisvert svæði.“
Ungt fólk ferðast mikið
með okkur
Jón sagði að ferðir sumarsins
væru fleiri í sumar en oft áður.
Starfsemin hefst með göngu-
ferðum af ýmsu tagi - t.d. getur
fólk gengið í Bíldsárskarð nk.
laugardag (8. maí) og skömmu
síðar er hægt að fara upp á Kerl-
ingu. Það er ekki fyrr en í lok
mánaðarins að Ferðafélag Akur-
eyrar býður upp á lengri ferð en
einn dag. Þá verður farið í Herðu-
breiðalindir, Öskju og Bræðra-
fell. „Yfirsumariðermest afhelg-
arferðum, en lengsta ferðina er
átta dagar. Sú ferð er farin í sam-
floti við Ferðafélag íslands og þá
er farið í Hornvík - Hornstrandir,
en á vegum FFA er farið í nokkrar
sex daga ferðir í sumar.“
- Getur þú nefnt mér hve
margir fóru með FFA sl. ár?
„Nei, ég hef ekki töiurnar fyrir
framan mig, en þeirskiptu hundr-
uðum sem ferðuðust með félaginu
í fyrra.“
- Hvað getur þú sagt mér um
aldur þeirra sem ferðast með fé-
laginu?
„Þeir eru á öllum aldri. Það er
mikið um fullorðið fólk, en ungt
fólk ferðast mikið með okkur og
ég held að mér sé óhætt að full-
yrða að því fjölgi stöðugt.“
Gönguferð Ferðafélagsins á Kaldbak.
- Viil fólk frekar skoða sitt eig-
ið land en að fara utan?
„Það er erfitt að segja nokkuð
um þetta atriði. Ég held hins veg-
ar að það sé vaxandi áhugi í ferðir
yfirleitt - bæði hér innanlands og
utan. Ferðafélag Akureyrar hefur
lagt á það ríka áherslu að gefa
fólki kost a því að ferðast ódýrt og
Lambi á Glerárdal.
að fararstjóri sé í hvert skipti. Það
má segja að ferðir FFA séu seldar
á kostnaðarverði og í lengri ferð-
um er heitur matur og kaffi.
Flestir af íslensku bergi
brotnir
- Eru það ekki aðallega íslend-
ingar sem ferðast með FFA?
„Jú, þetta eru að lang mestu
leyti íslendingar sem fara með
okkur, en þó kemur fyrir að út-
lendingar slæðast með. Ég man
eftir því t.d. í hittifyrra að við fór-
um í gönguferð á Kaldbak, þá
voru með í för menn af sjö þjóð-
ernum. Norðurlöndin áttu öll full-
trúa í þessari ferð.“
- Hvað um kynjaskiptingu í
ferðum félagsins?
„Þetta skiptist nokkuð jafnt.
Þess má líka geta að við erum með
tvo kvenmenn í fimm manna
Stjórn. í ferðanefndinni er aðeins
einn karlmaður - hitt er allt
kvenfólk."
Skrifstofa félagsins er í Skipa-
götu 12 á 3ju hæð, síminn er
22720. Frá júníbyrjun og fram í
miðjan september verður hún
opinkl. 17 til 18.30 alla virka daga
og auk þess mun símsvari gefa
upplýsingar um tvær næstu ferðir
sem eru á áætlun. Utan þess tíma
verður skrifstofan opin kl. 18 til
19 á kvöldin fyrir hverja auglýsta
ferð. Allar ferðir félagsins eru
auglýstar í Degi.
Stundum getur verið nauðsyn-
legt að panta í ferðir með góðum
fyrirvara, þar sem í stöku tilfelli
etur þurft að takmarka þátttöku.
lengri ferðir á vegum FFA er
heitur matur, mjólk, kaffi og te
(ekki brauð) venjulega innifalið í
fargjaldi. í þær ferðir þarf að taka
farmiða með viku fyrirvara.
Nánari upplýsingar um hverja
ferð eru gefnar á skrifstofu FFA
og er fólk hvatt sérstaklega til að
athuga vel, hvaða búnaður hentar
fyrir hverja ferð.
*
Gengið á Herðubreið.