Dagur - 25.05.1982, Page 1

MIKIÐ
ÚRVAL AF
SKARTGRIPA-
SKRÍNUM
GULLSMIÐIR
SIGTRYGGUR & PÉTUR
AKUREYRI
65.árgangur
Akureyri, þriðjudagur 25. maí 1982
55. töiublað
Kosningarnar á Akureyri:
Stórsigur Kvennaframboðsins
— mikið fylgistap A-flokkanna og aukning hjá Sjálfstæðisflokknum
— Framsóknarflokkurinn stóð í stað
Verulegar breytingar urðu á
skipan bæjarstjórnar Akureyr-
ar í kosningunum um helgina.
Sjálfstæðisflokkurinn jók fylgi
sitt og bætti við sig einum full-
trúa, fékk fjóra, Kvennaframb-
oðið fékk 2 fulltrúa, en AI-
þýðuflokkurinn og Alþýðu-
bandalagið töpuðu sitt hvorum
bæjarfulltrúanum og hafa nú
einn hvor flokkur. Framsókn-
arflokkurinn hélt sínum hlut og
hefur áfram þrjá bæjarfulltrúa.
Kosningaþátttaka á Akureyri
varð ekki nema 78,9% og hefur
þátttaka farið sífellt minnkandi
í undanförnum bæjarstjórnar-
kosningum. Árið 1970 var þátt-
takan 87,7%. Á kjörskrá voru
8.433, en 6.655 kusu.
Alþýðuflokkurinn tapaði mjög
miklu fylgi. Hann hafði
21,5%fylgi árið 1978 en fékk ekki
nema 9,8% af greiddum og gild-
um atkvæðum núna. Hann tapaði
683 atkvæðum eða 51,1% frá
kosningunum 1978. Þess má einn-
ig geta að fjölgun á kjörskrá nam
11,2%. Sjálfstæðisflokkurinn jók
hlut sinn úr28,l% af greiddum at-
kvæðum 1978 í 34,6% núna.
Kjósendum Sjálfstæðisflokksins
fjölgaði um 526 frá 1978 eða um
30,3%. Alþýðubandalagið fékk
88 atkvæðum færra nú en 1978 og
er það 9,3% minnkun. Hann
hafði 15,3% greiddra atkvæða
1978 en fékk nú 13,1%. Fram-
sóknarmenn bættu við sig 103 at-
kvæðum frá 1978, sem er 6,7%
aukning. Þeir fengu 25,1%
greiddra atkvæða nú, eða aðeins
meira en 1978, en þá var hlutfallið
24,9%. Kvennaframboðið fékk
17,4% greiddra atkvæða, en Sam-
tökinfengu 1978 10,1%. Atkvæð-
atölur listanna voru sem hér segir:
A-listi fékk 643 atkvæði, B-listi
1640, D-listi 2261, G-listi 855 og
V-listi 1136 atkvæði.
Að loknum þessum kosningum
eru bæjarfulltrúar Akureyringa
þessir: Freyr Ófeigsson fyrir Al-
þýðuflokkinn, Sigurður Óli
Brynjólfsson, Sigurður Jóhannes-
son og Úlfhildur Rögnvaldsdóttir
fyrir Framsóknarflokkinn, Gísli
Jónsson, Gunnar Ragnars, Jón
G. Sólnes og Sigurður J. Sigurðs-
son fyrir Sjálfstæðisflokkinn,
Helgi Guðmundsson fyrir Alþýð-
ubandalagið og Valgerður Bjarn-
adóttir og Sigfríður Þorsteins-
dóttir fyrir Kvennafram-
boðið.
Á kjörstað. Mynd: áþ.
Staða okkar er sterk
— segir Sigurður Óli Brynjólfsson, efsti maður á lista
Framsóknarflokksins á Akureyri um niðurstöður kosninganna
Mikil
hægri
sveifla
Mikil hægri sveifla varð í kosn-
ingunum á laugardag, þegar lit-
ið er á heildina. Sjálfstæðis-
flokkurinn jók fylgi sitt um
6,6%. Framsóknarflokkurinn
stóð nær því í stað, eða jók fýlg-
ið um 0,8%. Alþýðuflokkurinn
tapaði 5% af fylgi sínu yfir
Iandið allt, en mest var fylgis-
tapið hjá Alþýðubandalaginu,
sem missti 7,8% af fylgi.
Kvennaframboðið í Reykjavík
fékk 10,9% atkvæða og á Ak-
ureyri 17,4%. Sjáfstæðismenn í
Reykjavík fengu hreinan meiri-
hluta, 12 fulltrúa af 21 og yfir
52% atkvæða.
Þegar litið er á landið í heild
varð breyting á fulltrúafjölda
flokkanna sem hér segir: A-listi
tapaði 8 fulltrúum og fékk 23, B-
listi bætti við sig 7 fulltrúum og
missti engan og fékk 42, D-listi
bætti við sig 20 fulltrúum, fékk 90,
G-listi tapaði 12 fulltrúum, fékk
26. Kvennaframboð í Reykjavík
fékk 2 og einnig 2 á Akureyri.
Á Norðurlandi varð víða mjög
góður árangur hjá Framsóknar-
mönnum. Þeir bættu við sig
manni á Dalvík og fengu þar
hreinan meirihluta, 4 fulltrúa.
Þeir bættu einnig við sig verulegu
fylgi á Húsavík.
„Þó að við framsóknarmenn á
Ákureyri komum ekki út sem
sigurvegarar út úr þessum
kosningum, má benda á það,
að B-listinn hlýtur 30% af þeim
atkvæðum sem hinir hefð-
bundnu stjórnmálaflokkar
fengu. Þannig séð höfúm við
því óbreyttan eða jafnvel meiri
stjórnmálastyrk, miðað við þá,
en áður. Miðað við landið í
heild varð útkoman fyrir Fram-
sóknarflokkinn viðunandi,“
sagði Sigurður ÓIi Brynjólfs-
son, bæjarfulltrúi í viðtali við
Dag.
„Á hinn bóginn verður ekki
fram hjá því litið að glæsileg út-
koma kvennalistans kemur til
með að skapa nokkra óvissu um
framhaldið næstu daga. Það er
ljóst að margt fyrrverandi stuðn-
ingsfólk Framsóknarflokksins
kaus kvennalistann, jafnvel fleiri
en stuðningsmenn annarra
flokka. Það er rangt að líta á
þennan hóp sem andstæðinga,
heldur jafnvel frekar sem sam-
herja, sem vilja setja annan blæ á
stjórnmálin en verið hefur.
Þar sem við höldum stöðu
okkar, þrátt fyrir að við missum
fylgi yfir til kvennalistans, er aug-
ljóst að fjölmargir nýjir kjósendur
komu til liðs við okkur, bæði
vegna stefnu okkar og eins vegna
þess að glæsilegur hópur nýrra
liðsmanna kom fram á sjónarsvið-
ið á listanum. Því er staða okkar
sterk og bjart framundan.
Um myndun meirihluta nú vil
ég vera fáorður á þessu stigi, en
tel það að auðvelt ætti að vera að
ná samstöðu um þá stefnu að gera
Akureyri að enn betri bæ,“ sagði
Sigurður Óli Brynjólfsson að
lokum.
»Eger
undir
allt
búinn“
„Ég er að taka til,“ sagði Helgi
Bergs bæjarstjóri er við höfð-
um samband við hann í morgun
og spurðum hann hvort hann
væri hættur störfum sem bæjar-
stjóri á Akureyri.
„Það má segja það að ég bíði
eftir því hvort hér komi upp
meirihluti í bæjarstjórn fyrir
fundinn á þriðjudag sem vill eitt-
hvað við mig tala.“
Við spurðum Helga hvað hann
hyggðist fyrir ef svo færi að starfs-
krafta hans yrði ekki óskað áfram
og hvort hann hyggðist þá fara úr
bænum.
„Ég er ekkert farinn að leita
fyrir mér að annarri atvinnu ef af
því verður, það verður bara að
koma í ljós. Eg er undir allt búinn
í þessum efnurn," sagði Helgi.
Enn er of snemmt að segja nokk-
uð um hugsanlega meirihluta-
myndun í bæjarstjórn Akureyrar.
Kvennaframboðskonur voru með
fund í gærkvöldi, þar sem þessi
mál voru rædd. Þær voru þá búnar
að óska eftir óformlegum við-
ræðum við framsóknarmenn en
fundi sem vera áttií morgun var
frestað. Þess í stað var haldinn
fundur með sjálfstæðismönnum
og kvennaframboðinu.Þreifingar
eru sem sagt í fullum gangi.