Dagur - 03.06.1982, Blaðsíða 4
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Nýr bæjarstjórnar-
meirihluti á Akureyri
Nýr bæjarstjórnarmeirihluti hefur verið mynd-
aður á Akureyri. Auk þriggja framsóknar-
manna eru í umræddu samstarfi einn fulltrúi
Alþýðubandalagsins og tveir fulltrúar
Kvennaframboðsins. Þessir aðilar hafa gert
með sér málefnasamning, sem birtur er í blað-
inu í dag. Þeir hafa einnig kosið Valgerði
Bjarnadóttur fyrsta forseta nýrrar bæjar-
stjórnar og endurráðið Helga M. Bergs bæjar-
stjóra á Akureyri. Vissulega eru það merk
tímamót, þegar ný bæjarstjórn tekur við
stjórnartaumunum og það er von Dags, að
þessi bæjarstjórn megi verða farsæl í starfi,
framundan eru erfið verkefni, sem þarf að
leysa og til þess þarf samstilltan meirihluta og
málefnalegan minnihluta.
Það hefur orðið mörgum Akureyringum
undrunarefni, að Alþýðuflokkurinn skuli ekki
vera í núverandi meirihluta, eftir að hafa tekið
þátt í viðræðum um hann og átt þátt í að móta
málefnasamninginn. Ástæðan er síður en svo
augljós, en það er helst á forystumönnum
flokksins að skilja að stóriðjumálin, eða öllu
heldur málefni orkufreks iðnaðar, hafi komið í
veg fyrir að flokkurinn hafi getað séð sér fært
að taka þátt í samstarfinu. En sú skýring er
aumt yfirklór. Forystu Alþýðuflokksins var frá
upphafi ljóst, raunar áður en viðræður hófust,
að um ágreining var að ræða, en samt sem
áður tók Freyr Ófeigsson, bæjarfulltrúi Al-
þýðuflokksins þátt í viðræðunum. í því tilfelli
að stóriðjumálin hefðu verið sá ásteytingar-
steinn, sem nú er látið í veðri vaka, hefði Freyr
Ófeigsson aldrei ljáð máls á því í upphafi að
koma til viðræðna við Framsóknarflokkinn,
Kvennaframboðið og Alþýðubandalagið.
Þótt Sjálfstæðisflokknum hafi verið í mun að
komast í meirihluta, virðist áhugi þeirra og að-
gerðir ekki hafa snúist um bæjarmálefni held-
ur fyrst og fremst að því að útiloka framsókn-
armenn úr væntanlegum meirihluta. Stór hluti
af forystuliði Alþýðuflokksins reyndi að
hlaupa undir bagga með honum í þeirri til-
raun.
Framsóknarmenn gátu hins vegar ekki setið
aðgerðalausir, né höfðu þeir á því áhuga. Það
samrýmist ekki stefnu framsóknarmanna að
láta reka á reiðanum.
Framtíð nýrrar bæjarstjórnar verður ekki
dans á rósum, sífellt verra efnahagsástand
helstu viðskiptalanda okkar og blikur á lofti í
eigin atvinnumálum gerir það að verkum að
gæta verður festu og jafnframt ýtrustu var-
kárni við stjórn bæjarfélagsins. Það verður
einnig að leggja þunga áherslu á farsæla
stjórn atvinnumála, að laða til bæjarins nýjar
atvinnugreinar um leið og stutt er við bakið á
því sem fyrir er á staðnum.
Dagur býður nýja bæjarfulltrúa velkomna til
starfa.
Áskell Þórisson.
4 -r, DAGUR - 3. jún( 1982
Eitt námskeið
ýtir fólki yfir
erfiðasta hjallann
Á seinni árum hafa verkalýðsfélög lagt æ ríkari áherslu á
fræðslustarfsemi af ýmsu tagi. Menningar- og fræðslusamband
Alþýðu, MFA, hefur unnið mikinn akur á þeim vettvangi og má
í því sambandi minnast félagsmálaskólans í Ölfusborgum.
Yerkalýðsfélagið Eining hefur sent fjölda manns á námskeið í
Ölfusborgum, en einnig hefur félagið hafið fræðslustarfsemi
heima í héraði og ætlar að vinna mikið og vel að þeim málum í
framtíðinni. Félagið hefur góða aðstöðu í nýja kjarnahúsinu á
Illugastöðum í Fnjóskadal, auk þess sem félagið á hús við Þing-
vallastræti á Akureyri. í Einingu eru nú um 3.400 félagsmenn.
Fæstir þeirra taka þátt í störfum félagsins, en að sögn Sævars
Frímannssonar, sem sæti á í stjóm Einingar, hefur ýmislegt
verið reynt til að örfa félagsmenn til starfa, án þess þó að það
hafí borið þann árangur er menn óskuðu eftir. „En við ætlum
ekki að láta staðar numið,“ sagði Sævar er Dagur ræddi við
hann um fræðslumálin og Einingu fyrir skömmu.
Ýtir fólki yfir
erfiðasta hjallann
„Fyrir tveimur vetrum stóð
Eining fyrir „Opnu húsi“ þar
sem tekin voru fyrir ákveðin
málefni hverju sinni, en þetta
„Opna hús“ var tvisvar í mán-
uði. Stjórnarmenn sátu einnig
fyrir svörum. Því miður varð að
hætt þessu vegna þess að þátt-
taka var ónóg, ástæðan er
eflaust of langur vinnutími fé-
lagsmanna Einingar. En við höf-
um ástæðu til að ætla að þetta
breytist smám saman. Eftir ára-
mót héldum við félagsmálanám-
skeið á Illugastöðum og sóttu
það 17 manns, leiðbeinandi var
Steinþór Jóhannsson, frá MFA.
Viðfangsefni námskeiðsins, sem
stóð í þrjá daga, var undirstöð-
ustriði í ræðumennsku, félags-
og fundarsköp og framsögn.
Þetta var fyrsta námskeiðið sem
við héldum á Illugastöðum og
fyrirhugað er að halda fram-
haldsnámskeið í sömu hlutum
næsta haust, auk þess sem ætlun-
in er að halda nýtt byrjendanám-
skeið. Umrætt námskeið gafst
mjög vel og það eru engar ýkjur
að þátttakendur voru mjög
ánægðir með það.
Ég var líka var við það á síð-
asta félagsfundi í Borgarbíói að
það var einmitt þetta fólk sem
lét mest á sér kveða í umræðun-
um. Eitt svona námskeið ýtir
fólki greinilega yfir erfiðasta
hjallann."
Kjarnahúsið býður
upp á marga
möguleika
„Það er margt á dagskrá hjá
Einingu í fræðslumálunum.
Næsta haust er ætlunin að halda
námskeið fyrir trúnaðarmenn,
þar sem rifjað verður upp hver
eru þeirra réttindi og skyldur.
Við ætluðum reyndar að halda
svona námskeið í vor, en það
varð að fella það niður. Auk
þess sem Eining verður með um-
rætt félagsmálanámskeið er
ætlunin að halda námskeið með
fólki í stjórnum deilda og starfs-
Sævar Frímannsson.
fólki félagsins. Þar verður tekin
fyrir stjórnun stéttarfélagá, sem
er námskeið sem MFA hefur
undirbúið.
Já, kjarnahúsið á Illugastöð-
um býður upp á marga mögu-
leika. Það er ákaflega hentugt til
að halda í því alls konar nám-
skeið, fundi o.þ.h. auk þess sem
það mun þjóna orlofshúsunum
vel í náinni framtíð. Það verður
vel af tækjum búið þegar fram
líða Stundir, en á aðalfundi
rekstrarrélags orlofsbúðanna
kom fram einiægur vilji fundar-
manna að félögin gæfu ýmsa
hluti í húsið. Þar á meðal var
rætt um hljómflutningstæki, há-
talarakerfi, videótæki og ýmis-
legt fleira.
Það er búið að kjósa nýja
fræðslunefnd sem hefur á borð-
inu áætlun sem hún mun vinna
eftir, og hún hefur í hyggju að
auka til muna nýtinguna á
kjarnahúsinu á Illugastöðum og
fá fleiri félagsmenn til starfa.
Það er erfitt fyrir Einingu að
fara út á vinnustaðina með
fræðsluefni, vegna þess að það
er takmarkað í samningum hve
miklu af vinnutímanum starfs-
fólk má verja til starfa á vegum
Einingar. Við verðum því að
treysta á hinn almenna félags-
mann, að hann sýni fræðslustarf-
inu áhuga, að hann komi á
fundi, að hann komi á nám-
skeiðin og að hann yfirleitt styðji
við bakið á félaginu sínu á einn
eða annan hátt. Aðeins með því
móti getur verkalýðsfélag staðið
undir nafni að félagsmennirnir
hafi áhuga á því og komi til
starfa.“
Jóhann Þorvaldsson fyrrverandi skólastjóri:
Skarðsdalsland, unaðs-
reitur Slglfirðinga
Um 30 ára skeið hefur Skógrækt-
arfélag Siglufjarðar unnið að því
að koma upp trjáreit í hluta af
Skarðsdalslandi. Þetta á að verða,
og verður, unaðsreitur Siglfirð-
inga um ókomin ár.
Einn merkasti þáttur í þessu
starfi er unglingavinnan. Þessi
unglingavinna á vegum félagsins
hefur nú farið fram um 25-30 ára
skeið, meira og minna á hverju
sumri. Fyrst sem sjálfboðavinna,
með lítilli greiðslu til ungmenn-
anna frá félaginu sjálfu, en síð-
ustu árin sem unglingavinna á
vegum bæjarins. Á þessum árum
hafa hátt á annað hundrað sigl-
firsk ungmenni, aðallega á aldrin-
um 11-15 ára, tekið þátt í þessu
starfi, allt frá fáum dögum til
margra vikna. Þessi vinna hefur
aðallega verið gróðursetning
trjáplantna og umhirða auk grisj-
unar og viðhalds girðingar. T.d.
hafa ungmennin gróðursett mest-
an hluta trjáplantna í Skarðdals-
girðingu, um 80000 trjáplöntur.
Þarna hafa uppvaxandi Siglfirð-
ingar lagt fram nytsama, fegrandi,
mannbætandi vinnu um leið og
þeir hafa lært að gróðursetja trjá-
plöntur og hlú að gróðri og um
leið átt hlut að því sjálf að skapa
unaðsreit og fegurð fyrir Siglfirð-
inga.
Þetta er því unglingavinna sem
ekki má falla niður. Auk þessa
hefur sú staðreynd, að siglfirsk
æska á stóran hlut að gróðursetn-
ingu trjáplantna í skógræktar-
landið á Siglufirði, vakið verð-
skuldaða athygli utan Siglufjarð-
ar. Á starfsskýrslu Skógræktarfé-
lags Siglufjarðar fyrir 1981 kemur
fram að af 88 dagsverkum er ung-
lingavinnan 55 dagsverk.
Víst eru erfiðleikar framundan,
en þeir mega ekki smækka okkur.
Þeir mega ekki fækka plöntunum.
Þeir mega ekki bitna á vinnu æsk-
unnar, gróðursetningu og um-
hirðu um allan lifandi gróður.
Slíkt eru mannbætandi störf og
fegrandi fyrir Siglufjörð.