Dagur - 20.06.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 120 Á MÁNUÐI - LAUSASÖLUVERÐ 15 KR.
RITSTJÓRIOG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÓRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Er svo slæmt
að vera íslendingur?
Á síðustu árum hefur þess gætt mjög í ræðum
ýmissa manna og riti að hörmulegt hlutskipti
sé að vera búandi á þessu eyðiskeri sem ís-
land kallast. Lífskjör séu e.t.v. sæmileg þessa
stundina en fari örugglega hríðversnandi
næstu ár vegna skammsýni duglausra stjórn-
málamanna og fávisku hrokafullra embættis-
manna, kerfiskalla, sem hreiðrað hafa um sig
í spilltu og rotnu valdakerfi. Veðráttan sé af-
leit, vegakerfið hæfilégt hottintottum eða
búskmönnum, útvarpið leiðinlegt, sjónvarpið
afleitt, sími plági landsmenn með skrefataln-
ingu og svona mætti áfram telja.
Öðru hvoru, þegar mér hefur þótt nóg um
þetta raus Jónasanna og Vilmundanna, hefi ég
velt því fyrir mér hvort engir kostir fylgdu því
að búa hér á landi. Eða komum við ekki auga
á þá kosti og kunnum við ekki að meta þá?
Hvað um að vera einstaklingur einnar heil-
steyptrar þjóðar sem öll talar sama tungumál,
aðhyllist sömu trú og siði og býr í landi eins
vel afmörkuðu frá öðrum og kostur er?
Við þurfum ekki annað en horfa yfir pollinn
til nágranna og frænda á Norður-írlandi til að
sjá hversu erfitt getur verið sambýli þjóðar-
brota með mismunandi trúarbrögð og siði
þótt tungumálið sé hið sama. Hvað þá ef við
bætist mismunandi tungumál, þjóðerni og lit-
arháttur og má þá minna á Kúrda og íbúa
Suður-Afríku sem átakanleg dæmi.
Svo vikið sé að „Kerfinu", sem margir hafa
milli tannanna, opinberum stofnunum og
starfsmönnum sem fólk á samskipti við. Ætli
það sé víða um lönd sem borgarar landsins
eiga eins greiðan aðgang að valdamönnum
og eins létt með að sækja rétt sinn í ágrein-
ingsmálum? Skyldi það vera léttara hjá þjóð-
um sem telja íbúa sína í tungum eða hundr-
uðum milljóna?
Satt er það, vegakerfi okkar stenst engan
veginn samanburð við vegi í þróuðum og
þéttbýlum nágrannalöndum okkar. En eru
það mörg lönd hér nærri sem bjóða íbúum
sínum álíka víðáttu og ferðafrelsi um land
sem er afburðafagurt og með tiltölulega
ómengað umhverfi, loft og vatn?
Að endingu lífskjörin. Varla verður með
sönnu sagt að við höfum búið við kröpp kjör
síðustu árin. Áhyggjuefnið nú er miklu frekar
að við göngum of nærri auðlindum okkar í
fyrirhyggjulitlu lífsgæðakaupphlaupi. Aðrar
þjóðir margar eiga auðlindir sem bíða eyðing-
ar sinnar, ekki síst hin alsælu olíuríki. Okkar
auðlindir eru þeim kosti búnar að geta varð-
veist og jafnvel fært okkur meiri arð í framtíð-
inni ef við kunnum með þær að fara. Við ætt-
um því ekki að þurfa að kvíða framtíðinni í
fjárhagslegu tilliti. En hér á undan voru talin
atriði sem ekki verða metin til fjár. Kunnum
við að meta þau sem skyldi, gerum við okkur
fyllilega grein fyrir tilvist þeirra, þarf ef til vill
að minna okkur á þau öðru hvoru?
G.
Kvöldverðarboð Kaupfélags Eyfirðinga. Við langborðið frá vinstri: Hjörtur E. Þórarinsson stjórnarformaður KEA,
Vigdís Finnbogadóttir, Valur Arnþórsson, María Pétursdóttir formaður Kvenfélagasambands íslands.
Mynd: KGA.
Vigdís Finnbogadóttir
heiðursgestur
Þing Kvenfélagsambandsins:
Vigdís Finnbogadóttir, forseti
íslands, var heiðursgestur á
þingi Kvenfélagasambands ís-
Iands sem haldið var að
Hrafnagili helgina 11. og 12.
júní sl.
Þing sambandsins er haldið
annað hvert ár og það var
Kvennasamband Eyjafjarðar,
Héraðssamband eyfirskra
kvenna og Samband eyfirskra
kvenna sem héldu þingið í ár. Á
laugardagskvöldið sat þingheim-
ur kvöldverðarboð Kaupfélags
Eyfirðinga og á sunnudaginn
bauð Akureyrarbær til hádeg-
isverðar.
Ný mynsturmáln-
ing frá Sjöfn
Málningarverksmiðjan Sjöfn
hefur sent á markað nýja teg-
und mynsturmálningar undir
samheitinu Fjölmynstur. Hef-
ur þessi tegund málningar
mjög rutt sér til rúms í ýmsum
Evrópulöndum undanfarin ár,
s.s. í Þýskaiandi en þessi teg-
und mynsturmálningar er að
því leyti til frábrugðin eldri
tegundum að hún gefur mun
meiri mynsturmöguleika en
áður hefur þekkst.
- Við ákváðum að hefja fram-
leiðslu á þessari mynsturmálning-
ar til að brydda upp á einhverju
nýju og til þess að gefa fólki
aukna möguleika á að skreyta
íbúðir sínar að innan jafnt sem
utan, sagði Aðalsteinn Jónsson,
forstjóri Sjafnar í samtali við
Dag.
- Það verður hægt að fá sér-
stakar málningarrúllur með
mynsturáferð og svo mynstur-
spaða með málningunni en við
viljum eindregið hvetja fólk til
þess að kynna sér leiðbeiningarn-
ar sem fylgja með málningunni
áður en málað er, sagði Aðal-
steinn.
Að sögn Aðalsteins Jónssonar
þá er nýja málningin aðallega
frábrugðin gömlu mynsturmáln-
ingunni að því leyti að hún getur
gefið mun grófari áferð og í raun
væri þessi málning ekki ætluð á
heilu húsin heldur minni eining-
ar, eins og t.d. einstaka veggi.
Hægt verður að velja um ýmsa
liti af mynsturmálningunni og
eins er hægt að lita málninguna
áður en málað er. Verð er svipað
og á öðrum málningartegundum
en á móti kemur að mynstur-
málningin þekur ekki eins vel og
því þarf meira af henni. Þess má
geta að gefinn hefur verið út
vandaður leiðbeiningarbæklingur
með fjölda litmynda og fæst hann
í málningarvöruverslunum.
Dæmi um mynsturáferð.
„Trekkspillklub“
frá Noregi
kemur í
heimsókn norður
Þann 21. júní kemur hingað til
lands harmonikuhljómsveit frá
eyjunni Senja við Norður-Noreg.
Hljómsveitin kennir sig við nafn
heimabyggðarinnar, sem er önn-
ur stærsta eyja Noregs og kalla
sig Senja trekkspillklub.
Þess má geta að í fyrrasumar
þáðu harmonikuunnendur frá
Reykjavík, Borgarfirði og Suður-
Þingeyjarsýslu boð tveggja
norskra harmonikufélaga, Mals-
elv nyje trekkspillklub og Senja
trekkspillklub, um að koma til
Noregs. Héldu íslensku sveitirn-
ar tónleika víða við bestu mót-
tökur. Var ferðast um Noreg og
Svíþjóð og komið við í Finn-
landi. Nú hafa harmonikuunn-
endur í Reykjavík, Vesturlandi,
Suður-Þingeyjarsýslu og á Akur-
eyri í sameiningu boðið Senja
trekkspillklub til landsins. Á
fyrsta degi heimsóknarinnar
verður haldið til Þingvalla. 23.
júní fara Norðmennirnir til
Húsavíkur, en nyrðra dvelja þeir
til 29. júní. Á Húsavík halda þeir
tónleika í félagsheimilinu að
kvöldi 25. júní, á eftir verður
dansleikur þar sem gestirnir spila
ásamt heimamönnum. Frá Húsa-
vfk halda svo Senja-menn 27.
júní til Akureyrar í boði harmon-
ikuunnenda þar. Verður Akur-
eyri skoðuð og síðan haldinn
konsert.
4 - ÐAGUR - 20.júníl983