Dagur - 25.07.1983, Blaðsíða 9

Sigurður Gestsson sér um málm-
steypuna.
- Nú hafiö þið verið að kynna
þessa framleiðslu ykkar víða,
hvernig hefur henni verið tekið?
„Það er óhætt að segja að við-
tökurnar séu stórkostlegar, og
hvað það varðar er bjart fram-
undan hjá okkur. En það er verra
með peningamálin því það má
segja að þegar við erum búnir að
sitja, kannski vikum og mánuð-
um saman, og reikna út tölur til
að sannfæra peningamennina um
ágæti þess sem við erum að gera
þá er eins og segir í Gullna hlið-
inu eftir Davíð Stefánsson: „Þá
komst djöfullinn í spilið . . .“ En
það er mikill áhugi hjá okkur en
við erum þreyttir."
- Hver er þá framtíðin fyrir
unga uppfinningamenn?
„Hún ætti að vera björt. Það
má kannski segja að við séum
blankir bjartsýnismenn," segir
hinn hressi uppfinningamaður,
Níls Gíslason, að lokum
Uppnnmngabræðumir Nfls og
Davíð. Halldór litli Nflsson er mað-
ur uppfinninganna í framtíðinni að
sögn föðursins.
Snorri Hansson á réttum stað með
rafmagnsdótið í kringum sig.
Kvennameirihluti
Þegar bæjarstjórn Ak-
ureyrar kemur saman til
fundar í haust munu sex
konur og fímm karlar
eiga þar sæti sem aðal-
bæjarfulltrúar. Mun
þetta vera í fyrsta sinn í
sveitarstjórn á Islandi,
a.m.k. í stærri sveitar-
félögum, sem konur eru
í meirihluta í stjórn
sveitarfélagsins.
Það má því segja að Akureyri
ríði á vaðið í jafnréttismálunum
en þær konur sem koma inn í
bæjarstjórnina í haust eru Jórunn
Sæmundsdóttir fyrir Alþýðu-
flokkinn og Sigríður Stefánsdótt-
ir fyrir Alþýðubandalagið. Jór-
unn er varamaður Freys Ófeigs-
sonar sem heldur utan til náms í
haust og Sigríður er varamaður
Helga Guðmundssonar sem tek-
ur sér frí í vetur frá bæjarstjórn-
arstörfunum. Fyrir í bæjarstjórn-
inni eru Valgerður Bjarnadóttir
(K) sem jafnframt er forseti
bæjarstjórnar, Sigfríður Þor-
steinsdóttir (K), Úlfhildur Rögn-
valdsdóttir (F) og Margrét Krist-
insdóttir (S) en hún kom inn. í
bæjarstjórnina í vor fyrir Gísla
Jónsson.
Dagur hafði samband við eina
konu frá hverjum flokki, en þeir
eiga allir konu sem fulltrúa í
bæjarstjórninni, og voru þær
spurðar álits á þessum breyting-
um, hvað þær héldu um meiri-
hlutasamstarfið og hvort þær
teldu að breytingar gætu orðið á
stefnuskránni í framhaldi af þess-
um nýja „kvennameirihluta" sem
myndast hefur í bæjarstjórninni.
Svör þeirra fara hér á eftir.
- Breytist
stefna
bæjarstjórnar
með tilkomu
kvenna-
meirihluta?
„Fáum að
sýna hvað
í okkur býr“
- segir Jórunn
Sæmundsdóttir
Jórunn Sæmundsdóttir (A):
- Það er allt í lagi að prófa þetta.
Við konurnar höfum lengi haldið
því fram að við værum engir
eftirbátar karlanna og það er því
ánægjulegt að við skulum loks fá
að sýna og sanna hvað í okkur
býr og það verður svo að koma í
ljós hvort við erum „menn“ til að
valda þessu verkefni.
- Hefur þetta miklar breyting-
ar í för með sér fyrir þig að koma
inn í bæjarstjórnina?
- Það held ég ekki. Ég hef set-
ið marga fundi bæjarstjórnar sem
varabæjarfulltrúi en það verður
vafalaust spennandi að fá að
starfa í bæjarráði. Freyr Ófeigs-
son hefur setið þar og ég á ekki
von á öðru en að ég taki einnig
sæti hans þar.
- Hvað um meirihlutann og
stefnuyfirlýsinguna. Verða breyt-
ingar þar á?
- Það stórefa ég.
- Þið konurnar eruð þá ekkert
farnar að bræða saman með ykk-
ur nýjan meirihluta?
- Nei, alls ekki, þó það gæti
verið gaman.
★
„Þetta verður
mín
aðalatvinna"
- segir Sigríður
Stefánsdóttir
Sigríður Stefánsdóttir (AB).
„Mér finnst mjög skemmtilegt að
fá að taka þátt í þessum fyrsta
kvennameirihluta í bæjarstjórn-
inni. Samt hef ég þann fyrirvara
á að það skiptir mestu máli fyrir
hvaða flokk maður situr í bæjar-
stjórn. Ég vona samt að þarna
takist gott samstarf."
- Þú átt ekki von á að þetta
hafi nein áhrif á vinstrimeirihlut-
ann?
„Ég hef nú ekki gert ráð fyrir
því. Þó er of snemmt að segja til
um það, það fer eftir því hvernig
vinstrimeirihlutanum gengur að
starfa áfram saman.“
- Gæti kvennameirihlutinn
ekki tekið við af vinstrimeirihlut-
anum, heldurðu?
„Ég held að konur komi til
með að verða ósammála um til
dæmis atvinnumál, sem verða ör-
ugglega mjög ofarlega á baugi
næsta vetur. Þar held ég að konur
úr Sjálfstæðisflokki og Alþýðu-
bandalagi verði ekki sammála.“
- Hefur það einhverjar breyt-
ingar í för með sér fyrir þig að
setjast í bæjarstjórn?
„Ég lít á þetta sem það mikið
starf að þetta verður mín aðal-
atvinna utan heimilis næsta vetur
og ég kem ekki til með að verða
við kennslu.“
★
„Áfangi að
vissu marki“
- segir Margrét
Kristinsdóttir
Margrét Kristinsdóttir (S):
„Ég lít nú fremur á fulltrúana
sem einstaklinga heldur en konur
og karla. Að sumu leyti hef ég
óneitanlega gaman af því að hér
skuli verða svona mikill fjöldi
kvenna í bæjarstjórn. Þetta er
áfangi að vissu marki.“
- Heldurðu að þetta muni
hafa einhver áhrif á þann meiri-
hluta sem nú situr?
„Ég veit ekki hvernig það ætti
að verða. Það má vera að konur
taki einhvern veginn öðruvísi á
málum heldur en karlmenn, en
ég finn ekki svo mikinn mun á
því.“
- Býstu við að það verði öðru-
vísi að starfa með konum heldur
en körlum?
„Ég geri mér nú ekki alveg
grein fyrir því. Konurnar eru
yfirleitt óreyndara fólk og þetta
gæti orðið að einhverju leyti dá-
lítið erfitt. En ég hef síður trú á
því að þetta verði öðruvísi."
★
„Konurnar
láta verkin
tala“
- segir Úlfhildur
Rögnvaldsdóttir
Úlfhildur Rögnvaldsdóttir (B):
- Ég efast nú um að þetta komi
til með að breyta mjög miklu um
störf bæjarstjórnarinnar en mér
finnst þetta mjög ánægjulegt
engu að síður. Við byrjuðum
þrjár konurnar í bæjarstjórninni
á kjörtímabilinu en verðum nú
sex talsins.
- Er öðruvísi að vinna með
konum en körlum?
- Ég verð að viðurkenna að
svo er. Konurnar eru ekki eins
ræðuglaðar og karlarnir en eigum
við ekki að segja að konurnar láti
verkin tala.
- Hvað með meirihlutann og
stefnuyfirlýsinguna?
- Þetta breytir engu um það.
Meirihlutinn breytist ekki þó að
konur komist í meirihluta í
bæjarstjórninni hér á Akureyri.
Jafnvel þó að þetta sé í fyrsta
sinn sem konur ná þeim áfanga
að ná varanlegum meirihluta í
sveitarstjórn á Islandi.
„Við konur
tölum
sama mál“
- segir Valgerður
Bjarnadóttir
Valgerður Bjarnadóttir (V):
„Mér finnst þetta afskaplega
ánægjulegt, að konur skuli nú
vera í meirihluta í bæjarstjórn.“
- Þú átt ekki von á að þetta
hafi nein áhrif á vinstrimeirihlut-
ann?
„Nei, í meirihlutasamkomu-
laginu er stafur fyrir því að
öðru leyti fylgi fulltrúar sínum
stefnuskrám. Það hefur komið
fyrir þegar konur voru í meiri-
hluta í stjórninni, þegar vara-
menn hafa setið, að þær hafa ver-
ið samþykkar um málefni en haft
karlana á móti. Hins vegar von-
ast ég til að þessar konur geti
sameinast um ýmis mikilvæg
kvennamál og fengið þau í
gegn.“
- Heldurðu að það verði öðru-
vísi að starfa í bæjarstjórninni
þegar konur verða komnar í
meirihluta?
„Já, það verður öðruvísi. Við
konurnar tölum sama mál. Við
erum enn ekki búnar að tileinka
okkur þennan pólitíska þátt sem
er hluti af reynsluheimi karla.
Þar af leiðandi held ég að við
munum ná betur saman en þeir
sem þekkja þessa hluti út og
inn.“
25. júlí 1983 - DAGUR - 9