Dagur - 25.07.1983, Blaðsíða 12

NYLONHÚÐAÐAR GRJÓTHLÍFAR
FRAMAN Á BÍLA.
„Hér á
Húsavík
er næg
atvinna“
- segir Bjarni Aöal-
geirsson, bæjarstjóri
„Hér á Húsavík er alveg bull-
andi atvinna og ég man ekki
eftir eins mikilli vinnu fyrir
unglinga eins og nú,“ sagði
Bjarni Aðalgeirsson bæjar-
stjóri á Húsavík í stuttu spjalli
við blaðið.
„Pað er fyrst og fremst mjög
góður rækjuafli sem gerir þetta.
Pað hefur verið unnið hér á
þrískiptum vöktum og tengjum
við rækjuvinnsluna unglinga-
vinnunni.
Þetta er þannig að unglingarnir
vinna hluta úr degi hjá bænum.
Síðan skipta þau með sér vinnu í
rækjunni. Fyrsti hópurinn byrjar
kl. 8 á morgnana og vinnur til kl.
1, næsti hópur vinnur frá 1 til kl.
7 og síðasti hópurinn vinnur frá
kl. 7 þar til vinnslu lýkur um kl.
23.00 eða 24.00 á kvöldin," sagði
Bjarni bæjarstjóri.
„Þetta hefur komið mjög vel út
og krakkarnir eru ánægðir. Þetta
hjálpar mikið því það má búast
við að unglingavinnu ljúki fyrr en
venjulega hér hjá bænum því
fjárhagurinn er ekki beysinn hjá
okkur frekar en mörgum
öðrum,“ sagði Bjarni Aðalgeirs-
son að lokum.
„Það verður hlýtt hjá ykkur í
dag, en það má búast við því að
hann þykkni upp þegar líður á
daginn og rigni jafnvel undir
kvöldið, en það verður ekki
mikið magn,“ sagði Trausti
Jónsson, veðurfræðingur, í
samtali við blaðið í morgun.
Trausti átti von á öllu kaldara
veðri á morgun, en síðan hlýn-
aði aftur á miðvikudaginn.
Hann sagðist búast við sólar-
glennum norðanlands næstu
daga. Af gömlum vana var
veðurfræðingurinn spurður um
veðrið fyrir sunnan. „Það er al-
skýjað og heldur nöturlegt um
að litast. Sennilega fer hann að
rigna bráðum og það er útlit
fyrir rigningu næstu daga, jafn-
vel alla vikuna, sagði Trausti
Jónsson.
Bjart yfir bílasölum
„Menn kaupa aöallega nýlega
bíla, þaö er einna mest sala á bíl-
um sem kosta þetta í kringum
130 þúsund," sagði bílasali í
spjalli við Dag. Það var heldur
dekkra hljóðið í kollega hans:
„Þetta er nú heldur minna en oft
hefur verið á þessum árstíma.
Það er hér eins og annars staðar
að ástandið í peningamálum er
ekki of gott. Fólk er vart um sig
og tekur ekki þá áhættu að
skulda. Hér áður skánuðu kjörin
þegar framboðið var meira, en í
dag er því ekki að heilsa, nú situr
fólk frekar uppi með sinn bíl og
bíður, heldur en að láta hann á
afarkjörum.“
„Þetta svartnættiskjaftæði sem
alltaf er í blöðunum, það er
hvergi nema þar, bflasalan
gengur ágætlega og við getum
ekki séð annað en að fólk eigi
næga peninga,“ sagði bflasali
hér í bæ sem Dagur ræddi við.
Að sögn viðmælenda Dags er
bflasala yfirleitt ágæt en ýmsir
voru samt á því að heldur
minna af peningum væri á
ferðinni en venjulega. Nýir bfl-
ar seljast fremur lítið að sögn
eins bflasala.
„Okkur vantar bíla sem kosta
um 100-150 þúsund, í þeim
verðflokki er lítið framboð. Það
eru þessir bílar sem menn virðast
helst ráða við að kaupa,“ sagði
bílasali hér í bæ. „Þetta hefur
Jú, bcnsíntankurinn er á sínum stað. Þegar kaupa á notaðan bíl er eins gott að athuga vel hvort ekki er allt í sóm-
anum. „Ekki til ryð í boddíinu . . .“ Allur er samt varinn góður. Mynd: KGA
verið ágætt í sumar og það þýðir
lítið að kvarta.“
En þótt eitthvað virðist vera
farið að þrengjast um hefur það
ekki haft í för með sér að hægt
sé að fá bíl á betri kjörum en
áður og að sögn eins bílasala er
fólk jafnvel tilbúið til að borga
meira út í hönd heldur en áður
hefur verið.
Þá er mikið af sölunni í því
formi að menn skipta á bílum og
bílasali einn vildi meina að um
80% sölunnar færi þannig fram.
Nýir bílar seljast lítið, fengum
við að vita í bifreiðaumboði.
„Það er mikið spurt og skoðað en
það er sáralítið sem kemur út úr
því. Það virðist hreinlega enginn
geta fjármagnað bílakaup eins og
er.“
Póstur og sími
kaupir hús
fyrir 5.5 m. kr.
„Þetta var alveg nauðsynlegt
því þetta er vaxandi hverfi og
þjónustuna þurfti að bæta,“
sagði Þorgeir H. Þorgeirsson,
framkvæmdastjóri hjá Pósti og
síma, er hann var spurður um
hið nýja hús sem fyrirtækið
hefur fest kaup á í Glerár-
hverfi.
Póstur og sími keypti hús
Strengjasteypunnar við Fjölnis-
götu sem er vestan Hörgárbraut-
ar. Kaupverð hússins er 5,5 millj-
ónir króna. Byggingarréttur fylg-
ir húsinu upp á 200 m2 sem búið
er að fá vilyrði fyrir að megi nýta.
„Hugmyndin var,“ sagði Þor-
geir, „að gera verulegar endur-
bætur á húsnæðinu sem Póstur og
sími á við Hjalteyrargötu. En
þegar þetta hús bauðst við Fjöln-
isgötu, sem er mun betrá, var
húsnæðið við Hjalteyrargötu selt
Vélsmiðjunni Odda,“ sagði Þor-
geir H. Þorgeirsson að lokum.
Samkvæmt upplýsingum Þorgeirs
er hugmyndin sú að setja upp
póstútibú í nýja húsinu við
Fjölnisgötu.
Enginn vildi
eftirsótta lóð
- Lóðin sem Bjarni Reykjalín
afsalaði sér auglýst enn
Engin umsókn barst um lóðina
eftirsóttu við Helga-magra-
stræti er hún var auglýst að
nýju. Umsóknarfresturinn
rann út 12. júlí sl. og að sögn
Leifs Þorsteinssonar, hjá em-
bætti byggingarfulltrúa, verður
því að auglýsa þessa umtöluðu
lóð í þriðja sinn.
Er lóðin var fyrst auglýst bár-
ust fjórar umsóknir og mælti
bygginganefnd með einum um-
sækjandanum. í bæjarstjórn var
hins vegar Bjarna Reykjalín út-
hlutað lóðinni en í kjölfar um-
ræðna sem áttu sér stað á eftir
afsalaði Bjarni sér lóðinni. Hún
var því auglýst að nýju og áttu
menn von á að margir yrðu um
hnossið, nokkuð sem hefur al-
gjörlega brugðist.
# Stressað hjá
Pósti og síma
Það var heldur betur stressað
liðið hjá Pósti og síma í
Reykjavík er blaðamaður
Dags reyndi að hafa tal af
yfirmönnum þar í síðustu
viku. Stúlkan á símanum var
„öll á iði“ en gaf þó samband
við toppana. Þar mætti eng-
inn í símann þannig að við-
komandi blaðamaður varð að
hringja aftur og biðja um for-
ingjana. - Svara þeir ekki?
Það er líklega best að hafa
bara samband við þá í gegn-
um Velvakanda, sagði stúlk-
an og leitaði þó enn um sinn
en gat þess jafnframt að á
meðan á þessari leit stæði
þá hrúguðust öskureiðir
símnotendur upp í skipti-
borðinu hjá henni og þeir
yrðu ekkert sérlega kátir með
að þurfa að bíða. Sem sagt:
Skítt með utanbæjarliðið.
Það getur hringt endalaust á
„ódýra“ taxtanum, bara að
innanbæjarmennirnir nái
sambandi og flækjan í skipti-
borðinu greiðist. Skyldi ann-
ars hafa verið „skrifstofufár-
viðri“ í Reykjavík umræddan
dag?
# Ungt fólk
og öfugt
Fyrir ekki löngu síðan gaf
Samband ungra framsóknar-
manna út Ktinn pésa þar sem
auglýst er rækilega ferð verð-
andi stórpólitíkusa íslenskra
með Ms. EDDU. í pésanum er
að sjálfsögðu að finna allar
upplýsingar um fyrirhugaða
ferð. Og þar sem þessi pési
heitír Fréttabréf SUF, er dálít-
III áróður fyrir flokknum lát-
inn fylgja með svona i lokin:
„Með öðrum orðum, þá erum
við sannfærð um að Fram-
sóknarflokkurinn eigi erindi
við ungt fólk - og öfugt.“
# Slagsmál
Sjálfsagt hafið þið öll heyrt
um Hafnfirðinginn sem fór til
New York. Hann varð fyrir
fólskulegri árás. Árásar-
mennirnir vildu ná af honum
veskinu en Gaflarinn varðíst
lengi og vel. Loks varð hann
samt að láta undan. Árásar-
mennirnir fundu aðeins fimm
dollara í veskinu. Þeir spurðu
Gaflarann hvers vegna hann
hefði lagt svo mikið á sig fyrir
ekki meira fé. „Ég helt að þið
vilduð ná hundrað dollurun-
um sem ég er með í vinstri
skónum," svaraði Gaflarinn.
# Þrifnaður
Svo var það sagan af sköll-
ótta Hafnfirðingnum sem sat
á bekk í Lystigarðinum á Ak-
ureyri ásamt eiginkonu sinni
og innfæddum gestgjafa. Allt
í einu dritaði ódannaður
skógarþröstur beint ofan á
skallann á Gaflaranum. Guð
minn almátttugur, sagði
frúin, ég verð að hlaupa niður
f bíl eftir þurrku. Með það var
hún horfin en Gaflarinn hall-
aði sér að gestgjafa sínum og
sagði: „Sú er vitlaus, fuglinn
verður löngu farinn áður en
hún kemur með þurrkuna."