Dagur - 03.10.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR, 130 Á MÁNUÐI - LAUSASÖLUVERÐ 18 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Afkoma og áróður
í ræðu sem Svavar Gestsson, formaður
Alþýðubandalagsins, hélt á fundi á Akranesi
fyrir helgina og sýnt var frá í fréttatíma sjón-
varpsins, komst hann svo að orði að ekkert
væri hugað að afkomu heimilanna, heldur
snerust allar aðgerðir ríkisstjórnarinnar um
að létta afkomu fyrirtækjanna, frystihúsanna
og sjávarútvegsins og þar fram eftir götun-
um. Enn halda Alþýðubandalagsmenn sig við
sömu blekkinguna, sömu blekkinguna og
varð til þess að síðustu ríkisstjórn tókst ekki
að takast á við efnahags- og verðbólgubálið.
Afkoma atvinnurekstrarins í landinu verður
ekki aðskilin afkomu heimilanna með þeim
hætti sem Svavar lætur í veðri vaka. Verð-
bólgan, með gífurlegum fjármagnskostnaði
og fleira óhagræði, var að ganga af öllum
atvinnurekstri í landinu dauðum. Þökk sé
Svavari Gestssyni og hans liði, sem þorði ekki
að takast á við vandamálin, af misskilinni
vantrú á almenning í landinu. Almenningur
skilur hins vegar þau vandamál sem við er að
glíma og miklum mun betur en forusta
Alþýðubandalagsins. Almenningur skilur að
ef fyrirtækin fara á hausinn þá er enga
atvinnu að hafa og þar með eru heimilin farin
á hausinn líka. Vegna þessa sættir fólk sig
við þær þrengingar sem nú steðja að
heimilunum og hefðu orðið miklu meiri ef ekki
hefði verið gripið í taumana. Almenningur
sættir sig við þrengingar um sinn vegna þess
að hann veit að hfað hefur verið um efni
fram í þessu landi og ekki síst vegna þess að
nú er ástæða til að ætla að efnahagsglund-
roðanum sem ríkt hefur í skjóh verðbólgunnar
verði aflétt og þar með því misrétti sem þeir
hafa verst orðið fyrir sem minnst bera úr
býtum. Og það sem meira er: Fólk er þegar
farið að sjá árangur af þeirri fórn sem það nú
færir. Nú í fyrsta skipti er von til þess að ekki
verði fórnað til einskis. Undanfarin ár hefur
allur almenningur fórnað lífskjörum á altari
verðbólgunnar. Þær fórnir sem fólk er nú að
færa eru fyrir betri og öruggari afkomu heim-
ilanna í framtíðinni.
Þessu er Svavar Gestsson að berjast gegn.
í þágu flokks síns sem nærist á óánægju og
úlfúð og í þágu pólitískra hagsmuna vill Svav-
ar Gestsson eyðileggja og gera að engu þá
fórn sem fólkið í landinu er búið að færa.
Hann vill efna til ófriðar og
beita almenningi fyrir áróðursplóg
Alþýðubandalagsins. Hann má ekki til þess
hugsa að aðferðir Steingríms Hermannssonar
séu réttar og skili árangri, einfaldlega vegna
þess að hann stóð á sínum tíma í veginum
fyrir því að shkar ráðstafanir yrðu gerðar.
Nú er von til þess að hægt verði að stöðva
hringavitleysuna sem viðgengist hefur og
haft í för með sér ómælt óréttlæti. En þá má
ekki láta frýjunarorð stjórnarandstæðinga
villa sér sýn.
Ungir framsóknarmenn:
Ríkisstjórnin á að
ganga á undan
með góðu fordæmi
Stjórnmálaályktun sjöunda fund-
ar framkvæmdastjórnar Sam-
bands ungra framsóknarmanna.
Fundurinn var haldinn að Rauð-
arárstíg 18 þann 17. september.
Framkvæmdastjórn Sambands
ungra framsóknarmanna lýsir yfir
stuðningi við ríkisstjórn Stein-
gríms Hermannssonar.
Framkvæmdastjórn SUF lýsir
yfir ánægju sinni með þann ár-
angur sem náðst hefur í niður-
talningu verðbólgunnar undir
forystu forsætisráðherra, Stein-
gríms Hermannssonar, en minnir
jafnframt á að forsenda þess
árangurs sem náðst hefur er m.a.
skilningur almennings á þeim að-
gerðum sem grípa þurfti til.
Fennan skilning verður ríkis-
stjórnin að meta, og má því ekki
að óbreyttu ganga nær fjárhag
heimilanna en orðið er. f þess
stað á ríkisstjórnin að ganga á
undan með góðu fordæmi og
draga saman í ríkisgeiranum.
Framkvæmdastjórn SUF leggur
á það áherslu, að næstu árin verði
sýnd festa í stjórn landsmála, svo
unnt verði að hefja nýja sókn til
betri framtíðar. Þar verði lögð
áhersla á eftirfarandi:
- Hjöðnun verðbólgu
- Viðunandi jafnvægi í við-
skiptum við önnur lönd
- Verndun kaupmáttar lægstu
launa og lífskjara þeirra sem
þyngst framfæri hafa
- Atvinnuöryggi.
Framkvæmdastjórn SUF vill
minna á að hlutverk Framsókn-
arflokksins í þessari ríkisstjórn er
að standa vörð um velferðarþjóð-
félagið, það þjóðfélag sem Fram-
sóknarflokkurinn hefur byggt
upp. Því vill framkvæmdastjórn
SUF vara við öllum útboðs- og
söluhugmyndum í heilbrigðis-
þjónustunni og annarri félags-
legri þjónustu.
Framkvæmdastjórn SUF lýsir
yfir ánægju sinni með að tekist
hafi að ná bráðabirgðasamkomu-
lagi við Alusuisse um hækkun á
raforkuverði til frekara sam-
komulags um verulega hækkun á
raforkuverði til ÍSAL. Fram-
kvæmdastjórnin telur að þetta
bráðabirgðasamkomulag sýni
ótvírætt að málstaður framsókn-
armanna í fyrri ríkisstjórn var
réttur og sanni að unnt hefði ver-
ið að ná samkomulagi um hækk-
un raforkuverðs fyrr, gagnstætt
því sem fyrrverandi iðnaðarráð-
herra, Hjörleifur Guttormsson,
heldur fram.
Mistök Hjörleifs Guttorms-
sonar í álmálinu ættu því að vera
íslensku þjóðinni víti til varnað-
ar.
Framkvæmdastjórn SUF lýsir
ánægju sinni með nýstofnuð sam-
tök húsbyggjenda. Fram-
kvæmdastjórnin telur að slík
samtök undirstriki það að-
gerðarleysi, sem ríkti í húsnæð-
ismálum undir forstöðu Svavars
Gestssonar, formanns Alþýðu-
bandalagsins.
Framkvæmdastjórn SUF skor-
ar á félagsmálaráðherra og ríkis-
stjórn að gera nú þegar verulegar
úrbætur í málefnum þeirra sem
eru að byggja eða kaupa hús-
næði. Þörfin fyrir umbætur er
ekki síst hjá því fólki sem var að
eignast húsnæði á meðan hús-
næðismálin voru í heljargreipum
Alþýðubandalagsins.
Framkvæmdastjórn SUF ítrek-
ar fyrri samþykktir sínar um stig-
hækkandi lánshlutfall í 80% af
byggingarkostnaði, lengingu
lánstíma í 42 ár og að lán verði
greidd út til lántakenda í einu
lagi. Framkvæmdastjórn SUF
skorar á ríkisstjórnina að ná
þessum markmiðum á kjörtíma-
bilinu.
Framkvæmdastjórn SUF telur
brýnt að tekin verði upp öflug
barátta til verndunar náttúru
landsins. Það er verulegur þáttur
í lífskjörum manna, að eiga kost
á því að búa í ómenguðu um-
hverfi og hafa aðgang að óspilltu
landi.
Aðalstjórn Landssambands íslenskra samvinnustarfsmanna: Gylfi Guðmarsson, Júlíus Thorarensen, Birgir Marinós-
son, Guðjón Finnbogason og Kári Sigurðsson. Mynd: KGA.
Landssamband íslenskra samvinnustarfsmanna:
Flytur höfuðstöðvar
sínar til Akureyrar
Stjórn Landssambands ís-
Ienskra samvinnustarfsmanna
hefur flutt aðsetur sitt til Akur-
eyrar, en hingað til hefur það
verið í Reykjavík.
Á síðasta landsþingi sambands-
ins var samþykkt að flytja aðset-
ur stjórnarinnar norður og þegar
fráfarandi stjórnarmeðlimir gáfu
ekki kost á sér til endurkjörs
voru kosnir í aðalstjórnina: Birg-
ir Marinósson formaður, Gylfi
Guðmarsson varaformaður,
Júlíus Thorarensen ritari, Guð-
Jón Finnbogason gjaldkeri og Kári
Sigurðsson meðstjórnandi.
Alls munu vera um 5000 fé-
lagsmenn í starfsmannafélögum
sambandsins víða um land, en
stór hluti þeirra er starfandi á
Akureyri, hiá Iðnaðardeildinni
og KEA.
4 #• DAGUR - 3. Október 1983