Dagur - 09.11.1983, Blaðsíða 2

Ragnheiður Steindórsdóttlr f My fair
Lady.
Leikfélag Akureyrar
My fair
Lady
Sýningar:
12. sýning fimmtud.
10. nóvember.
13. sýning föstud.
11. nóv. Uppselt.
14. sýning laugard.
12. nóv. Uppselt.
15. sýning sunnud.
13. nóvember.
Hópar utan Akureyrar fá
afslátt á miðaveröi.
Börn og ellilífeyrisþegar fá
50% afslátt á miðaverði.
Miðasala opin alla daga
kl. 16-19. Sýningar-
daga kl. 16-20.30.
Sími: 24073.
Ósóttar miðapantanir seldar sýn-
ingardaga eftir kl. 18.00
Leikfélag Akureyrar.
Áskrift - Auglýsingar
Afgreiðsla
Sími 24222
Miðjufólk í stjórnmálum
jþarf að starfa saman
— segir Jóhannes Geir Sigurgeirsson, formaður stjórnar KFNE
Jóhannes Geir Sigurgeirsson í þungum þönkum á kjördæmisþinginu.
Á 27. kjördæmisþingi fram-
sóknarmanna í Norðurlands-
kjördæmi eystra sem haldið
var í Hrafnagilsskóla 4.-5.
nóvember sl. var Jóhannes
Geir Sigurgeirsson endurkjör-
inn formaður Kjördæmissam-
bandsins. Jóhannes Geir er
bóndi á Öngulsstöðum í sam-
nefndum hreppi í Eyjafirði, 33
ára í gær svo við séum ná-
kvæmir. Jóhannes var fyrst
spurður að því hvers vegna
hann væri að þvælast í pólitík:
„Það má segja að það hafi
komið af sjálfu sér, eftir að ég
hafði verið búinn að þvælast í fé-
lagsmálum í á annan áratug, fyrst
í ungmennafélagshreyfingunni,
síðan samvinnuhreyfingunni og
félagssamtökum bænda. Þá renn-
ur það upp fyrir manni að þrátt
fyrir neikvæða umræðu um pöli-
tíska flokka þá er það þar sem
ákvarðanirnar í þjóðfélaginu eru
teknar.“
- Hvað setti mestan svip á um-
ræður á þinginu?
„Það var einkum tvennt: Ann-
ars vegar staða flokksins og hins
vegar þjóðmálin í heild og þá
fyrst og fremst atvinnumálin í
ljósi breyttra aðstæðna. Pá á ég
fyrst og fremst við hina kolsvörtu
skýrslu Hafrannsóknarstofnunar
sem ég held að menn séu reyndar
ekki enn búnir að átta sig fylli-
lega á hversu alvarleg er. Mér
fannst nokkur breyting verða á
ályktunum þessa þings miðað við
önnur sem ég hef setið að því
leyti að þær voru á margan hátt
markvissari.
Þá vil ég geta þess að mér sýn-
ist nýtt fólk vera að setja sífellt
meiri svip á starfsemi Framsókn-
arflokksins í kjördæminu og
endurspeglaðist það á þinginu.
Einnig er greinilegt að konur eru
sífellt að koma meira til starfa í
flokknum.“
- Húsavíkursamþykkt fram-
sóknarkvenna hefur vakið mikla
athygli, þar sem þær krefjast
jafnstöðu á við karlmenn í þess-
um „gamla flokki“. Eru konurn-
ar að taka völdin?
„Ég held að Húsavíkursam-
þykktin hafi verið mjög gagnleg
og virkilega hreyft við framsókn-
armönnum. Samþykktin er mjög
góð þangað til einhverjum dettur
í huga að taka hana bókstaflega,
enda held ég að þær hafi tæpast
ætlast til þess sjálfar, heldur fyrst
og fremst að skapa umræður um
stöðu kvenna í flokknum. Von-
andi verkar þetta fyrst og fremst
sem hvatning til þeirra sjálfra
og að þær sýni meiri áhuga
á að koma til starfa, en á það hef-
ur vissulega skort á undanförnum
árum. Persónulega fagna ég
þessu því félagsskapur kvenna er
að öllu jöfnu skemmtilegri en
karla,“ segir Jóhannes Geir og
hlær við.
- Hvað veldur slæmri stöðu
Framsóknarflokksins um þessar
mundir og reyndar dvínandi vel-
gengni hans síðasta áratug?
„Framsóknarflokkurinn hefur
ekki staðið sig sem skyldi í áróð-
ursstríðinu og ég held að flokkur-
inn þurfi að skilgreina sín stefnu-
mið betur en hann hefur gert.
Mér dettur t.d. í hug eitt sérstakt
mál, sem er byggðastefnan, og
allir framsóknarmenn vilja vinna
framgang. Við þurfum að skil-
greina markmið okkar betur og
einnig aðferðirnar sem við viljum
nota til að koma þeim í
framkvæmd. Við þurfum að geta
sýnt fram á hagkvæmni skynsam-
lega rekinnar byggðastefnu og
raunar óhagkvæmni þess að
halda henni ekki tii streitu.
Þá held ég að miðjufólk í
stjórnmálunum, sem er meira og
minna í öllum flokkum, þurfi
virkilega að fara að athuga sinn
gang og huga að því hvernig það
getur best fylkt liði til að takast á
við verulega breyttar aðstæður í
þjóðfélaginu."
- Ertu þá að taia um afnám
gamla flokkakerfisins og eitt-
hvert nýtt bandalag miðju-
manna?
„Nei, ekki endilega. Samstarf
getur átt sér stað án þess að um
samruna sé að ræða. Framsókn-
armenn eiga samleið með fjöl-
mörgum áhangendum annarra
flokka og þetta er einfaldlega
spurning um það hvernig þetta
fólk getur best staðið á móti þeim
fylkingum sem sækja að því frá
hægri og vinstri. Svona samstarf
getur ekki orðið í nafni einhvers
eins flokks.“
Leiktækjasalir, sjoppur
„Óli rokkari“ hringdi:
Ég er 15 ára og því á vandræða-
aldrinum eins og fullorðna fólkið
segir þótt mér finnist ég ekki vera
neinn vandræðaunglingur.
Mig langar til þess að koma
því á framfæri að mér finnst að
það eigi að opna leiktækjasal við
Ráðhústorgið. Ég veit að það er
hægt því ég hef heyrt að þar séu
til leiktæki sem aðeins þarf að
stinga í samband. Hvers vegna er
þetta ekki leyft?
Þarna gætum við krakkarnir
verið á kvöldin, þvf það er ekki
um svo margt að ræða fyrir okkur
sem þá er hægt að gera. Við verð-
um að hanga í bænum í kuldan-
um eða þá í sjoppunum en það er
bara ekkert gaman og þar erum
við bara fyrir segir fullorðna
fólkið. Við viljum fá leiktækjasali
við Ráðhústorgið.
Mig langar líka til að minnast kominn snjór þar og hægt að
á annað. Af hverju er aldrei opn- opna? Það er ekki einu sinni hægt
að uppi í Hlíðarfjalli þótt það sé að fara á skíði.
og Hlíðarfjall
' Hirð ið
um hes ;tana
- og takið tiliit til vegfarenda
Björn Sigurðsson, bflstjóri á
Húsavíkurrútunni, hringdi og
bað Dag að koma á framfæri at-
hugasemdum sínum til hestaeig-
enda á Svalbarðsströnd, þar sem
hann fer margoft um.
Hann sagði að mikið væri um
hesta við þjóðveginn og iðulega
væru fjölmargir hestar rétt við
eða á veginum við afleggjarann
niður á Svalbarðseyri og þar í
kring. Björn sagði að fyrir það
fyrsta væri vart forsvaranlegt að
beita hestum sínum nánast á
þjóðveginn, eins og verðráttunni
hefði verið háttað undanfarið.
Lítið sem ekkert væri auk þess að
bíta. Þá væri þetta stórhættulegt
umferðinni, þegar myrkur væri
skollið á og skyndilega birtist
hrossastóð í bílljósunum. Björn
sagði að þetta væri bæði gáleysi
gagnvart hestunum og vegfarend-
unum og bað menn á þessum
slóðum að hirða betur um hesta
sína og taka tillit til þeirra sem
um veginn fara.
2 - DAGUR - 9. nóvember 1983
•'# i . ítiVU'ftji . >l