Dagur - 09.11.1983, Blaðsíða 3

Lionsklúbburinn
Huginn:
Býður Ijósa
perur og
jóladagatöl
Um næstu helgi, laugardaginn
12. og sunnudaginn 13. nóvem-
ber munu félagar úr Lions-
klúbbnum Huginn knýja dyra
hjá bæjarbúum og bjóöa til kaups
ljósaperur og jóladagatöl. Sala
þessi hefur verið fastur liður í
starfsemi klúbbsins um langt ára-
bil og langstærsta tekjuöflun til
þeirra málefna sem klúbburinn
hefur veitt stuðning.
Á síðasta starfsári veitti klúbb-
urinn stærstri einstakri fjárhæð,
kr. 85.000 til sumardvalarheimil-
is fyrir þroskaheft börn sem er
í byggingu að Botni í Hrafnagils-
hreppi. Einnig voru lagðar fram
kr. 35.000 til Sjálfsbjargar og kr.
10.000 til sumarbúðanna við
Vestmannsvatn auk fáeinna
smærri framlaga.
Bæjarbúar hafa ævinlega tekið
vel á móti sölumönnum og væntir
klúbburinn hins sama stuðnings
og velvilja og undanfarin ár.
Jafnréttishreyfingin:
Opinn
fundur
með kven-
bæjar-
fulltrúum
„Konur eru í meirihluta í
bæjarstjórn Akureyrar, þannig
að okkur fannst tilvalið að efna
til þessa fundar,“ sagði Sig-
ríður Stefánsdóttir í samtali við
Dag, en annað kvöld efnir
Jafnréttishreyfingin á Akur-
eyri til opins fundar á Hótel
KEA.
Á fundinum tala bæjarfulltrú-
arnir og varabæjarfulltrúarnir
Valgerður Bjarnadóttir, Sigfríður
Þorsteinsdóttir, Margrét Krist-
insdóttir, Bergljót Rafnar, Úlf-
hildur Rögnvaldsdóttir, Jórunn
Sæmundsdóttir og Sigríður Stef-
ánsdóttir um reynslu sína af
störfum í bæjarstjórn Akureyrar.
Jafnframt munu þær svara fyrir-
spurnum fundargesta.
Þessi fundur er upphafið á 4.
starfsári Jafnréttishreyfingarinn-
ar á Akureyri, en á sl. ári hélt
hún þrjá sambærilega opna
fundi, sem allir voru mjög vel
sóttir. Fundurinn hefst kl. 20.30.
Framkvæmdastjóri,
ekki formaður
í viðtali Dags-ins við Marinó
Jónsson á dögunum, var sagt að
Marinó væri formaður Meistara-
félags byggingarmanna. Þetta er
ekki rétt. Marinó er fram-
kvæmdastjóri félagsins en for-
maðurinn heitir Ingólfur
Jónsson. Er hér með beðist vel-
virðingar á þessum mistökum.
t
Valdimar Baldvinsson
fæddur 14. september 1921 - dáinn 1. nóvember 1983
Vinur minn og tengdafaðir
Valdemar Baldvinsson er látinn
62 ára að aldri. Valdemar vaf
fæddur í Hrísey 14. september
1921. Hann var sonur hjónanna
Baldvins Bergssonar skósmiðs og
Elínar Ágústu Valdemarsdóttur.
Valdemar átti eina systur Guð-
rúnu sem er búsett í Hrísey. For-
eldrar Valdemars voru bæði
heyrnarlaus og mállaus.
Valdemar ólst upp í föðurhús-
um, en einnig hafði móðursystir
hans Steinunn umsjá með
honum. Valdemar hefur sagt mér
frá uppvaxtarárum sínum og
kemur þar strax fram að hann var
mikill athafna- og hugsjónamað-
ur. Gagnfræðingur var hann að
mennt og er það tímanna tákn að
hann komst ekki til náms fyrr en
um áramót vegna fjárskorts en
hann vann sér fyrir skólagjöldum
meðal annars með daglegri ræst-
ingu hjá útibúi KEA í Hrísey.
Snemma hneigðist hugur til versl-
unarstarfa og hóf hann verslunar-
störf hjá útibúi KEA í Hrísey.
Frá Hrísey lá leiðin til Akur-
eyrar .og vann hann hjá KEA í
Járn- og glervörudeild til að byrja
með, en varð síðan deildarstjóri
Skódeildar KEA 1944-1958.
1958 gerist hann framkvæmda-
stjóri Sana og er þar allt til hann
stofnar Heildverslun Valdemars
Baldvinssonar, árið 1966. Hann
hóf rekstur heildverslunarinnar
að Geislagötu 12 í leiguhúsnæði.
Fljótt eftir að hann byrjar rekstur
hóf hann byggingu heildverslunar
að Tryggvabraut 22 og hóf þar
rekstur 1. apríl 1967. Umsvif
fyrirtækisins uxu og í fyrra hóf
hann leit að lóð fyrir nýtt, hent-
ugt húsnæði yfir starfsemi sína.
Hann tók virkan þátt í atvinnu-
málum bæjarins og féll þungt hve
lítið var gert til að laða að og
skapa ný atvinnutækifæri. Hann
var mikill stuðningsmaður stór-
iðju við Eyjafjörð og taldi það
eitt af frumskilyrðum hagvaxtar
og góðrar afkomu fólksins hér
við fjörðinn.
Valdemar var mikill áhuga-
maður um skógrækt. Hann átti
sumarhús að Hrafnagili í Eyja-
firði þar sem hann gróðursetti og
ræktaði tré af mikilli eljusemi.
Nú í vor bar þar skugga á er hann
fékk bréf frá hreppsnefnd þess
efnis að taka sín tré og fjarlægja.
Þetta féll honum þungt en hóf
þegar leit að landi til að geta
haldið ræktun sinni áfram. Hann
hafði fyrir skömmu gert tilboð í
litla eyðijörð, en því var hafnað.
Eftir að hann var farinn í sumar-
frí til útlanda var síðan gengið að
tilboðinu og voru það honum
mikil gleðitíðindi er hann hringdi
að utan og frétti það.
Ekki verður annað sagt um
hann, en að hann væri fullur
bjartsýni, áræðni og atorku sem
fáir búa yfir og gekk hann ávallt
heill og óskiptur til starfa. Valde-
mar var frumkvöðull að stofnun
nokkurra fyrirtækja og unni þeim
öllum vel. Valdemar var félagi í
Oddfellow-reglunni og rækti
þann félagsskap af kostgæfni og
er mikill missir af honum þaðan.
Mestur mun þó missirinn vera
eftirlifandi eiginkonu hans Krist-
íönu Hólmgeirsdóttur, mikilli
sómakonu og börnum þeirra,
Valgerði Elínu, Þórhildi Stein-
unni, Hólmgeir og Baldvin.
Valdemar átti áður Sigrúnu
Bjarglind sem er eins og hún væri
ein af börnum Kristíönu. Barna-
börnin eru 15 og fráfall afa þeim
mikill missir, þar sem hann var
mikill vinur þeirra og hafði ávallt
tíma til að snúast í kringum þau.
Hér hefur verið stiklað á stóru
en af miklu að taka. Ég bið Guðs
blessunar nánustu ættingjum
hans og vinum.
Þorsteinn Þorsteinsson.
Kúnnlnn
sem kom ínn úr kuldanum
Ný spennandí saga sem þú getur orðið aðalpersónan í
Það aUra nýjasta
í HerradeUd
Vorum aö taka upp
herraskyrtur í miklu úrvali
Nýjar gerðir, nýir flibbar.
Hliómsyeita
bolirnir
nýkomnir
Mokkaflík svíkur engan
Kápur - Stakkar - Húfur - Lúffur.
Ný sniö, aldrei fallegri.
Nýtt frá Gazella
Tvöfaldar slár, mjög fallegar.
Ný sending af vetrarjökkum.
N
Cartt&i*
bamafatnaður
Fallegur - Vandaður - Á hóflegu veröi.
frá Marks & Spencer
Kjólar - Pils - Blússur - Peysur.
Einnig fallegur barnafatnaður.
Við hugsum hlýtt til
þeirra sem sauma sjálfar
Ný sending af sængurveraefnum.
Verö kr. 135 pr. m.
Flauel - Jogginggallaefni - Frottéefni - Flónel
Sængurveraléreft - Barnarúmfataefni.
M.a.: Kiss, UB 40, Iron Maiden, Culture Club o.fl.
Buxur á 550,-
Ódýrar herragallabuxur. Verö aðeins kr. 550.-
Vinsælu Marks & Spencer vörurnar í miklu úrvali.
Herradeild.

HAFNARSTR. 91-95 - AKUREYRI - SlMI (99) 21400
9. rióvémber 1983 - DAGUR - 3