Dagur - 18.01.1984, Page 2
2-DAGUR-18. janúar 1984
Hver er skoðun
þín á útburðarmál-
inu?
Katla Gylfadóttir:
Ég hef ekki fylgst neitt meö
þessu máli og veit ekkert hvaö
er að gerast í því.
Sigríður Guðnadóttir:
I raun og veru finnst mér þaö
hart aö fólk skuli boriö út úr
eigin húseign, en hins vegar
veit ég ekki hvaöa misklíð það
var sem kom upp á milli
fólksins.
Kristín Pálsdóttir:
Mér finnst þetta ekki
mannlegt, þetta tilheyrir ekki
okkar menningu. Að vísu
þekki ég ntálið ekki í smáat-
riðum.
Axel Bragason:
Maður veit ekki hverju maður
á að trúa í þessu máli og ég
þori ekki að leggja dóm á
málið. Samt finnst mér dóm-
urinn heldur harkalegur.
Jóhann Samúelsson:
Það er hálfpartinn rétt og hálf-
partinn vitlaust að dæma fólk-
ið út.
„Ekki bófa-
hasar og
James Bond
stælar“
- heldur fyrirbyggjandi öryggisgæsla, segir
Hörður Karlsson, starfsmaður Securitas á Akureyri
„Ég var nú svo óheppinn að
lenda á bíl númer 07 og bæði
vegna þess og svo hins, að
margir halda að þetta sé eitt-
hvert hasarstarf, hafa gárung-
arnir talað um James Bond-
stæla í kringum þetta. Það er
nú hins vegar öðru nær,“ segir
Hörður Karlsson, starfsmaður
Securitas á Akureyri, og hlær
við, en hann er í viðtali dagsins
að þessu sinni. Hörður er 26
ára, fæddur í Mosfellssveit en
flutti til Akureyrar fyrir 13
árum. Eftir gagnfræðapróf
vann hann hjá Hafnarbúðinni
við útkeyrslu, fór síðan í flug-
virkjanám í Oklahoma, fékk
ekki starf við þá grein, vann í
Landsbankanum í á 3. ár, en
hóf síðan störf fyrir Securitas
með aðsetur á Akureyri um
miðjan maí í fyrra.
„Eg hafði svona heyrt út undan
mér að hér í bæ væri einhver
áhugi á að fá mannaða vakt-
gæsiu, eins og Securitas býður
upp á. Ég fór að kanna málið og
sá fljótlega að ef þetta ætti að
vera af einhverju viti þýddi ekk-
ert að vera með einhverjar til-
raunir. Ég setti mig í samband
við Securitas í Reykjavík og
niðurstaðan varð sú að ég fór af
stað með þetta undir þeirra
merki hér.“
Securitas er komið úr latínu að
sögn Harðar og þýðir öryggi.
Fyrirtæki með þessu nafni starfa
víðs vegar um heiminn, en í
einkaeign á hverjum stað. Sam-
starf er hins vegar töluvert milli
þeirra sem að þessu starfa. Hörð-
ur sagðist vera í fullu starfi við
þetta en hefði auk þess tvo menn
í hlutastarfi. En í hverju er þetta
starf fólgið?
„Þetta er fyrst og fremst mönn-
uð vakt- og öryggisgæsla með
fyrirbyggjandi ráðstafanir í huga.
Við höfum það fram yfir örugg-
iskerfi af ýmsum tegundum, þó
ég sé ekki að gera lítið úr þeim,
því við flytjum slík kerfi m.a.
inn, að við eigum möguleika á
því að koma í veg fyrir skaða.
Öryggiskerfi láta oftast ekki vita
fyrr en töluverður skaði er
orðinn. Nú er verið að koma upp
stjórnstöð fyrir öryggiskerfi í
Reykjavík, sem bæta mjög úr.
Vinnutíminn er svona frá
klukkan átta á kvöldin og fram
undir morgun, 10 tíma vaktir.
Við keyrum á milli þessara fyrir-
tækja sem kaupa okkar þjónustu,
förum inn í þau og könnum að-
stæður með tilliti til eldsvoða,
vatnsskaða og yfirleitt hvers þess
sem valdið getur tjóni. Þjófaeftir-
lit kemur af sjálfu sér, ef svo má
segja, en það er ekki endilega
rauði þráðurinn í þessu og það er
ekki þessi James Bond-stæll og
bófahasar á þessu sem margir
vilja halda. Margir halda að þetta
sé einhver hasar, e.t.v. vegna
þess að við erum einkennis-
klæddir og á merktum bíl og
tækjum, en við keyptum nýlega
vélsleða til að komast á milli í
ófærð. Menn vírðast gera sér
svolítið reyfarakenndar hug-
myndir um þetta og telja að þetta
sé einhvers konar löggæsla einka-
spæjara.
Hins vegar má geta þess að við
störfum í mjög góðu samstarfi
Hörður Karlsson.
við lögregluna og höfum reynt að
aðstoða þá við mál sem koma
upp, því við erum á ferðinni alla
nóttina og verðum mikið varir
við þá sem eru á ferðinni. Það
hefur oft verið leitað til okkar
vegna þessa.“
„Hvernig hefur þessi þjónusta
mælst fyrir?“
„Ég hef ástæðu til að ætla að
þennan tíma sem við erum búnir
að vera hér með þetta hefi þetta
komið vel út og menn séu ánægð-
ir. Nú er svo komið að við vökt-
um 20 staði í bænum og gæslan er
með ýmsum hætti, allt frá því að
líta á staðinn að utan og upp í
það að fara eftirlitsferðir um
hvern krók og kima nokkrum
sinnum á nóttu. Kostnaðurinn
við þessa gæslu er því mjög mis-
munandi og erfitt að nefna neinar
tölur. Þegar við tökum þetta að
okkur förum við á staðinn og
könnum aðstæður og gerum
tilboð. Frá því við byrjuðum á
þessu hefur starfsemin hér verið
að smáaukast."
„Geturðu nefnt okkur dæmi
um að þessi þjónusta hér hafi
komið í veg fyrir tjón?“
„Ég tel mig hafa komið í veg
fyrir stórkostlegt vatnstjón í eitt
skipti og einnig í veg fyrir
innbrot, en ef ég verð var við eitt-
hvað slíkt læt ég lögregluna um-
svifalaust vita. Ég gæti sagt frá
ýmsum dæmum, en þar sem ég á
erfitt með að nefna stað og stund
hefur það ekki neinn sérstakan
tilgang. Þá er ég ekki í vafa um
það, að það eitt að staðirnir sem
við vöktum eru merktir, bægir
þeim frá sem eru í ólöglegum er-
indagerðum. Þess má að lokum
geta, að tryggingafélögin hafa
metið fyrirtækjum það til lækk-
unar á iðgjöldum ef þau eru með
öryggisgæslu frá Securitas," sagði
Hörður að lokum.
Þess má geta að einstaklingar
geta notfært sér þessa fyrirbyggj-
andi öryggisgæslu t.d. ef þeir
þurfa að yfirgefa hús sín um ein-
hvern tíma, s.s. vegna ferðalaga.
hs.
Eru ríkis- og bæjar-
starfsmenn fatlaðir?
Ríkisstarfsmaður hringdi:
I framhaldi af ósk konu hér í
þessum þætti, um að bílastæði
verði merkt sérstaklega fyrir fatl-
aða, þá vil ég benda á að yfirvöld
ættu sem fyrst að merkja bíla-
stæði fyrir fatlaða fyrir framan öll
bæjar- og ríkisfyrirtæki í bænum.
Allir þeir sem þekkja til þess-
ara mála vita að starfsfólkið legg-
ur nær undantekningarlaust fyrir
framan aðaldyr viðkomandi
stofnunar eða fyrirtækis, en
kúnnarnir verða að leggja langt
frá vegna skorts á bílastæðum.
Ókunnugir gætu þess vegna hald-
ið að starfsmenn ríkis og bæjar
væru allir fatlaðir, því þeir vilja
fæstir leggja það á sig að ganga
nokkrum metrunum lengra þann-
ig að viðskiptavinirnir geti notað
stæðin. Fyrir nokkru var einnig
bent á þetta sama atriði varðandi
Leikfélag Akureyrar og forráða-
menn brugðust skjótt við þar og
sögðu sínu fólki að leggja fjær
leikhúsinu. Vonandi gera stjórn-
endur fyrirtækja og stofnana slíkt
hið sama.
Miklu
dýrara hjá
fógeta
Bæjarbúi hringdi:
Mig langar til þess að fá svar við
því hvers vegna það er meira en
helmingi dýrara að fá veðbókar-
vottorð hjá bæj arfógetaembætt-
inu á Akureyri en vottorð um
brunamat hjá Brunabótafélagi
íslands.
Ég þurfti að verða mér úti um
þessi vottorð á dögunum og kost-
aði vottorðið hjá fógeta 70 krón-
ur en hitt ekki nema 30 krónur.
Samt er jafn mikil vinna við að
afgreiða bæði þessi vottorð.
Hvað veldur þessu?