Dagur - 01.02.1984, Blaðsíða 1

Dagur - 01.02.1984, Blaðsíða 1
TRULOFUNAR- HRINGAR AFGREIDDIR SAMDÆGURS GULLSMIÐIR , SIGTRYGGUR & PÉTUR AKUREYRI fcodafc Vwtt 67. árgangur Akureyri, miðvikudagur 1. febrúar 1984 14. tölublað Álagningarprósenta útsvara á Akureyri: 11% - jafnvel lægri „Það hefur engin ákvörð- un verið tekin um álagn- ingarprósentu útsvara, en það verður gert þegar komin verður glögg mynd á fjárhagsáætlun, þannig að við sjáum hvað fjárhagurinn leyfir," sagði Sigurður Jóhannes- son, bæjarfulltrúi Fram- sóknarflokksins á Akur- eyri, í samtali við Dag. Samkvæmt heimildum Dags liggja nú fyrir frumdrög að fjár- hagsáætlun fyrir bæjarsjóð Akur- eyrar vegna nýbyrjaðs árs. Þar er reiknað með 11% útsvarsálagn- ingu, í stað 12,1% álagningar á fyrra ári. Þá var „raunútsvar" hins vegar ekki nema 6,75% vegna óðaverðbólgunnar, en ef reiknað er með 20% verðbólgu á þessu ári verður „raunútsvar" í ár 9,2% miðað við 11% álagningu. Sigurður var spurður hvort vilji væri til þess meðal bæjarfulltrúa Framsóknarflokksins að lækka útsvarsprósentuna enn frekar, ef í ljós kæmi svigrúm til þess við gerð fjárhagsáætlunar. „Já, við höfum fullan áhuga á því, ef það reynist mögulegt, því við vitum að slíkt kemur sér vel fyrir gjaldendur. Við höfum einnig hug á því að lækka að- stöðugjöldin á þeim atvinnu- greinum sem erfiðast eiga upp- dráttar, til að efla atvinnulífið í bænum. En það er ekki útséð um það enn, hvort þetta verður framkvæmanlegt," sagði Sigurð- ur Jóhannesson. „Við munum styðja tillögur til lækkunar á álagningarprósentu útsvara, ekki síst vegna þess að fasteignagjöldin hækkuðu óeðli- lega milli ára samkvæmt vilja vinstri meirihlútans," sagði Sig- urður J. Sigurðarson, bæjarfull- trúi Sjálfstæðisflokksins, í sam- tali við Dag. „Eins og aðstæður eru í þjóðfélaginu núna, þá telj- um við það skyldu sveitarfélaga að lækka álögur á gjaldendur eins og hægt er. Við vitum að það er víða þröngt í búi og flestir verða að gæta aðhalds. Það þarf Akur- eyrarbær líka að gera og ég held að hægt sé að bæta tekjumissinn með hagræðingu og sparnaði í rekstri bæjarfélagsins sem á að vera meira kappsmál en að auka álögurnar á bæjarbúa," sagði Sig- urður J. Sigurðsson. — GS. Brotist inn í Garðshorn Um helgina var framið innbrot í verslunina Garðshorn á mótum Hamarstígs og Byggða- vegar. Þjófarnir fóru þar inn og munu hafa stolið talsverðu magni af tóbaki, aðallega sígarettum. Þá var gerð tilraun til innbrots í útibú KEA við Hlíðargötu. Sást til ferða þjófsins við verslunina og kom að honum styggð og forð- aði hann sér. Þegar við höfðum samband við rannsóknarlögregluna á Akur- eyri fengust þær upplýsingar að unnið væri að rannsókn hlerunar- málsins í Hjallalundi en ekkert var að frétta af þeirri rannsókn. 500. fundur bæjarstjórnar lliisuvíkur var haldinn í gær. Fyrsti fundurinn var haldinn 31. janúar 1950 og eru því 34 ár síðan bæjarstjórn Húsavíkur kom saman til fyrsta fundar. Á fundinum í gær var m.a. samþykkt tillaga um að stofna framkvæmdalánasjóð í bænum og lagði Húsavíkurkaupstaður fram 100.000 krónur sem stofnframlag. - ESE/Mynd gk. Siguröur Olí látinn Sigurður Oli Brynjólfsson, bæjarfulltrúí og kennari á Ak- ureyri, lést á Fjórðungssjúkra- luisiim á Akureyri í gaer á fjmmtugasta og fimmta aldiu s- ári. Sigurður ÓIi Brynjólfsson var fæddur í Ytra-Krossanesi 8. september 1929. Hann hóf ungur kennslu við Gagnfraeða skólann á Akureyri og þar starfaði hann í um þrjá ára- tugi. Samhliða kenndi hann við Iðnskólann og síðustu árin liafa ekki aðrir skólar notið kennslukrafta hans. Sigurður Óli var bæjarfull- trúi fyrir Frainsókiiarllokkinn í nær 22 ár, jafnframt því sem hann starfaði í ýmsum nefhd- um og ráðum bæjarins, m.a. bæjarráði og skólanefnd, þar sem hann var lengi formaður. Auk þess gegndi Sigurður Óli ýmsuin trúnaðarstörfum fyrir Framsóknarflokkinn, var m.a um tíma í nriðstjóm flokksins og stjórn Framsóknarfélags Akureyrar og undanfarin ár hefur liaiin átt sæti í blaðstjórn Dags. Einnig var hann vara- formaður í stjórn Kaupfélags Fyiírðiuga til dauðadags og ýmis önnur trúnaðarstörl lók hann sér á hendur og leysti farsællega. Með Sigurði Óla er genginn stórbrotinn persónuleiki, mik- ill niaiiiivinui og góður drengur. Blessuð sé minning hans. Dagur sendir eftirlif- andi eiginkonu hans, Hólm- fríði Kristjánsdóttur og fjöl- skyldu innilegar samúðar- kveðjur. - GS. Sverrir Hermannsson, iðnaðarráðherra: „Slippstöðin smíði togara fyrir ÚA" Sverrir Hermannsson, iðnað- arráðherra mun leggja það til í ríkisstjórninni á næstunni að Útgerðarfélagi Akureyringa verði heimilað að láta siuíða nýtt skip í stað Sólbaks og að Slippstöðinni á Akureyri verði falið það verkefni. - Ég hef lagt fram tillögu í ríkisstjórninni um að fjármagn verði útvegað til þess.að hægt sé að standa undir viðgerðum á skipastólnum. Ég á von á því að þetta mál skýrist innan tíðar og við verðum við óskum skipa- smíðastöðvanna. Slippstöðin á Akureyri þarf meira fjármagn og ég mun sækja það afar fast að Út- gerðarfélagi Akureyringa verði gert kleift að endurnýja flota sinn og byggja nýtt skip þar í stað Sólbaks, sagði Sverrir Her- mannsson í viðtali við Dag. - Hvernig líst þér á hugmyndir forráðamanna Slippstöðvarinnar sem lagðar hafa verið fram í skipasmíðanefnd um að tveir menn verði ráðnir til að leita verkefna erlendis? - Mér líst mjög vel á allt nýtt sem mönnum dettur i hug. Deyfð og doði er mér ekki að skapi en hingað til höfum við verið allt of seinir og ekki nógu hugmynda- auðugir og því líst mér vel á þessa tillögu, sagði Sverrir Her- mannsson. - ESE.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.