Dagur - 29.02.1984, Blaðsíða 12

LiMUM BORÐA
RENNUM SKÁLAR
Atvinnulausir án bóta
- búnir að „fylla kvótann“ og verða því án bóta í tæpa fjóra mánuði
Nokkuð stór hópur atvinnu-
lausra verkamanna á Akureyri
eru nú án atvinnuleysisbóta og
enn aðrir eru nálægt því að
missa þessar bætur. Þetta staf-
ar af því að viðkomandi hafa
„fyllt þann kvóta“ sem kveðið
er á um í reglum um atvinnu-
leysisbætur og verða því að
þreyja næstu mánuði tekju-
laust, takist þeim ekki að út-
vega sér atvinnu.
Þessar upplýsingar komu fram
í samtölum sem blaðamaöur
Dags átti við þá Björn Snæ-
björnsson hjá Einingu og Hauk
Torfason, forstöðumann Vinnu-
miðlunarskrifstofunnar á Akur-
eyri.
Samkvæmt reglum um at-
vinnuleysisbætur þá eiga þeir sem
eiga rétt á fullum atvinnuleysis-
bótum, rétt á greiðslu bóta í 180
virka daga á næstu 12 mánuðum
eftir að þeir missa vinnuna. Rétt-
ur til bóta fellur að sjálfsögðu
niður um leið og viðkomandi fá
vinnu en um leið og henni lýkur
þá hefst greiðsla atvinnuleysis-
bóta þar sem frá var horfið.
Það sem gerst hefur nú er að
margir hafa tekið út sína 180
daga og verða þeir því án bóta
næstu þrjá til fjóra mánuðina á
eftir eða þar til 12 mánaða mark-
inu er náð. Upplýsingar um
fjölda þeirra sem þannig er ástatt
hjá liggja ekki fyrir en samkvæmt
upplýsingum Björns Snæbjörns-
sonar hjá Einingu hafa nú alls 38
einstaklingar farið yfir 100 daga
markið. Stærstur hluti þeirra sem
þegið hafa atvinnuleysisbætur
frá áramótum er á aldrinum 30
ára og yngri eða 69% karlanna og
50% kvennanna.
- Við höfum miklar áhyggjur
af þessu fólki. Við vitum ekki
hvað verður um það og ástandið
versnar með hverjum deginum
sem líður. Það er ekki gott hljóð
í fólki þegar það kemur til okkar
að ná í bæturnar og vonleysið
virðist vera að ná yfirtökunum,
sagði Björn Snæbjörnsson. Björn
bætti því við að hann væri þeirrar
skoðunar að samstarfið milli at-
vinnurekenda og Vinnumiðlun-
arskrifstofunnar þyrfti að vera
meira en nú er en samkvæmt
þeim upplýsingum sem hann
hefði þá notfærðu atvinnurek-
endur sér þjónustu skrifstofunnar
í alltof litlum mæli.
Haukur Torfason, forstöðu-
maður Vinnumiðlunarskrifstof-
unnar staðfesti í samtali við Dag
að talsverður fjöldi atvinnulausra
hefði lokið við atvinnuleysisbóta-
kvótann en samkvæmt þeim upp-
lýsingum sem hann hefði þá væri
megnið af þessu fólki í elstu
aldurshópunum.' - ESE.
Stjórnar-
skrárnefnd
að störfum
- hjá Samtökum um jafn-
rétti milli landshluta
Um helgina var haldinn aðal-
fundur í nefnd á vegum Sam-
taka um jafnrétti milli lands-
hluta, sem fjallar um stjórnar-
skrá og jafnrétti, en sú nefnd
vinnur að athugun og endur-
skoðun á stjórnarskránni og
með talsvert öðrum hætti en
hin opinbera stjórnarskrár-
nefnd.
Örn Björnsson á Gauksmýri í
Húnaþingi, sem er einn nefnd-
armanna, sagði að mönnum
fyndust störf stjórnarskrárnefnd-
arinnar ákaflega einhæf og ein-
blínt væri á fjölgun þingmanna,
án þess að önnur réttindamál
væru til umræðu.
„Þingmennirnir Þorsteinn
Pálsson og Friðrik Sophusson
voru hér á ferð og við fengum þá
til fundar við okkur. Þeir vöruðu
við þessu starfi okkar og sögðu
að við værum komnir á hálan ís,
með því að blanda öðrum málum
en fjölgun þingmanna inn í þessa
mynd. Það gæti orðið til þess að
kröfur kæmu um það frá Reyk-
víkingum að vægi atkvæða yrði
jafnt, eitt á móti einu. Ef eitt-
hvað var þá þjappaði þetta
mönnum enn frekar sarnan,"
sagði Örn í viðtali við Dag. _ HS
I ■■■■'"
í góðu veðri á vökrum Skjóna. Er hægt að hugsa sér það betra? Mynd: KGA.
DeFirmian
á Akureyri
Bandaríski skákmeistarinn
Nick deFirmian er væntan-
legur til Akureyrar í kvöld í
boði Skákfélags Akureyrar.
Nick deFirmian hefur vakið
mikla athygli á alþjóðaskák-
mótum að undanförnu, fyrir
sókndirfsku og skemmtilega tafl-
mennsku.
DeFirmian teflir fjöltefli annað
kvöld í Gagnfræðaskóla Akur-
eyrar kl. 20 og er öllum heimil
þátttaka en menn eru beðnir um
að taka með sér töfl. Á föstudag
mun deFirmian tefla klukkufjöl-
tefli gegn nokkrum af sterkustu
skákmönnum Akureyrar í skák-
félagsheimilinu við Strandgötu.
- ESE.
Sveit Páls á
íslandsmótið
Um helgina 24.-26. febrúar fór
fram keppni í bridge á vegum
Bridgesambands Norðurlands
eystra. Spilað var um þátttöku-
rétt á íslandsmóti í bridge sem
fram fer í Reykjavík 6.-8. apríl.
Alls spiluðu 11 sveitir en aðeins
efsta sveitin hefur þátttökurétt.
Röð efstu sveita varð þessi:
Sveit stig
1. Páls Pálssonar Ak. 134
2. Jóns Stefánssonar Ak. 131
3. Stefáns Ragnarssonar Ak. 126
4. Jakobs Kristinssonar Ak. 100
5. Arnar Einarssonar Ak. 94
Veður
Það verður áfram norðan-
átt og éljagangur norðan
Qalla, samkvæmt upplýs-
ingum veðurstofunnar í
morgun. Og það verður
kalt áfram, meira að segja
öllu kaldara, því reiknað er
með að frostið geti farið í
20°C þar sem kaldast
verður, en 15-18? frost mun
ekki verða óalgengt. Þetta
veðurlag á að haldast
a.m.k. fram á föstudag, en
um helgina er reiknað með
einhverjum umsnúningum.
# Að meta
höfuðborgina
Allir íslendingar kunna vel að
meta höfuðborg sína og
skilja nauðsyn þess að til sé
sérstök miðstöð íslensks
stjórnvalds, þar sem ríkis-
stjórn og Alþingi hafa aðset-
ur, svo og ýmsar stjórnsýslu-
og menningarstofnanir eftir
þvi sem hagkvæmni og eðli
máls segir til um. Hefur síst
staðið á því að landsmenn
hafi viðurkennt þörf þjóðar-
innar fyrir höfuðborg út frá
þeirri röksemd að nokkurt
miðstjórnarvald sé nauðsyn-
legt til að halda þjóðinni sam-
an sem stjórnarfarslegri ein-
ingu og menningarheild.
Skyldur landsmanna og
ræktarsemi við höfuðborgina
byggjast á þessari forsendu
en engu þar fram yfir.
# Ofvaxið borg-
arsamfélag
Því miður hefur þróunin orð-
ið sú, að Reykjavík hefur vax-
ið langt umfram þá nauðsyn
sem íslandi er á höfuðborg af
eðlllegri stærð, þar sem finna
mætti starfsemi sem er sam-
einandi fyrir alla landsmenn.
í stað þess að vaxa hóflega
hefur Reykjavík þanist út
sem borgarsamfélag á kostn-
að landsbyggðarinnar og
þróast eins og ofvöxtur í
þjóðarlíkamanum - allt of
stór og fyrirferðarmikil í ríkis-
heildinni. Ýmsir óttast að
þetta geti leitt til þess að
sundra þjóðareiningu íslend-
inga.
# Leiftursókn í
áróðri
Eins og sakir standa er
Reykjavík nú stjórnað af
flokkseinræði undir forystu
Davíðs borgarstjóra Odds-
sonar. Ofan á annað hefur
meirihlutinn sýnt sjónarmið-
um landsbyggðarinnar lítinn
skilning, sem m.a. sést á
harðdrægri kröfu borgaryfir-
valda um svokölluð náms-
vfstargjöld, sem þau hyggj-
ast taka af nemendum, sem
sækja skóla í Reykjavík.
Nú um skeið hafa þessi öfl
staðið fyrir leiftursókn um
landsbyggðina. Davíð Odds-
son geysist um landið í póli-
tískri yfirreið undir yfirskini
kynningar á höfuðborginni.
Skyldi maðurinn ætla í for-
setaframboð? Hvaða gjald
skyldi honum takast að inn-
heimta af landsbyggðafólki í
kjölfar þeserar kynningar?
Varla þarf að greiða fyrir að
ganga á malbiklnu hans eða
oinbogagjald á börum vín-
veitingahúsanna hans? Hver
veit?