Dagur - 13.06.1984, Blaðsíða 6

6 - DAGUR -13. júní 1984
Norðlendingar og
landsmenn allir
Nú er hafin áframhaldandi bygg-
ing við heilsuhæli það er Nátt-
úrulækningafélag Akureyrar er
að reisa í Kjarnalandi. Verktaki
í sumar er byggingafyrirtækið
Híbýli hér á Akureyri.
Ákveðið er að ljúka uppsteypu
á 2 hæðum og er þá þak hússins
eftir. Æskilegt er talið að það
yrði möguleiki á því að gera hús-
ið fokhelt fyrir veturinn. Erum
við féiagsmenn því ákaflega
fylgjandi að svo megi verða.
Sjóður félagsins er nú allstór en
skorta mun á að hann komi til
með að duga til þess að Ijúka
þessum verkáfanga, þannig að
húsið geti orðið fokhelt í haust
eða vetur.
Til þess að minnka þetta fjár-
hagsgat hjá félaginu er verið að
fara af stað með merkjasölu um
þessar mundir. Merkin eru þann-
ig úr garði gerð að þeim fylgir
Minning:
T Kristín Magnúsdóttir
F. 15. október 1898 - D. 2. maí 1984
Þann 2. maí sl. andaðist að heimili
sonar síns að Norðurgötu 15 hér í
bæ Kristín Magnúsdóttir. Útför
hennar var gerð frá Akureyrar-
kirkju þ. 10. maí sl. Hvílustað sinn
hafði hún sjálf valið sér við hlið
dóttur sinnar Sigurlínu Hólmfríðar
er hún kvaddi hana aðeins 25 ára
1954 og var hún jarðsett hér í
kirkjugarði Akureyrar.
Kristín fæddist að Gili í Öxnadal
15. okt. 1898. Foreldrar hennar
voru hjónin Magnús Magnússon frá
Gili í Öxnadal og Jóhanna Þor-
steinsdóttir frá Öxnhóli í Hörgár-
dal. Hún var fimmta barn í röð 6
systkina. Systkini hennar voru
Snæbjörn, Þorsteinn, Magnús, Mar-
grét og Jónína. Kristín var síðast
kvödd af þeim systkinahópi. Þriggja
ára var hún er faðir hennar veiktist
af smitandi sjúkdómi og komst ei
aftur til heilsu. Hún var þá sett í
fóstur. Hún ólst upp í Öxnadal og
síðan lá leiðin í Eyjafiörðinn. Alltaf
er hún minntist þess fólks er hún
hafði dvalið hjá til fullorðinsára
skein gleði og þakkarljómi úr svip
hennar. Henni fannst allir hafa ver-
ið sér svo góðir og aldrei minntist
hún á það fólk nema láta orð falla
um góðvild þess til sín.
Fjögur ár dvaldi hún í vinnu að
Hvassafelli í Saurbæjarhreppi hjá
hjónunum Júlíusi og Hólmfríði er
þar bjuggu. Þar var þá einnig ungur
maður til vinnu Stefán Jónsson frá
Laugalandi í Öngulsstaðahreppi.
Kynni þeirra leiddu til mikillar ham-
ingju er þau felldu hugi saman. Þau
giftu sig í Saurbæjarkirkju 22. maí
1926. Þess er ég fullviss að það hafi
verið hamingjuríkasti dagurinn í lífi
hennar. Þau byrjuðu sinn búskap á
litlu býli í Sölvadal að bænum Ker-
hóli. Samhent ungt dugnaðarfólk
horfði björtum augum til framtíðar-
innar og stefndu hærra með árun-
um. Vorið 1930 fluttu þau svo að
Kolgrímastöðum sem var stærri jörð
og mikið átti að starfa. Þar bjuggu
þau næstu fjögur árin og farnaðist
vel.
Það var einmitt á bæjarhlaði að
Kolgrímastöðum sem ég hljóp fyrst
sem barn í fangið á þér hjartkæra
móðursystir mín og úr þínum faðmi
hefi ég í huganum aldrei farið síðan.
Man ég dagana hjá þér eins og þeir
hefðu gerst í vor, heimilið var svo
undur hlýlegt og þið hjónin sam-
rýmd og glaðleg og við bömin vor-
um að leik á túnum sem voru í sínu
vorsins veldi eins og hugir okkar. Ég
fékk að fara til þín með mömmu,
þið höfðum misst Margréti systur
ykkar nokkrum árum áður og
tengdi það ykkur saman meira en
nokkru sinni fyrr enda mjög kært
með ykkur. Mér fannst fjölskyld-
urnar ykkar vera nærri sem ein. All-
an veturinn var ég búin að þrá þessa
ferð, ég átti líka að sjá ykkur öll.
Þar urðum við Fríða strax þær vin-
konur sem við urðum síðan alla
hennar ævi. Hún var jafnaldra mín
og við vorum báðar á sjötta árinu.
Mér er það efst í minni að hafa
kynnst ykkur meðan þið voruð ung
hjón og allir voru frískir og hraustir
hjá ykkur.
Gleði og göfugleiki lék um yndis-
lega heimilið ykkar og barnahópinn,
þetta var vorið 1934. Þá voru börnin
þín fjögur, Jóhanna, Steinmóður,
Sigurlína Hólmfríður og Guðmund-
ur, um haustið eignaðist þú svo
dreng sem var látinn heita föður-
nafni þínu, Magnús. Þetta sama ár
fluttuð þið heimili ykkar enn um set
og fluttuð að Hólum í Saurbæjar-
hreppi. Það var enn stækkað við sig
og nú gátu börnin farið að hjálpa til.
Næsta haust fluttum við móðursyst-
ur þína Kristínu Þorsteinsdóttur til
þín í Hóla en hún hafði verið hjá
mömmu nokkur ár en hjá ykkur
dvaldi hún síðustu árin sín. Kann ég
engar nógu góðar þakkir til ykkar
fyrir hvað þið voruð henni góð.
Það hefir verið haustið 1936 að
við Fríða gátum farið að skrifa hvor
annarri en fréttir bárust af og til
milli heimila bréflega og nú var
skrifað um allt eins og það gekk til
á heimilum okkar. Um mitt sumar
1937 fékk mamma bréf frá þér og
þá hafðir þú eignast sjötta barn þitt,
dreng. Mig minnir að jólakort hafi
fært okkur nafnið hans Bernharðs
litla. Á þessum tíma skrifuðum við
Fríða mikið og eignaðist ég það
sama haust systur og þurfti að skrifa
svo mikið um litlu systkinin okkar.
Bréfin heima voru lesin svo allir
gætu heyrt fréttirnar frá ykkur og
heimilinu ykkar. Það var að koma
bréf frá þér, frænka mín. Mamma
var að lesa bréfið og við systkinin
höfðum safnast saman til að fá frétt-
ir frá þér, engar fréttir las hún upp.
Ég minnist þess aldrei að hafa séð
mömmu jafn sorgmædda og mér
fannst þögnin vera svo löng. Loks
sagði hún að Bernharð litli hefði
verið svo veikur að Guð hefði tekið
hann til sín, sjálf vissum við að hann
var aðeins níu mánaða gamall. Síð-
an sagði hún að Stefán og Steinmóð-
ur væru að fara á Kristneshæli. Þú
frænka mín stóðst fyrir búi og börn-
um ásamt elstu dóttur þinni Jó-
hönnu sem var þér ómetanlegur
styrkur á þessum mikla raunatíma.
Snemma árs 1939 tók Guð til sín
elsta soninn þinn, Steinmóð, og
síðla sama ár einnig manninn þinn.
Þú varst trúföst og trú þín veitti þér
styrk til að geta annast börnin þín
fjögur sem eftir voru og þau voru
þér mikið góð alla þína löngu ævi.
Eftir þetta bjóst .þú með börnum
þínum að Hólum til ársins 1942. Þá
fluttuð þið hingað til Akureyrar og
keyptuð ykkur íbúð að Norðurgötu
28.
Næsta vor 1943 urðum við Fríða
fermingarsystur. Við vorum fermd-
ar í Möðruvallakirkju í Hörgárdal,
það var fagur og bjartur vordagur.
Nokkrum dögum seinna fluttist ég
svo til Akureyrar og síðan hafa leið-
ir okkar aldrei skilið nema stuttan
tíma. Þegar Kristín fluttist til Akur-
eyrar var lítið um vinnu, vinnan var
hreingerningar og þvottar og var
vinnutíminn ómældur dag hvern
því allt var unnið er til féll. Það
þurfti líka að annast heimilið og
börnin. Mikil góðvild og hlýleiki
ríkti á heimilinu þínu og náið sam-
band milli þín og barnanna sem
hélst alla tíð. Eftir að ég kom hér
fyrst í bæinn átti ég alltaf athvarf á
heimili þínu sem ég væri eitt af þín-
um börnum. Þangað fór ég eins oft
og ég gat við komið. Þar var hlýtt
innan dyra og þar leið mér vel. Ef
mér leið illa kom ég til þín og fór
alltaf reynslunni ríkari frá þér aftur
endurnærð. Þitt hlýja yfirvegaða
viðrhót og góðlátlegt bros þitt verm-
ir mig alla tíð frá því ég hljóp lítið
barn í faðminn þinn. Þegar ég eign-
áðist eigið heimili varstu mér mikii
stoð og alltaf gat ég leitað til þín.
Síðustu árin dvaldi Kristín á
heimili sonar síns og tengdadóttur
þrotin að kröftum eftir langa og
fórnfúsa ævi. Þau ár varstu vafin
góðvild barnanna þinna þriggja.
Síðustu sex árin var varla sú vika að
ég sæi þig ekki og alltaf brostir þú
svo hlýtt þegar við hittumst, og
hvert sinn er ég kvaddi þig var
kveðjan svo: „Hvenær sér maður
þig svo næst?“
Öllum þínum færi ég mínar bestu
þakkir fyrir allt það er þau voru þér,
hjartkæra móðursystir mín, við hitt-
umst aftur og þá tekur þú mig í
faðminn eins og áður. Ég vil að síð-
ustu færa þér kveðju frá systkinum
mínum með hjartans bestu þökkum
þeirra. Þeir sem þér unnu geyma
minninguna.
Far þú í friði, friður guðs þig
blessi. Hafðu þökk fyrir allt og allt.
Elsku Jóa, Maggi, Mundi og fjöl-
skyldur, hennar minning sé ykkar
ljós um ókominn æviveg.
Krístín Sigurðardóttir.
Grein um
heilsuhæli
í Kjarna
einn góður vinningur. Það er
flugfar frá Akureyri til Reykja-
víkur og til baka aftur ásamt 3ja
vikna dvöl í Heilsuhælinu í
Hveragerði. Von okkar er að nú
sem fyrr verði okkur vel tekið er
við komum í heimsókn til ykkar.
Salan mun aðallega fara fram í
nágrannabyggðum að þessu
sinni.
Framkvæmdahraðinn fer mjög
eftir því hversu vel aflast. Við
viljum beina þeim tilmælum til
bæjar- og sveitarfélaga svo og
ríkisins að leggja nú sinn skerf
fram. Það mun skila sér marg-
faldlega í aukinni heilbrigði þeg-
ar starfsemi heilsuhælisins hefst.
Fyrirhugað er að vera með
veitingasölu á göngugötunni einn
föstudag í júlí og einn föstudag í
ágúst í sumar. Slíkt er háð veðri
en bjartsýnin er ríkjandi þáttur í
okkar starfi og vonum við að
veðurguðirnir gangi okkur á
hönd svo að allt megi vel takast.
Á haustdögum er áætlun að vera
með mikla hlutaveltu og eru þeir
sem vilja gefa muni á hana hvatt-
ir til þess að hugsa fyrir því sem
fyrst því að hratt flýgur stund.
Að lokum sendum við bestu
þakkir til allra þeirra sem hafa
stutt við bakið á félaginu, fyrr og
síðar. Það hefur verið okkur
ómetanlegur styrkur sem seint
verður fullþakkaður.
F.h. stjórnar N.F.L.A.
Laufey Tryggvadóttir.
Náttúrugripasafnið
á Akureyri:
Nýr
opnunar-
tími
í sumar
- til að koma til
móts við ferðamenn
Ferðamenn sem leggja leið
sína til Akureyrar að sumarlagi
hafa oft kvartað undan því að
söfnin í bænum séu flest opin
á sama tíma, og kemur það sér
illa fyrir þá sem hafa stutta
viðdvöl.
Til að mæta þessari gagnrýni
hefur Náttúrugripasafnið nú
ákveðið að taka upp nýjan opn-
unartíma í sumar. Verður sýn-
ingarsalurinn því opinn frá kl. 11
árdegis til kl. 2 síðdegis, í stað kl.
1-3 sd. áður. Hann lengist því
jafnframt um eina klukkustund.
Aðgangseyrir verður kr. 20 fyrir
fullorðna, en ókeypis fyrir börn
og unglinga innan 16 ára aldurs.
Hins vegar verður safnið lokað á
laugardögum.
Skrifstofur safnsins (á 4. hæð-
inni) verða eftir sem áður að
jafnaði opnar kl. 9-5 og geta
menn snúið sér þangað með fyrir-
spurnir og önnur erindi.
Ferðahópar og skólabekkir
geta sem áður fengið að skoða
safnið á ýmsum tímum eftir
pöntun eða samkomulagi við
starfsmenn þess.