Dagur - 04.07.1984, Blaðsíða 1

Dagur - 04.07.1984, Blaðsíða 1
MIKIÐ URVAL GULLSMIÐIR , SIGTRYGGUR & PÉTUR AKUREYRI 67. árgangur Aknreyri, miðvikudagur 4. júlí 1984 75. tölublað Afgangsvarmi frá álverksmiðju: Nægði til upphitunar 5 þús. manna byggðar Meðal þeirra verkefna sem Iðnþróunarfélag Eyjafjarðar liel'ur haft til athugunar er af- gangsvarmi frá hugsanlegu ál- veri við Eyjafjörð. Áætlað er að afgangsvarmi frá 130 þús- und tonna álverksmiðju yrði 130 gigawattstundir, sem nægðu til upphitunar á 5 þús- und manna byggðarlagi, að því er fram kom í ræðu Helga Bergs, stjórnarformanns Iðn- þróunarfélagsins á aðalfundi þess á mánudag. Helgi Bergs sagði um þetta mál: „Áætlað er að nýtanlegur afgangsvarmi frá 130 þúsund tonna álverksrrtiöju nemi um 130 Gvh. iðnþiounarfélagið óskaði eftir samstarfi við Hitaveitu Ak- ureyrar um að kosta athugun á því hvort hagkvæmt kynni að vera að nýta slíkan afgangsvarma til upphitunar á Akureyri og í nærliggjandi byggðum með heita- vatnslögn frá hugsanlegri álverk- smiðju. Áætlað er að umrædd afgangs- orka mundi nægja til upphitunar á u.þ.b. 5000 manna byggðalagi. Bráðabirgðaniðurstöður benda til þess að kostnaðarverð orkunn- ar við bæjarmörkin yrði um 30 aurar á kílówattstund. Hvort slík orkuvinnsla fyrir Hitaveitu Akur- eyrar er hagkvæm ræðst af því hvaða mögleikar yrðu fyrir hendi í framtíðinni, en margt bendir til þess að nýting afgangsorku frá ál- verksmiðju, ef byggð yrði, með hagkvæmari leiðum sem völ er á til orkuöflunar fyrir Hitaveitu Akureyrar," sagði Helgi Bergs. Hann gat þess einnig að við verksmiðjuvegg yrði kostnaðar- verð orkunnar 15 aurar/kíló- wattstund miðað við þessa bráða- birgðaathugun, en til tals hefur komið að þennan varma mætti nota til fiskeldis. HS Sjöfn framleiðir dömubindi í skýrslu stjórnar Iðnþróunar- félags Eyjafjarðar sem lögð var fram á aðalfundi félagsins fyrr í vikunni kom fram að Sjöfn hel'ur ákveðið að fara út í framleiðslu á dömubindum og bleium. Á fundi stjórnar Iðnþróunar- félags Eyjafjarðar þann 7. maí s.l. var ákveðið að selja Sjöfn niðurstöður athugana félagsins á þessari framleiðslu og mun ákveðið að Sjöfn hefji fram- leiðslu á þessum vörum sem fell- ur vel að núverandi sölustarfsemi fyrirtækisins. Heildarinnflutningur á bleium og dömubindum er nú um 500 tonn á ári og er innflutningsverð- mæti allt að 50 milljónir króna. Þrátt fyrir þetta magn er mark- aðshlutdeild pappírsbleia hér á landi ennþá miklu lægri en á hin- um Norðurlöndunum. Al\ séð frá hóli bóndans - bls. 4 Á mánudaginn voru staddir hér á Akureyri menn frá Slysavarnarfélagi Islands og afhentu þeir nýstofnaðri sjóbjörg- unarsveit féiagsins á Akureyri, gúmmíbát með utanborðsmótor. Einnig kenndu þeir meðferð bátsins. Sjóbjörgun- arsveitin var stofnuð í vor að frumkvæði kvennadeildar SVFI á Akureyri. A myndinni má sjá þá sunnanmenn leiðbeina Akureyringum í meðferð bátsins. Mynd: KGA. „Engu tækifæri má kasta í bráðræðí" - segir í áskorun sem nokkrir kunnir borg- arar hafa sent frá sér Nokkrir kunnir Akureyríngar og Eyfirðingar hafa skrifað undir áskorun, þar sem hvatt er til þess að fólk taki þátt í undirskfiftasöfnun „Áhuga- manna um framfarir við Eyja- fjörð". Áskorunin er svohljóðandi: „Okkur sem Eyjafjörð byggjum má vera ljós sá vandi sem við okkur blasir í atvinnumálum. Nú gætir samdráttar og fólks- flótta í þessu gjöfula byggðarlagi. Við svo búið má ekki standa, engu tækifæri til fjölgunar starfa megum við kasta frá okkur í bráðræði og án gaumgæfilegrar athugunar. Hingað til hafa land- búnaður, sjávarútvegur, iðnaður og þjónusta ýmiss konar myndað burðarás atvinnulífs í þessu hér- aði. Leggja verður höfuðáherslu á að tryggja vöxt þessara atvinnu- vega. Övíst er þó að þeir geti tek- ið við þeirri fólksfjölgun sem æskileg verður að teljast eigi byggðir Eyjafjarðar að mynda nauðsynlegt mótvægi við þéttbýl- ið á Suðvesturlandi. í tilefni þeirrar umræðu sem nú á sér stað um staðsetningu nýs álvers á íslandi teljum við undir- ritaðir ljóst að tilkoma nýrrar stóriðju á Reykjanesi geti hrint af stað verulegum fólksflótta frá landsbyggðinni. I>að mun hafa í för með sér röskun á menningu og efnahag þjóðarinnar. t»ví skorum við á íbúa Eyjafjarðar að sýna samstöðu og skrifa undir eftirfarandi áskorun til stjórn- valda." Síðan kemur texti undirskrift- arlistanna sem nú eru í gangi um að næsta stóriðjufyrirtæki á ísl- andi verði valinn staður við Eyja- fjörð, enda verði talið tryggt að rekstur þess stefni ekki lífríki fjarðarins í hættu. Undir þetta skrifa eftirtaldir: Sævar Frímannsson, varaform. Einingar, Birkir Skarphéðinsson, form. Kaupm.fél. Ak., Gísli Bragi Hjartarson, Híbýli hf., Valgerður Sveinsdóttir, kaupm. og félagi í Kvennaframb., Jórunn G. Sæmundsdóltir, bæjarfulltr., Hákon Hákonarson, form. fél. málmiðn.m., Hjörtur Eiríksson. frkvstj. Iðnaðardeildar, Margrét Kristinsdóttir. bæjarfulltr., Þórður Gunnarsson. Brunab.fél. ísl.. Sigurður Jóhannesson. bæjarfulltr., Steindór Steindórsson. fyrrv. skólameistari M.A., Ingólfur Jónsson. form. Meistarafél. bygg.m. á Norðurl.. Bernharð Haraldsson, skólameistari Verkm.sk., Valur Arnþórsson. kaup- fél.stj., Ingólfur Árnason, raf.stj.. Þóra Hjaltadóttir, forseti Alþ.samb. Norðurl., Hjörtur E. Þórarinsson, bóndi á Tjörn, Birgir Marinósson, form. Landssamb. ísl. samvinnustarfsm., Jón Sigurðarson, bæjar- fulltr., Helgi Bergs, bæjarstjóri, og Gunnar Ragnars, bæjarfulltr.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.