Dagur - 03.09.1984, Blaðsíða 1
67. árgangur Akureyri, mánudagur 3. september 1984 100. tölublað
„Sterkara eftir en áður“
- segir Áskell Einarsson, framkvæmdastjóri um Fjórðungs-
samband Norðlendinga eftir deilurnar á Fjórðungsþingi
„Það urðu þarna hreinskilnar
umræður um Fjórðungssam-
bandið og ég tel að þær hafi verið
til góðs og sambandið verði
sterkara eftir en áður,“ sagði
Áskell Einarsson, framkvæmda-
stjóri Fjórðungssambands Norð-
lendinga, í viðtali við Dag. Á
fjórðungsþingi sem haldið var að
Reykjum í Hrútafirði kom fram
mikil gagnrýni frá sveitarstjórn-
armönnum í Norðurlandi vestra
á störf sambandsins og töldu þeir
að Norðurland vestra nyti
ekki nægilega þess starfs sem
unnið væri. Tillaga kom fram um
að ráða annan iðnráðgjafa til
sambandsins og frá vestan-
mönnum sú viðbótartillaga að
hann yrði með aðsetur á Norður-
landi vestra. Jón Dýrfjörð frá
Siglufirði talaði fyrir hönd vest-
anmanna og sagði að ef þessi við-
bótartillaga yrði ekki samþykkt
færu þeir af þinginu og myndu
endurskoða aðild sína að sam-
bandinu en dró síðan nokkuð í
land. ViöbótartiIIagan var sam-
þykkt með 26 atkvæðum, en
meirihluti sat hjá.
Ekki eru allir á einu máli um
ágæti þessarar niðurstöðu, og
hefur Friðfinnur K. Daníelsson,
iðnráðgjafi, sem aðsetur hefur á
Akureyri, talið að best væri að
ráða markaðsráðgjafa til starfa
með iðnráðgjafanum og myndi
mest koma út úr starfi þeirra ef
þeir ynnu á sama stað, en hefðu
skipulega viðkomu á öllum þétt-
býlisstöðum fjórðungsins og náið
samstarf við atvinnumálanefndir
staðanna. Sumir telja að mál
þetta snúist einnig um það, að
einstaka sveitarstjórnarmenn á
Norðurlandi vestra megi ekki
heyra á það minnst að litið sé á
Akureyri sem höfuðstað Norður-
lands. Hrepparígur hafi því ráðið
nokkru um þessa óánægju.
Fjölmargar ályktanir voru
samþykktar á fjórðungsþinginu
m.a. ein um staðarval stóriðnað-
ar, þar sem segir: „Fjórðungs-
þing Norðlendinga . . . bendir á
að staðarval stóriðju í landinu
mun hafa lokaáhrif á hvort haldið
verður áfram núverandi virkjana-
stefnu, sem gerir ráð fyrir virkjun
Blöndu og síðan Fljótdalsvirkj-
un, eða hvort orku Blönduvirkj-
unar verði veitt suður og lögð
megináhersla á að halda áfram
virkjun á Þjórsár-Tungnársvæði
vegna nýrrar uppbyggingar stór-
iðnaðar á Suðvestur- og Suður-
landi. Slík frávik frá núverandi
virkjunarstefnu munu að áliti
þingsins hafa víðtæk áhrif á
möguleika annarra stærri iðnfyr-
irtækja til að njóta stærri orku-
markaðar auk þess sem slík
stefnubreyting mundi auka bú-
seturöskun í landinti enn frekar.
Fjórðungsþingið ítrekar stuðning
sinn við uppbyggingu orkufrekra
iðnfyrirtækja á Norðurlandi, þar
sem aðstæður leyfa.“ HS.
Ferðamanna-
þjónusta
á framtíð
fyrir sér
- bls. 8
Hátíðarhöldunum í Ólafsfirði lauk á laugardag, og voru þau í alla staði einstaklega vel heppnuð. Tíð-
indamenn Dags voru í Óiafsfirði á föstudaginn og fylgdust með dagskránni. Hér er það ungur Ólafs-
firðingur sem hefur lagt snudduna á hilluna og tekið til við grillaða kjötið í hcihnikilli grillveislu sem
haldin var á föstudag. Sjá nánar bls. 4. Mynd: KGA.
Blöndu-
virkjun
- bls. 9
Umfangsmikil háskóla-
kennsla á Akureyri?
Menntamálaráðuneytið hefur
nú loksins gert opinberar til-
lögur nefndar sem skipuð var
til þess að fjalla um með hvaða
hætti mætti efla Akureyri sem
„miðstöð mennta og vísinda
utan höfuðborgarinnar“.
Nefndin sem skipuð var af
Ingvari Gíslasyni, þáverandi
menntamálaráðherra skilaði
áliti í maímánuði sl. og greindi
Dagur þá frá meginatriðum
nefndarálitsins.
Samkvæmt tillögum nefndar-
innar er lagt til að kennsla á
háskólastigi verði hafin á Akureyri
í eftirtöldunr greinum: Tölvu-
greinunr, viðskiptafræði, ýmsum
greinum sem nýtast senr áfangi til
BA-náms, svo senr tungumálum,
uppeldisfræði og fjölmiðlun,
verkfræði- og raunvísindagrein-
um fyrsta árs og í nokkrum klín-
ískunr greinunr læknisfræði og
verkþjálfun í hjúkrunarfræði og
sjúkraþjálfun.
Þá er einnig lagt til að stofnað
verði til endurmenntunar í ýms-
um greinunr, tónmenntanám á
háskólastigi verði við Tónlistar-
skólann á Akureyri og bent er á
ntöguleika á listnámi í tengslum
við iðnframleiðslu.
Á sviði rannsókna telur nefnd-
in eðlilegt að rannsóknastarf sem
tengist fyrrgreindri kennslu verði
eflt svo og vinna við rannsóknar-
verkefni frá rannsóknastofnun-
um nreð útilni á Akureyri.
Nefndin leggur svo að endingu
til að stofnað verði á Akureyri
útilrú frá Listasafni íslands, gerð-
ur verði samstarfssanrningur á
milli Þjóðleikhússins og Leikfé-
lags Akureyrar. Tónlistarskólan-
unr á Akureyri verði gert kleift
að stofna kammerhljómsveit og
að Amtsbókasafnið á Akureyri
verði eflt sem vísindabókasafn.
Þessi álitsgerð nefndarinnar er
nú til umfjöllunar í menntamála-
ráðuneytinu eins og verið hefur í
allt sunrar en talið er eðlilegt að
tillögur nefndarinnar konri til at-
hugunar í tengslum við skvrslu
um þróun Háskóla íslands senr
væntanleg er á næstunni. - ESE.