Dagur - 11.03.1985, Page 8

8 - DAGUR - 11. mars 1985
KUTMAGAKVOLD
Það var mikið fjörið á kút-
magakvöldi Lionsklúbbsins
Hugsins í Sjallanum á föstu-
dagskvöld. Að gestum kvölds-
ins af karlkyni ólöstuðum naut
nígeríska nektardansmærin
greinilega mestrar hylli karl-
peningsins. Hún tíndi af sér
spjarirnar við mikinn fögnuð
og naut reyndar svolítillar að-
stoðar, eins og myndin hér ber
með sér. Einnig var á kút-
magakvöldi uppboð á lista-
verkum. Ágóða kvöldsins ætla
Lionsmenn að verja til góð-
gerðarmálefna eins og endra-
nær.
Minning:
Ólafur Jónsson
F. 19.5.1908 -D. 2.3.1985
Afi okkar og langafi Ólafur
Jónsson vélstjóri, Munkaþver-
árstræti 21, lést laugardaginn 2.
mars sl.
Samvist okkar við hann var
mislöng, en þær minningar sem
við öll eigum eru ljúfar og fullar
af kærleik. Ófáar stundirnar
voru þær er við sátum í Munkó
og ræddum við afa um tilgang
lífsins og hlutverk okkar hér á
jörðu. Mörg heilræðin gaf hann
okkur sem við höfum notið
góðs af og minning hans mun
verða styrkur í framtíðinni.
Hvíl í friði elsku afi og lang-
afi.
Viljum við láta Ijóð skáldsins
frá Fagraskógi vera okkar
hinstu kveðja til þín.
Mold.
Moldin er þín.
Moldin er góð við börnin sín.
Sólin og hún eru systur tvær,
en sumum er mildin eins hjartakær,
því andinn skynjar hið innra bál,
sem eilífðin kveikti í hennar sál,
og veit, að hún hefur alltaf átt
hinn örláta, skapandi gróðrarmátt
og gleður þá, sem gleðina þrá,
gefur þeim öll sín blóm og strá,
allt - sem hún á.
Hýstu þér bæ,
hlé fyrir vindum, regni og snæ.
Taktu sjálfur tinnu og stál,
og tendraðu gneistann - þitt arinbál.
Tak hest þinn og plóg.
Helga þér jörð.. .hér er landrými nóg.
Moldin geymir hinn mikla auð.
Moldin gefur þér daglegt brauð.
Uppskeran bætir þinn ytra hag.
Umhyggjan mildar þitt hjartalag.
Átakið skapar afl og þrótt.
í erfiði dagsins skal gæfan sótt.
Og svo kemur nótt.
Svartnættið er eins og svalandi veig,
er sál þín drekkur í einum teyg.
Þreytan breytist í þökk og frið,
þögnin í svæfandi lækjarnið,
haustið í vor...
Hafðu þökk fyrir öll þín spor.
Það bezta, sem fellur öðrum í arf,
er endurminning um göfugt starf.
Moldin er þín.
Moldin er trygg við börnin sín,
sefar allan söknuð og harm
og svæfir þig við sinn móðurbarm.
Grasið hvíslar sitt ljúfasta ljóð
á leiðinu þínu. Moldin er hljóð
og hvíldin góð...
(Davíð Stefánsson.)
Barnabörn og barnabarnabörn.
Jarðgöng í
í nýútgefnu fréttabréfí Vega-
gerðarinnar sem nefnist Vega-
mál er grein eftir Hrein Har-
aidsson, þar sem fjallað er um
jarögöngin í Ólafsfjaröarmúla.
I greininni kemur fram að upp-
haflega hafí þrjár lausnir á
vegamálum Ólafsfírðinga ver-
ið athugaðar, vegur um
Drangsskarð, vegþekjur yfír
hættulega staði á núverandi
vegi og jarðgöng. Niðurstaðan
varð sú að með tilliti til kostn-
aðar og öryggis vegfarenda var
mælt með gerð jarðganga
gegnum Múlann.
Vegurinn um Ólafsfjarðarmúla
var opnaður fyrir umferð árið
1965. Hann iiggur á löngum kafla
á sillu í bjarginu, hæst í um 260 m
yfir sjó, og er þar lóðrétt bjarg
niður í fjöru. Meðalársumferð er
160 bílar á sólarhring en sumar-
umferð um 240 bílar. Snjóþyngsli
eru mikil og vegurinn er að öllu
jöfnu lokaður einn mánuð á ári.
í greininni í Vegamál segir eftir-
farandi um jarðgöngin í gegnum
Múlann:
„Jarðfræðirannsóknir hófust í
Ólafsfjarðarmúla sumarið 1981.
Tilgangur slíkra rannsókna er að
skera úr um hvaða kostir eru
tæknilega framkvæmanlegir,
finna heppilegustu legu jarðgang-
anna í hæð og plani og reyna að
sjá hvaða jarðlög verða á ganga-
leiðinni svo að unnt sé að gera
áætlun um styrkingar og hvernig
mæta á hugsanlegum uppákom-
um við gerð ganganna. Þannig
var reynt að kanna uppbyggingu
Ólafsfjarðarmúlans með því að
kortleggja jarðlögin sem þar er
að finna. f grófum dráttum má
segja að hann sé gerður úr 10-15
m þykkum blágrýtislögum sem
liggja hvert ofan á öðru, með
þunnum setlögum og gjalllögum
á milli. Innviðir Múlans sjást best
í giljum, sprungum og hamra-
veggjum, og við kortlagninguna
Olafsfjarðarmúla
varð því að fikra sig upp og niður
snarbratta skorninga utan í fjall-
inu. Ekki tókst þó með þeim að-
ferðum að rekja sömu lögin þvert
í gegnum fjallið, og voru því bor-
aðar 4 hoiur með bor frá Jarðbor-
unum ríkisins sumarið 1982. Úr
holunum, sem voru 60-70 m
djúpar, fengust kjarnar úr berg-
inu, og af þeim var unnt að fá
skýrari mynd af þeim jarðlögum
sem eru inni í fjallinu.
Jarðfræðirannsóknum lauk
með útkomu skýrslu sumarið
1984. Þar er reiknað með 3.200 m
löngum göngum með munna við
Kúhagagil og Tófugjá (Hrauns-
læk). Auk þess er líklegt að for-
skálar við munna þurfi að vera
a.m.k. 50 m við hvort op. Jarð-
fræðilegar aðstæður eru hagstæð-
ar ef miðað er við „meðaltalið“ á
íslandi, en þó eru ýmis atriði sem
geta valdið erfiðleikum. Örugg-
lega þarf að fóðra hluta gang-
anna, og lfklega verður mest
reynt að notast við svonefnda
ásprautun. Slík fóðrun er mikið
notuð í yfirstandandi jarðganga-
framkvæmdum við Blönduvirkj-
un (þunnri steypu með stálnálum
er sprautað á bergið) og hefur
áður verið notuð í virkjana-
göngum og veggöngum og reynst
vel.
Nú er verið að vinna að
hönnun vegar að göngunum.
Auk þess hafa verið teiknuð kort
af Múlanum, nágrenni ganga-
munna og vegarstæðinu. Sumarið
1985 er mögulegt að hreinsað
verði frá munnastæðunum inn í
fast berg, svo að unnt verði að
festa staðsetningu ganganna
endanlega. Jarðgöngin munu
stytta leiðina fyrir Múlann um ca.
1,3 km.
Jarðgöngin í Ólafsfjarðarmúla
verða aðallega unnin frá Ólafs-
firði, þar sem munninn verður
u.þ.b. 70 m fyrir ofan sjó. Þeim
hallar síðan aðeins upp á við í átt
til Eyjafjarðar, þar til ca. 150 m
verða eftir, en þá hallar aftur að-
eins niður á við og munninn þar
er í u.þ.b. 120 m yfir sjó. Líklega
verður sá hluti unninn frá Eyja-
firði. Göngin verða með sama
sniði og fyrri veggöng, þ.e. ein-
breið með útskotum á ca. 200 m
bili. Reiknað er með að þau verði
unnin á hefðbundinn hátt með
borun, sprengingu (3-4 m í einu)
og útmokstri. Ekki er talið að
setja þurfi upp loftræstingu í
göngunum.
Upphaflega var áætlað að
framkvæmdir við sjálf göngin
hæfust 1989. Nú er útlit fyrir að
þau verði fyrr á ferðinni, þar eð
þau fylgja Ó-vega áætluninni,
sem nú er komin á undan áætlun.
Skv. nýlegri framkvæmdaáætlun
munu framkvæmdir hefjast árið
1988, að undangenginni loka-
hönnun og útboði, en þetta er
þó að sjálfsögðu bundið ákvörð-
un Alþingis um fjármögnun.
Reikna má með að það taki
u.þ.b. 2 ár að komast í gegn, en
þó gæti það alveg eins tekist á 1V4
ári. í áætluninni er stefnt að því
að framkvæmdum verði að mestu
lokið í árslok 1990, en e.t.v. eftir
að setja bundið slitlag á gólf og
setja upp hurðir og lýsingu.
Kostnaðaráætlun Vegagerðar-
innar fyrir þessi jarðgöng hljóðar
upp á u.þ.b. 300 milljónir, á
verðlagi í desember 1984. Við
kostnaðaráætlun eru engin áreið-
anleg gögn til, sem unnt er að
byggja á, og verður varla fyrr en
reynslutölur koma frá jarðganga-
gerð hér á landi, þar sem notuð
eru tæki og tækni sem til eru í
dag. Vegagerðarmenn fylgjast
því náið með þeim framkvæmd-
um á þessu sviði sem verða á döf-
inni áður en kemur að Ólafs-
fjarðarmúla, en það eru neðan-
jarðarmannvirkin við Blöndu-
virkjun. Eins og nú horfir virðist
kostnaður pr. metra vera lægri en
í áætlunum V.r., en sennilega
verður munurinn ekki mjög mik-
ill þegar upp verður staðið.“