Dagur - 09.08.1985, Síða 7

9. ágúst 1985 - DAGUR '- 7
- Ragnar „Sót“ Gunnarsson, er
hann á hinum enda línunnar?
- Jú, það er hann.
- Til hamingju með sigur
Skriðjöklanna í hljómsveita-
keppninni í Atlavík.
- Þakka þér fyrir.
- Voruð þið bestir?
- Já, tvímælalaust. Ég er að
vísu frekar drjúgur maður að eðl-
isfari en ég held að það hafi verið
samdóma álit manna á svæðinu.
- Hvað voru margar hljóm-
sveitir í keppninni?
- Ég held að þær hafi verið 17.
Það má nú kannski segja að við
höfum verið vel auglýstir fyrir
keppnina, þetta var í þriðja skipti
sem við tókurn þátt.
- / þriðja sinn segirðu, var það
eitthvert takmark hjá ykkur að
sigra í þessari keppni?
- Nei, þetta var kannski ekki
takmark hjá ökkur, í þetta skiptið
var þetta meira takmark hjá mér.
Þeir trúðu aldrei á þetta drengirn-
ir, en ég var dálítið hræddur um
að þetta myndi takast.
- Hvenær var þessi hljómsveit,
Skriðjöklamir, stofnuð?
- Það var fyrir Atlavíkurhátíð-
ina fyrir þremur árum, þá vorum
við aðallega í þessu til að hafa
gaman af. Fyrir Atlavík í fyrra-
sumar var þetta með sama sniði en
í febrúar í vetur ákváðum við að
reyna fyrir okkur á dansiballa-
markaðnum. Við æfðum upp
prógramm fyrir það og það gekk
svona sæmilega, flest böllin voru í
lagi, við höfum fengið 1-2 léleg
með. Þeir sem hafa mætt á böll
hjá okkur láta bara vel af.
- Er þetta góð hljómsveit?
- Ja, ef við tökum hljóðfæra-
leikarana fyrir þá erum við með
snilling á hljómborðinu, Jóhann
Ingvarsson. Jón Haukur er á bassa
og hann er afbragðs góður, hinir
eru frambærilegir.
- Hverjir eru hinir?
- Það eru Jakob Jónsson á
sólógítar, Kolbeinn Gíslason á
rythmagítar, Eggert Benjamíns-
son á trommur og ég sé um
sönginn. í Atlavík hafði ég svo tvo
aðstoðarmenn við sönginn, það
eru Logi Einarsson og Bjami
Bjarnason. Þeir dönsuðu líka og
gerðu mikla lukku. Við vomm
því 8 á sviðinu, það var nóg pláss
og okkur leið öllum vel.
- Hverniggekk í hin skiptin?
- Það gekk nú ágætlega í fyrsta
skiptið, þá urðum við í 3. sæti. Þá
var önnur tilhögun á keppninni,
atkvæðaseðlum var dreift og síðan
tók dómnefnd til starfa þegar
þrjár hljómsveitir voru komnar í
úrslit. Þá var þetta meira spursmál
um að vera vinsæll, frekar en
góður, til að komast í úrslit. í
fyrra vomm við heldur mikið við
staup og höfnuðum í næstsíðasta
sæti. Það var nokkuð góður árang-
ur, ha?
- Hvernig var dæmt núna?
- Það var dómnefnd sem
skipuð var Jakobi Magnússyni,
Björgvini Halldórssyni og ein-
hverjum píanósnillingi af Aust-
fjörðum. Allt afbragðs tónlistar-
menn. Það vom fjórar hljómsveit-
ir sem komust í úrslit og eina
hljómsveitin sem hræddi mig eitt-
hvað var Sue Ellen, frá Reyðar-
firði, held ég. Það er nokkuð þétt
og góð hljómsveit.
- Þið emð með frumsamið
efni, er ekki svo?
- Jú, við vomm með lag þama
í keppninni sem sló í gegn. Það
heitir Neftóbaks-Aðalsteinn og er
að mínu mati mjög gott lag. Það
er samið af Jóhanni og Jóni Hauki
að mestu, við Logi vorum eitthvað
með þeim, textinn er eftir mig.
Lagið er samið til heiðurs gömlum
nágranna úr Innbænum. Við spil-
uðum tvö lög í keppninni og hitt
lagið heitir: Þrjár vikur á Spáni.
Það er léttur blues í D, með frekar
dónalegum texta eftir Loga Ein-
arsson.
- Þið emð þá líklega hættir að
keppa?
- Ja, ekki nema við fæmm und-
ir fölsku nafni. Þetta þýðir alla
vega ekkert að maður sé hættur að
fara austur.
- Hvað tekur nú við hjá sigur-
hljómsveitinni? Heimsreisa
kannski?
- Ég veit það ekki. Það er alveg
eftir að ræða það, ég vona a.m.k.
að við leggjum ekki upp laupana.
Við eigum stúdíótíma sem við
fengum í verðlaun, auk 70;000 kr.
Á sunnudagskvöldið spiluðum við
fyrir dansi í 1 Vi tíma og náðum
upp alveg geysilegu fjöri, eins og
okkur einum er lagið.
- Hvernig var annars í Atlavík
að öðru leyti?
- Það var mjög gott. En ég er
mjög óánægður með umfjöllun
sunnanblaðanna um hátíðina. Ég
er hér t.d. með NT fyrir framan
mig og inni í blaðinu em myndir
frá hátíðunum fyrir sunnan, en
ekki stafur um Atlavík. Á forsíðu
er síðan slegið upp að 5 nauðgun-
arkæmr, líkamsárásir, fíkniefna-
sala, fullorðnir karlmenn sem
nýttu sér meðvitundarleysi ofur-
ölvi kvenna, skipulagðir þjófnaðir
úr tjöldum hafi verið hluti þess
sem kom inn á borð lögreglunnar
á Egilsstöðum. Þama er það allra
svartasta dregið fram. Það segir
sig sjálft að þar sem 7000 manns
em saman komnir og menn mis-
jafnlega dmkknir og mglaðir, þar
gerist ýmislegt. En mér finnst
óþarfi að slá þessu svona upp.
- Þetta hefur ekkert veríð með
verra móti?
- Ég hef farið í Atlavík á
hverju ári síðan þetta byrjaði og
ég hef séð það svæsnara en nú.
- Svo við snúum okkur aftur að
tónlistinni, hefur þú veríð lengi í
„poppbransanum“?
- Poppbransanum, já. Ég,
Jakob Jónsson og Ásmundur
Magnússon vorum eitt sinn saman
í tríói sem hét Straumarnir. Það
var áður en Skriðjöklarnir komu
til. Það var afskaplega góður mór-
all í Straumunum og við vomm
voða kaldir. Spiluðum m.a. á
SATT tónleikum, ég var á
trommum, þó það sé kannski ekki
beint mitt fag. Það var gaman, en
við vorum frekar lélegir.
- Hefur þú lært eittbvað í
söng?
- Nei, það má segja að mín
fyrstu kynni af söng hafi verið í
kór hjá Birgi í Bamaskólanum.
Var þar ævinlega fremstur í flokki
og þótti að sjálfsögðu bestur.
- Jæja, Ragnar. Ég þakka þér
kærlega fyrír spjallið. Það má
kannski bjóða þér að segja eitt-
hvað að lokum?
- Ég vildi gjarnan koma á
framfæri þökkum til dyggra stuðn-
ingsmanna okkar. Þeir hvöttu
okkur óspart í hljómsveitakeppn-
inni og eiga sannarlega hrós skilið.
- Því verður hér með komið á
framfæri. Vertu blessaður.
- Blessuð og sæl. - HJS
Við vorum
tvímœldaust
longbestir
- Ragnar „Sót“ Gunnarsson,
söngvari Skriðjöklanna á línunni
Verðandi mæður,
takið eftir!
Tækifærisfatnaður í úrvali.
Fallegir kjólar, mjög gott verð, buxur, s\t°ð
mussur og samfestingar.
Nýtt og
spennandi
Fyrsta sendingin af
haustvörunum er komin
Sportlegar blússur
í nýjum litum.
Þýskar blússur
teknar upp í dag.
Vel klædd er konan ánægð.
jl5ku.ve1.5Lun Jytelnunnczt
Hafnarstraeti 98 • Akureyri • Sími (96) 22214 -
Opið á laugardögum kl. 10-12.1
Erfíuttur
Er fíuttur að Geislagötu 1
(beint á móti bæjarskrifstofunum)
Klæðningar * Viðgerðir * Nýsmíði * Plussáklæði
Ullaráklæði * Leðurlíki.
Geri tilboð í stærri verk.
Bólstrun Björns Sveinssonar
Geislagötu 1, sími 25322.
f J Vársnvrtistofai 7
BmÆB VkJBBJBB lll/lvllll er flutt að Skipagötu 12, 2. hæð, (áður Ráðhústorg 5). B
Klippingar ★ Permanent ★ Litanir og lagningar
Verið velkomin.

Súlnaberg-Caféteria
Góður og heimilislegur matur hádegi og kvöld
alla daga.
Heitir réttir úr grilli allan daginn.
Kaffi og gott meðlæti allan daginn.
Opið frá kl. 08.00-22.00.
Verið velkomin.
★ ☆ ★
Hótel KEA
Akureyringar-Bæjargest
Nú verða ekki fleiri dansleikir
á Hótel KEA að sinni. Eftir sem áður er
veitingasalurinn opinn alla daga
þar sem boðið er upp á Ijúffengan
hádegis- og kvöldverð.
Komið og njótið góðra veitinga
í mat og drykk.
Létt tonlist leikin fyrir matargesti öil kvöld.
HOTEL KEA
AKUREYRI