Dagur - 05.02.1986, Blaðsíða 12

Ritstjórn • Auglýsingar • Afgreiðsla Síminn er 24 222

Akureyri, miðvikudagur 5. febrúar 1986
Sæver Ólafsfirði:
Kavíarvinnsla
hefst í maí
„Við erum ákveðnir í að fara í
þennan rekstur. Það eina sem
stendur á þessa stundina er
hvernig Sölustofnun lagmetis
tekur okkur og hvort hún getur
tekið okkar afurðir inn í sitt
sölukerfi,“ sagði Garðar Guð-
mundsson stjórnarformaður
Sævers í Ólafsfirði. Það fyrir-
tæki var stofnaö fyrir skömmu
og ætlaði í rækjuvinnslu. Hef-
ur nú verið tekin ákvörðun um
að vinna kavíar í stað rækjunn-
ar.
Einhver tregða er hjá Sölu-
stofnun lagmetis með inngöngu
Sævers í sölukerfi stofnunarinn-
ar. Garðar sagðist vona að þau
mál leystust fljótlega. Virðist
þessi tregða stafa af því að of
mörg fyrirtæki vinni kavíar. Þau
munu vera K. Jónsson á Akur-
eyri og Artic á Akranesi. Sagði
Garðar að þeir hefðu snúið sér að
kavíarnum þar sem mjög mörg
fyrirtæki væru í rækjuvinnslu.
Aætlað er að vinna 1000-1500
tunnur af grásleppuhrognum í
Sæveri. Verið er að athuga kaup
á vélum til vinnslunnar. „Það
mun verða í lágmarki sem við
kaupum af tækjum til vinnslunn-
ar til að byrja með, eða meðan
við erum að fá hreinar línur varð-
andi markaðsmálin. Þau eru
aðalþröskuldurinn í dag,“ sagði
Garðar.
Aætlaður kostnaður við stofn-
un Sævers er 12 milljónir króna.
Einnig þarf um 17,5 milljónir
króna til hráefniskaupa. Ef allt
fer sem horfir hefst framleiðsla
hjá Sæveri í maí á þessu ári. gej-
Nýr bátur til
Ólafsfjarðar

||;||| |
i i!
í V ",
I
Hin vinsæla klakatíð er nú aiisráðandi, og viða um bæinn má sjá menn í óða önn að hjálpa hlákunni við að koma
snjónum burtu. Mynd: KGA.
Nýr bátur hefur verið keyptur
til Ólafsfjarðar og mun að sögn
Valtýs Sigurbjarnarsonar
bæjarstjóra þar hafa mikii
Hótel Mælifell:
Aðeins opið
um helgar
„Þrátt fyrir þennan samdrátt
og hagræðingu í rekstri á þess-
um árstíma er enginn upp-
gjafartónn í okkur,“ sagði Guð-
mundur Tómasson hótelstjóri
á Hótel Mælifelli á Sauðár-
króki. Guðmundur hefur tekið
þá ákvörðun að draga saman
seglin í rekstrinum fram að 1.
júní.
„Það sem við ætlum að gera er
að draga úr kostnaði við rekstur-
inn. Við þurfum að fækka starfs-
fólki og ætlum síðan að draga úr
matarþjónustu. Því næst að hafa
lokað 4 daga í viku en verðum
með opið yfir helgar. Þetta
ástand mun standa fram að 1.
júní,“ sagði Guðmundur. Tvö
hótel eru nú starfandi á Sauðár-
króki. Eru það Hótel Mælifell og
Hótel Torg. Umferð ferðamanna
og annarra er ekki nægjanleg á
þessum árstíma að mati Guð-
mundar til að starfrækja tvö
hótel. „Það jafngildir því að 12
hótel væru á Akureyri og 100 í
Reykjavík,“ sagði hann. Þrátt
fyrir samdráttinn er ekki mein-
ingin að úthýsa neinum eða
svelta, því Guðmundir segir að
hann sé reiðubúinn hvenær sem
er að aðstoða þá sem þess þurfa
með á þeim tíma sem lokunin
stendur yfir. Guðmundur og fjöl-
skylda hans ætla að vinna við
hótelið þennan tíma fram að 1.
júní. gej-
áhrif til hins betra á atvinnulíf-
ið í bænum.
Báturinn er 78 tonna trébátur
sem keyptur er frá Drangsnesi og
er það Jón Sæmundsson sem
kaupir bátinn til Ólafsfjarðar.
Valtýr Sigurbjarnarson sagði
að næg atvinna væri á Ólafsfirði
um þessar mundir við fiskverkun.
Þó svo sé megi búast við atvinnu-
leysi síðar á árinu eins og verið
hefur nema fleiri bátar verði
keyptir. „Ef frystihúsin gætu
bæði keypt bát til viðbótar myndi
ástandið batna mjög og þetta
verða allt miklu viðráðanlegra,"
sagði Valtýr. gk-.
Útifundur í Geislagötu.
Mynd: KGA.
Raðsmíðaskipin:
Frestur til
21. febrúar
- að skila tilboðum
Frestur til að skila tilboðum í
raðsmíðaskipin fjögur sem eru
í smíðum hjá þremur skipa-
smíðastöðvum hér á landi hef-
ur verið ákveðinn til 21. febrú-
ar.
Sem kunnugt er smíðar Slipp-
stöðin á Akureyri tvö þessara
skipa, og hefur orðið vart við
áhuga manna á að kaupa skipin.
Væntanlegir kaupendur verða að
leggja fram 15% kaupverðsins en
fá hitt lánað.
53 gemlingar
og ær dmkknuðu
Það óhapp varð á bænum
Þingeyrum í Sveinsstaðahreppi
Austur-Húnavatnssýslu að-
faranótt föstudags að vatn
flæddi inn í fjárhús í miklum
rigningum og varð 53 gemling-
um og ám að fjörtjóni.
Að sögn Flosa Gunnarssonar
annars ábúandans á Þingeyrum
höfðu þeir farið í húsin um mið-
nætti og þá var allt með felldu en
er þeir komu þangað aftur um kl.
04 var komið mikið vatn í húsið.
Náði það upp á garðann og hafði
flætt undir grindurnar og lyft
þeim upp með þeim afleiðingum
að sumt af fénu féll niður undir
grindurnar og annað festist.
Fjárhúsin á Þingeyrum standa
mjög lágt og safnast mikill snjór
að þeim þannig að þegar gerði
asahláku varð engum vörnum við
komið. Aðspurður um hvort
tryggingar bættu þeim tjónið
sagði Flosi að það væri í athugun
og því ekkert hægt um það að
segja að svo stöddu. G.Kr.