Dagur - 13.02.1986, Blaðsíða 7

Hvern hefur ekki einhvern tímann fangað til þess að prófa að vera í heimavistarskóla,
- laus frá öllu suðinu í foreldrunum og að geta gert hvað sem er - eða svona næstum
því. Ég held að þeir séu ófáir. Þarna er hægt að gera svo ótal margt af sér t.d. fara í
vatnsslagi, stelast á milli vistanna, rugla öllum skónum og svo framvegis. Að ekki sé
nú minnst á öll ástarsamböndin sem blómgast innan veggja heimavistarinnar. Svo er
það náttúrlega lærdómurinn. Ja-á hvað er nú það?
Þetta held ég að sé sú hugmynd sem flestir gera sér af heimavistarskóla og kannski
er eitthvað til í henni, eða hvað?
Til þess að fræðast aðeins um málið ákváðum við að skreppa barasta og kíkja á líf-
ið í svo sem einum heimavistarskóla. Fyrir valinu varð Hrafnagilsskóli, hann er stað-
settur inni í Eyjafirði, í um það bil 12 km fjarlægð frá Akureyri. Þessi skóli þjónar öll-
um hreppunum í innanverðum firðinum og að auki Svalbarðsstrandarhreppi.
Við brenndum í skólann eitt fimmtudagskvöld fyrir skömmu og þar tókst okkur að
króa af nokkra heimavistarbúa, þrátt fyrir mikla dansfíkn þeirra. Við spurðum þá ann
spjörunum úr um heimavistarlífið og fl. Einnig tókst okkur að ná viðtali við skólastjór-
ann og einn kennara.
- Finnst þér ekki erfitt að
kenna krökkum á þessum aldri?
„Það læt ég nú alveg vera, mér
finnst það ekkert mjög slæmt.
Auðvitað eru alltaf nemendur
innan um sem hafa ekki áhuga á
að læra, en það er ekkert verra
hér en annars staðar.“
- Finnur þú kannski mun á
milli árganga?
„Já, það er þó nokkur munur á
árgöngum. Það er kannski góður
árgangur eitt árið í 7. bekk og
hann verður góöur upp úr eða
öfugt. Svo eru alltaf einstaklingar
sem eru á móti öllu og geta eitrað
út frá sér.“
- Finnst þér skólakerfið hafa
breyst mikið síðan þú varst í
skóla?
„Já, krakkarnir eru yngri núna í
sama námsefninu, og þá var
líka landspróf og gagnfræðapróf.
Þeir sem ætluðu ekki í mennta-
skóla fóru í 4 bekki og tóku
gagnfræðapróf en þeir sem
hugðu á framhaldsnám fóru bara
í 3. bekk og tóku landspróf."
- Telur þú að nægar kröfur
séu gerðar til krakkanna núna
upp á framhaldsnám?
„Ég veit það ekki, kannski ekki
alveg. Grunnskólinn á nú ekki að
miða eingöngu við framhalds-
skólana. Þarna er dálítil tog-
streita á milli. Framhaldsskólinn
telur að grunnskólinn eigi að sjá
fyrir góðum nemendum upp til
þeirra, en grunnskólinn telur að
framhaldsskólinn eigi að aðlaga
sig að honum. Þó verður ekki
komist hjá að stíla upp á fram-
haldsskólana.
Ég persónulega er dálítið hrif-
inn af þeirri hugmynd að hafa
lokaáfanga á milli grunnskóla og
framhaldsskóla, - svona eins og
gagnfræðaprófið var. Það yrði
þá gert fyrir þá sem ætluðu ekki í
framhaldsnám."
- Er mikið um það að vand-
ræðaunglingar frá Akureyri séu
sendir hingað í skóla?
„Já, það er alltaf þó nokkuð
sótt um fyrir unglinga frá Akureyri
eða annars staðar frá, sem ein-
hver vandræði eru með.
Við höfum tekið inn unglinga á
vegum fræðsluskrifstofunnar,
sem eiga erfitt, og þetta er þá lið-
ur í að reyna að bæta um fyrir
þeim. En við getum ekki leyst öll
þeirra vandamál, - að vísu höf-
um við betri aðstöðu til þess því
að hér er heimavist. Samt koma
upp hegðunarvandamál og eins í
sambandi við námið, þannig að
yfirleitt verða þessir unglingar til
að spilla fyrir.“
- Hvers vegna eruð þiö þá að
taka að ykkur þessa unglinga?
„Ja, ef allir segja nei við þess-
um krökkum, hvað þá? Einhver
verður að taka að sér verkið."
Sigurður Aðalgeirsson
skólastjóri
Hrafnagilsskóla
- Hvenær var þessi skóli stofn-
aður?
„Hann tók til starfa haustið
1971, en þá var aðeins búið að
byggja hluta af honum. Fyrsta
veturinn voru nemendur 64 en
kennarar 4.“
- Hvernig er þetta í dag?
„í dag erum við sex sem erum
fastráðin, en nemendur eru nú í
vetur ekki nema 75 talsins, nem-
endum hefur fækkað en þeim fer
fjölgandi aftur, strax á næsta
vetri.“
- Nú er lestími hér við
skólann, hvernig er honum
háttað?
„Lestímanum er þannig háttað
að hann hefst kl. 17.00 og er til
kl. 19.00 fjóra daga vikunnar. Þá
eru kennarar á vakt á vistinni og
nemendur lesa á sínum heima-
vistarherbergjum."
- Hve margir nemendur eru á
heimavist?
„Það eru nær allir nemendur
skólans á heimavist í vetur,
vegna þess að þeir eru svo fáir
að vistin rúmar þá. Nokkrir nem-
endur eiga heima hér í skólanum
eða stutt frá honum og ganga í
skólann, þannig að það eru ekki
nema 68 á vistinni sem rúmar 80
manns.“
- Hvað er skóladagurinn hjá
krökkunum yfirleitt langur?
„Við byrjum venjulega að
kenna klukkan 8.15 og kennum
til kl. 16.00 nema á mánudögum
þá byrjum við kl. 10.00 sem ors-
akast af því að við nýtum sömu
skólabíla og barnaskólarnir á
svæðinu og nemendur eru ekki
sóttir fyrr en búið er að keyra í
barnaskólana. Síðan áföstudög-
um er skólahaldi lokið kl. 14.30.“
- Hvað kostar að vera á
heimavist?
„Krakkarnir borga náttúrlega
ekki nema hráefniskostnaðinn
fyrir matinn, sem er fjórar máltíðir
á dag og smá hressing fyrir
svefn. Áætlunin núna er 25.000
kr. yfir veturinn pr. nemanda."
- Er ekki erfitt að fá kennara til
starfa í dreifbýlisskóla þegar
launin eru svona léleg?
„Það er kannski ekki af því að
þetta er dreifbýlisskóli. Einmitt
þeir skólar eru settir upp eins og
þessi skóli, þar sem kennurum
eru skaffaðar íbúðir á svona
þokkalegum kjörum, þar hefur
gengið betur að fá kennara til
starfa.“
- Er það ekki voðalega van-
þakklátt starf að vera í skóla-
stjóra- og kennarastöðu í dag?
„Jú, ég held það. En maður
væri ekki í þessu nema maður
hefði gaman af því, maður hlust-
ar ekkert á annað."
- Að lokum, liggja fyrir ein-.
hverjar breytingar á skólanum?
„Það er nú ekki fyrirsjáanlegt.
Maður veit náttúrlega ekki hve
lengi þetta heimavistarform ríkir
en það virðist frekar vera stefnan
að auka daglegan akstur sem er
álitinn ódýrari.
í sambandi við byggingar von-
umst við til að geta haldið áfram
með byggingu íþróttahúss við
skólann núna á sumri komanda."
Einn ein Helga
Helga Ingibjörg Kristjáns-
dóttir hefur tekið til starfa við
þáttinn, hún mun skrifa text-
ann ásamt nöfnu sinni.
13. febrúar 1986 - DAGUR - 7
rspurning vikunnac________________
Hefur þú biótað þorra?
Dagný Guðlaugsdóttir:
Nei, ekki núna og geri ekki ráð
fyrir að af því verði. En þetta er
góður siður og sjálfsagt að við-
halda honum. Áður hef ég bæði
sótt þorrablót og haft þorramat
heima og þá boðið kunningjun-
um.
Skemmtilegustu þorrablót
sem ég get hugsað mér eru í
Mývatnssveit. Hvergi hef ég
smakkað annað eins lostæti í
súrmat og þar, einnig hafa þeir
kæst egg og fleira sem maður
fær ekki annars staðar.
Skemmtiatriði eru heimatilbúin
mikil og góð. Mývetningareru í
sérflokki með að skemmta sér
og sínum.
Vera Kjartansdóttir:
Já, já, í Bárðardal, voðalega,
ógurlega mikið fjör. Þar voru
góð skemmtiatriði, góður
matur, skemmtilegt fólk og gott
ball. Það er mjög góður siður að
halda þorrablót. Yfirleitt förum
við á hverju ári, en ekki oftar en
einu sinni á ári nú orðið. Fyrir
nokkuð mörgum árum vorum
við einnig alltaf boðin í Kinnina
til skyldfólks sem þá bjó þar.
Jóhannes G. Einarsson:
Já, ætli ég hafi ekki gert það ca.
tvisvar sinnum núna. Bæði á
Tjörnesi og Húsavík, það var
gaman á báðum blótunum en
alltaf er sérstaklega gaman á
Tjörnesi.
Þar var góð stemmning, fólk
greinilega samankomið til að
skemmta sér og gerði það
svikalaust. Skemmtiatriðin voru
heimatilbúin og tókust mjög vel.
Þorrablót eru einn af þessum
þjóðlegu siðum sem mér finnst
sjálfsagt að viðhalda.
Þorgerður Kjartansdóttir:
Já, já í Bárðardal, það var mjög
gaman, skemmtileg
stemmning, góð skemmtiatriði,
góður matur, fjörugt ball, allt
hjálpaðist að til að gera kvöldið
ánægjulegt.
Það er mjög góður siður að
halda þorrablót, viss þáttur í
skemmtanalífinu. Við hjónin
höfum alltaf verið boðin á þorra-
blót í Bárðardal síðan við flutt-
um þaðan fyrir um tuttugu
árum.
Þorgrímur Sigurðsson, (býr á
Skógum í Reykjahverfi).
Já, ég er búinn að því, bæði
með börnunum í Hafralækjar-
skóla og einnig á sameiginlegu
þorrablóti Aðaldælinga og
Reykhverfunga að Ýdölum.
Þetta voru góð blót. Hjá
krökkunum er gaman að sjá
hvað þau geta gert til skemmt-
unar. Þau sjá alveg um undir-
búningin sjálf. Það var líka
skemmtilegt á hinu þorrablót-
inu. Þar var mikið borðað og
drukkið, maður verður að
stunda drykkjuskap þar fyrir
bæði þessi blót. Mér finnst mjög
góður siður að halda þorrablót.