Dagur - 21.03.1986, Blaðsíða 12

12 - DAGUR - 21. mars 1986
„Hugmyndin á bak við starfs-
vikuna er að brjóta upp hið
hefðbundna kennsluform og
gefa nemendum færi á að fást
við allra handa viðfangsefni,“
sagði Vilberg Alexandersson
skólastjóri í Glerárskóla, en
starfsvika hefur staðið yfir í
skólanum þessa vikuna. Við
lögðum leið okkar út í Glerár-
skóla og þar var líf og fjör „upp
um alla veggi“ eins og einhver
komst einhvern tíma að orði.
Það var strax í haust sem far-
ið var að ræða hvort halda ætti
starfsviku eður ei, enda veitir
ekki af tímanum því að sögn
Vilbergs hefur ómæld vinna
farið í undirbúning.
„Það er alveg óskapleg vinna
sem liggur að baki viku sem
þessari. Og ég er eiginlega yfir
mig hissa á að kennarar skuli
fást til að vinna svona mikið án
endurgjalds. Þetta sannar að
hugsjónin er ekki alveg dauð
með stéttinni."
Rauði þráðurinn í starfsviku
Glerárskóla er þjóðtrú íslend-
inga og hafa nemendur glímt
við eitt og annað sem henni
tengist. „Það hafa verið álfar,
tröll og ýmiss konar forynjur
hér á kreiki alla vikuna,“ sagði
Vilberg.
Áhuginn leyndi sér ekki hjá
nemendum sem voru á ferð og
flugi um allan skólann, enda
var margt á döfinni. Nemendur
skiptu sér í hópa, eða smiðjur
eins og þeir kölluðu það. í
gangi voru leiksmiðja, tón-
smiðja, myndasmiðja, og ein
smiðjan var kölluð eldsmiðja,
en þeir sem starfa í henni
stunda matreiðslustörf ýmiss
konar. Baka stafla af pönnu-
kökum, smyrja brauð og sjá
yfirleitt um að enginn verði
svangur í Glerárskólanum
þessa vikuna. Nokkrir nemend-
ur sjá um birgðavörslu,
afgreiða öll verkfæri og efni
sem nota þarf. Vilji nemendur
fá sér pínulitla hvíld frá
störfum, er tómstundaherbergi
til staðar, en þar geta krakk-
arnir spilað og leikið sér að
vild. Við köllum tómstunda-
herbergið „Sauðakrók“, en við
skulum ekkert segja frá því,“
sagði Vilberg.
Við skulum ekkert gera það!
Og til að sjá um að allir séu í
stuði, þá var útvarpsstöð í
gangi, en nokkrir nemendur úr
eldri deildum skólans hafa
umsjón með henni. Lesnar
voru upp æðislegar stuðkveðjur
til Siggu og Gunna og allra
hinna hressu krakkanna í stofu
23, auk þess sem tónlistin
ómaði um ganga. Þótti sumum
hinna eldri jafnvel nóg um.
í gær hófst árleg leiksýning
nemenda í íþróttahúsinu og í
dag verða einnig tvær sýningar,
klukkan 17.00 og 20.30. Á sýn-
ingunni verður meðal annars
sýndur þáttur úr Gullna hliðinu
eftir Davíð Stefánsson, en Þór-
ey Aðalsteinsdóttir leikari er
leikstjóri. Auk þess verður
ýmislegt annað skemmtilegt að
sjá og heyra, þjóðdansar,
leikrit og söngur. Að lokinni
sýningu í kvöld verður almenn-
ur dansleikur og ef að líkum
lætur heilmikið fjör.
í dag klukkan 15.00 verður
skólinn opinn og ætla nemend-
ur þá að sýna það sem þeir hafa
verið að gera. „Það verður
örugglega opið hérna fram á
kvöld, við lokum ekki á meðan
einhver vill koma og sjá,“ sagði
Vilberg. -mþþ
Þessar stelpur í 23. stofu gerðu söngtexta um Gilitrutt og sungu af
hjartans list.
viku. Þar var svokölluð starfsvika og hafa nemendur unnið að því að skreyta
skólann. í kvöld verður árleg leiksýning i skólanum og dansleikur á eftir.
Þær eru ófáar pönnukökurnar sem bakaðar hafa verið í Glerárskólanum í vikunni. Þessi glaðbeitti hópur var að baka kókoskökur er Ijósmyndari
Dags KGA mætti á svæðið í gær.
Smrjsviktt
Qjerárs^