Dagur - 08.05.1986, Blaðsíða 5
8. maí 1986 - DAGUR - 5
hjátrú - eða hvað2
Haraldur Ingi1
Haraldsson
skrifar
Örn
Nú skal greint frá erninum. í þjóð-
sögum Jóns Árnasonar er góður texti
um hann og skal nú gengið í þá
smiðju. „Örninn er kallaður „fugla-
kóngur“, líklega af því assa er fugla
stærst. Það er alkunnugt um örnina
að hún situr tíðum á árbökkum þar
sem lax gengur í. Gengur henni það
til þess að hún hremmir laxinn ef
hann syndir svo nærri bakkanum að hún nái til hans með annarri
klónni, en haldi sér með hinni í bakkann. Ef laxinn er ekki stærri
en svo að hún geti dregið hann upp á bakkann étur hún hann all-
an að framan aftur að gotrauf, en ekki lengra. Sé laxinn stærri en
fjórðungslax hefur assa ekki bolmagn á að draga hann að sér, því
síður að ná honum upp á bakkann. Er það því sagt að oft hafi
menn fundið örn fastan í bakka á annarri klónni, en með hina í
stórum laxi. Ef örnin er lífs þegar að er komið þykir það eitthvert
vissasta lánsmerki að taka hana úr þeirri beyglu þar sem hún hang-
ir milli lífs og dauða því hún getur ekki losað af sjálfsdáðum
klóna úr laxinum aftur, en líf hennar er í veði ef hún losar hina
klóna úr bakkanum því þá færir laxinn hana í kaf.
Eins og öll kvikindi eiga einhvern óvin eins á assa hann þar
sem músarindillinn er og er hún allhrædd við hann þó hann sé
lægri á leggjrnum. Sú er sök til þess að mælt er að jregar örnin
flýgur sé hún allþung á sér og verði því að neyta allrar orku til að
geta flogið svo hátt sem henni líkar; af því er það og sagt að þeg-
ar hún er á flugi rembist hún svo mikið að opinn standi á meðan
þarfagangur hennar og þetta viti rindillinn og sæki hann þá mjög
aftan að og neðan undir stél össu og leitist við að fljúga inn í
hana að aftan til að særa hana þar. Þessari sögu til sanninda er
það talið að arnir hafi fundist dauðar með músarrindil dauðan í
þarfaganginum.
Svæðisstjórn málefna fatlaðra
Norðurlandi eystra
Vistheimilið Solborg
50% staða á deild laus strax.
75% staða á skrifstofu frá 1. júní.
Vélritunar- og bókhaldskunnátta nauðsynleg.
Upplýsingar í síma 21755 virka daga frá kl. 10-
16.
Forstöðumaður.
Tónleikar
í Alþýðuhúsinu mánudaginn 12. maíkl. 21.
Miðasala við innganginn.
Jassklúbbur Akureyrar.
Dreki úr arnareggi
Frá kóngstign össu kunna menn fátt
að segja, en aftur nokkuð fleira af
ungum hennar og eggjurn. Ein sögn
er það að ef látið er gull í arnarhreið-
ur er hún hefur nýorpið komi úr
öðru egginu lausnarsteinn, en úr hinu
flugdreki, og er þessi saga sögð þar
um til sannindamerkis:
Maður hét Jón; hann bjó í Lamb-
haga í Borgarfirði. Hann var ágætur skotmaður; það er sagt að
hann hafi gert það til leiknis til að reyna hvort það væri satt að
dreki kæmi úr arnareggi að hann lagði gull undir arnarhreiður,
annað hvort í Leirárey eða Bakkahólma. Fleiri voru í vitorði um
þetta og vöruðu þeir hann við að gjöra það því illt gæti af því
hlotist. Jón sagðist mundi ábyrgjast allt það tjón sem af því leiddi
og ráða óvættina af dögum ef til þess kæmi. Jón vitjaði síðan um
hreiðrið við og við, en einu sinni þegar hann kom sá hann dálít-
inn dreka nýskriðinn úr öðru egginu. Eftir það leið mánaðartími
að ekki varð vart við neina hreyfingu á honum. Enn dag þar á eft-
ir sáu menn að dreki þessi flaug úr hreiðrinu og upp í Bakkanes
og sat þar stundarkorn; síðan flaug hann upp þaðan, en hremmdi
um leið veturgamalt tryppi í nesinu og flaug með það í klónum
suður yfir Leirárvoga, suður í Arkarlækjarnes. Við þessi undur
urðu menn hræddir og skoruðu nú á Jón að efna nú orð sín og
fyrirkoma drekanum. Jóni tókst það og loksins eftir langa mæðu,
en það sagði hann síðan að ekkert skot hefði unnið á drekann
fyrr en hann hefði skotið á hann með silfurhnöppum sem hann
skar af peysunni sinni.
Fleira af össu
Ef maður vill glepja sjónir fyrir öðr-
um skal taka arnarfjöður úr vinstri
væng og leggja undir dýnuna sem
hinn situr á. Það er og enn sögn að
þau börn sem drekki meðan þau eru
ung mjólk með fjöðurstaf af arnar-
fjöður verði ákaflega minnisgóð. Þar
sem arnarkló er höfð í smiðjusveif-
inni og haldiö um þegar blásið er,
þar á aldrei smiðja að brenna. Það er ráð við því að ekki sé stolið
frá manni þeim hlut sem maður vill ekki missa að maður liðar
sundur gullspora arnarinnar um miðjan hælinn á henni lifandi og
lætur blóðið sem þar af rennur drjúpa í leirker eða glerker. Þar
í skal rjóða lausnarstein þann sem heldur allri náttúru sinni, láta
hann síðan blóðugan í glerflösku og nýtt messuvín þar saman
við. Þetta skal standa óhreyft í sjö vikur, en að þeim liðnum má
taka upp flöskuna á hinni sömu stund dags sem hún var byrgð á.
Skal þá taka fjöðurstaf, dýfa honum í það sem í flöskunni er og
bregða honum á eða undir þann dauðan hlut sem kyrr skal liggja.
Föstudagur og
laugardagur
Skemmtiþáttur Eddu
Björgvins og Júlíusar
Brjáns kl. 21.30.
Fastir liðir eins og venjulega.
Hvað er að frétta af kynlífsmálum
Indriða Skordal?
Hvernig gengur Inda að eiga við „lilla nabba"?
Hefur Þórgunnur sagt skilið við Inda sinn?
Tókst Inda að losna við permóið úr
hausnum?
Er Indriði hamingjusamur maður í dag?
Öllum þessum spurningum ásamt mörgum
öðrum er svarað hjá kynlífskönnuðinum
Fríðu Schiöth í Sjallanum
föstudag og laugardag.
Miðaverð aðeins kr. 300.
Matur framreiddur frá kl. 19.30 baeði kvöldin.
Helgartilboð:
Súpa og kjötréttur aðeins kr. 800.
Dansleikur til kl. 03.
Þar leikur fjörugasta
danshljómsveit landsins,
Ijómsveit Grétar Örvarssonar.
Sfatöúttt
Þetta er aðeins
brotaf
skóúrvali
okkar
Sigurvinsson Star st. 5-12
Rumenigge Star st. 5-11
Copa Mundial st. 51A-101A
Keegan Tactics st. 39-44
Professional st. 35-45
Margar fleiri
gerðir
Sporthú^id
HAFNARSTRÆTI 94
SIMI 24350