Dagur - 08.05.1986, Blaðsíða 8

8 - DAGUR - 8. maí 1986
Helga Alice Jóhanns.
?ALLT spyr?
ALLT SPYR að þessu sinni Helgu Alice Jóhanns út í
djassmálin hér í bæ. - En eins og flestir vita flutti Helga
í nýtt og glæsilegt húsnæði að Tryggvabraut með dans-
stúdíó sitt síðastliðið sumar.
- Er grundvöllur fyrir svona stúdiói hér á Akureyri?
„Já, enn sem komið er, að vísu er þetta mjög erfitt
svona á meðan maður er að borga allt upp.“
- Eru nokkrir samkeppnisaðilar hér á svæðinu?
„Ja, Dansskóli Sigvalda er líka starfandi - ég finn
enga samkeppni á milli okkar.“
- Á hvaða aldri eru flestir nemendur?
„Þetta er náttúrlega mikið blandað en það eru margir
stórir konuhópar sem koma til að vera í leikfimi - ég
myndi segja að þeir væru í meirihluta."
- Er ekki dálítið mikið um að unglingar stundi djass?
„Jú, það er mjög mikið um það. Það eru margir 13 ára
upp í 18-19 ára og svo náttúrlega undir því.
- Hvað er það sem þið bjóðið upp á hérna?
„Það er djassinn, djassleikfimi fyrir konur, erobik,
sjálfsvörn og síðan eru það ljósalamparnir.“
- Heldurðu að það sé að færast í vöxt að fólk stundi
djass?
„Þetta fór mjög hægt af stað, ég byrjaði hérna smátt
fyrir mörgum árum bara með örfáa nemendur. Svo þegar
tískubylgjan byrjaði með dansmyndum, þá fylgdi þetta
eftir, - áhuginn vaknaði hjá fólki og ég held að hann
haldist."
- Eru margir strákar í djassi?
„Ég er með tvo stráka núna. Annar er átta ára en hinn
er ellefu ára. - Það eru svona að meðaltali einn til tveir.“
- Er til einhver skýring á þvf?
„Ég veit það ekki ég held að þeir sæki bara aðrar
íþróttir en stelpurnar, þeir eru í fót-, og handbolta, body-
building og ýmsum öðrum íþróttum.“
- Er algengt að stelpurnar byrji ungar að dansa t.d.
um átta ára aldur og haldi áfram „upp úr“?
„Já, það er mjög algengt.“
- Er nokkuð nýtt að gerast í djassinum í dag?
„Þetta er svipað, maður fylgist svona aðallega með
nýjum sporum og svoleiðis."
- Er dýrt að stunda djass?
„Nei, ég held að það sé ekkert dýrara en hvað annað.“
- Er mísmikið um að vera hérna hjá þér eftir þvf hvort
það er sumar eða vetur?
„Þetta er ansi árstfðabundið, það er eins og fólk nenni
ekkert að hreyfa sig yfir sumarið, hvers vegna sem það
er nú. Ég ætla að prófa að hafa opið í sumar og vera þá
bara með svona stutt námskeið 2ja-3ja vikna.“
- Hve margir kennarar eru starfandi við skólann?
„Við erum svona fjögur til fimm, hérna er gestakennari
núna, hann heitir Richard Bradley og verður út þetta
námskeið. Hann kennir bæði unglingunum og konunum,
það er heilmikið fjör og gaman og skemmtileg tilbreyt-
ing.“
- Vel á minnst, hvernig skiptast námskeiðin niður á
veturna?
„Fyrst eru tvö þriggja mánaða námskeið. Þau byrja á
haustin og eru fram að jólum og svo aftur frá apríl og
fram á vorið.“
- Stundum hefur því verið fleygt að leiðin að fegurðar-
samkeppninni hérna í bænum liggi í gegnum djassinn
hjá þér, - er eitthvað til i þessu?
„Eg veit það ekki en t.d. í Reykjavfk mætti segja að
það sé svoleiðís. Mikið af þessum stelpum sem taka þátt
í fegurðarsamkeppninni í Reykjavík eru í tískusýninga-
bransanum - og þær eru allar f djassballett.
Hérna eru ekki nema ein eða tvær úr djassballett sem
taka þátt í þessu.“
- Er þá eitthvert óbeint samband þarna á milli?
„Eg myndi ekki segja það, það var til dæmis alveg
óháður aðili sem valdi stelpurnar héðan úr djassinum."
- Að lokum, ætlar þú að berjast ótrauð áfram í djass-
inum?
„Já, ég er alveg ákveðin í því.“
Ertu búin(n) að redda
þér vinnu í sumar?
íslenskir unglingar eru ekki vanir að sitja aðgerðarlausir yfir sumartímann. Nú er
einmiit sá tími sem margur unglingurinn er að leita sér að sumarvinnu. Sumir hafa
reyndar þegar farið á stúfana, - og oft er farið að hyggja að þessum málum strax eftir
áramót eða jafnvel fyrr.
Einhvern veginn finnst manni eins og að það sé úr færri störfum að velja nú en hér
á árum áður, hvort sem það er nú rétt eða ekki.
Hvert er svo haldið í atvinnuleit? Ja, fyrst fer maður náttúrlega a draumastaðinn þar
sem vel er borgað fyrir rólega (úti)-vinnu, síðan er haldið þangað sem Dúdda frænka
hafði dálítið gott upp í fyrrasumar en að lokum endar maður í vinnunni sem mamma
reddaði í gegnum Sigga frænda eða í sama starfi og síðasta sumar... sú verður oft
raunin.
Förum í frystihúsið
Fyrst urðu á vegi okkar tveir
nemar, þær Kristjana Kristjáns-
dóttir frá Rifi á Snæfellsnesi og
Svava Hrönn Guðjónsdóttir frá
Patreksfirði - báðar á sautjánda
ári.
- Hvað ætlið þið að gera í
sumar stelpur?
„Við förum sennilega bara í
frystihúsið, fáum ekkert annað."
- Er það algengt þar sem þið
búið að krakkar vinni í frystihúsi?
„Já, það er það."
- Getið þið alltaf fengið vinnu
í frystihúsi ef ekki býðst annað?
„Ja, ef það er á annað borð
eitthvað að gera í frystihúsinu þá
fáum við vinnu þar.“
- Hafið þið unnið í fiski
undanfarin sumur?
Svava: „Já, síðastliðin þrjú
sumur."
Kristjana: „Ég hef unnið
undanfarin tvö sumur."
- Er það algengt á ykkar
heimaslóðum að krakkarnir byrji
snemma að vinna í frystihúsi?
„Það byrja flestir um eða eftir
fermingu."
- Haldið þið að það sé oft
með krakka sem eru að leita sér
að sumarstarfi að þeir fái vinnu í
gegnum klíkuskap."
„Ja, náttúrlega ekki heima hjá
okkur því að aðstæðurnar bjóða
ekki upp á það. - Það fá allir
vinnu heima."
- Hvernig er það nú meö
kaupið, er það gott?
„Það er svona ágætt kaup,
bónusinn er lélegur en það fer
eftir honum hversu mikið maður
fær.“
- Og hvað verður svo um
„sumarsjóðinn" þegar upp er
staðið?
„Við notum hann í skólann og
svo förum við náttúrlega á böll af
og til.“
- Að lokum, hvenær ætlið þið
að byrja slaginn?
„Bara um leið og skólinn er
búinn og vinna fram á næsta
skólaár."
Ég verð í
byggingavinnu
Næst varð á vegi okkar nemi
einn, Hjörtur Heiðar Jónsson að
nafni. Hann ku vera átján ára og
frá Kirkjubæjarklaustri. Við
í kennslustund hjá Richard Bradley kennara hjá Helgu Alice.