Dagur - 15.01.1987, Blaðsíða 2
2 - DAGUR - 15. janúar 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari.
„Valdið er mitt!“
Sverrir Hermannsson á að baki einstæðan feril sem
menntamálaráðherra. Á því rúma ári sem hann hef-
ur gegnt þessu embætti hefur hann sýnt hvernig
hægt er að misbeita því valdi sem ráðherra er falið.
Sverrir Hermannsson telur augljóslega að einungis
ein hlið sé á hverju máli og þá jafnan sú hlið sem
hann hefur fyrir augum. Önnur sjónarmið eiga ekki
upp á pallborðið. „ Valdið er rnitt", er hans kjörorð.
Sverrir er gefinn fyrir sviðsljósið. Hann hefur oft-
sinnis gripið til gerræðislegra aðgerða — óvæntra og
kostnaðarsamra - án þess að ráðfæra sig við félaga
sína í Sjálfstæðisflokknum né samráðherra sína í
ríkisstjórninni.
Við skipan í embætti hefur hann oftsinnis gengið
þvert á vilja ráðgefandi aðila í málinu og virt
skoðanir þeirra að vettugi, með áðurnefnt kjörorð
að leiðarljósi.
Sverrir Hermannsson vílaði ekki fyrir sér að segja
framkvæmdastjóra Lánasjóðs íslenskra náms-
manna upp störfum fyrirvaralaust, þegar hann lét
ekki nógu vel að stjórn. Sú uppsögn olli námsmönn-
um ómældum óþægindum og fjárhagsvandræðum,
þar sem afgreiðsla námslána dróst á langinn. Auk
þess þurfti ríkissjóður að borga á aðra milljón króna
í skaðabætur vegna ákvörðunar menntamálaráð-
herra. Frá þessu máli komst hann án teljanlegra
vandræða.
Sverrir Hermannsson hefur sakað Finn Ingólfs-
son um óheilindi í viðræðum fulltrúa stjórnarflokk-
ana við námsmenn. Sverrir kallar það óheilindi er
Finnur vill leita raunhæfra leiða til að semja við
námsmenn og þar með fara aðra leið en Sverrir
sjálfur, sem vill þröngva sínu fram, hvað sem það
kostar.
Nýjasta „afrek" Sverris Hermannssonar er að
víkja fræðslustjóra Norðurlands eystra frá störfum
fyrirvaralaust. Sverrir segir fræðslustjóra sekan um
að hafa sniðgengið fyrirmæli sín og brotið trúnað.
Þessa ákvörðun, eins og margar aðrar, tekur
menntamálaráðherra án þess að ráðfæra sig við
samráðherra sína í ríkisstjórninni. Steingrímur Her-
mannsson forsætisráðherra hefur bent á að ráð-
herrann hafi vald til að gera þetta, en æskilegt hljóti
að teljast að hann ráðfæri sig við samstarfsmenn
sína áður en hann grípi til svo alvarlegra aðgerða.
Það gerði hann ekki.
Það er ljóst að Sverrir Hermannsson tók þessa
ákvörðun upp á eigin spýtur. Það mun væntanlega
koma í ljós á næstu dögum hvort félagar hans í
Sjálfstæðisflokknum styðja þessa ákvörðun. Hitt er
jafnljóst að framsóknarmenn styðja það ekki að
opinberum embættismanni sé vikið úr starfi án
þess að afdráttarlaus rök liggi að baki og sekt hans
sé augljós. Því er ekki til að dreifa í þessu máli.
Hér er á ferðinni enn eitt dæmið um valdníðslu
Sverris Hermannssonar á valdastóli. Líklegt er að
þessum áfellisdómi hans yfir stefnu skólamanna á
Norðurlandi eystra verði áfrýjað. BB.
_viðtal dagsins.
Agnar Sverrisson hefur starfað
með skátahreyfingunni á
Akureyri um tíu ára skeið og
er nú deildarforingi. Hann hef-
ur því góða reynslu af skáta-
starfi og féllst á að ræða við
blaðamann um skátahreyfing-
una og starfsemi hennar.
Skátarnir mynda ártalið með
logandi kyndlum um hver ára-
mót, eins og allir ættu að vita.
Þar liggur talsverð vinna að
baki og við notuðum m.a.
tækifærið til að fræðast um
hvernig það fer fram.
- Ert þú Akureyringur,
Agnar?
„Já, ég er fæddur hérna í bæn-
um árið 1967. Foreldrar mínir
eru Aðalbjörg Sigvaldadóttir og
Sverrir Eðvaldsson."
- Hvernig kynntist þú skáta-
starfinu?
„Ég kynntist því fyrir tæpum
tíu árum, haustið 1977. Vinir
mínir og nágrannar þrýstu á mig
að fara í þetta. Ég fór svo með
þeim á minn fyrsta fund í húsinu
Gunnarshólma. Ég gekk inn í 4.
flokk Skátafélags Akureyrar en
sú sveit heitir Eskimóar. Ég var
með þeim alveg til 15 ára aídurs,
fyrst sem venjulegur áfangaskáti
og síðar sem aðstoðarflokksfor-
ingi. Ég gekk síðan upp úr henni
í dróttskátasveitina Ævintýrið og
starfaði með henni í tvö ár.“
- í hverju er þjálfunin fólgin,
þið takið próf?
„Jú, við tókum próf upp úr
áfangabókinni, sem þá var í
gangi. Aðalstarfið var samt að
taka þátt í útilegum í Fálkafelli
og ferðalögum. Skátar stunda
gönguferðir mikið því þeir vilja
vera í góðri þjálfun. Við lærum
líka skyndihjálp, matreiðslu og
að hnýta mismunandi hnúta. I
Fálkafellsútilegum er mönnum
skipt niður í hópa sem hafa sér-
stök verkefni. Einn hópurinn sér
um eldhúsið, annar um borðsal-
inn, sá þriðji um allt utandyra og
sá fjórði hafði umsjón með svefn-
loftinu.“
- Er skátunum ekki innrætt að
forðast hættur og tefla ekki í tví-
sýnu í útilegum og ferðalögum?
„Jú, það er mjög mikilvægt fyr-
ir hópana að temja sér varúð.
Við fylgjumst með veðri og hlust-
um mikið á veðurfréttir. Pað er
reynt að gæta fyllsta öryggis.“
- Þegar þú laukst áfanga-
skátastigunum varðst þú drótt-
skáti. Hvað þýðir það?
„Við fimmtán ára aldurinn
ganga menn upp í dróttskáta-
stigið. Þá skiptir alveg yfir og nýtt
starf tekur við. í yngra starfinu er
það að sjálfsögðu sveitarforingi
sem stjórnar sveitinni og þegar
kemur yfir í dróttskátastarf þá er
sveitarforinginn bara til að fylgj-
ast með. Við unnum í nefndum
innan sveitarinnar þar sem við
tókum ákvarðanir um ferðir og
önnur atriði og skipulögðum
starfið. Við reyndum síðan að
fara eftir þeirri dagskrá sem hafði
verið ákveðin. Á þessu stigi er
farið út í tjaldútilegur og snjó-
húsaútilegur á vetrum.“
-- Hversu lengi starfaðir þú
sem dróttskáti?
„Ég starfaði eitt ár í Ævintýr-
inu og gerðist síðan sveitarforingi
í fjórðu sveit. Þannig starfaði ég í
eitt ár í viðbót. Núna er ég deild-
arforingi, ég varð það síðasta
haust, en í millitíðinni var ég
skálavörður í Fálkafelli.“
- í hverju felst að vera deild-
arforingi?
„í raun og veru skiptist Skáta-
bandalag Akureyrar í fjórar
deildir og einn eða tveir deildar-
foringjar eru í hverri deild. Við
erum sex núna sem störfum sem
deildarforingjar. Svo skiptast
deildirnar niður í tvær drótt-
skátasveitir, tvær áfangaskáta-
sveitir og tvær sveitir yngri skáta.
Starf deildarforingja er að sjá um
daglegan rekstur deildarinnar og
Agnar Sverrisson, deildarforingi.
fylgjast með því að allt fari rétt
og vel fram. Auk þess erum við
eins konar hægri hönd sveitarfor-
ingjanna.“
- Hverjir eru æðstu foringjar
skáta á Akureyri?
„Það eru félagsforingjarnir,
þau Tryggvi Marinósson og Þor-
björg Ingvadóttir. Ingimar I.
Eydal er síðan framkvæmdastjóri
Skátabandalags Akureyrar. Állt
skátastarf á Akureyri fellur undir
Skátabandalag Akureyrar. En
núna eru fyrirhugaðar ákveðnar
breytingar á þessu, því við leggj-
um niður Skátafélag Akureyrar,
Valkyrjuna og Skátabandalag
Akureyrar og stofnum nýtt félag
en nafn þess er ekki komið á
hreint ennþá.“
- Hvernig kemur Hjálparsveit
skáta inn í Skátabandalag Akur-
eyrar?
„Hjálparsveitin kemur í raun
og veru frekar lítið þar við sögu.
Flestir í hjálparsveitinni eru skát-
ar sem hafa starfað í Skátabanda-
lagi Akureyrar eða Valkyrjunni
og hafa valið að starfa með hjálp-
arsveitinni eftir að dróttskáta-
starfinu lauk. Þá verður fólk að
velja milli hjálparsveitarinnar
eða foringjastarfa innan skátafé-
laganna. Það eru auðvitað þó
nokkur tengsl þarna á milli. Ef
hjálparsveitina skorti t.d. mann-
afla til einhvers verkefnis gæti
hún leitað til skátafélaganna, þ.e.
eldri skáta.“
- Hvernig stóð á því að þú
valdir á sínum tíma að fara for-
ingjaleiðina?
„Það kom að því að maður
þurfti að velja á milli en mig lang-
aði meira til að starfa með yngri
krökkunum og miðla þeim af
minni reynslu. Þetta hefur verið
mjög gaman auk þess sem maður
gerir hjálparsveitinni gagn því
eitthvað af þessum krökkum sem
eru áfangaskátar núna eiga sjálf-
sagt eftir að starfa með henni
síðar.“
- Hvers vegna reyndist nauð-
synlegt að stofna nýtt félag fyrir
skáta hér á Akureyri?
„Við erum að taka upp nýtt
skátastarf og munum starfa eftir
alveg nýju kerfi. í stjórninni
munu sitja félagsforingjar og
jafnvel deildarforingjar. Síðan
Mynd: EHB.
verður starfinu skipt í fjórar deild-
ir sem síðan skiptast niður í sveitir
o.s.frv. Við störfum eftir svo-
kölluðum starfsverkefnum.
Hvert slíkt verkefni er þrír liðir:
Undirbúningur, framkvæmd og
endurskoðun. í þessu taka allir
skátarnir í flokknum þátt. Að
hafa eitt félag verður til þæginda
fyrir okkur og við komumst af
með færri stjórnarfundi.“
- Er alltaf mikil aðsókn að
skátastarfinu?
„Mér finnst hún aldrei vera
nægileg og okkur bráðvantar t.d.
núna tíu ára gamla krakka og allt
upp í tólf ára. Ég vil hvetja alla
krakka á þessum aldri sem hafa
áhuga til að hafa samband við
skrifstofuna í Hvammi.“
- Hafa fyrrverandi skátar ekki
sterkar tilfinningar til skátahreyf-
ingarinnar?
„Jú, ég held að það sé satt sem
sagt er: Einu sinni skáti, alltaf
skáti. Við höldum skátaheitið í
heiðri og reynum að starfa eftir
því.“
- Nú sjáið þið um „áramótaár-
talið“.
„Já, það er rétt.„Áramótaártal“'
hefur verið kveikt síðan um 1960
en þá var það Guðvarður Jóns-
son málarameistari sem kom með
þennan sið frá Siglufirði. Hann
gerði þetta með sinni fjölskyldu
og á sinn eigin kostnað fyrstu
árin. Fyrir tuttugu árum tóku
skátarnir við þessu á 50 ára
afmæli skáta á Akureyri. Við
höfum verið með ártalið síðan.
Dróttskátasveitin Ævintýrið hef-
ur haft þetta með höndum.
Við notum 75 kg af tjöruhampi
í þetta á hverju ári. Við rúllum
ræmum af hampi saman þar til
stærðin er á við matardisk. Þá
setjum við þetta í bréfpoka. Á
gamlársdag förum við með pok-
ana upp í Vaðlaheiði og röðum
þeim upp. Við þurfum að hella
olíu í pokana svo betur kvikni í
þeim, en þeir eru um 270 talsins.
Rétt fyrir tólf kveikjum við í
ártalinu. Þetta er talsverð vinna,
við erum 10 til 12 í þessu. Það er
stórkostleg sjón að horfa yfir
bæinn af heiðinni og fyrir mig er
þetta toppurinn á áramótunum.
Síðustu áramót voru þau fimmtu
í röðinni sem ég tek þátt í þessu.“
EHB
Einu sinni skáti
- alltaf skáti
- Agnar Sverrisson deildarforingi
í viðtaii dagsins