Dagur - 19.06.1987, Blaðsíða 6

6 - DAGUR - 19. júní 1987
Menntaskólinn á Akureyri:
113 stúdentar
útskrifaðir
113 stúdentar voru útskrifaðir
frá Menntaskólanum á Akur-
eyri á 17. júní. Fór athöfnin
fram í Iþróttahöllinni og var
hin hátíðlegasta i alla staði.
Hófst hún með því að fluttur
var konsert fyrir altsaxófón og
voru það tveir nemendur skól-
ans sem fluttu verkið. Það
voru þau Oskar Einarsson sem
lék á saxófón og Aðalheiður
Þorsteinsdóttir sem spilaði á
píanó.
Jóhann Sigurjónsson, skóla-
meistari flutti ræðu og sagði m.a.
að síðastliðið haust hafi 530
nemendur hafið nám í dagskóla
og um 100 nemendur í öldunga-
deild. „Afföll á haustannarpróf-
um í janúar voru þau minnstu í
mörg ár, en 11 nemendur hurfu
frá námi í verkfalli kennara í
mars. Það er sorglegt til þess að
vita að brestir skuli komnir í fjör-
egg þjóðarinnar vegna skilnings-
leysis ráðamanna. Friður verður
að ríkja í skólunum og þó svo að
viss geðshræring og spenna verði
alla tíð að vera í skólastarfinu, er
Frá skólaslitum MA í íþróttahöllinni. Þar var margt um manninn eins og sjá má.
Sólveig Ása Árnadóttir varð dúx MA að þessu sinni. Hún hlaut aðal-
einkunnina 9,10.
sú neikvæða spenna sem fylgir
verkföllum til þess eins að fylla
nemendur kvíða og vonleysi,
uppgjöf.“
Jóhann sagði aðsókn að
skólanum vera mjög mikla og á
þessu vori þyrfti að neita tugum
nemenda um skólavist og heima-
vist næsta vetur. „Þessu veldur að
sjálfsögðu húsnæðisskortur og þó
svo að nú horfi bjartar með við-
byggingar við heimavist og aukið
kennslurými en gert hefur í mörg
ár, mun enn líða langur tími þar
til hið nýja húsnæði sesn er í
undirbúningi, verður tekið í
notkun. En við höfum alla tíð
búið þröngt og hefur það frekar
þjappað okkur saman en hitt.“
Nú í vor lætur Gísli Jónsson,
kennari af störfum við skólann.
Gísli hóf kennslu við MA árið
1951. Gísli sat lengi í bæjarstjórn
Akureyrar og á Alþingi íslend-
inga, í stjórnum ýmissa stofnana,
hefur ritað mikið um íslenskt mál
og kvennasögu og þannig mætti
lengi telja. En fyrst og fremst var
Gísli kennari við MA. Var Gísli
sæmdur æðsta heiðursmerki
skólans, gulluglunni.
Þakkaði Gísli fyrir sig og sagð-
ist að mestu hafa verið við MA
frá 16 ára aldri og það hafi í einu
orði sagt verið gaman. „Megi
skólinn okkar lifa, blómgast og
dafna,“ sagði Gísli.
Það er hefð við skólann að
jubilantar flytji ávörp við skóla-
slit og svo var einnig að þessu
sinni. Fyrir hönd 50 ára stúdenta
flutti Andrés Björnsson ávarp,
Aðalgeir Kristjánsson fyrir hönd
40 ára stúdenta, séra Þórhallur
Höskuldsson fyrir hönd 25 ára
stúdenta og Einar Birgir Stefáns-
son fyrir hönd 10 ára stúdenta.
Færðu þeir allir skólanum gjafir
fyrir hönd sinna árganga.
Að ávörpum jubilanta loknum
brautskráði Jóhann 113 stúdenta
og ávarpaði þá síðan. Sagði hann
m.a. „í dag er að ykkur komið að
leggja brot af ykkur sjálfum í
handraða minninganna. Fyrir
ykkur er þessi stund skilnaðar-
stund, en samt eruð þið glöð. En
gleðin er aðeins frelsissöngur,
hún er ekki frelsi og gætið ykkur
á, að fara vandlega með það
frelsi sem þið nú öðlist sem full-
tíða fólk. Munið að frelsi ein-
staklingsins nær ekki lengra en að
nefbroddi náungans.“ Athöfn-
inni lauk með því að skólameist-
ari sagði Menntaskólann á Akur-
eyri slitið í 107. sinn. HJS